Eˇpeˇsu 4:32 - Akha

³² Ka li laꞈ kʼoeˇ Miˬyehˇ naw maꞈ-ahˇ iˬ baˇ pyehˬ nehˬ laꞈ-euˬ loꞈ-ehˇ, naw maꞈ kʼawꞈ nui nahˬ nui yu ahˇ-eu laꞈ kʼoeˇ tiˬ gʼaˬ tiˇ gʼaˬ gʼawˬ shaˬ gaˬ-awˇ iˬ baˇ pyehˬ-awˬ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³² Kali-euq lafkhoer, Miqyaer, nawmaf-anr iqbax pyaeqnaeq-euq lof-aer, nawmaf khawf tiqghaq tirghaq iqbax pyaeq-awr, nuima nanqyuni ghae-eu lafkhoer, tiqghaq tirghaq ghawqshaq gaq-awq.

Eˇpeˇsu 4:32 ပူးပေါင်းရင်းမြစ်များ

2 Saˬmeuˬlaˆ 7:21

Nawˬ-euˬ saˇ jaˇ baˬ da neh maˬ ehˇ, nawˇ nui ma keuˆ-eu baˬ da neh maˬ ehˇ, huiˬ-eu gaˇ heu deuˬ nawˇ mˇ-awˇ, ngaˬ-ahˇ mehˬ nehˬ tsoˆ nehˬ laꞈ-euˬ meh.

Jaceuq 112:9

Shaˬ-eu tsawˇ haˬ-ahˇ aˬ yawꞈ yaw muiˬ-ehˇ gamꞈ nehˬ-awˇ, gʼawˬ shaˬ gaˬ-eu nui ma maˬ byoˆ-iˇ-a. Aˬ yawꞈ baoˬ jaˆ-awˇ, aˬ cawˬ yaw zeu baw tehꞈ-a.

Jaceuq 145:9

Aˬ yawꞈ-aˬ, yawˬ gʼaˬ na luꞈ kʼoeˇ taˆ muiˬ-awˇ, aˬ yawꞈ neh kʼaˇ beh taˬ-euˬ jeˬ dawˬ tawˆ luꞈ kʼoeˇ taˆ, gʼawˬ shaˬ gaˬ-eu nui ma jaˆ-eu meh.

Dawqdaq 12:10

Yaw tsaˬ yaw dawˇ tsawˇ haˬ-aˬ, yawˬ ha-euˬ jeˬ zaˬ-ahˇ ngeh gʼeh-awˇ, haiˬ-eu tsawˇ haˬ-aˬ, yawˬ ha-euˬ jeˬ zaˬ-ahˇ kʼehˬ-eu meh.

Dawqdaq 19:11

Nui ma-ahˇ noeˬ-eu tsawˇ haˬ nui pehˇ laꞈ nyiˇ maˬ bi mawˇ-ehˇ, iˬ dehˬ iˬ ceh oˇ dzeuˇ-eu jeˬ, aˬ yawꞈ-euˬ kʼahˬ sehˇ meh.

Dawqdaq 19:22

Tsawˇ haˬ zaˬ saˇ jaˇ ziꞈ gaˇ nui kʼahˇ jaˆ-awˇ, jaˬ myawꞈ zaˬ iˇ shaˬ maˬ tawˬ-a.

Iˇsaˬyaˇ 57:1

Tsawˇ muiˬ deuˬ shiˇ-euˬ gaˇ, noeˬ keuˆ-eu tsawˇ haˬ maˬ jawˇ-a. Ehˇ kʼawꞈ, aˬ yawꞈ maꞈ shiˇ ngeh jawˇ, guˆ-eu gaˆ-eu jeˬ maˬ laˆ tsoeˬ nya-a.

Yeˬlaˬmiˇ 38:12

Ngaˬ-ahˇ aˇ caˆ neh gʼeu doˆ ngeh maˬ bi naˇ laˇ-eu gʼaˇ duˬ, mehˬ tsoeˬ paˇ cehˇ kʼoeˇ laꞈ gʼoꞈ laꞈ tah-ahˇ dehˬ tehˬ-awˬ lehˇ aˬ yawꞈ ehˇ-eu miˇ neh, aˬ yawꞈ ehˇ-eu loꞈ-ehˇ jahˇ-euˬ ma.

Maꞈtehˬ 6:12

Aˬ cawˬ mˇ bahˬ laꞈ-euˬ jeˬ-ahˇ, nga maꞈ iˬ baˇ pyehˬ-euˬ loꞈ-ehˇ, nga maꞈ mˇ bahˬ taˬ-euˬ jeˬ-ahˇ, nawˇ iˬ baˇ pyehˬ nehˬ laꞈ.

Maˬkuˆ 11:25

Naw maꞈ gawˬ yawꞈ yawꞈ-awˇ guiˬ lahˬ kʼaˇ shaˇ ngeh, tsawˇ haˬ tiˬ gʼa na-ahˇ iˬ baˇ taˬ luꞈ-eu jeˬ jaˆ naˇ, iˬ baˇ pyehˬ nehˬ-awˬ. Kʼoeˇ loꞈ-ehˇ jahˇ naˇ, mˬ kʼoeˇ taˆ jawˇ-eu naw maꞈ-euˬ Aˬda kʼawꞈ, naw maꞈ neh mˇ bahˬ laˆ bahˬ-euˬ jeˬ-ahˇ iˬ baˇ pyehˬ nehˬ laꞈ tehꞈ-a.”

Luˇkaꞈ 1:78

Aˬ dui Miˬyehˇ nui nahˬ ahˇ-awˇ, gʼawˬ shaˬ gaˬ nya dui dui-eu meh. Ka kʼoꞈ-eu jeˬ aˬ dui kʼoeˇ taˆ, uˬ bya bya shawˇ laˇ-eu loꞈ-ehˇ,

Luˇkaꞈ 11:4

Nga maꞈ-ahˇ kʼaˇ mˇ bahˬ laꞈ-euˬ deuˬ-ahˇ, nga maꞈ iˬ baˇ pyehˬ nehˬ-euˬ miˇ neh, nawˇ nga maꞈ-ahˇ iˬ baˇ pyehˬ nehˬ laꞈ. Iˬ baˇ muˇ juˇ juˇ-eu mehˬ nah, nga maꞈ-ahˇ taˬ bi iˇ laꞈ.”’

Luˇkaꞈ 17:4

Tiˬ nah laꞈ kʼoeˇ tehꞈ-ehˇ shiꞈ poˆ keuˆ ni aˬ yawꞈ nawˬ-ahˇ mˇ lehˬ-awˇ, shiꞈ poˆ luꞈ nawˇ jawˇ gaˇ laˇ-awˇ, ‘Ngaˇ iˬ baˇ noeˬ poˆ-euˬ ma’ lehˇ ehˇ laˇ naˇ, shiꞈ poˆ luꞈ nawˇ iˬ baˇ ya pyehˬ nehˬ meh.”

Luˇkaꞈ 6:35

Ehˇ kʼawꞈ, naw maꞈ-ahˇ muiˇ-eu deuˬ-ahˇ gaˬ-awˬ. Yaw muiˬ jeˬ mˇ-awˬ. Biꞈ kʼoꞈ nehˬ laꞈ gaˇ maˬ noeˬ tmˬ ni ngaˬ nehˬ paˇ nehˬ-awˬ. Kʼoeˇ loꞈ-ehˇ jahˇ naˇ, naw maꞈ gʼaˇ duˬ laꞈ sawˬ huiˬ dui dui-awˇ, Huiˬ dui Mahˇ dui dui-eu Gʼaˬ-euˬ zaˬ naw maꞈ pyeuꞈ laˇ tehꞈ-a. Aˬ jeˬ miˇ neh ehˇ naˇ, guiˬ lahˬ-ahˇ maˬ noeˬ mawˇ nya-eu tsawˇ haˬ hawˇ-eu haiˬ-eu tsawˇ haˬ deuˬ-ahˇ, aˬ yawꞈ gʼawˬ shaˬ gaˬ-eu meh.

Luˇkaꞈ 6:37

“Aˬ cawˬ-ahˇ yaw lehˬ taˬ poˆ. Naw maꞈ aˬ cawˬ-ahˇ yaw lehˬ maˬ poˆ naˇ, Miˬyehˇ naw maꞈ-ahˇ yaw lehˬ maˬ poˆ-aˇ. Aˬ cawˬ-ahˇ yaˇ kʼaˬ taˬ daˇ. Naw maꞈ aˬ cawˬ-ahˇ yaˇ kʼaˬ maˬ daˇ naˇ, Miˬyehˇ naw maꞈ-ahˇ yaˇ kʼaˬ maˬ daˇ-aˇ. Aˬ cawˬ-ahˇ iˬ baˇ pyehˬ nehˬ-awˬ. Naw maꞈ aˬ cawˬ-ahˇ iˬ baˇ pyehˬ nehˬ naˇ, Miˬyehˇ naw maꞈ-ahˇ iˬ baˇ pyehˬ nehˬ laꞈ tehꞈ-a.

Gʼaˬkʼehˇ 28:2

Iˇ jaw lahˇ kʼoeˇ lahˇ-ahˇ jawˇ-eu tsawˇ haˬ deuˬ nga maꞈ-ahˇ gʼawˬ shaˬ gaˬ dui dui-eu meh. Uˬ yehˇ ga doˆ le-awˇ, yaw tsehꞈ tsehꞈ-eu miˇ neh, aˬ yawꞈ maꞈ miˬ dzaˬ baw doꞈ-awˇ nga maꞈ-ahˇ ha nehˬ laꞈ-euˬ meh.

Lormav 12:10

Ka li laꞈ kʼoeˇ aˬ yuiꞈ aˬ nyiˇ loꞈ-ehˇ tiˬ gʼaˬ tiˇ gʼaˬ gaˬ-awˇ, tiˬ gʼaˬ tiˇ gʼaˬ yaw zeu baw-eu nui ma ahˇ-awˬ.

1 Gawˇliˬtu 13:4

Gʼoeˇ-eu gaˬ-eu jeˬ-aˬ, nui ma gʼawˬ mahˇ ni taˬ-awˇ, aˬ cawˬ-ahˇ gʼawˬ shaˬ gaˬ nya-eu meh. Myaˆ maˬ naˆ-a. Maˬ jahˇ gʼeh-a. Huiˬ mawꞈ mahˇ mawꞈ-eu nui ma maˬ ahˇ-a.

2 Gawˇliˬtu 2:10

Tsawˇ haˬ tiˬ gʼaˬ na mˇ lehˬ-euˬ gaˇ naw maꞈ iˬ baˇ pyehˬ nehˬ naˇ, ngaˇ kʼawꞈ tsawˇ haˬ kʼoeˇ gʼaˬ-ahˇ iˬ baˇ pyehˬ-eu ma. Ngaˇ tiˬ jeˬ paˬ gʼaˇ duˬ iˬ baˇ pyehˬ naˇ, ngaˬ neh iˬ baˇ pyehˬ-euˬ kʼoeˇ-aˬ, naw maꞈ gʼaˇ duˬ Ka li-euˬ mehˬ shi iˬ baˇ pyehˬ-eu jeˬ pyeuꞈ-eu ma.

2 Gawˇliˬtu 2:7

Ehˇ kʼawꞈ, aˬ yawꞈ aˇ dzehˬ dzeuˇ ni noeˬ shaˬ-awˇ maˬ ya cawˆ-iˇ ni, nymˬ-mˇ naw maꞈ aˬ yawꞈ-ahˇ iˬ baˇ pyehˬ nehˬ-awˇ gʼaˬ biꞈ nehˬ-eu tsaˬ tehꞈ-a.

2 Gawˇliˬtu 6:6

Nga maꞈ-euˬ muiˬ-eu shawˇ-eu nui ma, zaˬ siˬ nui gahˇ, oˇ oꞈ coeˇ-eu jeˬ hawˇ-eu, gʼawˬ shaˬ gaˬ nya-eu nui ma-ahˇ gʼoe gʼoe-ehˇ, nga maꞈ Miˬyehˇ-euˬ zaˬ kʼaˆ pyeuꞈ-eu gaˇ kawˆ aˬ cawˬ-ahˇ bi mawˇ leˇ-euˬ ma. Muiˬ-eu Shawˇ-eu Yaw sahˇ miˬyehˇ-ahˇ gʼoe-eu laꞈ kʼoeˇ maˬ ehˇ,

Eˇpeˇsu 5:1

Naw maꞈ-aˬ, Miˬyehˇ gaˬ dui dui-eu zaˬ deuˬ pyeuꞈ-eu loꞈ-ehˇ, aˬ yawꞈ-ahˇ duˇ laˇ ni leh jeh-awˬ.

Yaˬkoˆ 5:11

Aˬ yawꞈ maꞈ daˬ dzeuˇ oˇ dzeuˇ nya-euˬ miˇ neh guiˬ lahˬ huiˬ-eu tsawˇ haˬ lehˇ aˬ dui kuˇ-eu ma. Yawˇbaˆ aˬ joˆ-ehˇ oˇ-euˬ gaˇ kawˆ hawˇ-eu, aˇ saˬ saˬ ngeh Sahˬpaˬ Miˬyehˇ aˬ yawꞈ-ahˇ guiˬ lahˬ aˬ joˆ-ehˇ biꞈ nehˬ-euˬ gaˇ kawˆ naw maꞈ siˬ nya meh. Aˬ jeˬ miˇ neh ehˇ naˇ, Sahˬpaˬ Miˬyehˇ-aˬ, gʼawˬ shaˬ gaˬ-eu jeˬ tiˬ byah ni ahˇ-eu meh.

2 Beˬtuˆluˆ 1:7

Miˬyehˇ-ahˇ yaw zeu baw-eu jeˬ kʼoe taˆ Ka li zaˬ cawˬ cawˬ gaˬ-eu jeˬ bi lahˬ laˇ-awˬ. Ka li za cawˬ cawˬ gaˬ-euˬ jeˬ kʼoeˇ taˆ gʼoeˇ-eu gaˬ-eu jeˬ bi lahˬ laˇ-awˬ.

1 Yoˇhaˬ 1:9

Ehˇ kʼawꞈ, aˬ dui iˬ baˇ ahˇ-eu ngeuˇ ma lehˇ Miˬyehˇ-ahˇ ja doˆ nehˬ naˇ, aˬ yawꞈ neh saˇ jaˇ dzaˬ taˬ-euˬ dawˬ-ahˇ ziꞈ-awˇ yaw tsaˬ yaw dawˇ dawˇ-ehˇ mˇ-eu laꞈ kʼoeˇ, aˬ dui-ahˇ iˬ baˇ pyehˬ nehˬ laꞈ-awˇ, mˇ lehˬ mˇ ca taˬ-euˬ dawˬ tawˆ luꞈ-ahˇ tsiˬ shawˇ dzeh nehˬ laꞈ tehꞈ-a.

1 Yoˇhaˬ 2:12

Ngaˇ gaˬ dui dui-eu zaˬ deuˬ-oˇ, Yeˬsuˇ Ka li baˬ da neh naw maꞈ-ahˇ iˬ baˇ pyehˬ nehˬ gʼaˬ-euˬ miˇ neh, ngaˇ naw maꞈ-ahˇ sahˬ boꞈ boꞈ ahˇ laꞈ-eu ma.

Luˇta 2:20

Nawˇmi ehˇ-eu, “Shiˇ dzeuˇ-euˬ tsawˇ haˬ-ahˇ maˬ ehˇ, dehꞈ luꞈ-eu tsawˇ haˬ-ahˇ maˬ ehˇ, aˬ myah luꞈ saˇ jaˇ ziꞈ-eu Sahˬpaˬ Miˬyehˇ, aˬ yawꞈ-ahˇ guiˬ lahˬ biꞈ luꞈ-uˇ.” Nawˇmi paˇ ehˇ-eu, “Tsawˇ haˬ kʼoeˇ gʼaˬ-aˬ, aˬ dui pehˬ-ahˇ haw piˇ paˬ-ehˇ tsaˬ-eu aˬ dui pehˬ-euˬ aˬ yuiꞈ aˬ nyiˇ meh.”