Eˇpeˇsu 4:30 - Akha

³⁰ Miˬyehˇ-euˬ Muiˬ-eu Shawˇ-eu Yaw sahˇ-ahˇ bi noeˬ shaˬ-eu jeˬ taˬ mˇ. Aˬ jeˬ miˇ neh ehˇ naˇ, ka kʼoꞈ-eu aˇ nah keuˆ le ngeh naw maꞈ Miˬyehˇ-euˬ tsawˇ haˬ pyeuꞈ-eu duˬ laˇ ni, Yaw sahˇ Miˬyehˇ laꞈ kʼoeˇ naw maꞈ-ahˇ juˬ diˬ taˬ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³⁰ Miqyaer-euq Yawshawr Saflar nuima cawv paq-aer taqmr. Miqyaer, Yawshawr Saflar-anr ghoe-awr nawmaf-anr kakhof naeqlaf-eu arnan-euq gharduq, jmq diqtaq-euq mae.

Eˇpeˇsu 4:30 ပူးပေါင်းရင်းမြစ်များ

Aˇ dahˬ 6:3

Kʼoeˇ ngeh, Sahˬpaˬ Miˬyehˇ heu loꞈ-ehˇ ehˇ-eu meh. “Tsawˇ haˬ zaˬ-ahˇ aˇ kʼoꞈ gʼawˬ myahˇ ni maˬ paˇ bi dehꞈ ma. Aˬ yawꞈ maꞈ-aˬ, gʼawˬ myahˇ ni maˬ gmˬ-eu shiˬ shaˬ jiˇ gʼawˇ mawˇ pyeuꞈ-eu meh. Aˬ kaˇ naˇ, aˬ yawꞈ maꞈ-ahˇ tiˬ yaˇ nyiˬ tseˇ kʼoꞈ taꞈ-ehˇ maˬ paˇ bi dehꞈ dzehˬ ma.”

Aˇ dahˬ 6:6

Kʼoeˇ ngeh, Miˇ tsaˬ kʼoeˇ taˆ tsawˇ haˬ zaˬ-ahˇ maˬ beh taˬ law nmˇ-aˬ, gʼaˬ law hawˇ miˇ-a lehˇ, aˬ yawˇ yawꞈ noeˬ poˆ leˇ dui dui-euˬ meh.

Jaceuq 78:40

Kʼaˇ shuiꞈ deh ga laꞈ kʼoeˇ aˬ yawꞈ maꞈ aˬ yawꞈ-ahˇ aˇ myaˆ poˆ puiˬ-euˬ nga. Aˬ yawꞈ-ahˇ aˇ myaˆ poˆ bi noeˬ shaˬ-euˬ nga.

Jaceuq 95:10

Oeˬ tseˇ kʼoꞈ byah ni kʼoeˇ ziˇ-euˬ tsawˇ haˬ kʼoeˇ deuˬ-ahˇ, ngaˇ nui daˆ daˆ-euˬ ma. Aˬ yawꞈ maꞈ aˇ naˆ ni saˇ jaˇ maˬ ziꞈ-eu tsawˇ haˬ nga. Ngaˬ-euˬ zahˇ dawˬ kʼoꞈ dawˬ-ahˇ aˬ yawꞈ maꞈ maˬ naˇ haˬ geuꞈ-a lehˇ ngaˇ ehˇ-euˬ ma.

Iˇsaˬyaˇ 43:24

Naw maꞈ ngaˬ-euˬ gʼaˇ duˬ tsiˇ yaw saw maˬ zeuˇ-a. Jeˬ zaˬ-euˬ tsiˇ naw maꞈ yuˇ-awˇ, ngaˇ nui kʼahˇ shiˇ ni damˬ nehˬ laꞈ-euˬ maˬ jaˆ-a. Ehˇ kʼawꞈ, naw maꞈ neh mˇ-euˬ iˬ baˇ baˬ da neh, ngaˇ noeˬ shaˬ ni naw maꞈ jahˇ-awˇ, naw maꞈ neh mˇ-euˬ yaw lehˬ yaw ca jeˬ, ngaˬ-ahˇ shaˬ zahˬ laˆ naꞈ-euˬ meh.

Iˇsaˬyaˇ 63:10

Ehˇ kʼawꞈ, aˬ yawꞈ maꞈ aˬ yawꞈ-ahˇ puiˬ-awˇ, aˬ yawꞈ-euˬ muiˬ-eu shawˇ-eu yaw sahˇ-ahˇ, nui ma shaˬ zahˬ bi mˇ-euˬ meh. Kʼoeˇ baˬ da neh aˬ yawꞈ maꞈ-ahˇ, Sahˬpaˬ Miˬyehˇ muiˇ-awˇ guiˇ deuˆ-euˬ meh.

Iˇsaˬyaˇ 7:13

Iˇsaˬyaˇ ehˇ-eu, “Sahˬ paˬ Daˬbiˇ-euˬ shiˬ shaˬ pyeuꞈ-eu gʼaˬ-oˇ, naˇ haˬ-awˬ. Tsawˇ haˬ zaˬ maˬ oˇ coeˇ laˇ ni jahˇ-euˬ tehꞈ-ehˇ maˬ juˬ ni, Miˬyehˇ maˬ oˇ coeˇ-ehˇ pyeuꞈ laˇ ni paˇ jahˇ-eu gʼeh te loˇ.

Yeˬsaˬgeˬlaˇ 16:43

Nawˇ zaˬ guˬ pyeuꞈ ngeh ngaˬ neh nawˬ-ahˇ mˇ nehˬ-euˬ jeˬ nawˇ ngehˇ jiˇ-awˇ, nawˬ neh kʼaˇ mˇ-euˬ yawˬ jeˬ na luꞈ ngaˬ-ahˇ nui ma laˆ pehˇ nehˬ laꞈ-euˬ meh. Kʼoeˇ miˇ neh, kʼoeˇ deuˬ dawˬ tawˆ luꞈ aˇ poeˬ nawˬ-ahˇ ngaˇ paˇ jahˇ kʼoꞈ-euˬ ma. Kʼaˇ jawꞈ kʼaˇ doeˇ-eu jeˬ mˇ-euˬ uˬ taꞈ-ehˇ, aˬ jeˬ miˇ neh ciˇ piˇ piˇ te” lehˇ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ ehˇ-eu meh.

Hawˇseˬ 13:14

Shiˇ-eu jeˬ-euˬ miˇ kʼahˬ laꞈ kʼoeˇ, aˬ yawꞈ maꞈ-ahˇ ngaˇ maˬ ka kʼoꞈ. Shiˇ-eu baoˬ-euˬ uˬ moˆ shaˬ gaˇ, aˬ yawꞈ maꞈ-ahˇ ngaˇ maˬ ka kʼoꞈ, Shiˇ-eu jeˬ-oˇ nawˬ-euˬ shaˆ shiˇ, yawꞈ maꞈ kʼoeˇ taˆ bi keuˆ le-awˬ. Shiˇ-eu miˇ kʼahˬ-euˬ yaw cawˆ jeˬ, aˬ yawꞈ maꞈ-ahˇ tahˬ daˆ nehˬ-awˬ. Tsawˇ haˬ heu deuˬ-euˬ kʼoeˇ taˆ ngaˇ, gʼawˬ shaˬ gaˬ-eu maˬ paˇ ahˇ ma.

Maˬkuˆ 3:5

Tsawˇ haˬ kʼoeˇ deuˬ-ahˇ Yeˬsuˇ haw-awˇ nui ma pehˇ-eu meh. Ehˇ kʼawꞈ, aˬ yawꞈ maꞈ nui ma gʼahˇ-awˇ lehˬ dui dui gaˇ aˬ yawꞈ gʼawˬ shaˬ gaˬ-euˬ meh. Kʼoeˇ naˇ, tsawˇ haˬ kʼoeˇ gʼaˬ-ahˇ “Aˬ laꞈ cawˬ ja-awˬ” lehˇ Yeˬsuˇ ehˇ nehˬ-awˇ, aˬ yawꞈ aˬ laꞈ caw ja ngeh, laꞈ shiˇ shiˇ-eu taˬ leˇ-euˬ meh.

Luˇkaꞈ 21:28

Heu loꞈ-ehˇ gʼeh-eu deuˬ pyeuꞈ dahˬ beh laˇ ngeh, uˬ duˬ baꞈ diˇ-awˇ haw-awˬ. Aˬ jeˬ miˇ neh ehˇ naˇ, naw maꞈ-ahˇ ka kʼoꞈ le-eu aˇ yamˬ peh laˇ-euˬ meh.”

Yoˇhaˬ 3:33

Aˬ yawꞈ ehˇ gaˇ kʼaˇ jah-eu tsawˇ haˬ-aˬ, Miˬyehˇ-euˬ dawˬ tsaˬ meh lehˇ jah gaˇ duˇ-eu meh.

Gʼaˬkʼehˇ 7:51

Naw maꞈ nui ma aˇ naˆ naˆ-ehˇ gʼahˇ te. Naˬ bawˇ aˇ naˆ naˆ-ehˇ tuˇ te. Miˬyehˇ-ahˇ maˬ siˬ nya-eu tsawˇ haˬ deuˬ loꞈ-ehˇ aˇ naˆ naˆ-ehˇ dzawˬ te. Naw maꞈ-aˬ, naw maꞈ-euˬ aˬ poeˬ aˬ bawˇ deuˬ-ahˇ duˇ-awˇ, Muiˬ-eu shawˇ-eu Yaw sahˇ Miˬyehˇ-euˬ dawˬ-ahˇ tiˬ jawˇ-iˬ maˬ naˇ haˬ geuꞈ-a.

Lormav 8:11

Yeˬsuˇ-ahˇ shiˇ-euˬ gaˇ bi gʼoꞈ dehꞈ laˇ-euˬ Miˬyehˇ-euˬ Yaw sahˇ kʼoeˇ naw maꞈ-euˬ laꞈ kʼoeˇ jawˇ naˇ, Ka li-ahˇ shiˇ-euˬ gaˇ bi gʼoꞈ dehꞈ laˇ-euˬ kʼoeˇ gʼaˬ naw maꞈ-euˬ laꞈ kʼoeˇjawˇ-eu aˬ yawꞈ-euˬ Yaw sahˇ Miˬyehˇ-ahˇ gʼoe-awˇ, shiˇ nya-eu naw maꞈ-euˬ gʼawˇ mawˇ-ahˇ dehꞈ-eu jeˬ biꞈ nehˬ laꞈ tehꞈ-a.

Lormav 8:23

Beh taˬ-euˬ jeˬ tehꞈ-ehˇ kʼoeˇ loꞈ-ehˇ mahˇ luꞈ-eu maˬ ngeuˇ-a. Miˬyehˇ neh biꞈ leꞈ-euˬ laꞈ sawˬ za beh beh-euˬ deuˬ pyeuꞈ-eu Yaw sahˇ Miˬyehˇ za-euˬ aˬ dui maꞈ kʼawꞈ, aˬ dui-ahˇ aˬ yawꞈ-euˬ zaˬ bi pyeuꞈ laˇ-awˇ, aˬ dui-euˬ nui ma gʼawˇ mawˇ dawˬ tawˆ luꞈ bi buˬ-iˇnehˬ laꞈ-eu gʼaˇ duˬ Miˬyehˇ-ahˇ loꞈ luꞈ ngeh, nui ma laꞈ kʼoeˇ mahˇ mahˇ-ehˇ shaˬ luꞈ-eu ma.

1 Gawˇliˬtu 1:30

Ehˇ kʼawꞈ, naw maꞈ-ahˇ-aˬ, Yeˬsuˇ Ka li-ahˇ bi tsoꞈ taꞈ-eu gʼaˇ duˬ Miˬyehˇ mˇ-awˇ, Ka li-aˬ aˬ dui-euˬ zaˬ siˬ tsawˇ gahˇ pyeuꞈ ni Miˬyehˇ jahˇ-euˬ meh. Ka li baˬ da neh Miˬyehˇ-ahˇ aˬ dui tsaˬ leˇ tsahˇ leˇ-awˇ, Miˬyehˇ-euˬ muiˬ-eu shawˇ-eu tsawˇ haˬ pyeuꞈ laˇ-awˇ, iˬ baˇ-ahˇ buˬ-iˇ law-iˇ gʼaˬ-euˬ ma.

1 Gawˇliˬtu 15:54

Kʼoeˇ loꞈ-ehˇ pyeuꞈ laˇ-awˇ, buꞈ-iˇ nya-eu jeˬ-ahˇ maˬ buꞈ-iˇ nya-eu jeˬ bi pyeuꞈ paˇ laˇ ngeh, Jaˇliꞈ heu deuˆ laꞈ kʼoeˇ ehˇ taˬ-euˬ byah laˇ tehꞈ-a. “Gʼaˬ leˇ-eu jeˬ neh shiˇ-eu jeˬ-ahˇ myoꞈ ahˇ-euˬ meh.”

1 Teˇsaˬloˇni 5:19

Muiˬ-eu shawˇ-eu Yaw sahˇ Miˬyehˇ-ahˇ taˬ laˆ tsoeˬ.

HeˬByehˇ 10:29

Toˆ-ehˇ ngeuˇ naˇ, Miˬyehˇ-euˬ Zaˬ maˇ-ahˇ nawˬ tehˬ taˬ-awˇ, yawˬ ha-euˬ iˬ baˇ-ahˇ shawˇ nehˬ-euˬ Miˬyehˇ-euˬ dawˬ ma saˇ jaˇ shiˬ-ahˇ poeˬ sawˇ lawˬ maˬ baw-eu loꞈ-ehˇ sawˇ-awˇ, Miˬyehˇ gʼawˬ shaˬ gaˬ-eu guiˬ lahˬ yaw dzahˇ mehˬ nehˬ laꞈ-euˬ Yaw sahˇ Miˬyehˇ-ahˇ yehˬ bawˬ sehˇ lu-ehˇ ehˇ-eu tsawˇ haˬ-aˬ, aˇ naˆ ni doeˇ dzehˬ-eu kʼehˬ-eu kʼaˆ-eu jeˬ-ahˇ ya daˬ nmˇ lehˇ shaˇ noeˬ haw-awˬ.

HeˬByehˇ 3:10

Kʼoeˇ baˬ da neh ziˇ kʼoeˇ ziˇ-ahˇ, ngaˇ nui ma pehˇ-awˇ ehˇ nehˬ-euˬ, ‘Tiˬjawˇ-iˬ saˇ jaˇ maˬ ziꞈ-ehˇ, ngaˬ-euˬ dawˬ-ahˇ maˬ naˇ haˬ-a.’

HeˬByehˇ 3:17

Oeˬ tseˇ kʼoꞈ byah ni Miˬyehˇ nui ma pehˇ-euˬ kʼoeˇ aˬ suˇ gʼaˬ-ahˇ pehˇ-euˬ ta. Iˬ baˇ mˇ-euˬ tsawˇ haˬ kʼoeˇ deuˬ-ahˇ pehˇ-euˬ maˬ ngeuˇ-a loˇ. Bawˇ tsahˬ bawˇ dahˇ-ahˇ coˬ dzeh-awˇ shiˇ-euˬ kʼoeˇ deuˬ-ahˇ pehˇ-euˬ maˬ ngeuˇ-a loˇ.

Yaˇ kʼaˬ daˇ 10:16

Kʼoeˇ naˇ, boeˇ miˬ siˬ kʼaˬ deuˬ-euˬ miˬ yehˇ deuˬ-ahˇ aˬ yawꞈ maꞈ byehˇ dzeh-awˇ, Sahˬpaˬ Miˬyehˇ-ahˇ uˬ duˬ tahˬ ngeh, Iˇsaˬleˬlaˆ tsawˇ haˬ deuˬ-ahˇ Sahˬpaˬ Miˬyehˇ gʼawˬ shaˬ haw gaˬ-euˬ meh.