Eˇpeˇsu 4:3 - Akha

³ Naw maꞈ-ahˇ tsaˬ leˇ dzoeˇ leˇ-eu jeˬ neh gahˇ dzahˬ-eu laꞈ kʼoeˇ, Yaw sahˇ Miˬyehˇ neh biꞈ-euˬ nui ma tiˬ siˬ tehꞈ-ehˇ taˬ-eu jeˬ-ahˇ kʼaˇ gʼeh nya-eu loꞈ-ehˇ jeˬ hmˬ geuꞈ-awˬ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³ Tsaqler dzoerler-eu jeq-euq lafkhoer tiqghaq tirghaq bi ganrdzanq-awr, muiq-eu Saflar-euq lafkhoer nuima tiqsiq taef-aer taq-eu jeq maqbi byov-ir ni laejae-awq.

Eˇpeˇsu 4:3 ပူးပေါင်းရင်းမြစ်များ

1 Sahˬpaˬ 16:21

Iˇsaˬleˬlaˆ miˇ kʼahˬ zaˬ deuˬ nyiˬ paˆ paˆ-iˇ-euˬ meh. Tiˬ paˆ-aˬ, Giˇnaˆ-euˬ aˬ li Tiˇbaˬniˇ-ahˇ sahˬ paˬ bi geuꞈ mawꞈ-awˇ, tiˬ paˆ-aˬ, Awˇmaˬliˇ-ahˇ nui ma tsaˬ-euˬ meh.

Doˆ-iˇ 28:32

Pehˇ kʼahˬ pehˇ mahˇ kʼoeˇ, uˬ duˬ cawˬ ahˇ duˬ lahˇ baˆ maˇ byoe ya bi dahˇ-awˇ, maˇ byoe kʼoeˇ maˬ ya bi pyaˬ-iˇ ni, mehˬ dzaˬ jawˬ jawˬ-ehˇ, siˬ dahˬ ya dahˬ meh.

Dawˬ tsoˆ 4:12

Tiˬ gʼaˬ tehꞈ-ahˇ dawꞈ gʼaˬ nya kʼawꞈ, nyiˬ gʼaˬ gm gaˇ maˬ dawꞈ gʼaˬ nya-a. Aˇ caˆ smˬ caˆ yeuꞈ taˬ-eu caˆ yeuꞈ-ahˇ maˬ gʼeu tsehˆ coeˇ-a.

Maˬkuˆ 3:24

Miˇ kʼahˬ tiˬ kʼahˬ laꞈ kʼoeˇ aˇ muˇ gʼawˬ mya muˇ muˇ paˆ-awˇ guiˇ deuˆ naˇ, miˇ kʼahˬ kʼoeˇ kʼahˬ maˬ ziꞈ-aˇ.

Yoˇhaˬ 13:34

Nymˬ-mˇ ngaˇ naw maꞈ-ahˇ zahˇ dawˬ kʼoꞈ dawˬ yaw shuiꞈ biꞈ yaꞈ-eu ma. Tiˬ gʼaˬ tiˇ gʼaˬ gaˬ-awˬ. Ngaˇ naw maꞈ-ahˇ gaˬ gaˇ duˇ ni, naw maꞈ tiˬ gʼaˬ tiˇ gʼaˬ ya gaˬ meh.

1 Gawˇliˬtu 1:10

Aˬ yuiꞈ aˬ nyiˇ Ka li zaˬ deuˬ-oˇ, aˬ dui-euˬ Sahˬpaˬ Yeˬsuˇ Ka li-euˬ tsawˇ myahˇ uˬ moˆ naw maꞈ-ahˇ ngaˇ heu loꞈ-ehˇ shaˇ mawꞈ-eu ma. Naw maꞈ aˇ muˇ maˬ ya muˇ paˆ-eu gʼaˇ duˬ, ngehˬ-eu tmˇ-eu laꞈ kʼoeˇ tsaˬ leˇ dzoeˇ leˇ-eu jeˬ bi ahˇ-awˬ. Nui ma tiˬ siˬ tehꞈ-ehˇ taˬ-awˇ, nui noeˬ tiˬ gaˇ taꞈ-awˬ.

2 Gawˇliˬtu 13:11

Aˬ yuiꞈ aˬ nyiˇ Ka li zaˬ deuˬ-oˇ, aˇ saˬ saˬ-eu dawˬ heu loꞈ-ehˇ ehˇ ma. Laˬ kʼaˬ cehˇ-eu jeˬ oꞈ luꞈ-uˇ. Naw maꞈ dehꞈ paˇ-awˬ. Ngaˬ-euˬ shaˇ dawˬ naˇ haˬ nehˬ laꞈ-awˬ. Tiˬ gʼaˬ tiˇ gʼaˬ tsaˬ leˇ dzoeˇ leˇ-awˬ. Gʼoeˇ-eu gaˬ-eu jeˬ hawˇ-eu nui saˇ oꞈ-eu jeˬ biꞈ-eu Miˬyehˇ naw maꞈ nehˬ-ehˇ jawˇ tehꞈ-a.

Eˇpeˇsu 4:13

Aˬ dui dawˬ tawˆ luꞈ, jah-eu jeˬ laꞈ kʼoeˇ maˬ ehˇ, Miˬyehˇ-euˬ Zaˬmaˇ-ahˇ siˬ nya-eu jeˬ laꞈ kʼoeˇ maˬ ehˇ, nui ma tiˬ siˬ tehꞈ-ehˇ taˬ nya laˇ tehꞈ-a. Jah-eu jeˬ laꞈ kʼoeˇ aˬ dui tsawˇ kʼaˆ kʼaˆ laˇ-awˇ, Ka li byah-eu loꞈ-ehˇ aˬ dui kʼawꞈ byah laˇ tehꞈ-a.

Eˇpeˇsu 4:4

Miˬyehˇ naw maꞈ-ahˇ kuˇ-euˬ kʼoeˇ noeˬ tmˬ duˬ tiˬ jeˬ tehꞈ-ehˇ jaˆ-eu loꞈ-ehˇ, gʼawˇ mawˇ tiˬ mawˇ tehꞈ-ehˇ baw-awˇ, Yaw sahˇ Miˬyehˇ tiˬ gʼaˬ tehꞈ-ehˇ jawˇ-eu meh.

1 Teˇsaˬloˇni 5:13

Aˬ yawꞈ maꞈ Miˬyehˇgaˇ mˇ-eu baˬ da neh gʼoeˇ-eu gaˬ-eu laꞈ kʼoeˇ taˬ huiˬ taˬ mahˇ nehˬ-awˬ. Naw maꞈ yaw kaˬ kʼawꞈ, tsaˬ leˇ dzoeˇ leˇ-eu jeˬ bi jaˆ-awˬ.

HeˬByehˇ 12:14

Tsawˇ haˬ yawˬ gʼaˬ na luꞈ nehˬ-ehˇ tsaˬ leˇ tsahˇ leˇ-eu laꞈ kʼoeˇ yaw muiˬ yaw shawˇ shawˇ-ehˇ dehꞈ-awˬ. Kʼoeˇ loꞈ-ehˇ maˬ dehꞈ naˇ, tsawˇ haˬ tiˬ gʼaˬ-iˬ Sahˬpaˬ Miˬyehˇ-ahˇ maˬ mawˇ nya-a.