Eˇpeˇsu 4:29 - Akha

²⁹ Aˬ cawˬ-ahˇ bi coeˬ leˇ-eu dawˬ taˬ ngehˬ. Ehˇ kʼawꞈ, nawˬ neh ngehˬ-euˬ dawˬ aˬ cawˬ gʼaˇ duˬ muiˬ ni, loˬ-eu jeˬ-ahˇ caw ba nya-awˇ bi huiˬ bi mahˇ laˇ nya-eu gaˇ dahˇ tsoeˬ-eu dawˬ ngehˬ-awˬ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁹ Nawmaf-euq khaqmae-anr nae dawqdoer taqbi dovle. Yagaq-eu tsawrhaq guiqlanq yawdzanr za’ni, huiqlar manrlar-eu gar gardanr tsoeq-eu dawqmuiq ngaeq-awq.

Eˇpeˇsu 4:29 ပူးပေါင်းရင်းမြစ်များ

Jaceuq 45:2

Kʼaˬ dzeˇ zaˬ dawˬ tawˆ luꞈ laꞈ kʼoeˇ, nawˇ aˬ cawˬ naˆ maˬ tseˇ seuˆ jeuꞈ aˇ gʼehˇ muiˬ-eu meh. Nawˇ dawˬ sahˇ dui dui-awˇ, Miˬyehˇ nawˬ-ahˇ aˬ myah luꞈ guiˬ lahˬ biꞈ-eu meh.

Jaceuq 5:9

Ngaˬ-ahˇmuiˇ-eu deuˬ-euˬdawˬ-ahˇ, ngaˇtiˬpawꞈ-iˬ maˬjah coeˇnya. Bi cawˆ-iˇ-eu jeˬ-ahˇ tehꞈ-ehˇ, aˬyawꞈmaꞈ nui ma ahˇ-eu meh. Yawꞈmaꞈ-euˬdawˬnaˇhaˬmuiˬ-awˇ, jah leˇ paˬ-ehˇ gʼeh dui dui kʼawꞈ, guˆdui dui laˇpaˬ-ehˇgʼeh-eu, mehˇshuiˇshuiˇ-eu jeˬpyeuꞈ-eu meh.

Jaceuq 52:2

Aˬ cawˬ-ahˇ laˆ luˬ laˆ seˇ-eu gʼaˇ duˬ naw maꞈ shaˇ noeˬ-eu meh. Naw maꞈ-euˬ mehˬ laˇ mi cehˇ tawˆ zaˬ loꞈ-ehˇ taˆ-awˇ, jaˬ myawꞈ mehˇ shuiˇ tehꞈ-ehˇ naw maꞈ toˆ luꞈ-eu meh.

Jaceuq 71:24

Ngaˬ-ahˇ laˆ coeˬ laˆ ciˆ mawꞈ-eu deuˬ kʼoeˇ taˆ, shaꞈ dawˇ-eu jeˬ bi keuˆ le-euˬ miˇ neh, nawˬ-euˬ yaw tsaˬ yaw dawˇ jeˬ gaˇ kawˆ, nah ga-ehˇ ngaˇ ja ceuˬ ma.

Dawqdaq 12:13

Haiˬ-eu tsawˇ haˬ yawˬ ha-euˬ mehˬ luˬ neh kʼmˇ-euˬ lahˇ ju-ahˇ paꞈ leˇ-awˇ, yaw tsaˬ yaw dawˇ tsawˇ haˬ deuˬ guˆ-eu gaˆ-eu jeˬ-ahˇ ya buˬ-iˇ tehꞈ-a.

Dawqdaq 15:23

dawˬ tsaˬ tmˇ-eu nui saˇ bi oꞈ-awˇ, dawˬ muiˬ ngeh-eu laˬ kʼaˬ bi cehˇ-eu meh.

Dawqdaq 15:7

Zaˬ siˬ mehˬ laˇ tsawˇ gahˇ dzaˇ lahˬ, dawˇ ga nui ma jaˬ lehˇ kʼehˬ bahˬ.

Dawqdaq 16:21

Nui ma laꞈ kʼoeˇ zaˬ siˬ tsawˇ gahˇ byah-eu gʼaˬ, noeˬ siˬ noeˬ mawˇ nya-eu tsawˇ haˬ lehˇ bi kuˇ-awˇ, naˇ haˬ mawꞈ-eu dawˬ ngehˬ nya-eu tsawˇ haˬ-ahˇ, aˬ cawˬ ya leˇ-eu meh.

Dawˬ tsoˆ 10:12

Tsawˇ gahˇ ahˇ-eu tsawˇ haˬ-euˬ dawˬ yawˬ ha-euˬ myaˆ pyawˬ naˇ mehˇ laˆ saˆ-awˇ, aˬ dzawˬ aˇ gah-euˬ dawˬ yawˬ ha-ahˇ daˬ laˆ ga-eu meh.

Iˇsaˬyaˇ 50:4

Nui ma cawˆ-eu deuˬ-ahˇ gʼaˬ biꞈ-eu dawˬ ngehˬ nehˬ nya ni, Dawˬ tawˆ kʼoeˇ taˆ uˆ lahˇ luꞈ-eu Sahˬpaˬ Miˬyehˇ, ngaˬ-ahˇ mehˬ laꞈ tsoˆ laꞈ-euˬ meh. Aˬ yawꞈ ngaˬ-ahˇ mehˬ nehˬ tsoˆ nehˬ laꞈ-eu jeˬ-ahˇ, ngaˇ nui ma keuˆ-awˇ naˇ haˬ ni, yawˬ shawˬ na luꞈ ngaˬ-ahˇ aˬ yawꞈ laˆ noeˬ-eu meh.

Maꞈtehˬ 5:16

Kʼoeˇ gaˇ duˇ ni, naw maꞈ neh mˇ-euˬ yaw muiˬ jeˬ-ahˇ aˬ cawˬ mawˇ-awˇ, mˬ kʼoeˇ taˆ jawˇ-eu naw maꞈ-euˬ Aˬda-ahˇ ja ceuˬ ni, aˬ cawˬ mehˬ shi naw maꞈ-euˬ yaw shehꞈ yaw kʼaˆ-ehˇ bi bya-awˬ.

Luˇkaꞈ 4:22

Aˬ yawꞈ maꞈ dawˬ tawˆ luꞈ aˬ yawꞈ-ahˇ ja ceuˬ-eu meh. Aˬ yawꞈ-euˬ kʼaˬ meh-ahˇ ngehˬ doˆ laꞈ-euˬ muiˬ dui dui-eu dawˬ deuˬ-ahˇ aˬ yawꞈ maꞈ zahˬ leˇ-awˇ ehˇ-eu, “Tsawˇ haˬ teu gʼaˬ Yoˇsehˆ-euˬ aˬ li maˬ ngeuˇ-a loˇ.”

Yoˇhaˬ 1:37

Zaˬ lahˇ kʼoeˇ nyiˬ gʼaˬ Yoˇhaˬ kʼoeˇ loꞈ-ehˇ ehˇ gaˇ gaˬ-awˇ, Yeˬsuˇ-euˬ mehˬ nah iˇ-euˬ meh.

Lormav 14:19

Kʼoeˇ miˇ neh, tiˬ gʼaˬ tiˇ gʼaˬ tsaˬ leˇ dzoeˇ leˇ-eu jeˬ hawˇ-eu, tiˬ gʼaˬ tiˇ gʼaˬ caw dehˬ caw toˆ-eu jeˬ-ahˇ aˬ dui noeˬ tsoˆ taˬ-eu tsaˬ meh.

Lormav 15:2

Aˬ dui-euˬ cawˬ Ka li zaˬ deuˬ jah-eu laꞈ kʼoeˇ huiˬ laˇ mahˇ laˇ nya ni, aˬ dui yawˬ gʼaˬ na luꞈ aˬ yawꞈ maꞈ gʼaˇ duˬ muiˬ ni mˇ-eu tsaˬ meh.

1 Gawˇliˬtu 14:19

Ehˇ kʼawꞈ, Ka li zaˬ aˇ muˇ uiˬ leˇ-awˇ uˬ duˬ tahˬ ngeh, dawˬ gʼawˬ mya jeˬ tiˬ muiˇ dawˬ ngehˬ-eu naˆ maˬ tseˇ, aˬ cawˬ gʼoˆ shaw nya-eu mehˬ-eu tsoˆ-eu dawˬ ngaˬ dawˬ ngaˇ ngehˬ ma.

Eˇpeˇsu 4:12

Ka li-euˬ gʼawˇ mawˇ huiˬ laˇ mahˇ laˇ ni Miˬyehˇ-euˬ gaˇ bi mˇ-eu gʼaˇ duˬ, Miˬyehˇ-euˬ tsawˇ haˬ dawˬ tawˆ luꞈ-ahˇ lehˬ hmˬ laˆ saˆ dah nehˬ-eu lehˇ aˬ yawꞈ kʼoeˇ loꞈ-ehˇ laꞈ sawˬ biꞈ-euˬ meh.

Eˇpeˇsu 4:16

Uˬ duˬ kʼoeˇ siˬ uˆ lahˇ-eu uˬ moˆ gʼawˇ mawˇ aˇ sehˇ dawˬ tawˆ luꞈ tiˬ gaˇ tsaˬ leˇ-awˇ, uˬ duˬ-ahˇ gʼaˬ yuˇ taˬ-euˬ yoeˬ tsuiꞈ yoeˬ laꞈ deuˬ neh tiˬ sehˇ tiˇ sehˇ tsoꞈ tsaꞈ jiˇ taˬ-euˬ meh. Aˇ sehˇ aˬ yawꞈ sehˇ yawꞈ yawˬ ha-euˬ gaˇ mˇ ngeh, gʼawˇ mawˇ mawˇ lah-ehˇ huiˬ laˇ-awˇ, gʼoeˇ-eu gaˬ-eu jeˬ laꞈ kʼoeˇ gʼaˬ kʼaˆ dzehˬ laˇ-eu meh.

Gawˇlawˇsehˇ 4:6

Naw maꞈ neh ngehˬ-euˬ dawˬ deuˬ-aˬ, aˬ cawˬ-euˬ nui ma-ahˇ laˆ saˆ-awˇ, aˬ cawˬ naˇ haˬ mawꞈ-eu dawˬ deuˬ bi pyeuꞈ-awˬ. Kʼoeˇ uˬ taꞈ, tsawˇ haˬ yawˬ gʼaˬ na luꞈ-ahˇ dawˬ yaw muiˬ aˬ joˆ-ehˇ ya ngehˬ cawˬ kʼoꞈ nehˬ-eu gaˇ kawˆ siˬ nya-eu tsaˬ meh.

1 Teˇsaˬloˇni 5:11

Kʼoeˇ miˇ neh, nymˬ-mˇ naw maꞈ tiˬ gʼaˬ tiˇ gʼaˬ gʼaˬ biꞈ-awˇ caw dehˬ caw toˆ luꞈ-eu loꞈ-ehˇ, mehˬ hu paw kʼawꞈ kʼoeˇ loꞈ-ehˇ dehꞈ daˆ le-awˬ.

1 Beˬtuˆluˆ 2:12

Miˬyehˇ-ahˇ maˬ jah-eu tsawˇ haˬ deuˬ-euˬ mehˬ shi naw maꞈ dehꞈ-eu jawˇ-eu gaˇ kawˆ muiˬ dui bi dui-awˬ. Kʼoeˇ loꞈ-ehˇ dehꞈ naˇ, naw maꞈ-ahˇ yaw haiˬ jeˬ mˇ-eu tsawˇ haˬ lehˇ aˬ yawꞈ maꞈ ja doeˇ kʼawꞈ, naw maꞈ yaw muiˬ jeˬ mˇ-euˬ meh lehˇ aˬ yawꞈ maꞈ ya ha geuꞈ-awˇ, Miˬyehˇ yaˇ kʼaˬ daˇ le ngeh Nah, aˬ yawꞈ maꞈ Miˬyehˇ-ahˇ ja ceuˬ tehꞈ-a.

1 Beˬtuˆluˆ 3:1

Kʼoeˇ loꞈ-ehˇ duˇ ni, miˬ zaˬ deuˬ kʼawꞈ, yawˬ ha-euˬ kʼaˬ dzeˇ zaˬ ehˇ dawˬ naˇ haˬ-awˬ. Kʼoeˇ loꞈ-ehˇ naˇ haˬ naˇ, kʼaˬ dzeˇ zaˬ gʼaˬ Miˬyehˇ dawˬ kawˬ-ahˇ maˬ jah-eu kʼawꞈ, naw maꞈ dehꞈ gaˇ jawˇ gaˇ haw-awˇ jah laˇ tehꞈ-a. Aˬ yawꞈ maꞈ jah laˇ ni naw maꞈ kʼaˬ meh mehˬ boeˬ neh ja mehˬ-eu maˬ loˬ-aˇ.

2 Beˬtuˆluˆ 2:18

Aˬ yawꞈ maꞈ aˬ dzawˬ aˇ gah-euˬ dawˬ ngehˬ-awˇ kʼahˬ sehˇ jehˆ-eu laꞈ kʼoeˇ, yaw lehˬ jeˬ mˇ mˇ-ehˇ dehꞈ-eu tsawˇ haˬ deuˬ-euˬ baꞈ dzah laꞈ kʼoeˇ dzeuˇ-iˇ ni leh jeh dahˬ beh luꞈ-eu tsawˇ haˬ deuˬ-ahˇ, shiˬ shaˬ jiˇ-euˬ nui kʼahˇ mˇ-eu jeˬ-ahˇ gʼoe-awˇ lahˇ ju kʼmˇ-eu meh.