Eˇpeˇsu 4:25 - Akha

²⁵ Kʼoeˇ miˇ neh, jaˬ myawꞈ taˬ paˇ mawꞈ. Ka li zaˬ cawˬ cawˬ yawˬ gʼaˬ na luꞈ yaw tsaˬ yaw dawˇ jeˬ ngehˬ-awˬ tmˇ-awˬ. Aˬ jeˬ miˇ neh ehˇ naˇ, aˬ dui dawˬ tawˆ luꞈ Ka li-euˬ gʼawˇ mawˇ laꞈ kʼoeˇ tiˬ gaˇ taꞈ-eu ma.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁵ Khoermirnae, nawmaf jaqmyawf myawf-eu jeq-anr byaerdzae-awr, “Nawmaf yawqghaq navluf yawqha-euq dawqpae jawr-eu tsawrhaq naeq-aer, yawtsaq yawdawr jeq ngaeq-awq.” (Zkl 8:16) Aqjeq mirnae aernar-aq, aqdui-aq, tiqghaq tirghaq-euq arsaer pyeuf-eu ma.

Eˇpeˇsu 4:25 ပူးပေါင်းရင်းမြစ်များ

1 Sahˬpaˬ 13:18

Beˬdeˬlaˇ meuˬ-ahˇ jawˇ-eu Miˬyehˇ gʼaˇ duˬ ngehˬ dah-eu tsawˇ haˬ kʼoeˇ gʼaˬ ehˇ-eu, , “Ngaˇ kʼawꞈ, nawˇ loꞈ-ehˇ Miˬyehˇ gʼaˇ duˬ ngehˬ dah-eu tsawˇ haˬ tiˬ gʼaˬ ma. Mˬ taˆ gʼaˬ kʼehˇ tiˬ gʼaˬ-ahˇ Sahˬpaˬ Miˬyehˇ kʼehˇ gʼeh leꞈ-awˇ, nawˬ-ahˇ sheuˬ kʼoꞈ laˬ-iˇ-awˇ bi dzaˬ bi dawˇ-awˬ lehˇ ehˇ le-euˬ meh.” Maˇ maˇ ni ehˇ naˇ, Miˬyehˇ gʼaˇ duˬ ngehˬ dah-eu tsawˇ haˬ kʼoeˇ gʼaˬ jaˬ myawꞈ myawꞈ luꞈ-eu meh.

Jaceuq 119:29

Yaw lehˬ jeˬ maˬ ya mˇ ni ngehˬ gʼeh nehˬ laꞈ-awˇ, nawˬ-euˬ muiˬ-eu jaˬ-eu jeˬ baˬ da neh, nawˬ-euˬ zahˇ dawˬ kʼoꞈ dawˬ mehˬ nehˬ laꞈ-awˬ.

Jaceuq 15:2

dawˇcoe ni cah luꞈ-eu tsawˇhaˬ, yaw tsaˬyaw dawˇmˇ-eu tsawˇhaˬ, dawˇcoe ni dawˬngehˬ-eu tsawˇhaˬ,

Jaceuq 52:3

Muiˬ-eu jaˬ-eu jeˬ-ahˇ naˆ maˬ tseˇ yaw haiˬ jeˬ-ahˇ naw maꞈ gaˬ-awˇ, tsaˬ-eu jeˬ-ahˇ naˆ maˬ tseˇ lehˬ-eu jeˬ-ahˇ naw maꞈ gʼoeˇ-eu meh.

Doˆ-iˇ 23:7

Maˬ tsaˬ maˬ dawˇ-eu laꞈ kʼoeˇ, aˬ cawˬ-ahˇ iˬ baˇ taˬ-awˇ, yaˇ kʼaˬ maˬ ya ja-a. Maˬ lehˬ maˬ ca-eu tsawˇ haˬ-ahˇ maˬ ya sehꞈ-a. Aˬ jeˬ miˇ neh ehˇ naˇ, kʼoeˇ loꞈ-ehˇ maˬ tsaˬ maˬ dawˇ-eu jeˬ mˇ-eu tsawˇ haˬ-ahˇ, ngaˇ iˬ baˇ maˬ pyehˬ nya-a.

Dawqdaq 12:17

Dawˬ tsaˬ ngehˬ-eu kʼaˬ meh yaw dawˇ jeˬ doˆ laˇ-awˇ, jaˬ myawꞈ myawꞈ-eu kʼaˬ meh mehˇ shuiˇ doˆ laˇ-eu meh.

Dawqdaq 12:19

Jaˬ myawꞈ myawꞈ-eu uˬ kʼawˇ deuˬ-awˇ, dawˬ muiˬ tmˇ-eu ziˇ baw-eu meh.

Dawqdaq 12:22

Jaˬ myawꞈ myawꞈ-eu mehˬ laˇ-ahˇ Sahˬpaˬ Miˬyehˇ nui daˆ daˆ-awˇ, saˇ jaˇ ziꞈ-eu deuˬ-ahˇ aˬ yawꞈ nui kʼahˇ shiˇ meh.

Dawqdaq 21:6

Maˬ tsaˬ maˬ dawˇ-eu laꞈ kʼoeˇ za-euˬ pyuˇ shuiˇ myawˬ gahˬ, tiˬ kʼehˇ laˇ kʼehˬ laꞈ kʼoeˇ byoˆ le-eu uˬ taꞈ, shiˇ-eu jeˬ-euˬ kʼaˬ meh laꞈ kʼoeˇ, 4 nawˬ-ahˇ sheuˬ uˇ yaꞈ tehꞈ-a.

Dawqdaq 24:28

Yaw duˬ yaw ciˇ maˬ jaˆ gaˇ aˬ cawˬ gaˇ kawˆ tsawˇ kaˬ taˬ geuꞈ. Maˬ tsaˬ maˬ dawˇ-eu laꞈ kʼoeˇ aˬ cawˬ-ahˇ bi naˇ leˇ-eu dawˬ taˬ ngehˬ.

Dawqdaq 6:17

Jahˇ gʼeh-eu myaˆ nuiˆ tiˬ jeˬ, jaˬ myawꞈ myawꞈ-eu mehˬ laˇ tiˬ jeˬ, maˬ bahˬ-eu tsawˇ haˬ-ahˇ sehꞈ-eu aˬ laꞈ tiˬ jeˬ,

Dawqdaq 8:7

Ngaˬ-euˬ kʼaˬ mehˬ-ahˇ doˆ le-euˬ dawˬ tsaˬ dui maˇ dui dui-awˇ, jaˬ myawꞈ myawꞈ-eu jeˬ-ahˇ ngaˇ bye-eu ma.

Iˇsaˬyaˇ 63:8

Sahˬpaˬ Miˬyehˇ ehˇ-eu, “Aˬ yawꞈ maꞈ ngaˬ-euˬ tsawˇ jeuˬ ma. ngaˬ-ahˇ jaˬ myawꞈ maˬ myawꞈ-aˇ” lehˇ ehˇ-awˇ, aˬ yawꞈ maꞈ-ahˇ ka kʼoꞈ-euˬ meh.

Iˇsaˬyaˇ 9:15

Uˬ duˬ-aˬ, aˬ yuiꞈ aˬ tsu deuˬ meh. Dawˬ miˬ-aˬ, Miˬyehˇ gʼaˇ duˬ ngehˬ dah-eu deuˬ meh. Aˬ yawꞈ maꞈ mehˬ-eu jeˬ jaˬ myawꞈ myawꞈ luꞈ-eu meh.

Hawˇseˬ 4:2

Dawˬ kʼaˆ ngehˬ-awˇ kamˬ-eu maˬ ehˇ, jaˬ myawꞈ mehˇ shuiˇ shuiˇ-eu maˬ ehˇ, tsawˇ haˬ-ahˇ sehꞈ-eu jeˬ maˬ ehˇ, kʼoeˬ-eu gʼehꞈ-eu gaˇ kawˆ maˬ ehˇ, kʼaˬ miˬ sheu-awˇ bahˬ-eu maˬ ehˇ, miˇ kʼahˬ heu doe ni byah jiˇ-awˇ, yaw haiˬ mˇ-eu aˇ dzehˬ dzeuˇ-awˇ, tsawˇ haˬ sehꞈ dehˆ-euˬ maˬ baw-a.

Uˬ duˬ 19:11

“Smˇ kʼoeˬ taˬ kʼoeˬ. Tsawˇ gahˇ taˬ gahˇ. Jaˬ myawꞈ taˬ myawꞈ.

Zaˬkaˬliˇ 8:16

Naw maꞈ heu loꞈ-ehˇ mˇ-awˬ. Tiˬ gʼaˬ tiˇ gʼaˬ yaw tsaˬ yaw dawˇ jeˬ ngehˬ-awˬ tmˇ-awˬ. Yaˇ kʼaˬ daˇ ngeh, yaw tsaˬ yaw dawˇ dawˇ-ehˇ daˇ nehˬ-awˬ.

Zaˬkaˬliˇ 8:19

“Ba la oeˬ siˬ tiˬ siˬ, ngaˬ siˬ tiˬ siˬ, shiꞈ siˬ tiˬ siˬ hawˇ-eu, tseˇ siˬ tiˬ siˬ laꞈ kʼoeˇ, maˬ dzaˬ-eu zahˇ jahˇ-eu bawˬ-iˬ gʼeh-eu kʼoeˇ-aˬ, Yuˇdaˆ tsawˇ haˬ gʼaˇ duˬ laˬ kʼaˬ cehˇ-eu bawˬ-iˬ pyeuꞈ laˇ tehꞈ-a. Yaw tsaˬ yaw dawˇ jeˬ hawˇ-eu tsaˬ leˇ dzoeˇ leˇ-eu jeˬ-ahˇ naw maꞈ ya gaˬ meh.”

Yoˇhaˬ 8:44

Naw maꞈ-aˬ, naw maꞈ-euˬ aˬ da nehˬ sahˬ paˬ-euˬ zaˬ deuˬ pyeuꞈ-awˇ, naw maꞈ-euˬ aˬ da-euˬ nui kʼahˇ mehˬ nah caw teh mawꞈ-eu meh. Aˬ yawꞈ-aˬ, aˇ dahˬ beh ngeh neh aˬ cawˬ-ahˇ sehꞈ-euˬ gʼaˬ pyeuꞈ-awˇ, yaw tsaˬ yaw dawˇ paw tiˬ pawꞈ-iˬ maˬ pyawˬ-a. Aˬ jeˬ miˇ neh ehˇnaˇ, aˬ yawꞈ laꞈ kʼoeˇ yaw tsawˬ yaw dawˇ jeˬ maˬ ahˇ-a. Aˬ yawꞈ jaˬ myawꞈ myawꞈ-eu kʼoeˇ-aˬ, kʼoeˇ loꞈ-ehˇ mˇ-eu lehˇ seu le-euˬ miˇ neh meh. Aˬ jeˬ miˇ neh ehˇ naˇ, aˬ yawꞈ-aˬ, jaˬ myawꞈ myawꞈ-eu deuˬ dawˬ tawˆ luꞈ-euˬ aˬ da yaw dzahˇ gʼaˬ meh.

Lormav 12:5

Kʼoeˇ gaˇ duˇ ni, aˬ dui-aˬ, maˬ duˇ leˇ-eu tsawˇ haˬ gʼawˬ mya jeˬ pyeuꞈ-eu kʼawꞈ, Ka li nehˬ-ehˇ taꞈ luꞈ-eu gʼawˇ mawˇ tiˬ mawˇ tehꞈ-ehˇ pyeuꞈ-awˇ, gʼawˇ mawˇ tiˬ mawˇ-ahˇ tehꞈ-ehˇ maˬ duˇ leˇ-eu aˇ sehˇ gʼawˬ mya jeˬ tsoꞈ tawꞈ taˬ-euˬ loꞈ-ehˇ, aˬ dui tiˬ gʼaˬ tiˇ gʼaˬ tsoꞈ tawꞈ taˬ-euˬ ma.

1 Gawˇliˬtu 10:17

Aˬ dui tsawˇ haˬ gʼawˬ mya gʼaˬ pyeuꞈ-eu kʼawꞈ, kaˬ muˇ tiˬ yaˆ tehꞈ miˇ neh, gʼawˇ mawˇ tiˬ mawˇ-ahˇ tehꞈ-ehˇ taꞈ-eu meh. Aˬ jeˬ mˇ neh ehˇ naˇ, kaˬ muˇ tiˬ yaˆ-ahˇ tehꞈ-ehˇ aˬ dui taꞈ-eu ma.

2 Gawˇliˬtu 7:14

Naw maꞈ-euˬ gaˇ kawˆ Tiˇtuˆ-ahˇ ngaˇ kʼahˬ sehˇ jehˆ-euˬ ma. Kʼoeˇ loꞈ-ehˇ kʼahˬ sehˇ jehˆ-euˬ baˬ da neh ngaˇ daˬ ga kʼaˇ maˬ za. Nga maꞈ naw maꞈ-ahˇ aˬ myah luꞈ kʼaˇ ngeuˇ-eu loꞈ-ehˇ dawˇ coe ni ehˇ-euˬ ma. Tiˇtuˆ mehˬ shi nga maꞈ kʼahˬ sehˇ jehˆ-euˬ kʼoeˇ kʼawꞈ, kʼaˇ ngeuˇ-eu loꞈ-ehˇ naw maꞈ-ahˇ ehˇ-eu ma.

Eˇpeˇsu 4:15

Gʼoeˇ-eu gaˬ-eu nui ma ahˇ-eu laꞈ kʼoeˇ yaw tsaˬ yaw dawˇ jeˬ ngehˬ-awˇ, aˬ dui-euˬ uˬ duˬ pyeuꞈ-eu Ka li laꞈ kʼoeˇ yawˬ jeˬ na luꞈ ya bi huiˬ ya bi mahˇ laˇ tehꞈ-a.

Eˇpeˇsu 4:22

Nawˬ-ahˇ gaˇ ma bi dehꞈ bahˬ-eu jeˬ-ahˇ mˇ mawꞈ-eu nui kʼahˇ jaˆ ni nawˬ-ahˇ mehˇ shuiˇ shuiˇ-eu yaw dehꞈ dehꞈ-eu yaw oeˇ kʼoeˇ hmˬ-ahˇ lehˆ dzeh-awˬ.

Eˇpeˇsu 4:31

Aˬ cawˬ-ahˇ nui ma naˇ-eu jeˬ maˬ ehˇ, nui ma nymˇ-eu jeˬ maˬ ehˇ, nui ma pehˇ-eu jeˬ maˬ ehˇ, byehˇ dzeh jiˇ-awˬ. Aˬ cawˬ-ahˇ guˇ guˇ-ehˇ ceh-awˇ yaˬ kʼehˇ yaˬ-eu jeˬ hawˇ-eu, aˬ cawˬ-ahˇ bye-eu jeˬ taˬ paˇ mˇ.

Eˇpeˇsu 5:30

Aˬ dui-aˬ, Ka li-euˬ gʼawˇ mawˇ-ahˇ tsoꞈ-eu aˇ sehˇ deuˬ pyeuꞈ-eu ma.

Gawˇlawˇsehˇ 3:8

Nui ma pehˇ-eu, nui ma daˆ-eu, aˬ cawˬ-ahˇ yaw doeˇ jahˇ mawꞈ-eu, heu deuˬ-ahˇ naw maꞈ nymˬ-mˇ byehˇ tsehˆ tsehˆ-awˬ. Aˬ cawˬ-ahˇ dawˬ doeˇ ngehˬ daˆ-eu jeˬ hawˇ-eu jawꞈ dui dui-eu dawˬ ngehˬ-eu jeˬ, naw maꞈ-euˬ kʼaˬ meh-ahˇ taˬ paˇ bi doˆ laˇ.

Gawˇlawˇsehˇ 3:9

Tiˬ gʼaˬ tiˇ gʼaˬ jaˬ myawꞈ taˬ paˇ myawꞈ. Aˬ jeˬ miˇ neh ehˇ naˇ, nui ma yaw oeˇ hawˇ-eu mˇ-eu shaˇ-eu yaw oeˇ jeˬ-ahˇ naw maꞈ lehˆ dzeh gʼaˬ-euˬ meh.

1 Tiˆmoˇseˬ 1:10

maˬ tsaˬ maˬ dawˇ-eu laꞈ kʼoeˇ kʼaˬ miˬ sheu-eu tsawˇ haˬ, aˬ cawˬ nehˬ-ehˇ joe-eu tsawˇ haˬ, tsawˇ haˬ-ahˇ paꞈ-awˇ pyuˇ shaˇ-eu tsawˇ haˬ, jaˬ myawꞈ myawꞈ-eu tsawˇ haˬ, maˬ tsaˬ maˬ dawˇ-eu tsawˇ kaˬ geuꞈ-eu tsawˇ haˬ, tsaˬ-eu dawˇ-eu jah-eu jeˬ-ahˇ laˆ pyaˆ-eu jeˬ mˇ-eu tsawˇ haˬ, heu loꞈ-ehˇ gʼeh-eu tsawˇ haˬ deuˬ gʼaˇ duˬ taˬ taˬ-euˬ meh.

1 Tiˆmoˇseˬ 4:2

Mehˬ-eu tsoˆ-eu kʼoeˇ jeˬ-aˬ, miˬ dzaˬ doꞈ-eu shmˇ neh bi puiˆ sehꞈ-euˬ baˬ da neh siˬ nya-eu nui ma shiˇ-euˬ jaˬ myawꞈ mehˇ shuiˇ kʼoeˇ deuˬ neh mehˬ byah taˬ-euˬ meh.

Tiˇtuˆ 1:12

“Gaˬlaˬdeˬ iˇ jaw lahˇ-ahˇ jawˇ-eu tsawˇ haˬ deuˬ-aˬ, jaˬ myawꞈ myawꞈ-eu, jeˬ zaˬ yaw haiˬ loꞈ-ehˇ dehꞈ-eu, yaw doeˇ doeˇ-awˇ dzaˬ yehꞈ dawˇ yehꞈ dzaˬ boˆ dawˇ boˆ boˆ-eu, heu loꞈ-ehˇ gʼeh-eu tsawˇ haˬ tehꞈ meh” lehˇ, Miˬyehˇ gʼaˇ duˬ ngehˬ dah-eu aˬ yawꞈ maꞈ-euˬ tsawˇ haˬ tiˬ gʼaˬ neh ehˇ taˬ-euˬ dawˬ jaˆ-eu meh.

Tiˇtuˆ 1:2

Kʼoeˇ-aˬ, mˬ maˬ maˬ byaˆ zaˇ ziˇ dehꞈ-eu jeˬ-ahˇ noeˬ tmˬ-eu jeˬ kʼoeˇ taˆ dawˬ pehˬ taˬ taˬ-euˬ meh. Jaˬ myawꞈ maˬ myawꞈ-eu Miˬyehˇ-aˬ, aˇ yamˬ-ahˇ maˬ beh mi naˆ-ehˇ, dehꞈ-eu jeˬ kʼoeˇ aˬ dui-ahˇ biꞈ ma lehˇ saˇ jaˇ dzaˬ taˬ-euˬ meh.

HeˬByehˇ 12:1

Jah-eu jeˬ gaˇ kawˆ saˇ kiˇ kamˬ-euˬ tsawˇ haˬ kʼoeˇ deuˬ, aˬ dui-euˬ tiˬ jawˬ tiˬ byah ni jawˇ luꞈ ma. Kʼoeˇ miˇ neh, gaˇ ma-ahˇ kʼaˇ jaˆ tsoeˬ-eu yawˬ jeˬ na luꞈ-ahˇ aˬ dui teuˆ lehˆ-awˇ, aˬ dui-ahˇ deuˇ geuˆ ni lahˇ cuꞈ taꞈ-euˬ iˬ baˇ-ahˇ behˇ lehˆ-awˇ, aˬ dui mehˬ shi laˆ saˆ taˬ-euˬ cehˆ ceh ceh-eu gaˇ ma-ahˇ nui ma ziꞈ dah ni cehˆ gʼeh kaˇ-euˇ.

Yaˬkoˆ 1:21

Kʼoeˇ miˇ neh, yaw jawꞈ jeˬ dawˬ tawˆ luꞈ hawˇ-eu maˬ muiˬ maˬ jaˬ-eu jeˬ dawˬ tawˆ luꞈ byehˇ dzeh jiˇ-awˇ, Miˬyehˇ-euˬ nui noeˬ geuꞈ-eu laꞈ kʼoeˇ, aˬ yawꞈ neh naw maꞈ-euˬ nui ma laꞈ kʼoeˇ ka taˬ-euˬ naw maꞈ-ahˇ ka kʼoꞈ nya-eu dawˬ-ahˇ naˇ haˬ geuꞈ-awˬ.

1 Beˬtuˆluˆ 2:1

Kʼoeˇ miˇ neh, yaw haiˬ jeˬ dawˬ tawˆ luꞈ-ahˇ byehˇ dzeh-awˬ. Jaˬ myawꞈ myawꞈ-eu maˬ ehˇ, awꞈ-aꞈ tahˬ kʼoˬ loꞈ-ehˇ yaw muiˬ jahˇ geuꞈ-eu maˬ ehˇ, aˬ cawˬ-ahˇ myaˆ naˆ-eu maˬ ehˇ, aˬ cawˬ-ahˇ ja bu ja doeˇ-eu maˬ ehˇ, taˬ paˇ mˇ.

Panmaeq 21:8

Ehˇ kʼawꞈ, guˆ-eu nui ma ahˇ-eu tsawˇ haˬ, saˇ jaˇ puiˬ-eu tsawˇ haˬ, yaw jawꞈ jeˬ mˇ-eu tsawˇ haˬ, tsawˇ haˬ sehꞈ-eu tsawˇ haˬ, maˬ tsaˬ maˬ dawˇ-eu laꞈ kʼoeˇ kʼaˬ miˬ sheu-eu tsawˇ haˬ, mah loˬ ja maw zmˬ-eu tsawˇ haˬ, tahˬ pahˬ aˬ ma mawˇ kawˇ-ahˇ uˬ duˬ tahˬ-eu tsawˇ haˬ, jaˬ myawꞈ mehˇ shuiˇ shuiˇ-eu tsawˇ haˬ, heu loꞈ-ehˇ gʼeh-eu deuˬ-ahˇ oꞈ-eu jawˇ duˬ-aˬ, nyiˬ poˆ tiˬ poˆ shiˇ-eu jeˬ pyeuꞈ-eu, miˬ dzaˬ hawˇ-eu miˬ dzaˇ dzaˇ shuiˇ doꞈ luꞈ-eu lah kʼoeˇ lah meh.

Panmaeq 22:15

Ehˇ kʼawꞈ, dehꞈ jawꞈ dui dui-eu tsawˇ haˬ deuˬ, maw loˬ ja maw mˇ-eu tsawˇ haˬ deuˬ, kʼaˬ miˬ sheu-eu tsawˇ haˬ deuˬ, aˬ cawˬ-ahˇ sehꞈ-eu tsawˇ haˬ deuˬ, tahˬ pahˬ aˬ ma mawˇ kawˇ-ahˇ uˬ duˬ tahˬ-eu tsawˇ haˬ deuˬ, ngehˬ-eu tmˇ-eu mˇ-eu shaˇ-eu laꞈ kʼoeˇ jaˬ myawꞈ myawꞈ-eu tsawˇ haˬ deuˬ, heu deuˬ-aˬ meuˬ-euˬ laꞈ nyiˇ ya jawˇ tehꞈ-a.

Yaˇ kʼaˬ daˇ 16:11

Saˬsoˬ ehˇ-eu, “Tiˬ poˆ-iˬ maˬ zmˬ haw-euˬ aˇ caˆ yaw shuiꞈ neh aˬ yawꞈ maꞈ ngaˬ-ahˇ paꞈ tawꞈ naˇ, ngaˇ kʼawꞈ aˬ cawˬ loꞈ-ehˇ gʼaˬ baˬ-eu tsawˇ haˬ tiˬ gʼaˬ pyeuꞈ-iˇ tehꞈ-a.”