Eˇpeˇsu 4:10 - Akha10 Zaꞈ ka le-euˬ gʼaˬ hawˇ-eu, mˬ miˇ dawˬ tawꞈ luꞈ-ahˇ jawˇ byah jiˇ-eu gʼaˇ duˬ mˬ le dzeuˇ gaˇ keuˆ ni gʼoꞈ daˇ leˇ-euˬ gʼaˬ-aˬ, aˬ yawꞈ tiˬ gʼaˬ meh. အခန်းကိုကြည့်ပါ။Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq10 Irka-euq khoerghaq, yawqjeq navluf-euq lafkhoer jawrbyan-eu gharduq, mq ledzeur-eu gar keuvni ghofdav ler-euq khoerghaq mae. အခန်းကိုကြည့်ပါ။ |
Eˇpeˇsu 4:10
24 ပူးပေါင်းရင်းမြစ်များ
Kʼoeˇ naˇ, aˬ yawꞈ maꞈ-ahˇ aˬ yawꞈ heu loꞈ-ehˇ ehˇ nehˬ-euˬ meh. “Moˇseˬ-euˬ Zahˇ dawˬ kʼoꞈ dawˬ laꞈ kʼoeˇ maˬ ehˇ, Miˬyehˇ gʼaˇ duˬ ngehˬ dah-eu deuˬ neh boꞈ taˬ-euˬ sahˬ boꞈ deuˬ laꞈ kʼoeˇ maˬ ehˇ, Ja ceuˬ-eu sahˬ boꞈ laꞈ kʼoeˇ maˬ ehˇ, ngaˬ-euˬ gaˇ kawˆ boꞈ taˬ-euˬ yawˬ jeˬ na luꞈ, heu loꞈ-ehˇ pyeuꞈ laˇ-awˇ ya byah laˇ meh lehˇ, ngaˇ naw maꞈ nehˬ-ehˇ jawˇ ngeh neh naw maꞈ-ahˇ ehˇ nehˬ-euˬ ma.”
Yehˇ kʼoeˇ deuˬ tiˬ gʼaˬ tiˇ gʼaˬ ehˇ-eu, “Pehˇ kʼahˬ heu kahˇ maˬ cehˬ paˆ ni, aˬ geu gʼaˬ geuꞈ-eu tsaˬ nga lehˇ, pyuˇ maˇ byaˆ dzeh diˇ-awˇ tsaˬ geuꞈ kaˇ-euˇ.” Jaˇliꞈ laꞈ kʼoeˇ heu loꞈ-ehˇ ehˇ taˬ-euˬ jeˬ byah laˇ ni, kʼoeˇ loꞈ-ehˇ pyeuꞈ laˇ-euˬ meh. “Ngaˬ-euˬ dm gʼaˬ dm lmˇ deuˬ-ahˇ, aˬ yawꞈ maꞈ yaw kaˬ biˇ geuꞈ-awˇ, laꞈ kʼoeˇ dm-eu pehˇ kʼahˬ pehˇ mahˇ, pehꞈ sa dzeh-awˇ tsaˬ geuꞈ-euˬ meh” Yehˇ kʼoeˇ deuˬ mehˬ tsoeˬ biˇ geuꞈ-euˬ kʼoeˇ-aˬ, Jaˇliꞈ laꞈ kʼoeˇ ehˇ taˬ-euˬ gaˇ tsaˬ-eu meh.
Dzeuˇ laˇ-euˬ tseˇ oeˬ kʼoꞈ-ahˇ, mˬ kʼoeˇ taˆ goˇ dui dui-eu tiˆ-ahˇ bi ciˬ daˆ leꞈ-euˬ Ka li zaˬ tiˬ gʼaˬ-ahˇ ngaˇ siˬ nya ma. (Gaˇ kawˆ kʼoeˇ maˇ maˇ ni pyeuꞈ dzeuˇ yaꞈ-euˬ jeˬ ngeuˇ-eu maˬ siˬ. Yaw sahˇ laꞈ kʼoeˇ ya siˬ ya mawˇ-euˬ jeˬ pyeuꞈ-eu maˬ siˬ. Ngaˬ-ahˇ maˬ ehˇ duˬ nya nya. Miˬyehˇ tiˬ gʼaˬ tehꞈ-ehˇ siˬ duˬ-eu meh.)
Aˬ dui-euˬ uˬ duˬ tahˬ-eu zahˇ sahˇ kʼoꞈ heu hmˬ-euˬ zaꞈ taˬ-euˬ jeˬ aˇ naˆ ni huiˬ-eu gaˇ kawˆ, tsawˇ haˬ tiˬ gʼaˬ-iˬ tsawˇ pyehˇ maˬ pyehˇ nya-a. Miˬyehˇ shiˬ shaˬ pi le-euˬ heu, Yaw sahˇ Miˬyehˇ saˇ kiˇ kamˬ-awˇ, mˬ taˆ gʼaˬ kʼehˇ mawˇ duˬ-euˬ meh. Tsawˇ jeuˬ doe ni mehˬ doe jiˇ-awˇ, miˇ tsaˬ doe ni yawꞈ-ahˇ jah meh. Yaw shehꞈ kʼahˬ sehˇ laꞈ kʼoeˇ yawꞈ-ahˇ, mˬ taˆ sheuˬ daˆ kʼoꞈ leꞈ-euˬ meh.
Kʼoeˇ baˬ da neh, Yeˬsuˇ-aˬ, aˬ dui kʼaˇ loˬ-eu jeˬ mˇ byah nehˬ nya-eu Piˇma Yaw huiˬ gʼaˬ pyeuꞈ-eu meh. Aˬ yawꞈ-aˬ, yaw muiˬ yaw shawˇ meh. Ehˇ kʼaˇ tiˬ pawꞈ-iˬ maˬ za-eu uˬ taꞈ, iˬ baˇ tiˬ pawꞈ-iˬ maˬ ahˇ-a. Iˬ baˇ zaˬ deuˬ nehˬ-ehˇ maˬ bi keuˬ ni aˬ yawꞈ-ahˇ Miˬyehˇ yuˇ doˆ taˬ-awˇ, mˬ naˆ maˬ tseˇ goˇ-eu tiˆ-ahˇ ciˬ huiˬ ciˬ mahˇ keuˆ nehˬ-euˬ meh.
ကြော်ငြာတွေ