Eˇpeˇsu 3:9 - Akha

⁹ Kʼoeˇ-aˬ, Miˬyehˇ neh lehˬ hmˬ taˬ-euˬ zaꞈ taˬ-euˬ jeˬ-ahˇ tsawˇ haˬ dawˬ tawˆ luꞈ bi mawˇ-eu gʼaˇ duˬ meh. Dawˬ tawˆ luꞈ-ahˇ beh-euˬ Miˬyehˇ-aˬ, aˬ yawꞈ neh zaꞈ taˬ-euˬ jeˬ-ahˇ aˇ hu ba neh iˬ nah keuˆ ni dehˬ kaˬ taˬ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁹ Khoeruqtaf, Yeqsur Kali-anr ghoe-awr dawqtawv luf-anr bae-euq Miqyaer-euq lafkhoer, ardanqbae ngae nae daeqkaq taq-euq jeq-anr taf-eu zaftaq-euq jeq-euq lafkhoer, cawq cawqtaf-eu jeq aqjox-aer ghae-eu nga laer, tsawrhaq dawqtawv luf-anr bimawrni khawf bi mrnaeq laf-euq mae.

Eˇpeˇsu 3:9 ပူးပေါင်းရင်းမြစ်များ

Jaceuq 33:6

SahˬpaˬMiˬyehˇdawˬbiꞈnehˬ-awˇ, mˬdawˬtawˆ-ahˇbeh taˬ-euˬmeh. Mˬtaˆ aˬguiˇ ba la nahˇma, aˬyawꞈ-euˬsaꞈneh beh-euˬmeh.

Iˇsaˬyaˇ 44:24

“Ngaˇ naw maꞈ-ahˇ ka kʼoꞈ-eu Sahˬpaˬ Miˬyehˇ ma. Naw maꞈ-ahˇ beh-euˬ gʼaˬ ngaˇ ma. Ngaˇ-aˬ, yawˬ jeˬ na luꞈ-ahˇ beh-euˬ Sahˬpaˬ Miˬyehˇ ma. Mˬ sheu taw ngeh ngaˇ tehꞈ-ehˇ sheu taw-awˇ, ngaˇ miˇ tsaˬ-ahˇ beh ngeh tiˬ gʼaˬ-iˬ maˬ caw ba le-aˬ.

Maꞈtehˬ 10:27

Ngaˬ neh naw maꞈ-ahˇ zahˇ tsui ni gʼeh gaˇ ehˇ nehˬ-euˬ dawˬ heu deuˬ, nah gʼahˇ paw bya cehˆ ni gʼeh gaˇ naw maꞈ paˇ ya ehˇ poˆ-awˇ, ngaˬ neh naw maꞈ-ahˇ kʼoeˬ saˆ nehˬ-euˬ dawˬ heu deuˬ, naw maꞈ nymˇ mˬ kʼoeˇ taˆ daˆ leˇ-awˇ ya guˇ gaˬ tehꞈ-a.

Maꞈtehˬ 13:35

Miˬyehˇ gʼaˇ duˬ ngehˬ dah-eu deuˬ neh ehˇ taˬ-euˬ dawˬ heu deuˬ byah laˇ ni, aˬ yawꞈ kʼoeˇ loꞈ-ehˇ mehˬ nehˬ-euˬ meh. “Ngaˬ-euˬ kʼaˬ meh ngaˇ mˇ nga-awˇ, yaw jeˬ ma jeˬ ja mehˬ nehˬ-awˇ, Miˇ beh ngeh neh zaꞈ taˬ-euˬ jeˬ, aˬ yawꞈ maꞈ-ahˇ dzawˇ duˬ nehˬ ma.”

Maꞈtehˬ 25:34

Kʼoeˇ naˇ, aˬ yawꞈ-euˬ aˇ maˇ paw jawˇ-eu tsawˇ haˬ deuˬ-ahˇ Sahˬ paˬ heu loꞈ-ehˇ ehˇ nehˬ tehꞈ-a. ‘Ngaˬ Da neh guiˬ lahˬ biꞈ taˬ-euˬ tsawˇ haˬ deuˬ-oˇ, laˇ-awˬ. Mˬ beh miˇ beh ngeh neh naw maꞈ gʼaˇ duˬ lehˬ hmˬ taˬ-euˬ miˇ kʼahˬ-ahˇ jawˇ laˇ-awˬ.

Maꞈtehˬ 28:19

Kʼoeˇ miˇ neh, miˇ tsaˬ tsawˇ jeuˬ dawˬ tawˆ luꞈ jawˇ gaˇ iˇ doe-awˇ, ngaˬ-euˬ zaˬ lahˇ pyeuꞈ laˇ ni mˇ-iˇ-awˬ. Aˬda Miˬyehˇ, Zaˬmaˇ Miˬyehˇ hawˇ-eu, Muiˬ-eu Shawˇ-eu Yaw sahˇ Miˬyehˇ-euˬ tsawˇ myahˇ uˬ moˆ, aˬ yawꞈ maꞈ-ahˇ iˇ cuꞈ shawˇ nehˬ-awˬ.

Luˇkaꞈ 24:47

Kʼoeˇ naˇ, Yeˬluˇsaˬlehˬ meuˬ-ahˇ neh dahˬ beh-awˇ, tsawˇ jeuˬ dawˬ tawˆ luꞈ-ahˇ iˬ baˇ noeˬ poˆ-eu gaˇ kawˆ hawˇ-eu, Miˬyehˇ iˬ baˇ pyehˬ nehˬ-eu gaˇ kawˆ, aˬ yawꞈ-euˬ tsawˇ myahˇ uˬ moˆ ya mehˬ nehˬ-iˇ meh lehˇ boꞈ taˬ-euˬ meh.

Yoˇhaˬ 10:30

Aˬda hawˇ-eu ngaˇ-aˬ, aˬ yawꞈ tiˬ gʼaˬ ma.”

Yoˇhaˬ 5:17

Yeˬsuˇ aˬ yawꞈ maꞈ-ahˇ ehˇ nehˬ-eu, “Ngaˬ Da nymˬ-mˇ keuˆ ni maˬ tsehˆ leˇ ni gaˇ mˇ luꞈ-eu miˇ neh, ngaˇ kʼawꞈ ya mˇ meh.”

Yoˇhaˬ 5:19

Kʼoeˇ miˇ neh, aˬ yawꞈ maꞈ-ahˇ Yeˬsuˇ heu loꞈ-ehˇ ehˇ kʼoꞈ nehˬ-euˬ meh. “Ngaˇ naw maꞈ-ahˇ maˇ jawˆ ni ehˇ-eu ma. Aˬda kʼaˇ mˇ-eu jeˬ Zaˬmaˇ mˇ nya-eu meh.

Gʼaˬkʼehˇ 15:18

gaˇ kawˆ heu deuˬ aˇ hu ba neh, bi siˬ laꞈ-euˬ yaw sahˇ pyeuꞈ-eu, SahˬpaˬMiˬyehˇ ehˇ taˬ-euˬ meh.’

Lormav 11:25

Aˬ yuiꞈ aˬ nyiˇ Ka li zaˬ deuˬ-oˇ, naw maꞈ yawˬ haˇ yawˬ ha zaˬ siˬ tsawˇ gahˇ ahˇ ma lehˇ maˬ ya noeˬ ni, zaꞈ taˬ-euˬ yaw tsaˬ yaw dawˇ tiˬ jeˬ naw maꞈ-ahˇ ngaˇ ehˇ nehˬ mawꞈ miˇ-a. Iˇsaˬleˬlaˇ tsawˇ haˬ deuˬ nui ma gʼahˇ-eu kʼoeˇ-aˬ, gʼawˬ myahˇ ni maˬ gmˬ-aˇ. Aˬ cawˬ tsawˇ jeuˬ aˇ myaˆ gʼaˬ bi laˇ byah-eu lehˇ Miˬyehˇ neh noeˬ taˬ-euˬ loꞈ-ehˇ laˇ byah ngeh keuˆ ni gmˬ-eu tehꞈ meh.

1 Gawˇliˬtu 2:7

Ngaˇ mehˬ luꞈ-eu zaˬ siˬ tsawˇ gahˇ kʼoeˇ-aˬ, Miˬyehˇ-euˬ zaꞈ taˬ-euˬ zaˬ siˬ tsawˇ gahˇ meh. Zaˬ siˬ tsawˇ gahˇ kʼoeˇ-aˬ, tsawˇ haˬ zaˬ deuˬ maˬ siˬ nya-eu zaꞈ taˬ-euˬ jeˬ pyeuꞈ-eu meh. Ehˇ kʼawꞈ, aˬ dui yaw shehꞈ kʼahˬ sehˇ bi za-eu lehˇ, miˇ tsaˬ tahˬ kʼawˇ maˬ beh mi naˆ-ehˇ zaˬ siˬ tsawˇ gahˇ kʼoeˇ-ahˇ Miˬyehˇ tseˇ doˆ taˬ-euˬ meh.

Eˇpeˇsu 1:4

Miˬyehˇ-euˬ mehˬ shi aˬ dui muiˬ-awˇ shawˇ-awˇ, iˬ baˇ taˬ kʼaˇ maˬ bi za-eu gʼaˇ duˬ, miˇ tsaˬ tahˬ kʼawˇ heu maˬ beh mi naˆ-ehˇ Yeˬsuˇ Ka li laꞈ kʼoeˇ Miˬyehˇ neh aˬ dui-ahˇ tseˇ doˆ taˬ-euˬ meh.

Eˇpeˇsu 3:2

Miˬyehˇ gʼawˬ shaˬ gaˬ-eu guiˬ lahˬ baˬ da neh naw maꞈ gʼaˇ duˬ muiˬ ni gaˇ heu hmˬ ngaˬ-ahˇ bi mˇ laꞈ-euˬ gaˇ kawˆ, naw maꞈ ya gaˬ duˬ taˬ-euˬ meh.

Eˇpeˇsu 6:19

Laˬ kʼaˬ cehˇ-eu Guiˬ lahˬ dawˬ gaˇ kawˆ zaꞈ taˬ-euˬ jeˬ-ahˇ aˬ cawˬ siˬ nya laˇ ni kʼaˬ duˬ ni dawˬ ngehˬ nya-eu gʼaˇ duˬ, ngaˇ dawˬ ngehˬ-eu lehˇ kʼaˇ gʼeh ngeh Miˬyehˇ-euˬ dawˬ ngaˬ-ahˇ biꞈ laꞈ ni ngaˬ-euˬ gʼaˇ duˬ kʼawꞈ aˬ myah luꞈ guiˬ lahˬ shaˇ-awˬ.

Gawˇlawˇsehˇ 1:23

Naw maꞈ jah-eu jeˬ laꞈ kʼoeˇ ziꞈ dah ni ya dehꞈ daˆ gʼeh-awˇ, Laˬ kʼaˬ cehˇ-eu Guiˬ lahˬ dawˬ ya gaˬ ngeh za taˬ-euˬ noeˬ tmˬ-eu jeˬ poˆ poˆ laˆ laˆ-ehˇ maˬ ya bi gʼeh-a. Ngaˇ Pawˇluˆ zaˬ kʼaˆ geuꞈ luꞈ-eu heu-aˬ, miˇ tsaˬ kʼoeˇ taˆ kʼaˇ jawˇ-eu tsawˇ haˬ yawˬ gʼaˬ na luꞈ-ahˇ mehˬ nehˬ-euˬ Laˬ kʼaˬ cehˇ-eu Guiˬ lahˬ dawˬ heu-euˬ gʼaˇ duˬ ma.

Gawˇlawˇsehˇ 1:26

Aˬ yawꞈ-euˬ dawˬ kʼoeˇ-aˬ, aˇ hu ba neh miˇ tsaˬ zaˬ dawˬ tawˆ luꞈ gʼaˇ duˬ zaꞈ taˬ-euˬ jeˬ pyeuꞈ-eu kʼawꞈ, nym-mˇ aˬ yawꞈ-euˬ tsawˇ haˬ deuˬ-ahˇ pah mehˬ nehˬ-euˬ meh.

Gawˇlawˇsehˇ 3:3

Aˬ jeˬ miˇ neh ehˇ naˇ, naw maꞈ shiˇ-euˬ tsawˇ haˬ pyeuꞈ-awˇ, naw maꞈ maˇ maˇ ni ya dehꞈ-eu jeˬ-aˬ, Ka li dehꞈ-eu jeˬ nehˬ-ehˇ tiˬ kawˆ loꞈ-ehˇ Miˬyehˇ laꞈ kʼoeˇ zaꞈ taˬ-awˇ jaˆ-a siˬ.

Gawˇlawˇsehˇ 4:3

Ka li-euˬ gaˇ kawˆ zaꞈ taˬ-euˬ jeˬ-ahˇ taꞈ-eu Miˬyehˇ dawˬ kawˬ nga maꞈ mehˬ ngeh, laˆ tsoeˬ-eu jeˬ maˬ jaˆ-ehˇ ya mehˬ ni Miˬyehˇ caw ba nehˬ laꞈ-eu gʼaˇ duˬ noeˬ keuˆ-awˇ guiˬ lahˬ shaˇ nehˬ laꞈ-awˬ. Aˬ jeˬ miˇ neh ehˇ naˇ, ngaˇ Miˬyehˇ dawˬ kawˬ mehˬ-euˬ miˇ neh nymˬ-mˇ tawˬ-ahˇ ya uˇ luꞈ-eu ma.

2 Teˇsaˬloˇni 2:13

Aˬ yuiꞈ aˬ nyiˇ Ka li zaˬ deuˬ-oˇ, Sahˬpaˬ Yeˬsuˇ gaˬ-eu tsawˇ haˬ deuˬ pyeuꞈ-eu naw maꞈ gʼaˇ duˬ Miˬyehˇ-euˬ guiˬ lahˬ-ahˇ nga maꞈ maˬ ja ceuˬ-ehˇ tiˬ kʼehˬ-iˬ maˬ jawˇ coeˇ nya. Aˬ jeˬ miˇ neh ehˇ naˇ, Yaw sahˇ Miˬyehˇ-euˬ baoˬ baˬ da neh naw maꞈ-ahˇ bi muiˬ bi shawˇ laˇ-awˇ, yaw tsaˬ yaw dawˇ-ahˇ naw maꞈ jah-eu baˬ da neh ka kʼoꞈ-eu jeˬ bi za-eu gʼaˇ duˬ, mˬ hawˇ-eu miˇ maˬ beh mi naˆ-ehˇ naw maꞈ-ahˇ Miˬyehˇ tseˇ doˆ taˬ-euˬ meh.

1 Tiˆmoˇseˬ 3:16

Aˬ dui-euˬ uˬ duˬ tahˬ-eu zahˇ sahˇ kʼoꞈ heu hmˬ-euˬ zaꞈ taˬ-euˬ jeˬ aˇ naˆ ni huiˬ-eu gaˇ kawˆ, tsawˇ haˬ tiˬ gʼaˬ-iˬ tsawˇ pyehˇ maˬ pyehˇ nya-a. Miˬyehˇ shiˬ shaˬ pi le-euˬ heu, Yaw sahˇ Miˬyehˇ saˇ kiˇ kamˬ-awˇ, mˬ taˆ gʼaˬ kʼehˇ mawˇ duˬ-euˬ meh. Tsawˇ jeuˬ doe ni mehˬ doe jiˇ-awˇ, miˇ tsaˬ doe ni yawꞈ-ahˇ jah meh. Yaw shehꞈ kʼahˬ sehˇ laꞈ kʼoeˇ yawꞈ-ahˇ, mˬ taˆ sheuˬ daˆ kʼoꞈ leꞈ-euˬ meh.

2 Tiˆmoˇseˬ 1:9

Aˬ dui neh mˇ-euˬ shaˇ-euˬ jeˬ baˬ da neh, aˬ yawꞈ aˬ dui-ahˇ ka kʼoꞈ-awˇ aˬ yawꞈ-euˬ zaˬ bi pyeuꞈ laˇ-euˬ maˬ ngeuˇ-a. Aˬ yawꞈ neh noeˬ taˬ-euˬ jeˬ hawˇ-eu aˬ yawꞈ-euˬ guiˬ lahˬ yaw dzahˇ baˬ da neh bi pyeuꞈ laˇ-euˬ meh. Mˬ hawˇ-eu miˇ maˬ seu le mi naˆ-ehˇ, Yeˬsuˇ Ka li-ahˇ gʼoe-awˇ guiˬ lahˬ yaw dzahˇ kʼoeˇ biꞈ taˬ leꞈ-euˬ meh.

2 Tiˆmoˇseˬ 4:17

Ehˇ kʼawꞈ, Sahˬpaˬ Yeˬsuˇ ngaˬ nehˬ-ehˇ jawˇ-awˇ, ngaˬ-ahˇ gʼaˬ biꞈ nehˬ laꞈ-euˬ meh. Kʼoeˇ miˇ neh, Yuˇdaˆ tsawˇ haˬ maˬ ngeuˇ-eu deuˬ-ahˇ Miˬyehˇ dawˬ kawˬ nui kʼahˇ tiˬ shiˇ ya mehˬ yaꞈ-euˬ ma. Kʼoeˇ uˬ taꞈ, ngaˬ-ahˇ sehꞈ-eu gʼaˇ duˬ yaˇ kʼaˬ maˬ daˇ nehˬ laꞈ ni nya dzeuˇ-iˇ-euˬ ma.

Tiˇtuˆ 1:2

Kʼoeˇ-aˬ, mˬ maˬ maˬ byaˆ zaˇ ziˇ dehꞈ-eu jeˬ-ahˇ noeˬ tmˬ-eu jeˬ kʼoeˇ taˆ dawˬ pehˬ taˬ taˬ-euˬ meh. Jaˬ myawꞈ maˬ myawꞈ-eu Miˬyehˇ-aˬ, aˇ yamˬ-ahˇ maˬ beh mi naˆ-ehˇ, dehꞈ-eu jeˬ kʼoeˇ aˬ dui-ahˇ biꞈ ma lehˇ saˇ jaˇ dzaˬ taˬ-euˬ meh.

1 Beˬtuˆluˆ 1:20

Miˇ tsaˬ tahˬ kʼawˇ heu maˬ beh mi naˆ-ehˇ Miˬyehˇ neh aˬ yawꞈ-ahˇ tseˇ doˆ taˬ-awˇ, aˇ nah aˇ yamˬ heu laꞈ kʼoeˇ naw maꞈ-euˬ gʼaˇ duˬ aˬ yawꞈ-ahˇ Miˬyehˇ bi doˆ le-euˬ meh.

Panmaeq 13:8

Bi sehꞈ-euˬ Yawˇzaˬ-euˬ dehꞈ-eu saꞈ laˇ sahˬ boꞈ laꞈ kʼoeˇ, miˇ tsaˬ tahˬ kʼawˇ maˬ beh mi naˆ-ehˇ tsawˇ myahˇ bi boꞈ ahˇ taˬ-euˬ tsawˇ haˬ deuˬ maˬ ngeuˇ naˇ, miˇ tsaˬ kʼoeˇ taˆ kʼaˇ jawˇ-eu tsawˇ haˬ dawˬ tawˆ luꞈ jeˬ zaˬ yaw haiˬ kʼoeˇ mawˇ-ahˇ uˬ duˬ tahˬ tehꞈ-a.

Panmaeq 14:6

Kʼoeˇ naˇ, mˬ taˆ gʼaˬ kʼehˇ tiˬ gʼaˬ mˬ-euˬ gʼahˇ ceh zaw gaˇ ngaˇ ya mawˇ-euˬ ma. Aˬ yawꞈ-aˬ, miˇ kʼahˬ tsawˇ jeuˬ tsawˇ ca dawˬ tawˆ luꞈ-ahˇ ja ceuˬ-eu gʼaˇ duˬ mˬ maˬ maˬ byaˆ zaˇ ziˇ Laˬ kʼaˬ cehˇ-eu Guiˬ lahˬ dawˬ pi luꞈ-eu meh.

Panmaeq 17:8

Nawˇ mawˇ-euˬ jeˬ zaˬ kʼoeˇ mawˇ-aˬ, aˇ hu dehꞈ-euˬ kʼawꞈ, nymˬ-mˇ maˬ paˇ dehꞈ meh. Gʼawˬ myahˇ maˬ gʼeh-ehˇ yaw li maˬ baw-eu duˬ kʼahˬ-ahˇ neh doˆ laˇ-awˇ, luˬ-iˇ seˇ-iˇ-eu jeˬ laꞈ kʼoeˇ ya uˇ-iˇ tehꞈ-a. Mˬ hawˇ-eu miˇ maˬ beh mi naˆ-ehˇ saꞈ laˇ dehꞈ-eu sahˬ boꞈ laꞈ kʼoeˇ tsawˇ myahˇ maˬ bi boꞈ ahˇ taˬ-euˬ miˇ tsaˬ kʼoeˇ taˆ jawˇ luꞈ-eu tsawˇ haˬ deuˬ-aˬ, jeˬ zaˬ yaw haiˬ kʼoeˇ mawˇ-ahˇ ya mawˇ ngeh zahˬ dui dui leˇ tehꞈ-a. Aˬ jeˬ miˇ neh ehˇ naˇ, jeˬ zaˬ yaw haiˬ kʼoeˇ mawˇ dzeuˇ laˇ ngeh yaw dehꞈ dehꞈ-euˬ kʼawꞈ, nymˬ-mˇ maˬ paˇ dehꞈ meh. Ehˇ kʼawꞈ, tiˬ poˆ paˇ doˆ laˇ tehꞈ-a.

Panmaeq 4:11

“Nga maꞈ-euˬ Sahˬpaˬ Miˬyehˇ-oˇ, yawˬ jeˬ na luꞈ nawˬ neh beh-awˇ, nawˬ-euˬ nui kʼahˇ baˬ da baˇ neh, jaˆ luꞈ jawˇ luꞈ-eu baˬ da neh, yaw shehꞈ kʼahˬ sehˇ maˬ ehˇ, taˬ huiˬ taˬ mahˇ-eu jeˬ maˬ ehˇ, baoˬ maˬ ehˇ, nawˇ za geuˇ-eu meh.”