Eˇpeˇsu 3:8 - Akha

⁸ Miˬyehˇ-euˬ tsawˇ haˬ deuˬ laꞈ kʼoeˇ aˬ cawˬ taꞈ-ehˇ nyiˇ teˬ dzehˬ-eu gʼaˬ ngaˇ ma. Ehˇ kʼawꞈ, maˬ ehˇ jiˇ coeˇ gaˇ keuˆ ni byah dui kuꞈ dui dui-eu Ka li-euˬ guiˬ lahˬ gaˇ kawˆ aˬ cawˬ tsawˇ jeuˬ-ahˇ mehˬ-eu gʼaˬ bi geuꞈ laꞈ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁸ Kali-euq lafkhoer anr-eu, maq povmawr jircoerni sanr-eu guiqlanq deuq, aqcawq tsawrjeuq tsawrca-anr dawqmaeq bimaeq-ir-eu gharduq, tsawrshawr dawqtawv luf-anr nae teqdzaeq dzaeq-eu ghaq pyeuf-eu ngaq-anr, guiqlanq yawdzanr khoer bifnaeq laf-euq mae.

Eˇpeˇsu 3:8 ပူးပေါင်းရင်းမြစ်များ

1 Laˬsaˬbaˬ 17:16

Kʼoeˇ naˇ, Sahˬpaˬ Miˬyehˇ jawˇ-eu Sehˬ gʼawˆ-ahˇ Daˬbiˇ uˇ leˇ-awˇ nuiˇ-awˇ, heu loꞈ-ehˇ guiˬ lahˬ shaˇ-euˬ meh. “Miˬyehˇ pyeuꞈ-eu Sahˬpaˬ Miˬyehˇ-oˇ, ngaˇ maˬ ehˇ, ngaˬ-euˬ nymˇ jiˇ maˬ ehˇ, nawˬ neh mˇ nehˬ laꞈ-euˬ guiˬ lahˬ-ahˇ maˬ geuˇ nya.

Jaceuq 31:19

Nawˬ-ahˇzeu-eu deuˬ-euˬkʼoeˇtaˆ, nawˬneh biꞈ-euˬguiˬlahˬkʼoeˇdeuˬ, aˇnaˆni byah-eu kuꞈ-eu nga. Nawˬ-ahˇgʼoe-eu tsawˇ haˬdeuˬ-ahˇ, nawˇaˇnaˆni muiˬ-eu gaˇkawˆ, miˇtsaˬzaˬdeuˬmawˇjiˇluꞈmeh.

Luˇkaꞈ 14:22

Tiˬ kʼehˬ keuˆ laˇ ngeh, zaˬ kʼaˆ kʼoeˇ gʼaˬ ehˇ-eu, ‘Baw leˬ-oˇ, nawˬ neh ehˇ-euˬ loꞈ-ehˇ kuˇ uiˬ taˬ-euˬ ma. Ehˇ kʼawꞈ, jawˇ duˬ gʼawˬ mya ni ngehꞈ nga siˬ.’

Yoˇhaˬ 1:16

Aˬ yawꞈ laꞈ kʼoeˇ gʼawˬ shaˬ gaˬ-eu jeˬ tiˬ byah ni ahˇ-awˇ, aˬ dui-ahˇ guiˬ lahˬ tiˬ jeˬ saˇ-iˬ tiˬ jeˬ biꞈ laꞈ luꞈ-eu meh.

Gʼaˬkʼehˇ 5:41

Gʼaˬ kʼehˇ deuˬ Baꞈ dzah-ahˇ neh gʼoꞈ doˆ le ngeh, laˬ kʼaˬ cehˇ-eu meh. Aˬ jeˬ miˇ neh ehˇ naˇ, Yeˬsuˇ gʼaˇ duˬ shaꞈ dawˇ-eu jeˬ-ahˇ daˬ geuˇ-eu tsawˇ haˬ lehˇ, aˬ yawꞈ maꞈ-ahˇ Miˬyehˇ sawˇ nehˬ-euˬ aˬ yawꞈ maꞈ siˬ nya-eu meh.

Gʼaˬkʼehˇ 9:15

Sahˬpaˬ Yeˬsuˇ ehˇ-eu, “Iˇ-awˬ. Aˬ jeˬ miˇ neh ehˇ naˇ, Yuˇdaˆ tsawˇ haˬ maˬ ngeuˇ-eu deuˬ maˬ ehˇ, miˇ kʼahˬ sahˬ paˬ deuˬ maˬ ehˇ, Iˇsaˬleˬlaˇ tsawˇ haˬ deuˬ maˬ ehˇ, ngaˬ-euˬ tsawˇ myahˇ-ahˇ siˬ nya laˇ ni bi mˇ-eu gʼaˇ duˬ, aˬ yawꞈ-ahˇ ngaˇ tseˇ doˆ taˬ-euˬ ma.

Lormav 11:33

Miˬyehˇ-euˬ guiˬ lahˬ aˇ naˆ ni huiˬ-eu nga. Aˬ yawꞈ-euˬ zaˬ siˬ nui gahˇ aˇ naˆ ni naꞈ-eu nga. Aˬ yawꞈ neh noeˬ tsehˆ-euˬ jeˬ-ahˇ tsawˇ haˬ tiˬ gʼaˬ-iˬ maˬ siˬ nya-ehˇ, aˬ yawꞈ aˬ jeˬ miˇ neh kʼoeˇ loꞈ-ehˇ mˇ-eu gaˇ kawˆ-ahˇ tsawˇ haˬ tiˬ gʼaˬ-iˬ maˬ gʼoˆ shaw nya-a.

Lormav 12:10

Ka li laꞈ kʼoeˇ aˬ yuiꞈ aˬ nyiˇ loꞈ-ehˇ tiˬ gʼaˬ tiˇ gʼaˬ gaˬ-awˇ, tiˬ gʼaˬ tiˇ gʼaˬ yaw zeu baw-eu nui ma ahˇ-awˬ.

Lormav 2:4

Maˬ ngeuˇ naˇ, aˬ yawꞈ-euˬ huiˬ dui dui-eu gʼawˬ shaˬ gaˬ-eu jeˬ, oˇ coeˇ-eu jeˬ, nui ma mahˇ-eu jeˬ, heu deuˬ-ahˇ nawˇ yehˬ bawˬ sehˇ lu-ehˇ gʼeh te loˇ. Miˬyehˇ gʼawˬ shaˬ gaˬ-eu jeˬ ahˇ meh lehˇ nawˇ siˬ duˬ meh. Aˬ jeˬ miˇ neh ehˇ naˇ, nawˇ iˬ baˇ noeˬ poˆ laˇ ni aˬ yawꞈ leh jeh luꞈ-eu meh.

1 Gawˇliˬtu 1:30

Ehˇ kʼawꞈ, naw maꞈ-ahˇ-aˬ, Yeˬsuˇ Ka li-ahˇ bi tsoꞈ taꞈ-eu gʼaˇ duˬ Miˬyehˇ mˇ-awˇ, Ka li-aˬ aˬ dui-euˬ zaˬ siˬ tsawˇ gahˇ pyeuꞈ ni Miˬyehˇ jahˇ-euˬ meh. Ka li baˬ da neh Miˬyehˇ-ahˇ aˬ dui tsaˬ leˇ tsahˇ leˇ-awˇ, Miˬyehˇ-euˬ muiˬ-eu shawˇ-eu tsawˇ haˬ pyeuꞈ laˇ-awˇ, iˬ baˇ-ahˇ buˬ-iˇ law-iˇ gʼaˬ-euˬ ma.

1 Gawˇliˬtu 15:9

Aˬ jeˬ miˇ neh ehˇ naˇ, gʼaˬ kʼehˇ dawˬ tawˆ luꞈ laꞈ kʼoeˇ ngaˇ aˬ cawˬ naˆ maˬ tseˇ teˬ-eu gʼaˬ pyeuꞈ-eu ma. Miˬyehˇ-euˬ Ka li zaˬ aˇ muˇ-ahˇ kʼehˬ haw kʼaˆ haw-euˬ tsawˇ haˬ pyeuꞈ-eu miˇ neh, gʼaˬ kʼehˇ lehˇ bi kuˇ-eu kʼawꞈ maˬ geuˇ nya.

1 Gawˇliˬtu 2:9

Ehˇ kʼawꞈ, Jaˇliꞈ laꞈ kʼoeˇ heu loꞈ-ehˇ ehˇ taˬ-euˬ jaˆ-eu meh. “Myaˆ nuiˆ maˬ mawˇ haw-ehˇ, naˬ bawˇ maˬ gaˬ haw-euˬ, maˬ noeˬ doˆ coeˇ-eu jeˬ, Miˬyehˇ-ahˇ gaˬ-euˬ deuˬ gʼaˇ duˬ, Miˬyehˇ lehˬ hmˬ laˆ saˆ-euˬ meh.”

Gaˬlaˬtiˆ 1:16

Aˬ yawꞈ-euˬ gaˇ kawˆ Yuˇdaˆ tsawˇ haˬ deuˬ-ahˇ bi mehˬ-eu gʼaˇ duˬ, aˬ yawꞈ-euˬ Zaˬmaˇ neh ngaˬ-ahˇ pah mehˬ nehˬ laꞈ-euˬ meh. Tsawˇ haˬ zaˬ tiˬ gʼaˬ-ahˇ-iˬ, ngaˇ nui noeˬ nui duˇ maˬ shaˇ haw-aˬ.

Gaˬlaˬtiˆ 2:8

Aˬ jeˬ miˇ neh ehˇ naˇ, Beˬtuˆluˆ-ahˇ Yuˇdaˆ tsawˇ haˬ deuˬ gʼaˇ duˬ gʼaˬ kʼehˇ bi geuꞈ-euˬ loꞈ-ehˇ, ngaˬ-ahˇ kʼawꞈ aˬ cawˬ tsawˇ jeuˬ gʼaˇ duˬ gʼaˬ kʼehˇ bi geuꞈ-eu lehˇ Miˬyehˇ-euˬ baoˬ neh kʼehˇ taˬ-euˬ meh.

Eˇpeˇsu 2:7

Yeˬsuˇ Ka li laꞈ kʼoeˇ Miˬyehˇ neh aˬ dui-ahˇ bi mawˇ laꞈ-euˬ gʼoeˇ-eu gaˬ-eu jeˬ laꞈ kʼoeˇ ahˇ-eu maˬ ehˇ jiˇ coeˇ ni huiˬ-eu aˬ yawꞈ-euˬ guiˬ lahˬ yaw dzahˇ-ahˇ, aˬ kaˇ kaˇ ziˇ keuˆ ni a myah luꞈ bi siˬ bi mawˇ-eu gʼaˇ duˬ, Miˬyehˇ kʼoeˇ loꞈ-ehˇ mˇ-euˬ jeˬ pyeuꞈ-eu meh.

Eˇpeˇsu 3:1

Kʼoeˇ baˬ da neh, naw maꞈ-euˬ gʼaˇ duˬ Yeˬsuˇ Ka li-euˬ gaˇ mˇ-euˬ miˇ neh tawˬ-ahˇ ya uˇ-euˬ gʼaˬ pyeuꞈ-eu ngaˇ Pawˇluˆ, Miˬyehˇ-ahˇ guiˬ lahˬ shaˇ-eu ma.

Eˇpeˇsu 3:16

Naw maꞈ-euˬ nui ma laꞈ kʼoeˇ gʼaˬ bi ahˇ laˇ ni, Yaw sahˇ Miˬyehˇ-ahˇ gʼoe-eu laꞈ kʼoeˇ aˬ yawꞈ-euˬ byah dui kuꞈ dui dui-eu yaw shehꞈ kʼahˬ sehˇ-euˬ baoˬ naw maꞈ-ahˇ biꞈ-eu gʼaˇ duˬ Miˬyehˇ-ahˇ ngaˇ shaˇ-eu ma.

Eˇpeˇsu 3:19

Aˬ yawꞈ-euˬ gʼoeˇ-eu gaˬ-eu jeˬ-aˬ, tiˬ byah tiˬ loꞈ maˬ siˬ duˬ nya-eu jeˬ pyeuꞈ-eu kʼawꞈ, gʼoeˇ-eu gaˬ-eu kʼoeˇ-ahˇ naw maꞈ siˬ nya laˇ-awˇ, Miˬyehˇ laꞈ kʼoeˇ byah luꞈ-eu jeˬ naw maꞈ laꞈ kʼoeˇ byah laˇ luꞈ-uˇ.

Eˇpeˇsu 3:2

Miˬyehˇ gʼawˬ shaˬ gaˬ-eu guiˬ lahˬ baˬ da neh naw maꞈ gʼaˇ duˬ muiˬ ni gaˇ heu hmˬ ngaˬ-ahˇ bi mˇ laꞈ-euˬ gaˇ kawˆ, naw maꞈ ya gaˬ duˬ taˬ-euˬ meh.

Piˇliˇpiˆ 2:3

Yawˬ ha-euˬ nui kʼahˇ gʼaˇ duˬ tehꞈ-ehˇ shaˇ noeˬ-eu jeˬ maˬ ehˇ, yawˬ ha-ahˇ aˬ cawˬ bi noeˬ huiˬ-eu gʼaˇ duˬ kʼahˬ sehˇ jehˆ-eu jeˬ maˬ ehˇ, tiˬ pawꞈ-iˬ taˬ mˇ. Ehˇ kʼawꞈ, tiˬ gʼaˬ tiˇ gʼaˬ nui ma nahˬ yu ni taˬ-awˬ. Aˬ cawˬ naˆ maˬ tseˇ maˬ gaˇ ma lehˇ noeˬ-eu nui ma taˬ bi ahˇ.

Piˇliˇpiˆ 4:19

Naw maꞈ kʼaˇ loˬ-eu jeˬ laꞈ kʼoeˇ, Yeˬsuˇ Ka li-ahˇ gʼoe-awˇ Miˬyehˇ-euˬ baw le za le-eu guiˬ lahˬ biꞈ nehˬ laꞈ tehꞈ-a.

Gawˇlawˇsehˇ 1:27

Miˬyehˇ-aˬ, aˬ yawꞈ-euˬ tsawˇ haˬ dawˬ tawˆ luꞈ gʼaˇ duˬ aˬ yawꞈ neh zaꞈ taˬ-euˬ jeˬ kʼoeˇ aˇ naˆ ni yaw shehꞈ kʼahˬ sehˇ byah-awˇ, aˇ naˆ ni zahˬ leˇ paˬ-ehˇ gʼeh-eu gaˇ kawˆ, aˬ yawꞈ-euˬ tsawˇ haˬ deuˬ-ahˇ bi siˬ bi mawˇ-eu lehˇ lehˬ hmˬ taˬ-euˬ meh. Zaꞈ taˬ-euˬ kʼoeˇ-aˬ, naw maꞈ laꞈ kʼoeˇ Ka li jawˇ-eu kʼoeˇ meh. Kʼoeˇ-aˬ, Miˬyehˇ zahˬ leˇ paˬ-ehˇ gʼeh-eu gʼaˬ pyeuꞈ-eu loꞈ-ehˇ, naw maꞈ kʼawꞈ bi pyeuꞈ laˇ-eu gʼaˇ duˬ ehˇ mawꞈ-euˬ meh.

1 Tiˆmoˇseˬ 1:13

Dzeuˇ laˇ ngeh aˬ yawꞈ-ahˇ ngaˇ ja doeˇ-awˇ, kʼehˬ nehˬ kʼaˆ nehˬ-awˇ, yehˬ bawˬ sehˇlu-ehˇ ehˇ nehˬ-euˬ ma. Ehˇ kʼawꞈ, ngaˇ jah-eu jeˬ maˬ ahˇ laˇ dah-ehˇ yawˬ ha mˇ luꞈ-eu jeˬ-ahˇ maˬ tseˇ paˆ nya-euˬ baˬ da neh, Miˬyehˇ ngaˬ-ahˇ gʼawˬ shaˬ gaˬ nehˬ laꞈ-euˬ meh.

1 Tiˆmoˇseˬ 1:15

Iˬ baˇ zaˬ-ahˇ ka kʼoꞈ-eu gʼaˇ duˬ Yeˬsuˇ Ka li miˇ tsaˬ kʼoeˇ taˆ oe-euˬ meh lehˇ ehˇ taˬ-euˬ kʼoeˇ-aˬ, tiˬ byah tiˬ loꞈ ha geuꞈ-awˇ jah paˬ-ehˇ gʼeh-eu dawˬ pyeuꞈ-eu meh. Iˬ baˇ zaˬ deuˬ laꞈ kʼoeˇ aˬ cawꞈ naˆ maˬ tseˇ iˬ baˇ huiˬ dzehˬ-eu gʼaˬ-aˬ, ngaˇ ma.

1 Tiˆmoˇseˬ 2:7

Kʼoeˇ miˇ neh, jah-eu jeˬ hawˇ-eu yaw tsaˬ yaw dawˇ jehˬ-ahˇ taꞈ-eu guiˬ lah dawˬ mehˬ-eu gʼaˇ duˬ, Yuˇdaˆ tsawˇ haˬ maˬ ngeuˇ-eu aˬ cawˬ tsawˇ jeuˬ jawˇ gaˇ gʼaˬ kʼehˇ hawˇ-eu mehˬ-eu tsoˆ-eu saˬ laˬ bi geuꞈ-eu lehˇ, Miˬyehˇ neh ngaˬ-ahˇ kʼehˇ gʼeh laꞈ-euˬ meh. Ngaˇ jaˬ myawꞈ maˬ myawꞈ. Dawˇ coe ni ehˇ-eu ma.

2 Tiˆmoˇseˬ 1:11

Laˬ kʼaˬ cehˇ-eu Guiˬ lahˬ dawˬ mehˬ-eu gʼaˬ kʼehˇ hawˇ-eu mehˬ-eu tsoˆ-eu gʼaˬ bi geuꞈ-eu gʼaˇ duˬ, Miˬyehˇ ngaˬ-ahˇ tseˇ doˆ-euˬ meh.

Panmaeq 3:18

Kʼoeˇ miˇ neh, nawˇ smˇ muiˬ bi muiˬ laˇ-eu gʼaˇ duˬ, ngaˇ jawˇ gaˇ maˇ jawˆ ni gʼeh-eu shuiˇ zeuˇ laˇ-awˬ lehˇ nui noeˬ nui duˇ biꞈ-eu ma. Nawˇ dm-eu gʼaˇ duˬ mehˬ tsoeˬ yaw pyuˇ kʼawꞈ zeuˇ-awˇ, shaꞈ dawˇ dui dui paˬ-ehˇ neˇ myawˆ ni gʼeh-eu nawˬ-euˬ gʼawˇ mawˇ-ahˇ dm kaˬ-awˬ. Nawˬ-euˬ myaˆ nuiˆ mawˇ nya laˇ ni, myaˆ nuiˆ-ahˇ dawˆ-eu tsiˇ zeuˇ-awˬ.