Eˇpeˇsu 3:21 - Akha

²¹ Miˬyehˇ-ahˇ, Ka li zaˬ aˇ muˇ laꞈ kʼoeˇ maˬ ehˇ, Yeˬsuˇ ka li laꞈ kʼoeˇ maˬ ehˇ, mˬ maˬ maˬ byaˆ zaˇ ziˇ aˬ myah luꞈ yaw shehꞈ kʼahˬ sehˇ huiˬ luꞈ-uˇ. Aˬ miˬ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²¹ Yeqsur Kali-anr ghoe-awr, Kalizaq armur-euq lafkhoer tiqzir sair tiqzir, li-eu maqbawni Miqyaer-euq yawshaef khanqsaer huiq luf-ur. Aqmeq.

Eˇpeˇsu 3:21 ပူးပေါင်းရင်းမြစ်များ

1 Laˬsaˬbaˬ 29:11

Baoˬ maˬ ehˇ, yaw shehꞈ kʼahˬ sehˇ maˬ ehˇ, huiˬ dui mahˇ dui dui-eu jeˬ maˬ ehˇ, gʼaˬ leˇ-eu jeˬ maˬ ehˇ, zahˬ dui dui leˇ paˬ-ehˇ gʼeh-eu jeˬ maˬ ehˇ, dawˬ tawˆ luꞈ nawˬ-euˬ laꞈ kʼoeˇ byah luꞈ meh. Mˬ hawˇ-eu miˇ kʼoeˇ taˆ kʼaˇ jaˆ-eu yawˬ jeˬ na luꞈ nawˬ-euˬ pyeuꞈ-awˇ, dawˬ tawˆ kʼoeˇ taˆ uˆ lahˇ-eu huiˬ dzehˬ-eu sahˬ paˬ nawˇ meh.

Jaceuq 115:1

Sahˬpaˬ Miˬyehˇ-oˇ, nawˇ tiˬ gʼaˬ-ahˇ tehꞈ-ehˇ, nga maꞈ-ahˇ maˬ ngeuˇ, nawˬ-ahˇ tehꞈ-ehˇ, baoˬ yaw shehꞈ kʼahˬ sehˇ oꞈ-eu meh. Maˬ tsehˆ leˇ nya-eu nawˬ-euˬ gʼoeˇ-eu gaˬ-eu jeˬ hawˇ-eu, nawˬ-euˬ saˇ jaˇ ziꞈ-eu jeˬ baˬ da neh, nawˬ-ahˇ tehꞈ-ehˇ oꞈ-eu meh.

Jaceuq 72:19

Yaw shehꞈ kʼahˬ sehˇ huiˬ-eu aˬ yawꞈ-euˬ tsawˇ myahˇ-ahˇ, mˬ maˬ maˬ byaˆ zaˇ ziˇ ja ceuˬ-awˬ. Aˬ yawꞈ-euˬ yaw shehꞈ kʼahˬ sehˇ miˇ tsaˬ kʼoeˇ taˆ byah luꞈ-uˇ. Aˬmiˬ. Aˬmiˬ.

Iˇsaˬyaˇ 42:12

Yawˬ kʼahˬ yawˬ miˇ yawˬ-ahˇ jawˇ-eu tsawˇ haˬ, Sahˬpaˬ Miˬyehˇ-ahˇ ciˬ huiˬ ciˬ mahˇ-awˬ.

Iˇsaˬyaˇ 6:3

Aˬ yawꞈ maꞈ tiˬ gʼaˬ tiˇ gʼaˬ heu loꞈ-ehˇ guˇ cawˬ-eu meh. “Baoˬ huiˬ-eu Sahˬpaˬ Miˬyehˇ-aˬ, muiˬ-eu shawˇ-eu meh. Muiˬ-eu shawˇ-eu meh. Muiˬ-eu shawˇ-eu meh. Muiˬ-eu shawˇ-eu meh. Aˬ yawꞈ-euˬ yaw shehꞈ kʼahˬ sehˇ miˇ tsaˬ kʼoeˇ taˆ byah luꞈ meh.”

Maꞈtehˬ 6:13

Iˬ baˇ muˇ juˇ mehˬ nah, taˬ bi iˇ laꞈ, Yaw haiˬ laꞈ kʼoeˇ, bi dzeuˇ-iˇ laꞈ.’

Luˇkaꞈ 2:14

“Mˬ taˆ yaw goˇ jawˇ-eu Miˬyehˇ, baoˬ yaw shehꞈ kʼahˬ sehˇ huiˬ luꞈ-uˇ. Miˇ tsaˬ tsawˇ haˬ zaˬ deuˬ laꞈ kʼoeˇ, aˬ yawꞈ nui kʼahˇ shiˇ-eu deuˬ-ahˇ, nui saˇ za-eu jeˬ oꞈ luꞈ-uˇ.”

Lormav 11:36

Kʼaˇ jawˇ kʼaˇ jaˆ-eu jeˬ dawˬ tawˆ luꞈ aˬ yawꞈ neh beh taˬ-euˬ meh. Dawˬ tawˆ luꞈ aˬ yawꞈ baˬ da neh jaˆ luꞈ jawˇ luꞈ-awˇ, aˬ yawꞈ-euˬ gʼaˇ duˬ jaˆ luꞈ jawˇ luꞈ-eu tehꞈ meh. Mˬ maˬ maˬ byaˆ zaˇ ziˇ Miˬyehˇ-ahˇ ciˬ huiˬ ciˬ mahˇ kaˇ-euˇ. Aˬ miˬ.

Lormav 16:27

Yeˬsuˇ Ka li laꞈ kʼoeˇ Miˬyehˇ-ahˇ mˬ maˬ maˬ byaˆ zaˇ ziˇ ja ceuˬ kaˇ-euˇ. Aˬ yawꞈ tiˬ gʼaˬ tehꞈ-ehˇ zaˬ siˬ tsawˇ gahˇ dawˬ tawˆ luꞈ ahˇ-awˇ, yaw shehꞈ kʼahˬ sehˇ huiˬ dui dui-eu meh. Aˬ miˬ.

Gaˬlaˬtiˆ 1:5

Mˬ maˬ maˬ byaˆ zaˇ ziˇ Miˬyehˇ yaw shehꞈ kʼahˬ sehˇ huiˬ luꞈ-uˇ. Aˬ miˬ.

Eˇpeˇsu 1:6

Aˬ yawꞈ-euˬ huiˬ dui muiˬ dui dui-eu gʼawˬ shaˬ gaˬ-eu guiˬ lahˬ kʼoeˇ, aˬ yawꞈ gaˬ dui dui-eu aˬ yawꞈ-euˬ Zaˬmaˇ laꞈ kʼoeˇ aˬ dui-ahˇ biꞈ laꞈ-euˬ miˇ neh, Miˬyehˇ-ahˇ ja ceuˬ kaˇ-euˇ.

Eˇpeˇsu 2:7

Yeˬsuˇ Ka li laꞈ kʼoeˇ Miˬyehˇ neh aˬ dui-ahˇ bi mawˇ laꞈ-euˬ gʼoeˇ-eu gaˬ-eu jeˬ laꞈ kʼoeˇ ahˇ-eu maˬ ehˇ jiˇ coeˇ ni huiˬ-eu aˬ yawꞈ-euˬ guiˬ lahˬ yaw dzahˇ-ahˇ, aˬ kaˇ kaˇ ziˇ keuˆ ni a myah luꞈ bi siˬ bi mawˇ-eu gʼaˇ duˬ, Miˬyehˇ kʼoeˇ loꞈ-ehˇ mˇ-euˬ jeˬ pyeuꞈ-eu meh.

Eˇpeˇsu 4:1

Sahˬpaˬ Yeˬsuˇ-euˬ gaˇ mˇ-eu miˇ neh tawˬ-ahˇ ya uˇ-euˬ tsawˇ haˬ pyeuꞈ-eu ngaˇ, naw maꞈ-ahˇ heu loꞈ-ehˇ shaˇ-eu ma. Miˬyehˇ naw maꞈ-ahˇ kuˇ ngeh aˬ yawꞈ neh noeˬ taˬ-euˬ aˇ tiˆ kʼoeˇ tiˆ-ahˇ dehꞈ keuˆ-awˬ.

Piˇliˇpiˆ 1:11

Miˬyehˇ-euˬ yaw shehꞈ kʼahˬ sehˇ-ahˇ aˬ cawˬ taˬ huiˬ-awˇ Miˬyehˇ-ahˇ ja ceuˬ laˇ gaˇ keuˆ ni Yeˬsuˇ Ka li tehꞈ-ehˇ jahˇ nehˬ nya-eu maˇ maˇ ni muiˬ-eu jeˬ kʼoeˇ, naw maꞈ yaw dehꞈ dehꞈ-eu laꞈ kʼoeˇ byah laˇ tehꞈ-a.

Piˇliˇpiˆ 2:11

Aˬda Miˬyehˇ kʼahˬ sehˇ jaˆ ni, Yeˬsuˇ Ka li Sahˬpaˬ meh lehˇ, mehˬ luˬ kʼaˇ tsoꞈ-eu guˇ tehꞈ-a.

Piˇliˇpiˆ 4:20

Aˬ dui-euˬ Aˬda Miˬyehˇ mˬ maˬ maˬ byaˆ zaˇ ziˇ yaw shehꞈ kʼahˬ sehˇ huiˬ luꞈ-uˇ. Aˬ miˬ.

2 Tiˆmoˇseˬ 4:18

Yaw haiˬ jeˬ dawˬ tawˆ luꞈ laꞈ kʼoeˇ Sahˬpaˬ Yeˬsuˇ ngaˬ-ahˇ ka kʼoꞈ nehˬ laꞈ-awˇ, aˬ yawꞈ-euˬ mˬ taˆ Miˇkʼahˬ-ahˇ sheuˬ kʼoꞈ daˆ leꞈ tehꞈ-a. Mˬ maˬ maˬ byaˆ zaˇ ziˇ aˬ yawꞈ yaw shehꞈ kʼahˬ sehˇ huiˬ luꞈ-uˇ. Aˬ miˬ.

HeˬByehˇ 13:21

naw maꞈ aˬ yawꞈ-euˬ nui kʼahˇ mˇ nya ni, naw maꞈ kʼaˇ loˬ-eu jeˬ dawˬ tawˆ luꞈ biꞈ nehˬ laꞈ-awˇ, Yeˬsuˇ Ka li-ahˇ gʼoe-awˇ aˬ dui laꞈ kʼoeˇ aˬ yawꞈ nui kʼahˇ shiˇ-eu jeˬ mˇ luꞈ-uˇ. Mˬ maˬ maˬ byaˆ zaˇ ziˇ Ka li yaw shehꞈ kʼahˬ sehˇ huiˬ luꞈ-uˇ.

1 Beˬtuˆluˆ 2:5

Naw maꞈ kʼawꞈ, dehꞈ luꞈ-eu kʼaˬ lo loꞈ-ehˇ laˇ-awˇ, saꞈ laˇ uˬ duˬ tahˬ nymˇ tsoˆ gaˇ bi zmˬ-awˬ. Uˬ duˬ tahˬ nymˇ kʼoeˇ-euˬ laꞈ kʼoeˇ naw maꞈ muiˬ-eu shawˇ-eu piˇ ma ya geuꞈ-awˇ, Yeˬsuˇ ka li-ahˇ gʼoe-eu laꞈ kʼoeˇ Miˬyehˇ ha geuꞈ nehˬ laꞈ nya-eu saꞈ laˇ paw taꞈ leˇ-eu lawˇ-eu jeˬ ya lawˇ tehꞈ-a.

1 Beˬtuˆluˆ 5:11

Uˆ lahˇ-eu baoˬ, Miˬyehˇ-ahˇ mˬ maˬ maˬ byaˆ zaˇ ziˇ jaˆ luꞈ-uˇ. Aˬ miˬ.

2 Beˬtuˆluˆ 3:18

Ehˇ kʼawꞈ, ka kʼoꞈ-eu gʼaˬ pyeuꞈ-eu aˬ dui-euˬ Sahˬpaˬ Yeˬsuˇ Ka li-euˬ guiˬ lahˬ yaw dzahˇ laꞈ kʼoeˇ hawˇ-eu aˬ yawꞈ-ahˇ siˬ nya-eu jeˬ laꞈ kʼoeˇ huiˬ laˇ mahˇ laˇ luꞈ-eu jeˬ taˬ bi tsehˆ-iˇ. Nymˬ-mˇ hawˇ-eu mˬ maˬ maˬ byaˆ zaˇ ziˇ aˬ yawꞈ yaw shehꞈ kʼahˬ sehˇ huiˬ luꞈ-uˇ. Aˬ miˬ