Eˇpeˇsu 2:8 - Akha

⁸ Aˬ jeˬ miˇ neh ehˇ naˇ, naw maꞈ jah-eu laꞈ kʼoeˇ Miˬyehˇ-euˬ guiˬ lahˬ yaw dzahˇ baˬ da neh ka kʼoꞈ-eu jeˬ za-euˬ meh. Naw maꞈ leh jeh-awˇ mˇ-eu baˬ da neh za-euˬ maˬ ngeuˇ-a. Miˬyehˇ neh biꞈ-euˬ laꞈ sawˬ pyeuꞈ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁸ Nawmaf jan-eu lafkhoer, guiqlanq yawdzanr baqda’nae kakhof-eu jeq za-euq mae. Yawqha-euq baqda’nae maqngeur-aer, Miqyaer nae bifnaeq-euq lafsawq pyeuf-eu mae.

Eˇpeˇsu 2:8 ပူးပေါင်းရင်းမြစ်များ

Maꞈtehˬ 16:17

Yeˬsuˇ ehˇ-eu, “Yawˇnaˆ-euˬ aˬ li Siˇmoˬ-oˇ, nawˇ-aˬ guiˬ lahˬ zawˇ huiˬ-eu tsawˇ haˬ meh. Aˬ jeˬ miˇ neh ehˇ naˇ, gaˇ kawˆ heu tsawˇ haˬ zaˬ neh nawˬ-ahˇ pah mehˬ-euˬ maˬ ngeuˇ-a. Mˬ kʼoeˇ taˆ jawˇ-eu ngaˬ Da neh nawˬ-ahˇ pah mehˬ nehˬ-euˬ meh.

Maꞈtehˬ 20:9

Uˬ ciꞈ paw kuiˬ dzaˇ zaꞈ dzaˇ biꞈ ngeh yamˬ-ahˇ hawˇ-eu mˇ le-euˬ deuˬ-ahˇ, tiˬ gʼaˬ-ahˇ pyuˇ maˇ byaˆ tiˬ byaˆ biꞈ-euˬ meh.

Maˬkuˆ 16:16

Jah-awˇ iˇ cuꞈ kʼaˇ shawˇ-eu tsawˇ haˬ deuˬ ka kʼoꞈ-eu jeˬ za tehꞈ-a. Maˬ jah-eu tsawˇ haˬ deuˬ-aˬ, yaˇ kʼaˬ daˇ nehˬ gaˇ ya daˬ tehꞈ-a.

Luˇkaꞈ 7:50

Kʼoeˇ naˇ, zaˬ miˬ zaˬ kʼoeˇ gʼaˬ-ahˇ Yeˬsuˇ ehˇ nehˬ-eu, “Nawˇ jah-eu jeˬ neh nawˬ-ahˇ ka kʼoꞈ nehˬ-euˬ meh. Nui saˇ oꞈ-eu laꞈ kʼoeˇ gʼoꞈ-iˇ-awˬ.”

Yoˇhaˬ 3:36

Zaˬmaˇ-ahˇ kʼaˇ jah-eu tsawˇ haˬ-aˬ, mˬ maˬ maˬ byaˆ zaˇ ziˇ dehꞈ-eu jeˬ za-eu meh. Zaˬmaˇ-ahˇ maˬ jah-eu tsawˇ haˬ-aˬ, dehꞈ-eu jeˬ maˬ za-ehˇ, Miˬyehˇ kʼehˬ nehˬ kʼaˆ nehˬ-eu uˬ moˆ ya jawˇ tehꞈ-a.

Yoˇhaˬ 4:10

Yeˬsuˇ ehˇ-eu, “Miˬyehˇ neh biꞈ leꞈ-euˬ jeˬ hawˇ-eu nawˬ-ahˇ iˇ cuꞈ shaˇ dawˇ-eu gʼaˬ-ahˇ nawˇ siˬ nya law nmˇ-aˬ, nawˇ aˬ yawꞈ-ahˇ iˇ cuꞈ shaˇ dawˇ-awˇ, aˬ yawꞈ nawˬ-ahˇ dehꞈ-eu saꞈ laˇ biꞈ-eu iˇ cuꞈ bi dawˇ laꞈ tehꞈ-a.”

Yoˇhaˬ 5:24

“Ngaˇ naw maꞈ-ahˇ maˇ jawˆ ni ehˇ-eu ma. Ngaˬ-euˬ dawˬ ya gaˬ-awˇ, ngaˬ-ahˇ kʼehˇ gʼeh leꞈ-euˬ gʼaˬ-ahˇ kʼaˇ jah-eu tsawˇ haˬ-aˬ, mˬ maˬ maˬ byaˆ zaˇ ziˇ dehꞈ-eu jeˬ za meh. Miˬyehˇ neh yaˇ kʼaˬ daˇ nehˬ gaˇ maˬ ya daˬ-eu uˬ taꞈ, shiˇ-eu jeˬ-ahˇ neh dehꞈ-eu jeˬ-ahˇ tsehˆ doˆ dzeuˇ-euˬ meh.

Yoˇhaˬ 6:35

Yeˬsuˇ aˬ yawꞈ maꞈ-ahˇ ehˇ nehˬ-eu, “Ngaˇ-aˬ, saꞈ laˇ bi dehꞈ-eu kaˬ muˇ ma. Ngaˇ jawˇ gaˇ kʼaˇ laˇ-eu tsawˇ haˬ-aˬ, tiˬ jawˇ-iˬ hawˬ maˬ paˇ mehꞈ-aˇ. Ngaˬ-ahˇ kʼaˇ jah-eu tsawˇ haˬ-aˬ, tiˬ jawˇ-iˬ iˇ cuꞈ maˬ paˇ mehꞈ-aˇ.

Yoˇhaˬ 6:37

Ngaˬ Da neh ngaˬ-ahˇ kʼaˇ biꞈ laꞈ-euˬ tsawˇ haˬ yawˬ gʼaˬ yawˬ na luꞈ ngaˇ jawˇ gaˇ laˇ tehꞈ-a. Ngaˇ jawˇ gaˇ laˇ-eu tsawˇ haˬ aˬ geu gʼaˬ-ahˇ maˬ kaˬ, ngaˇ maˬ ha geuꞈ nehˬ ni maˬ byehˇ.

Yoˇhaˬ 6:40

Ngaˬ Da-euˬ nui kʼahˇ-aˬ, Zaˬmaˇ-ahˇ mawˇ-awˇ kʼaˇ jah-eu tsawˇ haˬ dawˬ tawˆ luꞈ, mˬ maˬ maˬ byaˆ zaˇ ziˇ dehꞈ-eu jeˬ bi za-eu gʼaˇ duˬ meh. Aˇ saˬ saˬ ngeh nah, aˬ yawꞈ maꞈ-ahˇ ngaˇ bi gʼoꞈ dehꞈ laˇ ma.”

Yoˇhaˬ 6:44

Aˬda neh sheuˬ ha laˇ-euˬ maˬ ngeuˇ naˇ, tsawˇ haˬ tiˬ gʼaˬ-iˬ ngaˇ jawˇ gaˇ maˬ laˇ nya-a. Aˬda neh sheuˬ ha laˇ-euˬ tsawˇ haˬ-ahˇ, aˇ saˬ saˬ ngeh nah ngaˇ bi gʼoꞈ dehꞈ laˇ ma.

Yoˇhaˬ 6:65

Aˬ yawꞈ paˇ ehˇ-eu, “Kʼoeˇ miˇ neh, Aˬda neh bi laˇ-euˬ maˬ ngeuˇ naˇ, tsawˇ haˬ tiˬ gʼaˬ-iˬ ngaˇ jawˇ gaˇ maˬ laˇ nya-a lehˇ, naw maꞈ-ahˇ ngaˇ ehˇ nehˬ-euˬ ma.”

Gʼaˬkʼehˇ 13:39

Moˇseˬ-euˬ Zahˇ dawˬ kʼoꞈ dawˬ neh maˬ bi buˬ-iˇ nya-eu yawˬ jeˬ na luꞈ laꞈ kʼoeˇ, jah-eu tsawˇ haˬ deuˬ Yeˬsuˇ baˬ da neh buˬ-iˇ nya meh.

Gʼaˬkʼehˇ 14:27

Aˬ yawꞈ nyaꞈ Aˬdiˇawˬ meuˬ-ahˇ gʼoꞈ keuˆ le ngeh, Ka li zaˬ aˇ muˇ laꞈ kʼoeˇ jawˇ-eu tsawˇ haˬ deuˬ-ahˇ kuˇ uiˬ-awˇ, aˬ yawꞈ nyaꞈ nehˬ-ehˇ Miˬyehˇ neh kʼaˇ mˇ kʼaˇ shaˇ-euˬ gaˇ kawˆ hawˇ-eu, aˬ cawˬ tsawˇ jeuˬ deuˬ jah-eu tsawˇ haˬ pyeuꞈ laˇ ni Miˬyehˇ gaˇ ma aˬ joˆ-ehˇ pah nehˬ laꞈ-euˬ gaˇ kawˆ dzawˇ nehˬ-euˬ meh.

Gʼaˬkʼehˇ 15:11

Sahˬpaˬ Yeˬsuˇ-euˬ guiˬ lahˬ yaw dzahˇ baˬ da neh aˬ dui ka kʼoꞈ-eu jeˬ za-euˬ ma lehˇ jah-eu ma. Kʼoeˇ loꞈ-ehˇ duˇ ni, aˬ yawꞈ maꞈ kʼawꞈ ka kʼoꞈ-eu jeˬ kʼoeˇ loꞈ-ehˇ za tehꞈ-a.”

Gʼaˬkʼehˇ 16:14

Saˬdiˬlehˇ meuˬ-ahˇ jawˇ-awˇ aˇ poeˬ kʼaˆ dui dui-eu neˇ naˆ naˆ-eu saˬ paˇ gaꞈ-eu Lu diˇ lehˇ myahˇ-euˬ zaˬ miˬ zaˬ tiˬ gʼaˬ kʼawꞈ, nga maꞈ mehˬ gaˇ naˇ haˬ-euˬ meh. Aˬ yawꞈ-aˬ, Miˬyehˇ-ahˇ uˬ duˬ tahˬ-eu zaˬ miˬ zaˬ tiˬ gʼaˬ pyeuꞈ-awˇ, Pawˇluˆ dawˬ mehˬ mehˬ gaˇ yaw muiˬ paˬ-ehˇ naˇ haˬ ni, SahˬpaˬMiˬyehˇ neh aˬ yawꞈ-euˬ nui ma laˇ gʼoˆ pah nehˬ-euˬ meh.

Gʼaˬkʼehˇ 16:31

Aˬ yawꞈ nyaꞈ ehˇ-eu, “Sahˬpaˬ Yeˬsuˇ-ahˇ jah-awˬ. Ka kʼoꞈ-eu jeˬ za tehꞈ-a. Nawˇ hawˇ-eu nawˬ-euˬ miˬ sawˇ zaˬ dawˬ tawˆ luꞈ za tehꞈ-a.”

Lormav 10:14

Ehˇ kʼawꞈ, aˬ yawꞈ maꞈ maˬ jah naˇ, aˬ yawꞈ-ahˇ aˬ joˆ-ehˇ kuˇ-awˇ laꞈ jeuˬ shaˇ nmˇ. Aˬ yawꞈ-euˬ gaˇ kawˆ maˬ ya gaˬ haw naˇ, aˬ joˆ-ehˇ jah nmˇ. Mehˬ nehˬ-iˇ-eu gʼaˬ ma jawˇ naˇ, aˬ joˆ-ehˇ ya gaˬ haw nmˇ.

Lormav 10:17

Dawˬ tawˆ luꞈ ehˇ leꞈ naˇ, jah-eu kʼoeˇ-aˬ, Miˬyehˇ dawˬ kawˬ ya gaˬ-euˬ miˇ neh jah-awˇ, Miˬyehˇ dawˬ kawˬ ya gaˬ-euˬ kʼoeˇ-aˬ, Ka liˬ-euˬ dawˬ baˬ da neh ya gaˬ-euˬ jeˬ pyeuꞈ-eu meh.

Lormav 4:16

Kʼoeˇ miˇ neh, Miˬyehˇ-euˬ saˇ jaˇ kʼoeˇ hmˬ Zahˇ daˬ kʼoꞈ dawˬ mehˬ nah caw teh-eu deuˬ-ahˇ tehꞈ-ehˇ maˬ taꞈ-ehˇ, Aˬbyaˬhaˬ loꞈ-ehˇ jah-eu tsawˇ haˬ deuˬ-ahˇ kʼawꞈ taꞈ leˇ ni, Aˬbyaˬhaˬ-euˬ zaˬ deuˬ uˆ deuˬ dawˬ tawˆ luꞈ-ahˇ yawꞈ ngehꞈ-ehˇ biꞈ nehˬ-euˬ jeˬ pyeuꞈ-eu gʼaˇ duˬ, jah-eu jeˬ-ahˇ taꞈ-eu saˇ jaˇ bi pyeuꞈ-euˬ meh. Aˬ jeˬ miˇ neh ehˇ naˇ, Aˬbyaˬhaˬ-aˬ, guiˬ lahˬ saꞈ laˇ paw aˬ dui dawˬ tawˆ luꞈ-euˬ aˬ da yaw dzahˇ gʼaˬ pyeuꞈ-eu meh.

Lormav 4:5

Ehˇ kʼawꞈ, mˇ-eu shaˇ-eu jeˬ-ahˇ maˬ gʼoe-ehˇ, jah-eu jeˬ-ahˇ gʼoe-eu laꞈ kʼoeˇ, iˬ baˇ ahˇ-eu tsawˇ haˬ-ahˇ iˬ baˇ maˬ ahˇ-a lehˇ daˇ tsehˆ nya-eu gʼaˬ pyeuꞈ-eu Miˬyehˇ-ahˇ jah-eu tsawˇ haˬ-ahˇ, jah-eu jeˬ baˬ da neh Miˬyehˇ-ahˇ tsaˬ leˇ tsahˇ leˇ-euˬ tsawˇ haˬ lehˇ Miˬyehˇ sawˇ-eu meh.

Lormav 9:16

Kʼoeˇ miˇ neh, yawˬ jeˬ na luꞈ tsawˇ haˬ zaˬ-euˬ nui kʼahˇ hawˇ-eu tsawˇ haˬ zaˬ neh mˇ-euˬ shaˇ-euˬ kʼoeˇ taˆ pyeuꞈ laˇ-eu maˬ ngeuˇ-a. Miˬyehˇ gʼawˬ shaˬ gaˬ-eu uˬ moˆ pyeuꞈ laˇ-eu tehꞈ meh.

Gaˬlaˬtiˆ 3:14

Miˬyehˇ neh Aˬbyaˬhaˬ-ahˇ saˇ jaˇ dzaˬ taˬ-euˬ guiˬ lahˬ yaw dzahˇ kʼoeˇ, Yeˬsuˇ Ka li-ahˇ gʼoe-awˇ Yuˇdaˆ tsawˇ haˬ maˬ ngeuˇ-eu deuˬ-ahˇ biꞈ nehˬ nya ni, Ka li kʼoeˇ loꞈ-ehˇ kamˇ shiˇ-euˬ meh. Kʼoeˇ-aˬ, Miˬyehˇ neh aˬ dui-ahˇ biꞈ ma lehˇ saˇ jaˇ dzaˬ taˬ-euˬ Yaw sahˇ Miˬyehˇ-ahˇ, jah-eu jeˬ ba da neh aˬ dui za nya ni mˇ-euˬ jeˬ pyeuꞈ-eu meh.

Gaˬlaˬtiˆ 3:22

Ehˇ kʼawꞈ, miˇ tsaˬ heu dawˬ tawˆ luꞈ iˬ baˇ uˆ lahˇ-eu uˬ moˆ jawˇ luꞈ-eu meh lehˇ Jaˇliꞈ laꞈ kʼoeˇ ehˇ taˬ-euˬ meh. Kʼoeˇ miˇ neh, Yeˬsuˇ Ka li-ahˇ jah-eu deuˬ-ahˇ biꞈ ma lehˇ ehˇ taˬ-euˬ laꞈ sawˬ kʼoeˇ-aˬ, jah-eu tsawˇ haˬ deuˬ-ahˇ biꞈ-euˬ meh.

Eˇpeˇsu 1:19

Jah-eu tsawˇ haˬ pyeuꞈ-eu aˬ dui-euˬ laꞈ kʼoeˇ gaˇ mˇ luꞈ-eu aˬ yawꞈ-euˬ baoˬ aˇ naˆ ni huiˬ-eu gaˇ kawˆ naw maꞈ siˬ nya laˇ ni shaˇ-eu ma. A dui laꞈ kʼoeˇ gaˇ mˇ luꞈ-eu baoˬ kʼoeˇ-aˬ, gʼaˬ kʼaˆ dui dui-eu baoˬ pyeuꞈ-eu meh.

Eˇpeˇsu 2:10

Nymˬ-mˇ aˬ dui kʼaˇ ngeuˇ-eu loꞈ-ehˇ Miˬyehˇ neh aˬ dui-ahˇ beh taˬ-euˬ meh. Aˬ yawꞈ neh aˬ dui-ahˇ bi mˇ-eu lehˇ lehˬ hmˬ taˬ-euˬ yaw muiˬ jeˬ-ahˇ aˬ dui mˇ nya ni, Yeˬsuˇ Ka li laꞈ kʼoeˇ aˬ dui-ahˇ beh taˬ-euˬ meh.

Eˇpeˇsu 2:5

Kʼoeˇ miˇ neh, aˬ dui Miˬyehˇ-euˬ ehˇ dawˬ maˬ naˇ haˬ-ehˇ guiˬ lahˬ saꞈ laˇ paw shiˇ luꞈ ngeh, aˬ yawꞈ aˬ dui-ahˇ Ka li nehˬ-ehˇ bi dehꞈ laꞈ-euˬ meh. Naw maꞈ ka kʼoꞈ-eu jeˬ za-euˬ kʼoeˇ-aˬ, Miˬyehˇ gʼawˬ shaˬ gaˬ-eu guiˬ lahˬ baˬ da neh meh.

Piˇliˇpiˆ 1:29

Aˬ jeˬ miˇ neh ehˇ naˇ, Ka li neh naw maꞈ-ahˇ biꞈ taˬ-euˬ muiˬ dui dui-eu guiˬ lahˬ kʼoeˇ-aˬ, aˬ yawꞈ-ahˇ jah-eu jeˬ tehꞈ-ehˇ maˬ ngeuˇ-ehˇ, aˬ yawꞈ gʼaˇ duˬ shaˬ zahˬ ya mˇ-eu jeˬ kʼawꞈ ahˇ-eu meh.

Gawˇlawˇsehˇ 2:12

A jeˬ miˇ neh ehˇ naˇ, naw maꞈ iˇ cuꞈ shawˇ ngeh Ka li nehˬ-ehˇ tiˬ kawˆ loꞈ-ehˇ bi baꞈ pahˬ-awˇ, tiˬ kawˆ loꞈ-ehˇ paˇ gʼoꞈ dehꞈ laˇ-euˬ jeˬ pyeuꞈ-eu meh. Ka li-ahˇ bi gʼoꞈ dehꞈ laˇ-euˬ Miˬyehˇ-euˬ dehꞈ luꞈ-eu baoˬ-ahˇ naw maꞈ jah-eu laꞈ kʼoeˇ gʼoꞈ dehꞈ laˇ-euˬ jeˬ pyeuꞈ-eu meh.

2 Teˇsaˬloˇni 1:9

Aˬ yawꞈ oe ngeh nah, mˬ maˬ maˬ byaˆ zaˇ ziˇ luˬ-iˇ seˇ-iˇ-eu kʼehˬ-eu kʼaˆ-eu jeˬ-ahˇ aˬ yawꞈ maꞈ ya daˬ-awˇ, Sahˬpaˬ Yeˬsuˇ hawˇ-eu aˬ yawꞈ-euˬ yaw shehꞈ kʼahˬ sehˇ huiˬ-eu baoˬ-ahˇ aˬ yawꞈ maꞈ gʼawˬ tsehˆ ya tsehˆ tehꞈ-a.

HeˬByehˇ 6:4

Aˬ jeˬ miˇ neh ehˇ naˇ, jah-eu jeˬ-ahˇ byehˇ dzeh dzeuˇ-euˬ tsawˇ haˬ deuˬ-ahˇ, iˬ baˇ noeˬ poˆ-eu tsahˇ-ahˇ aˬ joˆ-ehˇ paˇ bi gʼoꞈ kʼoꞈ keuˆ laˇ nya nmˇ. Aˬ yawꞈ maꞈ-aˬ, Miˬyehˇ-euˬ yaw shehꞈ laꞈ kʼoeˇ jawˇ haw-awˇ, mˬ kʼoeˇ taˆ neh oe-euˬ Miˬyehˇ neh biꞈ-euˬ laꞈ sawˬ-euˬ yaw kuiˇ ya myeuꞈ haw-awˇ, aˬ cawˬ loꞈ-ehˇ Muiˬ-eu shawˇ-eu Yaw sahˇ Miˬyehˇ za haw-euˬ tsawˇ haˬ pyeuꞈ-eu meh.

1 Beˬtuˆluˆ 1:5

Laꞈ sawˬ kʼoeˇ-aˬ, naw maꞈ-euˬ gʼaˇ duˬ pyeuꞈ-eu meh. Aˬ jeˬ miˇ neh ehˇ naˇ, naw maꞈ Ka li-ahˇ jah-eu tsawˇ haˬ pyeuꞈ-eu miˇ neh, aˇ saˬ saˬ-eu aˇ nah aˇ yamˬ-ahˇ pah mehˬ-eu lehˇ lehˬ hmˬ taˬ-euˬ ka kʼoꞈ-eu jeˬ-ahˇ za nya ni, Miˬyehˇ-euˬ baoˬ neh haw lahˇ taˬ-euˬ tsawˇ haˬ pyeuꞈ-eu meh.