Eˇpeˇsu 2:3 - Akha

³ Aˬ dui dawˬ tawˆ luꞈ kʼawꞈ, aˬ yawꞈ maꞈ loꞈ-ehˇ shiˬ shaˬ jiˇ-euˬ nui kʼahˇ mehˬ nah dehꞈ dzeuˇ yaꞈ-awˇ, aˬ dui-euˬ nui ma gʼawˇ mawˇ kʼaˇ loˆ laˇ-euˬ jeˬ mˇ-euˬ ma. Aˬ dui-aˬ, miˇ tsaˬ zaˬ kʼaˇ ngeuˇ-eu ngeuˇ-awˇ, Miˬyehˇ nui ma pehˇ-eu jeˬ-ahˇ ya daˬ-eu yaw duˬ baw-euˬ ma.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³ Khoerngae, aqdui khawf aqyawf maf-euq lafkhoer keuq-awr, shiqshaq-euq nuikhanr tiqshir mr-awr, nuinoeq hawr-eu shiqshaq khar lovlar-eu jeq mr-euq ma. Aqdui khawf aqcawq kharpyeuf-eu jeq pyeuf-awr, nuima paer-eu jeq-euq zaq pyeufyaf-euq ma.

Eˇpeˇsu 2:3 ပူးပေါင်းရင်းမြစ်များ

Aˇ dahˬ 5:3

Aˬdaˬ tiˬ yaˇ smˬ tseˇ kʼoꞈ kʼawˆ ngeh, aˬ yawꞈ-ahˇ duˇ-eu aˬ li tiˬ li paˇ jawˇ le-awˇ, Seˬtaˆ lehˇ myahˇ nehˬ-euˬ meh.

Aˇ dahˬ 6:5

Miˇ tsaˬ kʼoeˇ taˆ jawˇ-eu tsawˇ haˬ zaˬ yawˬ gʼaˬ na luꞈ, maˬ tsaˬ maˬ dawˇ-eu jeˬ tehꞈ-ehˇ mˇ-awˇ, aˬ myah luꞈ maˬ muiˬ maˬ jaˬ-eu gaˇ kawˆ tehꞈ-ehˇ shaˇ noeˬ luꞈ gaˇ Sahˬpaˬ Miˬyehˇ ya mawˇ-euˬ meh.

Aˇ dahˬ 8:21

Aˬ yawꞈ neh lawˇ nehˬ-euˬ yaw saꞈ kʼoeˇ Sahˬpaˬ Miˬyehˇ-ahˇ saw leˇ ngeh, Sahˬpaˬ Miˬyehˇ nui kʼahˇ shiˇ-awˇ, yawˬ haˇ yawˬ ha heu loꞈ-ehˇ ehˇ-eu meh. “Aˬ kaˇ naˇ, tsawˇ haˬ zaˬ yaw lehˬ jeˬ mˇ-eu baˬ da neh, miˇ tsaˬ-ahˇ yaˬ kʼehˇ yaˬ-awˇ tiˬ jawˇ-iˬ maˬ paˇ kʼehˬ nehˬ ma. Tsawˇ haˬ zaˬ-euˬ nui noeˬ-aˬ, yaw nyiˇ gʼeh ngeh neh maˬ tsaˬ maˬ dawˇ-a lehˇ ngaˇ siˬ nya ma. Heu poˆ loꞈ-ehˇ, kʼaˇ dehꞈ kʼaˇ jawˇ-eu jeˬ-ahˇ ngaˇ tiˬ jawˇ-iˬ maˬ paˇ laˆ cawˆ nehˬ ma.

Yawˇbaˆ 14:4

Tsawˇ haˬ zaˬ loꞈ-ehˇ gʼeh-eu maˬ muiˬ maˬ shawˇ-eu jeˬ laꞈ kʼoeˇ, muiˬ-eu shawˇ-eu jeˬ maˬ doˆ laˇ nya-a.

Yawˇbaˆ 25:4

Miˬyehˇ mehˬ shi yaw tsaˬ yaw dawˇ aˬ geu gʼaˬ jawˇ ta.

Jaceuq 51:5

Ngaˇ dehꞈ le ngeh neh haiˬ-eu tsawˇ haˬ pyeuꞈ-eu ma. Dehꞈ doˆ le ngeh nah neh iˬ baˇ ahˇ-euˬ ma.

Iˇsaˬyaˇ 53:6

Aˬ dui dawˬ tawˆ byoˆ-iˇ-eu yawˇ deuˬ-ahˇ duˇ-awˇ, tiˬ gʼaˬ tiˬ paw iˇ byoˆ jiˇ taˬ-euˬ meh. Ehˇ kʼawꞈ, aˬ dui-ahˇ oꞈ-eu kʼehˬ-eu kʼaˆ-eu jeˬ dawˬ tawˆ, Sahˬpaˬ Miˬyehˇ-ahˇ aˬ yawꞈ-euˬ kʼoeˇ taˆ baꞈ daˆ nehˬ jiˇ-euˬ meh.

Maˬkuˆ 4:19

Ehˇ kʼawꞈ, yaw dehꞈ dehꞈ-eu gaˇ kawˆ kʼahˬ lahˇ-eu jeˬ, pyuˇ shuiˇ myawˬ gahˬ-ahˇ gaˬ-eu jeˬ hawˇ-eu, miˇ tsaˬ kʼoeˇ taˆ nui kʼahˇ kʼaˇ jaˆ-eu jeˬ dawˬ tawˆ luꞈ keuˆ le teuˇ le ngeh, Miˬyehˇ-euˬ dawˬ kawˬ-ahˇ uˆ tehˬ-awˇ, aˇ siˬ maˬ siˬ le nya-a.

Yoˇhaˬ 1:13

Aˬ yawꞈ maꞈ Miˬyehˇ-euˬ zaˬ pyeuꞈ laˇ-eu kʼoeˇ-aˬ, miˇ tsaˬ zaˬ deuˬ aˬ da o neh dehꞈ le-awˇ aˬ da-euˬ zaˬ deuˬ pyeuꞈ gaˇ maˬ duˇ-a. Miˬyehˇ neh aˬ yawꞈ maꞈ-ahˇ aˬ yawꞈ-euˬ zaˬ bi pyeuꞈ laˇ-euˬ tiˬ jeˬ meh.

Yoˇhaˬ 8:44

Naw maꞈ-aˬ, naw maꞈ-euˬ aˬ da nehˬ sahˬ paˬ-euˬ zaˬ deuˬ pyeuꞈ-awˇ, naw maꞈ-euˬ aˬ da-euˬ nui kʼahˇ mehˬ nah caw teh mawꞈ-eu meh. Aˬ yawꞈ-aˬ, aˇ dahˬ beh ngeh neh aˬ cawˬ-ahˇ sehꞈ-euˬ gʼaˬ pyeuꞈ-awˇ, yaw tsaˬ yaw dawˇ paw tiˬ pawꞈ-iˬ maˬ pyawˬ-a. Aˬ jeˬ miˇ neh ehˇnaˇ, aˬ yawꞈ laꞈ kʼoeˇ yaw tsawˬ yaw dawˇ jeˬ maˬ ahˇ-a. Aˬ yawꞈ jaˬ myawꞈ myawꞈ-eu kʼoeˇ-aˬ, kʼoeˇ loꞈ-ehˇ mˇ-eu lehˇ seu le-euˬ miˇ neh meh. Aˬ jeˬ miˇ neh ehˇ naˇ, aˬ yawꞈ-aˬ, jaˬ myawꞈ myawꞈ-eu deuˬ dawˬ tawˆ luꞈ-euˬ aˬ da yaw dzahˇ gʼaˬ meh.

Gʼaˬkʼehˇ 14:16

Dzeuˇlaˇ-euˬ aˇ yamˬ-ahˇ, tsawˇ jeuˬ dawˬ tawˆ luꞈ yawˬ ha-euˬ zahˇ yawˬ ha tawˬ-awˇ bi dehꞈ tawˬ-euˬ meh.

Lormav 1:24

Kʼoeˇ miˇ neh, Miˬyehˇ neh tsawˇ haˬ kʼoeˇ deuˬ-ahˇ aˬ yawꞈ maꞈ nui kʼahˇ jaˆ-eu jawꞈ dui dui-eu jeˬ laꞈ kʼoeˇ a dzeh nehˬ-awˇ, aˬ yawꞈ maꞈ tiˬ gʼaˬ tiˇ gʼaˬ shaꞈ dawˇ dui dui paˬ-ehˇ gʼeh-eu jeˬ mˇ taꞈ-eu meh.

Lormav 11:30

Yuˇdaˆ tsawˇ haˬ maˬ ngeuˇ-eu naw maꞈ deuˬ-aˬ, dzeuˇ laˇ ngeh Miˬyehˇ-euˬ ehˇ dawˬ maˬ naˇ haˬ-aˬ. Ehˇ kʼawꞈ, nymˬ-mˇ-aˬ, Yuˇdaˆ tsawˇ haˬ deuˬ Miˬyehˇ-euˬ ehˇ dawˬ maˬ naˇ haˬ-eu miˇ neh, Miˬyehˇ-euˬ gʼawˬ shaˬ gaˬ-eu jeˬ-ahˇ naw maꞈ za-euˬ meh.

Lormav 13:14

Aˬ dui-euˬ guiˇ deuˆ-eu keu ka pyeuꞈ-eu Yeˬsuˇ Ka li-ahˇ dm-awˇ, shiˬ shaˬ jiˇ-euˬ nui loˆ maˬ paˇ poˆ ni, shiˬ shaˬ jiˇ nui kʼahˇ jaˆ-eu jeˬ-ahˇ byehˇ dzeh yaꞈ jiˇ kaˇ-euˇ.

Lormav 2:14

Yuˇdaˆ tsawˇ haˬ maˬ ngeuˇ-eu deuˬ-aˬ, Moˇseˬ neh biꞈ-euˬ Zahˇ dawˬ kʼoꞈ dawˬ maˬ jaˆ-a. Ehˇ kʼawꞈ, aˬ yawꞈ maꞈ noeˬ siˬ nya-awˇ Zahˇ dawˬ kʼoꞈ dawˬ laꞈ kʼoeˇ ehˇ taˬ-euˬ loꞈ-ehˇ dehꞈ tsaˬ nya naˇ, aˬ yawꞈ maꞈ-euˬ noeˬ siˬ nya-eu nui ma-aˬ, aˬ yawꞈ maꞈ-euˬ zahˇ dawˬ kʼoꞈ dawˬ pyeuꞈ-eu meh.

Lormav 5:10

Aˬ dui-aˬ, Miˬyehˇ-ahˇ muiˇ-euˬ tsawˇ haˬ ma. Ehˇ kʼawꞈ, aˬ yawꞈ-euˬ Zaˬmaˇ bi shiˇ dah-eu laꞈ kʼoeˇ aˬ dui aˬ yawꞈ-ahˇ cawˬ cawˬ taꞈ nya ni aˬ yawꞈ jahˇ-awˇ, nymˬ-mˇ aˬ dui Miˬyehˇ nehˬ-ehˇ cawˬ cawˬ taꞈ luꞈ gaˇ keuˆ-eu-aˬ, Ka li dehꞈ-eu baˬ da neh aˬ dui-ahˇ kʼoeˇ naˆ maˬ tseˇ maˬ ka kʼoꞈ nehˬ laꞈ-aˇ loˇ.

Lormav 5:9

Miˬyehˇ-ahˇ aˬ dui tsaˬ leˇ tsahˇ leˇ nya ni aˬ yawꞈ shiˇ dah coeˇ gaˇ keuˆ-eu-aˬ, kʼoeˇ naˆ maˬ tseˇ, Miˬyehˇ nui ma pehˇ-eu jeˬ-ahˇ aˬ dui maˬ ya daˬ ni aˬ yawꞈ maˬ ka kʼoꞈ nehˬ laꞈ-aˇ loˇ.

Lormav 6:12

Naw maꞈ-euˬ shiˬ shaˬ jiˇ nui kʼahˇ mehˬ nah maˬ ya caw teh ni, shiˇ nya-eu naw maꞈ-euˬ shiˬ shaˬ jiˇ gʼawˇ mawˇ-ahˇ iˬ baˇ neh taˬ paˇ bi uˆ lahˇ.

Lormav 7:18

Shiˬ shaˬ jiˇ-euˬ nui noeˬ pi luꞈ-eu ngaˬ-euˬ gʼawˇ mawˇ heu laꞈ kʼoeˇ yaw muiˬ jeˬ maˬ ahˇ nya lehˇ ngaˇ siˬ nya ma. Aˬ jeˬ miˇ neh ehˇ naˇ, yaw muiˬ jeˬ mˇ mawꞈ-eu nui ma ahˇ luꞈ kʼawꞈ, kʼoeˇ loꞈ-ehˇ maˬ mˇ nya nya.

Lormav 9:22

Miˬyehˇ neh mˇ-euˬ jeˬ kʼawꞈ, kʼoeˇ loꞈ-ehˇ duˇ-eu meh. Aˬ yawꞈ-euˬ nui ma pehˇ-eu jeˬ bi mawˇ mawꞈ-awˇ, aˬ yawꞈ-euˬ baoˬ bi siˬ nya mawꞈ-eu meh. Ehˇ kʼawꞈ, aˬ yawꞈ nui ma pehˇ-awˇ laˆ cawˆ nehˬ-eu lehˇ gʼeh-eu miˇ tsaˬ oeˬ lahˬ deuˬ-ahˇ aˬ yawꞈ oˇ dui dui-eu meh.

1 Gawˇliˬtu 4:7

Naw maꞈ aꞈ cawˬ taꞈ-ehˇ huiˬ dzehˬ mahˇ dzeh ni aˬ suˇ gʼaˬ neh jahˇ-euˬ ta. Naw maꞈ kʼaˇ jaˆ-eu jeˬ dawˬ tawˆ luꞈ Miˬyehˇ neh biꞈ laꞈ-euˬ maˬ ngeuˇ-a loˇ. Toˆ-ehˇ ngeuˇ naˇ, naw maꞈ kʼaˇ za-euˬ jeˬ Miˬyehˇ neh biꞈ laꞈ-euˬ laꞈ sawˬ maˬ ngeuˇ-eu loꞈ-ehˇ aˬ joˆ-ehˇ kʼahˬ sehˇ jehˆ nya te.

2 Gawˇliˬtu 7:1

Ngaˇ gaˬ dui dui-eu cawˬ deuˬ-oˇ, Miˬyehˇ aˬ dui-ahˇ kʼoeˇ loꞈ-ehˇ saˇ jaˇ dzaˬ taˬ-euˬ miˇ neh, aˬ dui-euˬ gʼawˇ mawˇ hawˇ-eu saꞈ laˇ-ahˇ bi jawꞈ-iˇ nya-eu yawˬ jeˬ na luꞈ-ahˇ tsiˬ shawˇ dzeh-awˇ, Miˬyehˇ-ahˇ yaw zeu baw-awˇ guˆ-eu laꞈ kʼoeˇ yaw muiˬ yaw shawˇ shawˇ-ehˇ byah byah ni dehꞈ kaˇ-euˇ.

Gaˬlaˬtiˆ 3:22

Ehˇ kʼawꞈ, miˇ tsaˬ heu dawˬ tawˆ luꞈ iˬ baˇ uˆ lahˇ-eu uˬ moˆ jawˇ luꞈ-eu meh lehˇ Jaˇliꞈ laꞈ kʼoeˇ ehˇ taˬ-euˬ meh. Kʼoeˇ miˇ neh, Yeˬsuˇ Ka li-ahˇ jah-eu deuˬ-ahˇ biꞈ ma lehˇ ehˇ taˬ-euˬ laꞈ sawˬ kʼoeˇ-aˬ, jah-eu tsawˇ haˬ deuˬ-ahˇ biꞈ-euˬ meh.

Eˇpeˇsu 2:2

Kʼoeˇ ngeh, miˇ tsaˬ heu-ahˇ taꞈ-eu maˬ muiˬ maˬ jaˬ-eu jeˬ mehˬ nah naw maꞈ caw teh-awˇ, mˬ hawˇ-eu miˇ yaw kaˬ-ahˇ uˆ lahˇ-eu yaw sahˇ-euˬ mehˬ nah caw teh-euˬ meh. Yaw sahˇ kʼoeˇ-aˬ, nymˬ-mˇ Miˬyehˇ-euˬ dawˬ-ahˇ maˬ naˇ haˬ-eu deuˬ-ahˇ uˆ lahˇ luꞈ-eu meh.

Eˇpeˇsu 4:22

Nawˬ-ahˇ gaˇ ma bi dehꞈ bahˬ-eu jeˬ-ahˇ mˇ mawꞈ-eu nui kʼahˇ jaˆ ni nawˬ-ahˇ mehˇ shuiˇ shuiˇ-eu yaw dehꞈ dehꞈ-eu yaw oeˇ kʼoeˇ hmˬ-ahˇ lehˆ dzeh-awˬ.

Gawˇlawˇsehˇ 1:21

Yaw beh naw maꞈ yaw haiˬ jeˬ noeˬ-euˬ mˇ-euˬ miˇ neh Miˬyehˇ nehˬ-ehˇ gaˇ mahˇ kaˬ luꞈ-awˇ, Miˬyehˇ-ahˇ muiˇ-eu tsawˇ haˬ deuˬ pyeuꞈ yaꞈ-euˬ meh.

1 Teˇsaˬloˇni 4:13

Aˬ yuiꞈ aˬ nyiˇ Ka li zaˬ deuˬ-oˇ, noeˬ tmˬ kʼaˇ maˬ za-eu laꞈ nyiˇ paw-euˬ tsawˇ haˬ deuˬ noeˬ shaˬ-eu loꞈ-ehˇ naw maꞈ maˬ ya noeˬ shaˬ-eu gʼaˇ duˬ, shiˇ-euˬ tsawˇ haˬ deuˬ aˬ joˆ-ehˇ pyeuꞈ-eu gaˇ kawˆ bi siˬ mawꞈ miˇ-a.

1 Teˇsaˬloˇni 5:6

Kʼoeˇ miˇ neh, aˬ cawˬ yuꞈ kʼaˆ-eu loꞈ-ehˇ maˬ yuꞈ kʼaˆ ni jawˇ kaˇ-euˇ.

1 Tiˆmoˇseˬ 6:9

Ehˇ kʼawꞈ, smˇ muiˬ muiˬ laˇ mawꞈ-eu tsawˇ haˬ deuˬ-aˬ, muˇ juˇ juˇ-eu jeˬ laꞈ kʼoeˇ ga ahˇ-awˇ, luꞈ-iˇ seˇ-iˇ-eu jeˬ laꞈ kʼoeˇ aˬ yawꞈ maꞈ-ahˇ gʼeu ahˇ-eu jeˬ pyeuꞈ-eu, luˬ-eu seˇ-eu lahˇ ju-ahˇ paꞈ leˇ-eu meh.

Tiˇtuˆ 3:3

Aˬ jeˬ miˇ neh ehˇ naˇ, aˬ dui kʼawꞈ dzeuˇ laˇ ngeh aˬ dzawˬ aˇ gah gah-awˇ, ehˇ dawˬ maˬ naˇ haˬ-euˬ uˬ taꞈ, yaw lehˬ yaw ca jeˬ-ahˇ mˇ-euˬ ma. Shiˬ shaˬ jiˇ-euˬ nui noeˬ nui loˆ hawˇ-eu byawˬ gʼa mo gʼa-eu gʼawˬ mya jeˬ-euˬ zaˬ kʼaˆ geuꞈ dzeuˇ yaꞈ-euˬ ma. Aˬ cawˬ-ahˇ myaˆ naˆ-euˬ uˬ taꞈ, coeˬ-eu ciˆ-eu jeˬ mˇ dzeuˇ yaꞈ-euˬ tsawˇ haˬ deuˬ pyeuꞈ-eu ma. Aˬ cawˬ aˬ dui-ahˇ bye-awˇ, aˬ dui kʼawꞈ aˬ cawˬ-ahˇ bye-euˬ ma.

1 Beˬtuˆluˆ 1:14

Miˬyehˇ-euˬ dawˬ-ahˇ naˇ haˬ geuꞈ-awˬ. Aˇ hu naw maꞈ Miˬyehˇ-ahˇ maˬ siˬ nya ngeh yawˬ ha-euˬ nui noeˬ nui loˆ geuꞈ-euˬ loꞈ-ehˇ taˬ gʼeh.

2 Beˬtuˆluˆ 2:14

Aˬ yawꞈ maˬ-euˬ myaˆ nuiˆ-aˬ, aˬ cawˬ nehˬ-ehˇ joe mawꞈ-eu nui ma ahˇ-eu zaˬ miˬ zaˬ deuˬ-ahˇ tehꞈ-ehˇ haw mawꞈ-eu meh. Iˬ baˇ mˇ dehˆ-euˬ maˬ baw-a. Gʼaˬ baˬ-eu tsawˇ haˬ deuˬ-ahˇ lahˇ ju-ahˇ teh paꞈ-eu meh. Pyuˇ shuiˇ myawˬ gahˬ-ahˇ mehˇ juiˇ juiˇ dui dui-eu meh. Aˬ yawꞈ maꞈ-aˬ, Miˬyehˇ neh yaˬ kʼehˇ bi yaˬ-euˬ tsawˇ haˬ meh.

2 Beˬtuˆluˆ 2:18

Aˬ yawꞈ maꞈ aˬ dzawˬ aˇ gah-euˬ dawˬ ngehˬ-awˇ kʼahˬ sehˇ jehˆ-eu laꞈ kʼoeˇ, yaw lehˬ jeˬ mˇ mˇ-ehˇ dehꞈ-eu tsawˇ haˬ deuˬ-euˬ baꞈ dzah laꞈ kʼoeˇ dzeuˇ-iˇ ni leh jeh dahˬ beh luꞈ-eu tsawˇ haˬ deuˬ-ahˇ, shiˬ shaˬ jiˇ-euˬ nui kʼahˇ mˇ-eu jeˬ-ahˇ gʼoe-awˇ lahˇ ju kʼmˇ-eu meh.

1 Yoˇhaˬ 2:16

Miˇ tsaˬ heu kʼoeˇ taˆ jaˆ-eu jeˬ pyeuꞈ-eu, shiˬ shaˬ jiˇ nui kʼahˇ, myaˆ nuiˆ-euˬ nui kʼahˇ, huiˬ mawꞈ mahˇ mawꞈ-eu nui ma, heu deuˬ dawˬ tawˆ luꞈ Aˬda Miˬyehˇ jawˇ gaˇ neh doˆ le-euˬ jeˬ maˬ ngeuˇ-a. Miˇ tsaˬ heu kʼoeˇ taˆ jaˆ-eu jeˬ pyeuꞈ-eu meh.

1 Yoˇhaˬ 2:8

Ehˇ kʼawꞈ, nymˬ-mˇ ngaˇ naw maꞈ jawˇ gaˇ boꞈ ahˇ laꞈ-euˬ dawˬ heu-aˬ, yaw shuiꞈ lehˇ ehˇ nya ma. Aˬ jeˬ miˇ neh ehˇ naˇ, dawˬ heu-euˬ yaw tsaˬ yaw dawˇ jeˬ-ahˇ Ka li-euˬ laꞈ kʼoeˇ ya mawˇ-awˇ, naw maꞈ-euˬ laꞈ kʼoeˇ kʼawꞈ ya mawˇ-eu meh. Aˬ jeˬ miˇ neh ehˇ naˇ, yaw zahˇ byoˆ-iˇ luꞈ-awˇ, maˇ jawˆ ni gʼeh-eu yaw shehꞈ nymˬ-mˇ bya doˆ le-euˬ meh.