Eˇpeˇsu 2:20 - Akha

²⁰ Naw maꞈ kʼawꞈ, gʼaˬ kʼehˇ deuˬ hawˇ-eu Miˬyehˇ gʼaˇ duˬ ngehˬ dah-eu deuˬ neh gawˬ dahˬ beh taˬ-euˬ gaˇ gawˬ tsaꞈ daˆ leꞈ-euˬ nymˇ pyeuꞈ-awˇ, Yeˬsuˇ Ka li-aˬ, laꞈ coeˇ lo ziꞈ pyeuꞈ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁰ Nawmaf-aq, ghaqkhaer deuq hawr-eu Miqyaer gharduq ngaeqdan-eu deuq nae dawqpaeq baetaq-euq gar tsovtsaf davlef-euq nymr mae. Yeqsur Kali-aq, lafcoer-euq lozif pyeuf-eu mae.

Eˇpeˇsu 2:20 ပူးပေါင်းရင်းမြစ်များ

1 Sahˬpaˬ 7:11

Kʼoeˇ deuˬ-euˬ kʼoeˇ taˆ, yaw muiˬ paˬ-ehˇ dza-awˇ yehˬ di taˬ-euˬ kʼaˬ lo deuˬ hawˇ-eu shuˬ liˇyeuꞈ ma deuˬ gawˬ daˆ taˬ-euˬ meh.

Jaceuq 118:22

Nymˇ tsoˆ-eu deuˬ neh tseˇ dzeh-euˬ kʼaˬ lo tsaˬ byaˆ, laꞈ coeˇ-ahˇ gawˬ gaˇ zmˬ-eu, aˇ poeˬ kʼaˆ dzehˬ-eu kʼaˬ lo pyeuꞈ laˇ-euˬ meh.

Dawqdaq 9:1

Zaˬ siˬ tsawˇ gahˇ-aˬ, aˬ yawꞈ-euˬ nymˇ tsoˆ-euˬ meh. Aˬ yawꞈ kʼawˇ zeuˇ shiꞈ zeuˇ ka tuˇ-euˬ meh.

Iˇsaˬyaˇ 28:16

Ehˇ kʼawꞈ, Sahˬpaˬ Miˬyehˇ heu loꞈ-ehˇ ehˇ-eu meh. “Ziˇoˬ meuˬ-euˬ dawˬ pehˬ ziꞈ dah ni ngaˇ gawˬ-euˬ ma. ‘Jah-eu ziꞈ-eu jeˬ-aˬ kamˬ coeˇ-eu jeˬ meh’ lehˇ boꞈ taˬ-euˬ, ziꞈ dah ni gʼeh-eu kʼaˬ lo neh, laꞈ coeˇ gawˬ tehˬ-euˬ ma.

Zaˬkaˬliˇ 10:4

Aˬ yawꞈ maꞈ-ahˇ ngaˇ bo saˆ-awˇ, guiˇ deuˆ-eu mahˬ bi pyeuꞈ laˇ ma. Ngaˬ-euˬ tsawˇ haˬ-ahˇ uˆ lahˇ-eu, dzoeˬ dzaˬ-eu sahˬpaˬ sahˬ ma deuˬ, sheuˬ gʼeh-eu aˬ yuiꞈ aˬ tsu deuˬ, yawꞈ maꞈ laꞈ kʼoeˇ bi doˆ laˇ ma.

Maꞈtehˬ 16:18

Kʼoeˇ miˇ neh, ngaˇ nawˬ-ahˇ heu loꞈ-ehˇ ehˇ-eu ma. Beˬtuˆluˆ nawˇ-aˬ, kʼaˬ lo meh. Kʼaˬ lo heu kʼoeˇ taˆ dawˬ pehˬ taˬ-awˇ, ngaˬ-euˬ aˇ muˇ ngaˇ gawˇ daˆ leꞈ ma. Shiˇ-eu jeˬ-euˬ baoˬ, aˇ muˇ heu muˇ-ahˇ maˬ gʼa leˇ-a.

Maꞈtehˬ 21:42

Aˬ yawꞈ maꞈ-ahˇ Yeˬsuˇ ehˇ nehˬ-eu, “Jaˇliꞈ laꞈ kʼoeˇ heu loꞈ-ehˇ ehˇ taˬ-euˬ naw maꞈ tiˬ jawˇ-iˬ maˬ gui haw-aˬ loˇ. ‘Nymˇ gawˬ-eu deuˬ maˬ geuꞈ nahˇ-ehˇ, baꞈ dzeh taˬ-euˬ kʼaˬ lo kʼoeˇ siˬ, kʼaˬ lo dawˬ tawˆ maˬ tseˇ poeˬ-eu, laꞈ coeˇ lo ziꞈ pyeuꞈ laˇ-euˬ meh. SahˬpaˬMiˬyehˇ neh jahˇ-euˬ kʼoeˇ, aˇ naˆ ni zahˬ leˇ duˬ jaˆ nga.’

1 Gawˇliˬtu 12:28

Ka li zaˬ aˇ muˇ laꞈ kʼoeˇ, Miˬyehˇ neh jawˇ duˬ biˇ tsaˬ taˬ-euˬ meh. Gʼaˬ kʼehˇ deuˬ-ahˇ jeˬ hu hu saˬ bi jawˇ-awˇ, kʼoeˇ-euˬ jeˬ nah Miˬyehˇ gʼaˇ duˬ ngeh dah-eu deuˬ-ahˇ bi jawˇ-euˬ meh. Kʼoeˇ-euˬ jeˬ nah mehˬ-eu tsoˆ-eu saˬ laˬ deuˬ-ahˇ bi jawˇ-euˬ meh. Kʼoeˇ naˇ, zahˬ leˇ paˬ-ehˇ gʼeh-eu jeˬ mˇ nya-eu baoˬ biꞈ taˬ-euˬ deuˬ, naˇ gawˇ laˆ taˬ nya-eu baoˬ biꞈ taˬ-euˬ deuˬ, aˬ cawˬ-ahˇ caw ba nehˬ nya-eu deuˬ, Ka li zaˬ aˇ muˇ-euˬ gaˇ-ahˇ haw-eu pyaˆ-eu deuˬ hawˇ-eu, dawˬ gʼawˬ mya jeˬ ngehˬ nya-eu deuˬ-ahˇ tiˬ tiˆ saˇ-iˬ tiˬ tiˆ bi jawˇ ka leꞈ-euˬ meh.

Gaˬlaˬtiˆ 2:9

Aˬ yuiꞈ aˬ tsu geuꞈ luˬ-eu deuˬ pyeuꞈ-eu, Yaˬkoˆ, Beˬtuˆluˆ, Yoˇhaˬ aˬ ha maꞈ kʼawꞈ, Miˬyehˇ neh ngaˬ-ahˇ huiˬ-eu gaˇ heu hmˬ bi mˇ-euˬ meh lehˇ jah-eu meh. Kʼoeˇ miˇ neh, Baˬnaˬbaˆ nga nyaꞈ-ahˇ laꞈ tsaꞈ tsaꞈ-awˇ mˇ cawˬ shaˇ cawˬ loꞈ-ehˇ ha geuꞈ nehˬ laꞈ-euˬ meh. Baˬnaˬbaˆ nga nyaꞈ-aˬ, aˬ cawˬ tsawˇ jeuˬ jawˇ gaˇ mˇ leˇ-awˇ, aˬ yawꞈ maꞈ-aˬ, Yuˇdaˆ tsawˇ haˬ deuˬ jawˇ gaˇ gaˇ mˇ-eu gʼaˇ duˬ yawˬ gʼaˬ na luꞈ nui ma tsaˬ-euˬ ma.

Eˇpeˇsu 3:5

Dzeuˇ laˇ ngeh, zaꞈ taˬ-euˬ gaˇ kawˆ heu tsawˇ haˬ zaˬ-ahˇ maˬ bi siˬ-aˬ. Ehˇ kʼawꞈ nymˬ-mˇ-aˬ, Yaw sahˇ Miˬyehˇ-ahˇ gʼoe-eu laꞈ kʼoeˇ aˬ yawꞈ-euˬ muiˬ-eu shawˇ-eu gʼaˬ kʼehˇ deuˬ hawˇ-eu Miˬyehˇ gʼaˇ duˬ ngehˬ dah-eu deuˬ-ahˇ Miˬyehˇ pah mehˬ nehˬ-euˬ meh.

Gawˇlawˇsehˇ 2:7

Naw maꞈ-ahˇ mehˬ nehˬ tsoˆ nehˬ taˬ-euˬ loꞈ-ehˇ, aˬ yawꞈ laꞈ kʼoeˇ ciˇ ka bi naꞈ-awˇ, naw maꞈ yaw dehꞈ dehꞈ-eu jeˬ aˬ yawꞈ kʼoeˇ taˆ gawˬ daˆ leꞈ-awˇ, jah-eu jeˬ laꞈ kʼoeˇ gʼaˬ kʼaˆ dzehˬ laˇ-awˇ, Miˬyehˇ guiˬ lahˬ-ahˇ ja ceuˬ-eu jeˬ tiˬ byah ni bi ahˇ-awˬ.

1 Beˬtuˆluˆ 2:6

Aˬ jeˬ miˇ neh ehˇ naˇ,Jaˇliꞈ laꞈ kʼoeˇ heu loꞈ-ehˇ ehˇ taˬ-euˬ meh. “Poeˬ-eu kʼaˬ lo ngaˇ tseˇ doˆ-awˇ, Ziˇoˬ meuˬ-ahˇ gawˬ-eu laꞈ kʼoeˇ, laꞈ coeˇ lo ziꞈ bi geuꞈ-euˬ ma. Aˬ yawꞈ-ahˇ kʼaˇ jah-eu tsawˇ haˬ, daˬ ga-awˇ maˬ ya shaꞈ dawˇ-aˇ.”

Panmaeq 21:14

Lahˇ kʼoeˇ lahˇ-aˬ, kʼaˬ lo lo ma tseˇ nyiꞈ siˬ kʼoeˇ taˆ gawˬ taˬ-euˬ meh. Kʼaˬ lo kʼoeˇ deuˬ kʼoeˇ taˆ, Yawˇzaˬ-euˬ gʼaˬ kʼehˇ tseˇ nyiꞈ gʼaˬ-euˬ tsawˇ myahˇ boꞈ taˬ-euˬ meh.