Eˇpeˇsu 1:8 - Akha

⁸ Aˬ yawꞈ aˬ dui-ahˇ kʼoeˇ myaˆ myaˆ-ehˇ biꞈ nehˬ laꞈ-euˬ meh. Miˬyehˇ-aˬ, aˬ yawꞈ-euˬ zaˬ siˬ tsawˇ gahˇ hawˇ-eu noeˬ siˬ noeˬ mawˇ nya-eu jeˬ-ahˇ gʼoe-eu laꞈ kʼoeˇ,

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁸ Miqyaer, guiqlanq yawdzanr khoer-anr ghoe-awr, aqdui-anr ghovshaw nya-eu jeq hawr-eu zaqsiq tsawrganr tiqbyan tiqlof bifnaeq laf-euq mae.

Eˇpeˇsu 1:8 ပူးပေါင်းရင်းမြစ်များ

Jaceuq 104:24

Sahˬpaˬ Miˬyehˇ-oˇ, nawˬ neh mˇ taˬ shaˇ taˬ-euˬ jeˬ myaˬ dui dui-eu meh. Tsawˇ gahˇ ahˇ dui dui-eu laꞈ kʼoeˇ, kʼoeˇ deuˬ dawˬ tawˆ luꞈ-ahˇ nawˇ mˇ taˬ shaˇ taˬ-awˇ, miˇ tsaˬ kʼoeˇ taˆ nawˬ neh beh taˬ-euˬ boeˬ boeˬ luˆ luˆ deuˬ byah luꞈ-eu meh.

Dawqdaq 8:12

Ngaˇ-aˬ, zaˬ siˬ tsawˇ gahˇ pyeuꞈ-awˇ, ngaˇ maˬ siˬ maˬ mawˇ nya-eu tiˬ jeˬ-iˬ maˬ jaˆ. Ngaˇ tsawˇ gahˇ byah-awˇ, yawˬ jeˬ na luꞈ-ahˇ tseˇ paˆ biˇ paˆ nya ma.

Iˇsaˬyaˇ 52:13

Sahˬpaˬ Miˬyehˇ ehˇ-eu, “Ngaˬ-euˬ zaˬ kʼaˆ aˬ yawꞈ-ahˇ doˇ-eu gaˇ mˇ jiˇ tehꞈ-a. Ciˬ huiˬ ciˬ mahˇ nehˬ-eu guiˬ lahˬ-ahˇ aˬ yawꞈ za tehꞈ-a.

Maꞈtehˬ 11:19

Tsawˇ haˬ-euˬ Zaˬmaˇ oe ngeh jawˇ, dzaˬ-eu dawˇ-eu miˇ neh, ‘Tsawˇ haˬ heu gʼaˬ-ahˇ haw sheˇ. Aˇ dzehˬ dzaˬ dzeuˇ-awˇ aˬ gaꞈ dzaˇ uiˇ aˇ dzehˬ dawˇ dzeuˇ-eu uˬ taꞈ, kawˬ taꞈ-eu tsawˇ haˬ deuˬ hawˇ-eu, iˬ baˇ zaˬ lehˇ sawˇ dzeh taˬ-euˬ deuˬ nehˬ-ehˇ cawˬ cawˬ-eu nga’ lehˇ, aˬ yawꞈ maꞈ ehˇ-eu meh. Ehˇ kʼawꞈ, Miˬyehˇ-euˬ zaˬ siˬ tsawˇ gahˇ tsaˬ-eu gaˇ kawˆ, aˬ yawˆ yawꞈ bya cehˆ ni doˆ laˇ tehꞈ-a.”

Lormav 11:33

Miˬyehˇ-euˬ guiˬ lahˬ aˇ naˆ ni huiˬ-eu nga. Aˬ yawꞈ-euˬ zaˬ siˬ nui gahˇ aˇ naˆ ni naꞈ-eu nga. Aˬ yawꞈ neh noeˬ tsehˆ-euˬ jeˬ-ahˇ tsawˇ haˬ tiˬ gʼaˬ-iˬ maˬ siˬ nya-ehˇ, aˬ yawꞈ aˬ jeˬ miˇ neh kʼoeˇ loꞈ-ehˇ mˇ-eu gaˇ kawˆ-ahˇ tsawˇ haˬ tiˬ gʼaˬ-iˬ maˬ gʼoˆ shaw nya-a.

Lormav 5:15

Ehˇ kʼawꞈ, tsawˇ haˬ kʼoeˇ nyiˬ gʼaˬ beu gaˇ duˬ jaˆ-eu meh. Aˬ jeˬ miˇ neh ehˇ naˇ, Miˬyehˇ neh yawꞈ ngehꞈ-ehˇ biꞈ laꞈ-euˬ laꞈ sawˬ kʼoeˇ-aˬ, Aˬdaˬ neh iˬ baˇ mˇ-euˬ gaˇ maˬ duˇ leˇ-a. Tsawˇ haˬ kʼoeˇ tiˬ gʼaˬ-euˬ iˬ baˇ baˬ da neh tsawˇ haˬ gʼawˬ mya ni ya shiˇ-euˬ ngeuˇ meh. Ehˇ kʼawꞈ, Miˬyehˇ-euˬ guiˬ lahˬ yaw dzahˇ gʼaˬ kʼaˆ dzehˬ-awˇ, Yeˬsuˇ Ka li lehˇ kuˇ-eu tsawˇ haˬ tiˬ gʼaˬ-ahˇ gʼoe-eu laꞈ kʼoeˇ tsawˇ haˬ gʼawˬ mya ni-ahˇ yawꞈ ngehꞈ-ehˇ biꞈ nehˬ-euˬ meh.

1 Gawˇliˬtu 2:7

Ngaˇ mehˬ luꞈ-eu zaˬ siˬ tsawˇ gahˇ kʼoeˇ-aˬ, Miˬyehˇ-euˬ zaꞈ taˬ-euˬ zaˬ siˬ tsawˇ gahˇ meh. Zaˬ siˬ tsawˇ gahˇ kʼoeˇ-aˬ, tsawˇ haˬ zaˬ deuˬ maˬ siˬ nya-eu zaꞈ taˬ-euˬ jeˬ pyeuꞈ-eu meh. Ehˇ kʼawꞈ, aˬ dui yaw shehꞈ kʼahˬ sehˇ bi za-eu lehˇ, miˇ tsaˬ tahˬ kʼawˇ maˬ beh mi naˆ-ehˇ zaˬ siˬ tsawˇ gahˇ kʼoeˇ-ahˇ Miˬyehˇ tseˇ doˆ taˬ-euˬ meh.

Eˇpeˇsu 1:11

Dawˬ tawˆ luꞈ Miˬyehˇ neh noeˬ tsehˆ-awˇ lehˬ hmˬ taˬ-euˬ loꞈ-ehˇ pyeuꞈ laˇ-euˬ meh. Aˇ dahˬ beh ngeh neh Miˬyehˇ noeˬ tsehˆ-awˇ lehˬ hmˬ taˬ-euˬ jaˆ-eu miˇ neh, Ka li laꞈ kʼoeˇ aˬ yawꞈ-euˬ tsawˇ haˬ bi pyeuꞈ laˇ-eu gʼaˇ duˬ aˬ dui -ahˇ tseˇ doˆ-euˬ meh.

Eˇpeˇsu 1:7

Aˬ jeˬ miˇ neh ehˇ naˇ, Ka li kamˇ shiˇ-euˬ baˬ da neh aˬ dui ya buˬ-iˇ-awˇ, aˬ dui-euˬ iˬ baˇ-ahˇ pyehˬ nehˬ laꞈ-euˬ meh. Miˬyehˇ gʼawˬ shaˬ gaˬ-eu guiˬ lahˬ kʼoeˇ aˇ naˆ ni huiˬ-eu nga.

Eˇpeˇsu 1:9

aˬ yawꞈ neh noeˬ tmˬ taˬ-euˬ loꞈ-ehˇ Yeˬsuˇ Ka li-ahˇ gʼoe-awˇ mˇ byah-eu gʼaˇ duˬ lehˬ hmˬ taˬ-euˬ zaꞈ taˬ-euˬ jeˬ, aˬ dui-ahˇ bi siˬ bi mawˇ laꞈ-euˬ meh.

Eˇpeˇsu 3:10

Kʼoeˇ loꞈ-ehˇ dehˬ kaˬ taˬ-euˬ kʼoeˇ-aˬ, nymˬ-mˇ-euˬ aˇ yamˬ-ahˇ Ka li zaˬ aˇ muˇ-ahˇ gʼoe-eu laꞈ kʼoeˇ, mˬ kʼoeˇ taˆ uˆ lahˇ luꞈ-eu mˬ taˆ gʼaˬ kʼehˇ deuˬ hawˇ-eu baoˬ jaˆ-eu deuˬ-ahˇ Miˬyehˇ-euˬ zaˬ siˬ tsawˇ gahˇ gʼawˬ mya jeˬ bi siˬ bi mawˇ-eu gʼaˇ duˬ pyeuꞈ-eu meh.

Gawˇlawˇsehˇ 2:3

Aˬ yawꞈ-aˬ, zaꞈ taˬ-euˬ pyuˇ pahˬ shuiˇ pahˬ-ahˇ duˇ-eu Miˬyehˇ-euˬ zaˬ siˬ tsawˇ gahˇ deuˬ-ahˇ pah dzeh-eu mawˬ tawꞈ kahˬ pyeuꞈ-eu meh.

Panmaeq 5:12

Aˬ yawꞈ maꞈ teˇ saˇ yaw kʼaˆ-ehˇ guˇ-awˇ heu loꞈ-ehˇ caˇ-eu meh. “Sehꞈ gaˇ ya daˬ-euˬ Yawˇzaˬ-aˬ, baoˬ hawˇ-eu pyuˇ shuiˇ myawˬ gahˬ, zaˬ siˬ tsawˇ gahˇ hawˇ-eu gʼaˬ, taˬ huiˬ taˬ mahˇ nehˬ-eu jeˬ, yaw shehꞈkʼahˬsehˇ huiˬ-eu jeˬ, ja ceuˬ nehˬ-eu jeˬ, heu deuˬ-ahˇ za geuˇ-eu meh.