Eˇpeˇsu 1:3 - Akha

³ Aˬ dui-euˬ Sahˬpaˬ Yeˬsuˇ Ka liˬeuˬ Aˬda pyeuꞈ-eu Miˬyehˇ-euˬ guiˬ lahˬ-ahˇ ja ceuˬ kaˇ-euˇ. Aˬ jeˬ miˇ neh ehˇ naˇ, mˬ taˆ miˇ kʼahˬ-ahˇ jaˆ-eu saꞈ laˇ paw-euˬ guiˬ lahˬ yawˬ jeˬ na luꞈ, Yeˬsuˇ Ka li laꞈ kʼoeˇ aˬ dui-ahˇ aˬ yawꞈ biꞈ laꞈ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³ Aqdui-euq Sanqpaq Yeqsur Kali-euq Aqda Miqyaer-anr jaceuq kar-eur. Aqyawf, mqtav mirkhanq-anr jav-eu saflar paw-euq guiqlanq yawqjeq navluf, Kali-euq lafkhoer aqdui-anr bifnaeq laf-euq mae.

Eˇpeˇsu 1:3 ပူးပေါင်းရင်းမြစ်များ

Aˇ dahˬ 14:20

Nawˬ-ahˇ muiˇ-eu deuˬ-ahˇ nawˇ gʼaˬ leˇ nya ni caw ba nehˬ-euˬ gʼaˬ pyeuꞈ-eu, Huiˬ dui mahˇ dui dui-eu Miˬyehˇ-ahˇ aˬ cawˬ ja ceuˬ luꞈ-uˇ” lehˇ ehˇ-eu meh. Kʼoeˇ ngeh, guiˇ deuˆ gʼaˬ-awˇ kʼaˇ deuˆ za kʼoꞈ-euˬ pyuˇ shuiˇ myawˬ gahˬ dawˬ tawˆ luꞈ laꞈ kʼoeˇ, tseˇ bymˇ tiˬ bymˇ Aˬbyaˬ yuˇ doˆ-awˇ, Maˬlaˬkiˇsaˬdehˇ-ahˇ damˬ nehˬ-euˬ meh.

Aˇ dahˬ 22:18

Nawˇ ngaˬ-euˬ ehˇ dawˬ naˇ haˬ-eu miˇ neh, nawˬ-euˬ zaˬ nawˬ-euˬ uˆ deuˬ guiˬ lahˬ za-eu loꞈ-ehˇ, aˬ yawꞈ maꞈ-ahˇ kʼawꞈ guiˬ lahˬ biꞈ laꞈ lehˇ, tsawˇ jeuˬ dawˬ tawˆ luꞈ ngaˬ-ahˇ shaˇ tehꞈ-a.”

1 Laˬsaˬbaˬ 29:20

Kʼoeˇ naˇ, “Naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ ja ceuˬ-awˬ” lehˇ, tsawˇ haˬ aˇ maꞈ-ahˇ Daˬbiˇ ehˇ nehˬ-euˬ meh. Tsawˇ haˬ aˇ maꞈ dawˬ tawˆ luꞈ, aˬ yawꞈ maꞈ-euˬ aˬ poeˬ aˬ bawˇ deuˬ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ ja ceuˬ-euˬ meh. Kʼoeˇ naˇ, aˬ yawꞈ maꞈ awˆ byaˆ-awˇ, Sahˬpaˬ Miˬyehˇ hawˇ-eu aˬ yawꞈ-euˬ sahˬ paˬ-ahˇ yaw zeu baw nehˬ-euˬ meh.

1 Laˬsaˬbaˬ 4:10

Ehˇ kʼawꞈ, yaˬbehˆ-aˬ, Iˇsaˬleˬlaˆ tsawˇ jeuˬ-euˬ Miˬyehˇ-ahˇ heu loꞈ-ehˇ guiˬ lahˬ shaˇ-euˬ meh. “Miˬyehˇ-oˇ, ngaˬ-ahˇ guiˬ lahˬ biꞈ-eu laꞈ kʼoeˇ, miˇ tsaˬ gʼawˬ mya ni biꞈ laꞈ-awˬ. Ngaˬ nehˬ-ehˇ jawˇ-awˇ, ngaˬ-ahˇ bi shaˬ bi zahˬ nehˬ laꞈ-eu maˬ muiˬ-eu jeˬ laꞈ kʼoeˇ bi law-iˇ nehˬ laꞈ-awˬ” lehˇ shaˇ-euˬ meh. Aˬ yawꞈ neh kʼaˇ shaˇ-euˬ jeˬ-ahˇ, Miˬyehˇ naˇ haˬ geuꞈ nehˬ-euˬ meh.

2 Laˬsaˬbaˬ 31:8

Aˬ yawꞈ maꞈ neh yuˇ laꞈ-awˇ baꞈ gahˬ taˬ-euˬ laꞈ sawˬ kʼoeˇ deuˬ-ahˇ sahˬ paˬ Heˬsaˬgiˇ hawˇ-eu aˬ yawꞈ-euˬ yaw huiˬ yaw mahˇ deuˬ ya mawˇ ngeh, Sahˬpaˬ Miˬyehˇ hawˇ-eu Iˇsaˬleˬlaˆ tsawˇ haˬ deuˬ-ahˇ ja ceuˬ-euˬ meh.

Neˬhaˬmiˇ 9:5

Kʼoeˇ naˇ, Leˬbiˇ tsawˇ haˬ deuˬ pyeuꞈ-eu Yeˬshah, Kaˬdaˬmeˬlaˇ, Baˬniˬ, Haˬshaˬbaˬniˇ, Sheˬleˬbiˇ, Hawˇdiˇyaˆ, Sheˬbaˬniˇ, Peˬdaˬhiˇ aˬ ha maꞈ heu loꞈ-ehˇ ehˇ-eu meh. “Naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ tuˇ-awˇ ja ceuˬ-awˬ. Mˬ maˬ maˬ byaˆ zaˇ ziˇ aˬ yawꞈ-ahˇ ja ceuˬ-awˬ. Tsawˇ haˬ zaˬ neh maˬ ja ceuˬ jiˇ coeˇ kʼawꞈ, Baoˬ kʼahˬ sehˇ huiˬ-eu aˬ yawꞈ-euˬ tsawˇ myahˇ-ahˇ, yawˬ gʼaˬ na luꞈ ja ceuˬ-awˬ.”

Jaceuq 134:3

Mˬ hawˇ-eu miˇ-ahˇ beh-euˬ Sahˬpaˬ Miˬyehˇ, Ziˇoˬ meuˬ-ahˇ neh naw maꞈ-ahˇ guiˬ lahˬ biꞈ luꞈ-uˇ.

Jaceuq 72:17

Sahˬ paˬ-euˬ tsawˇ myahˇ tiˬ jawˇ-iˬ maˬ byoˆ-iˇ ni, nahˇ ma kʼaˇ bya kʼoeˇ keuˆ ni aˬ yawꞈ tsawˇ myahˇ doˆ luꞈ-uˇ. Tsawˇ jeuˬ dawˬ tawˆ luꞈ aˬ yawꞈ-ahˇ ja ceuˬ luꞈ-uˇ. Aˬ yawꞈ maꞈ-ahˇ guiˬ lahˬ biꞈ laꞈ lehˇ Miˬyehˇ-ahˇ aˬ yawꞈ maꞈ shaˇ-awˇ, sahˬ paˬ nui saˇ oꞈ ni aˬ yawꞈ maꞈ nui ma keuˆ luꞈ-uˇ.

Jaceuq 72:19

Yaw shehꞈ kʼahˬ sehˇ huiˬ-eu aˬ yawꞈ-euˬ tsawˇ myahˇ-ahˇ, mˬ maˬ maˬ byaˆ zaˇ ziˇ ja ceuˬ-awˬ. Aˬ yawꞈ-euˬ yaw shehꞈ kʼahˬ sehˇ miˇ tsaˬ kʼoeˇ taˆ byah luꞈ-uˇ. Aˬmiˬ. Aˬmiˬ.

Iˇsaˬyaˇ 61:9

Miˇ kʼahˬ tsawˇ jeuˬ kʼoeˇ taˆ aˬ yawꞈ maꞈ-euˬ tsawˇ myahˇ doˆ-awˇ, aˬ yawꞈ maꞈ ngaˬ neh guiˬ lahˬ biꞈ nehˬ-euˬ tsawˇ jeuˬ pyeuꞈ-eu gaˇ kawˆ, aˬ yawꞈ maꞈ-ahˇ kʼaˇ mawˇ-eu deuˬ siˬ nya tehꞈ-a.”

Daˬyeˬlaˇ 4:34

Sahˬ paˬ Neˬbuˬkaˬneˬzaˬ ehˇ-eu, “Shiꞈ kʼoꞈ dzeuˇ-iˇ ngeh jawˇ, mˬ-ahˇ ngaˇ gʼawˇ leuˇ haw ngeh, nui ma-ahˇ noeˬ laˇ-euˬ miˇ-a. Dawˬ tawˆ kʼoeˇ taˆ huiˬ-eu Miˬyehˇ-ahˇ ngaˇ ja ceuˬ-awˇ, mˬ maˬ maˬ byaˆ zaˇ ziˇ dehꞈ-eu gʼaˬ-ahˇ ciˬ poeˬ-awˇ taˬ huiˬ taˬ mahˇ nehˬ-euˬ ma. “Aˬ yawꞈ dzoeˬ dzaˬ zaˇ ziˇ gmˬ-awˇ, aˬ yawꞈ miˇ kʼahˬ zaˇ ziˇ ziꞈ meh.

Luˇkaꞈ 2:28

Suˇmoˬ zaˬ nahˬ-ahˇ ciˬ-awˇ, Miˬyehˇ-ahˇ ja ceuˬ-awˇ heu loꞈ-ehˇ ehˇ-eu meh.

Yoˇhaˬ 14:20

Aˇ nah kʼoeˇ nah keuˆ le ngeh, ngaˇ ngaˬ Da-euˬ laꞈ kʼoeˇ jawˇ-eu gaˇ kawˆ hawˇ-eu, ngaˇ naw maꞈ-euˬ ma laꞈ kʼoeˇ jawˇ-eu loꞈ-ehˇ naw maꞈ kʼawꞈ ngaˬ-euˬ laꞈ kʼoeˇ jawˇ-eu gaˇ kawˆ, naw maꞈ ya siˬ duˬ tehꞈ-a.

Yoˇhaˬ 17:21

Aˬ yawꞈ maꞈ dawˬ tawˆ luꞈ nui ma tiˬ siˬ tehꞈ-ehˇ taˬ nya laˇ ni ngaˇ guiˬ lahˬ shaˇ-eu ma. Aˬda-oˇ, ngaˬ-euˬ laꞈ kʼoeˇ nawˇ jawˇ-awˇ, nawˬ-euˬ laꞈ kʼoeˇ ngaˇ jawˇ-eu loꞈ-ehˇ, aˬ yawꞈ maꞈ aˇ nyaꞈ Da zaˬ-euˬ laꞈ kʼoeˇ jawˇ luꞈ-uˇ. Nawˬ neh ngaˬ-ahˇ kʼehˇ gʼeh leꞈ-euˬ meh lehˇ miˇ tsaˬ zaˬ deuˬ jah laˇ ni, aˬ yawꞈ maꞈ nui ma tiˬ siˬ tehꞈ-ehˇ taˬ luꞈ-uˇ.

Yoˇhaˬ 20:17

Yeˬsuˇ aˬ yawꞈ-ahˇ ehˇ nehˬ-eu, “Ngaˬ-ahˇ taˬ nyehꞈ tehˬ. Aˬ jeˬ miˇ neh ehˇ naˇ, ngaˇ Aˬda jawˇ gaˇ maˬ gʼoꞈ leˇ-aˬ siˬ. Ngaˬ-euˬ zaˬ lahˇ deuˬ jawˇ gaˇ iˇ-awˇ, ngaˬ-euˬ Aˬda hawˇ-eu aˬ yawꞈ maꞈ-euˬ Aˬda pyeuꞈ-eu, ngaˬ-euˬ Miˬyehˇ hawˇ-eu aˬ yawꞈ maꞈ-euˬ Miˬyehˇ jawˇ gaˇ ngaˇ gʼoꞈ leˇ ma lehˇ ehˇ-eu meh lehˇ ehˇ nehˬ-iˇ-awˬ.”

Lormav 12:5

Kʼoeˇ gaˇ duˇ ni, aˬ dui-aˬ, maˬ duˇ leˇ-eu tsawˇ haˬ gʼawˬ mya jeˬ pyeuꞈ-eu kʼawꞈ, Ka li nehˬ-ehˇ taꞈ luꞈ-eu gʼawˇ mawˇ tiˬ mawˇ tehꞈ-ehˇ pyeuꞈ-awˇ, gʼawˇ mawˇ tiˬ mawˇ-ahˇ tehꞈ-ehˇ maˬ duˇ leˇ-eu aˇ sehˇ gʼawˬ mya jeˬ tsoꞈ tawꞈ taˬ-euˬ loꞈ-ehˇ, aˬ dui tiˬ gʼaˬ tiˇ gʼaˬ tsoꞈ tawꞈ taˬ-euˬ ma.

Lormav 15:6

Kʼoeˇ miˇ neh, naw maꞈ dawˬ tawˆ luꞈ teˇ saˇ tiˬ saˇ tehꞈ-ehˇ aˬ dui-euˬ Sahˬpaˬ Yeˬsuˇ ka liˬ-euˬ Aˬda Miˬyehˇ-ahˇ ja ceuˬ nya luꞈ-uˇ.

1 Gawˇliˬtu 1:30

Ehˇ kʼawꞈ, naw maꞈ-ahˇ-aˬ, Yeˬsuˇ Ka li-ahˇ bi tsoꞈ taꞈ-eu gʼaˇ duˬ Miˬyehˇ mˇ-awˇ, Ka li-aˬ aˬ dui-euˬ zaˬ siˬ tsawˇ gahˇ pyeuꞈ ni Miˬyehˇ jahˇ-euˬ meh. Ka li baˬ da neh Miˬyehˇ-ahˇ aˬ dui tsaˬ leˇ tsahˇ leˇ-awˇ, Miˬyehˇ-euˬ muiˬ-eu shawˇ-eu tsawˇ haˬ pyeuꞈ laˇ-awˇ, iˬ baˇ-ahˇ buˬ-iˇ law-iˇ gʼaˬ-euˬ ma.

1 Gawˇliˬtu 12:12

Ka li-aˬ, aˇ sehˇ gʼawˬ mya sehˇ tsoꞈ-eu gʼawˇ mawˇ tiˬ mawˇ-ahˇ duˇ-eu meh. Maˬ duˇ leˇ-eu aˇ sehˇ deuˬ tsoꞈ luꞈ kʼawꞈ, gʼawˇ mawˇ tiˬ mawˇ tehꞈ meh.

2 Gawˇliˬtu 1:3

Aˬ dui-euˬ Sahˬpaˬ Yeˬsuˇ Ka li-euˬ Aˬda pyeuꞈ-eu Miˬyehˇ-euˬ guiˬ lahˬ-ahˇ ja ceuˬ kaˇ-euˇ. Aˬ yawꞈ-aˬ, gʼawˬ shaˬ gaˬ nya-eu Aˬda pyeuꞈ-awˇ, yawˬ jeˬ na luꞈ ngehˬ gʼeh dah teˬ nehˬ laꞈ-eu Miˬyehˇ pyeuꞈ-eu meh.

2 Gawˇliˬtu 11:31

Ngaˇ jaˬ myawꞈ maˬ myawꞈ-eu gaˇ kawˆ Sahˬpaˬ Yeˬsuˇ-euˬ Aˬda pyeuꞈ-eu Miˬyehˇ siˬ nya luꞈ meh. Aˬ yawꞈ-euˬ tsawˇ myahˇ mˬ maˬ maˬ byaˆ zaˇ ziˇ guiˬ lahˬ huiˬ luꞈ-uˇ.

2 Gawˇliˬtu 5:17

Tsawˇ haˬ tiˬ gʼaˬ Ka li laꞈ kʼoeˇ jawˇ naˇ, yaw shuiꞈ beh paˇ-euˬ tsawˇ haˬ pyeuꞈ-eu meh. Yaw oeˇ byoˆ tsehˆ-awˇ, yaw shuiꞈ paˇ laˇ-euˬ meh.

2 Gawˇliˬtu 5:21

Ka li-aˬ, iˬ baˇ tiˬ pawꞈ-iˬ maˬ ahˇ-a. Ehˇ kʼawꞈ, Ka li laꞈ kʼoeˇ Miˬyehˇ-euˬ yaw tsaˬ yaw dawˇ jeˬ-ahˇ aˬ dui za nya ni, aˬ dui-euˬ gʼaˇ duˬ Miˬyehˇ neh Ka li-ahˇ iˬ baˇ bi pyeuꞈ-iˇ-euˬ meh.

Gaˬlaˬtiˆ 3:9

Aˬbyaˬhaˬ jah-euˬ baˬ da neh guiˬ lahˬ za-euˬ meh. Kʼoeˇ loꞈ-ehˇ duˇ ni, aˬ yawꞈ loꞈ-ehˇ kʼaˇ jah-eu tsawˇ haˬ dawˬ tawˆ luꞈ guiˬ lahˬ za-eu meh.

Eˇpeˇsu 1:10

Aˇ yamˬ tsaˬ laˇ ngeh mˇ byah-eu gʼaˇ duˬ Miˬyehˇ neh noeˬ tsehˆ-awˇ lehˬ hmˬ taˬ-euˬ gaˇ kawˆ kʼoeˇ-aˬ, yawˬ jeˬ na luꞈ-euˬ uˬ duˬ pyeuꞈ-eu Ka li-ahˇ mˬ hawˇ-eu miˇ kʼoeˇ taˆ kʼaˇ beh taˬ-euˬ jeˬ dawˬ tawˆ luꞈ bi gawꞈ bi bawˆ leˇ-eu gʼaˇ duˬ pyeuꞈ-eu meh.

Eˇpeˇsu 1:17

Naw maꞈ-ahˇ Yaw sahˇ Miˬyehˇ biꞈ nehˬ-eu gʼaˇ duˬ, baoˬ yaw shehꞈ kʼahˬ sehˇ huiˬ-eu Aˬda pyeuꞈ-eu aˬ duiˬ-euˬ Sahˬpaˬ Yeˬsuˇ Ka li-euˬ Miˬyehˇ-ahˇ ngaˇ shaˇ-eu ma. Naw maꞈ Miˬyehˇ-ahˇ siˬ nya laˇ ni, yaw sahˇ Miˬyehˇ naw maꞈ-ahˇ zaˬ siˬ tsawˇ gahˇ bi ahˇ laˇ-awˇ, Miˬyehˇ gaˇ kawˆ pah mehˬ nehˬ laꞈ tehꞈ-a.

Eˇpeˇsu 1:20

Baoˬ kʼoeˇ neh Ka li-ahˇ shiˇ-euˬ gaˇ bi gʼoꞈ dehꞈ laˇ-awˇ, mˬ kʼoeˇ taˆ miˇ kʼahˬ-ahˇ aˬ yawꞈ-euˬ aˇ maˇ paw bi nuiˇ-euˬ meh.

Eˇpeˇsu 2:6

Mˬ kʼoeˇ taˆ jaˆ-eu miˇ kʼahˬ-ahˇ Yeˬsuˇ Ka li nehˬ-ehˇ aˬ dui ya uˆ lahˇ ni, Miˬyehˇ neh aˬ dui-ahˇ Ka li nehˬ-ehˇ bi gʼoꞈ dehꞈ laˇ-euˬ meh.

Eˇpeˇsu 3:10

Kʼoeˇ loꞈ-ehˇ dehˬ kaˬ taˬ-euˬ kʼoeˇ-aˬ, nymˬ-mˇ-euˬ aˇ yamˬ-ahˇ Ka li zaˬ aˇ muˇ-ahˇ gʼoe-eu laꞈ kʼoeˇ, mˬ kʼoeˇ taˆ uˆ lahˇ luꞈ-eu mˬ taˆ gʼaˬ kʼehˇ deuˬ hawˇ-eu baoˬ jaˆ-eu deuˬ-ahˇ Miˬyehˇ-euˬ zaˬ siˬ tsawˇ gahˇ gʼawˬ mya jeˬ bi siˬ bi mawˇ-eu gʼaˇ duˬ pyeuꞈ-eu meh.

Eˇpeˇsu 6:12

Aˬ jeˬ miˇ neh ehˇ naˇ, tsawˇ haˬ zaˬ-ahˇ aˬ dui deuˆ ceh ceh luꞈ-eu maˬ ngeuˇ. Maˬ mawˇ nya-eu haiˬ dui dui-eu mˬ taˆ-euˬ yaw sahˇ pyeuꞈ-eu uˆ lahˇ-eu deuˬ-ahˇ maˬ ehˇ, baoˬ deuˬ-ahˇ maˬ ehˇ, zahˇ tsui ni gʼeh-eu ziˇ heu ziˇ-ahˇ dzoeˬ luꞈ-eu mˬ hawˇ-eu miˇ yaw kaˬ-ahˇ jawˇ-eu deuˬ-ahˇ maˬ ehˇ, aˬ dui deuˆ ceh ceh luꞈ-eu ma.

Piˇliˇpiˆ 2:11

Aˬda Miˬyehˇ kʼahˬ sehˇ jaˆ ni, Yeˬsuˇ Ka li Sahˬpaˬ meh lehˇ, mehˬ luˬ kʼaˇ tsoꞈ-eu guˇ tehꞈ-a.

HeˬByehˇ 8:5

Aˬ yawꞈ maꞈ piˇ ma geuꞈ-awˇ mˇ luꞈ-eu kʼoeˇ-aˬ, mˬ kʼoeˇ taˆ mˇ luꞈ-eu jeˬ-euˬ naˇ shmˇ aˇ baˇ loˆ ni tehꞈ meh. Aˬ yawꞈ maꞈ-aˬ, Moˇseˬ neh kʼaˇ mˇ-euˬ loꞈ-ehˇ mˇ luꞈ-eu tehꞈ meh. Moˇseˬ aˬ yawꞈ Dawˬ ma saˇ jaˇ Sehˬ gʼawˆ tsoˆ-eu lehˇ gʼeh ngeh, “Yawˬ jeˬ na luꞈ gawˬ jawˬ kʼoeˇ taˆ nawˬ-ahˇ mehˬ nehˬ-euˬ Sehˬ gʼawˆ-ahˇ duˇ leˇ ni yaw duˬ duˬ-ehˇ tsoˆ-awˬ” lehˇ, aˬ yawꞈ-ahˇ Miˬyehˇ ehˇ nehˬ-euˬ meh.

HeˬByehˇ 9:23

Maˇ maˇ ni mˬ kʼoeˇ taˆ jaˆ-eu jeˬ maˬ ngeuˇ-ehˇ, kʼoeˇ-euˬ aˇ baˇ naˇ shmˇ loˆ ni tehꞈ-ehˇ gʼeh-eu deuˬ-ahˇ, kʼoeˇ loꞈ-ehˇ ya mˇ shawˇ-eu meh. Ehˇ kʼawꞈ, maˇ maˇ ni mˬ kʼoeˇ taˆ jaˆ-eu jeˬ-ahˇ shawˇ-eu gʼaˇ duˬ, kʼoeˇ naˆ maˬ tseˇ muiˬ dzehˬ-eu jeˬ ya lawˇ ya shehˇ-eu meh.

1 Beˬtuˆluˆ 1:3

Sahˬpaˬ Yeˬsuˇ Ka li-euˬ Aˬda pyeuꞈ-eu Miˬyehˇ-euˬ guiˬ lahˬ-ahˇ ja ceuˬ kaˇ-euˇ. Aˬ yawꞈ-euˬ huiˬ dui dui-eu gʼawˬ shaˬ gaˬ-eu jeˬ baˬ da neh, Yeˬsuˇ Ka li-ahˇ shiˇ-euˬ gaˇ bi gʼoꞈ dehꞈ laˇ-eu laꞈ kʼoeˇ aˬ dui-ahˇ yaw shuiꞈ bi dehꞈ paˇ laꞈ-euˬ meh. Kʼoeˇ-aˬ, aˬ dui-euˬ laꞈ kʼoeˇ dehꞈ luꞈ-eu noeˬ tmˬ duˬ bi byah laˇ-euˬ meh.