Eˇpeˇsu 1:13 - Akha

¹³ Naw maꞈ kʼawꞈ, naw maꞈ jawˇ gaˇ ka kʼoꞈ-eu jeˬ bi keuˆ le-euˬ Laˬ kʼaˬ cehˇ-eu Guiˬ lahˬ dawˬ pyeuꞈ-eu yaw tsaˬ yaw dawˇ dawˬ-ahˇ ya gaˬ-awˇ, Miˬyehˇ-euˬ tsawˇ haˬ pyeuꞈ laˇ-euˬ meh. Naw maꞈ Ka li-ahˇ jah-awˇ, Miˬyehˇ neh saˇ jaˇ dzaˬ taˬ-euˬ loꞈ-ehˇ Muiˬ-eu Shawˇ-eu Yaw sahˇ Miˬyehˇ bi oe-eu laꞈ kʼoeˇ, aˬ yawꞈ-euˬ tsawˇ haˬ bi pyeuꞈ tsehˆ-eu gʼaˇ duˬ naw maꞈ-ahˇ jmˬ diˬ taˬ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹³ Nawmaf-anr kakhof nya-eu yawtsaq yawdawr-euq guiqlanq dawq-anr yagaq ngae, nawmaf, Kali-anr ghoelar-euq mae. Khoermirnae, jan-eu lafkhoer sarjax biftaq-euq lof-aer, Yawshawr Saflar-anr ghoe-awr nawmaf-anr jmq diqtaq-euq mae.

Eˇpeˇsu 1:13 ပူးပေါင်းရင်းမြစ်များ

Jaceuq 119:43

Nawˇ yaˇ kʼaˬ daˇ-eu jeˬ-ahˇ ngaˇ noeˬ tmˬ luꞈ-eu miˇ neh, aˬ myah luꞈ tsaˬ-eu dawˇ-eu dawˬ ngehˬ nya ni caw ba nehˬ laꞈ.

Yawˇlaˆ 2:28

“Aˬ kaˇ keuˆ laˇ-eu aˇ yamˬ-ahˇ, yawˬ gʼaˬ yawˬ na luꞈ-euˬ kʼoeˇ taˆ, ngaˬ-euˬ yaw sahˇ shehˆ daˆ nehˬ-awˇ, naw maꞈ-euˬ aˬ buˇ aˬ li deuˬ, ngaˬ-euˬ gʼaˇ duˬ ngehˬ dah tehꞈ-a. Tsawˇ mawˬ deuˬ yuꞈ maˆ maˆ mawˇ-awˇ, zaˬ guˬ deuˬ kʼawꞈ yaw sahˇ laꞈ kʼoeˇ, siˬ-eu mawˇ-eu jeˬ za tehꞈ-a.

Luˇkaꞈ 11:13

Naw maꞈ iˬ baˇ mˇ-eu tsawˇ haˬ deuˬ kʼawꞈ, yawˬ ha-euˬ zaˬ-ahˇ yaw muiˬ jeˬ biꞈ-eu gʼaˇ duˬ kʼoeˇ naˆ ni siˬ nya naˇ, mˬ kʼoeˇ taˆ jawˇ-eu naw maꞈ-euˬ Aˬda-aˬ, aˬ yawꞈ-ahˇ kʼaˇ shaˇ-eu tsawˇ haˬ deuˬ-ahˇ Muiˬ-eu shawˇ-eu Yaw sahˇ Miˬyehˇ biꞈ-eu gʼaˇ duˬ aˇ naˆ ni paˇ siˬ nya dzehˬ nmˇ.”

Luˇkaꞈ 24:49

Ngaˬ Da neh ngaˬ-ahˇ biꞈ taˬ-euˬ saˇ jaˇ dawˬ, naw maꞈ-ahˇ ngaˇ paˇ biꞈ-eu ma. Ehˇ kʼawꞈ, mˬ taˆ-euˬ baoˬ naw maꞈ kʼoeˇ taˆ maˬ keuˆ le kʼoeˇ keuˆ ni, meuˬ laꞈ kʼoeˇ naw maꞈ ya dawˬ tawˬ meh.”

Yoˇhaˬ 1:17

Miˬyehˇ aˬ dui-ahˇ Zahˇ dawˬ kʼoꞈ dawˬ biꞈ laꞈ ngeh, Moˇseˬ-ahˇ gʼoe-awˇ biꞈ laꞈ-euˬ meh. Ehˇ kʼawꞈ, Miˬyehˇ aˬ dui-ahˇ gʼawˬ shaˬ gaˬ-eu jeˬ hawˇ-eu saˇ jaˇ ziꞈ-eu jeˬ pah mehˬ laꞈ ngeh, Yeˬsuˇ-ahˇ gʼoe-awˇ pah mehˬ laꞈ-euˬ meh.

Yoˇhaˬ 14:26

Aˬda kʼehˇ gʼeh leꞈ-eu lehˇ gʼeh-eu Caw ba-eu gʼaˬ pyeuꞈ-eu Yaw sahˇ Miˬyehˇ-aˬ, naw maꞈ-ahˇ yawˬ jeˬ na luꞈ mehˬ nehˬ tsoˆ nehˬ laꞈ-awˇ, ngaˬ neh ehˇ taˬ yaꞈ-euˬ dawˬ deuˬ-ahˇ naw maꞈ noeˬ mawˇ ni caw ba nehˬ laꞈ tehꞈ-a.

Yoˇhaˬ 15:26

“Caw ba-eu gʼaˬ oe tehꞈ-a. Aˬ yawꞈ-aˬ, Miˬyehˇ gaˇ kawˆ yaw tsaˬ yaw dawˇ jeˬ bi siˬ bi mawˇ le-euˬ gʼaˬ pyeuꞈ-eu, Aˬda jawˇ gaˇ neh oe-euˬ Yaw sahˇ Miˬyehˇ meh. Aˬda jawˇ gaˇ neh aˬ yawꞈ-ahˇ ngaˇ bi oe-awˇ, ngaˬ-euˬ gaˇ kawˆ aˬ yawꞈ saˇ kiˇ kamˬ tehꞈ-a.

Yoˇhaˬ 3:33

Aˬ yawꞈ ehˇ gaˇ kʼaˇ jah-eu tsawˇ haˬ-aˬ, Miˬyehˇ-euˬ dawˬ tsaˬ meh lehˇ jah gaˇ duˇ-eu meh.

Yoˇhaˬ 6:27

Buꞈ-iˇ cehˇ-iˇ nya-eu dzaˬ dzaˬ dawˇ dawˇ gʼaˇ duˬ maˬ leh jeh ni, mˬ maˬ maˬ byaˆ zaˇ ziˇ bi dehꞈ-eu dzaˬ dzaˬ dawˇ dawˇ gʼaˇ duˬ leh jeh-awˬ. Tsawˇ haˬ-euˬ Zaˬmaˇ pyeuꞈ-eu ngaˇ naw maꞈ-ahˇ dzaˬ dzaˬ dawˇ dawˇ kʼoeˇ jeˬ biꞈ ma. Aˬ jeˬ miˇ neh ehˇ naˇ, Aˬda Miˬyehˇ ngaˬ-ahˇ nui ma tsaˬ-awˇ juˬ diˬ taˬ-euˬ meh.”

Gʼaˬkʼehˇ 1:4

Aˬ yawꞈ maꞈ tiˬ gaˇ uiˬ leˇ-awˇ jawˇ ngeh, aˬ yawꞈ heu loꞈ-ehˇ dawˬ biꞈ yaꞈ-euˬ meh. “Ngaˬ Da neh naw maꞈ-ahˇ biꞈ ma lehˇ saˇ jaˇ dzaˬ taˬ-euˬ jeˬ pyeuꞈ-eu, ngaˬ neh naw maꞈ-ahˇ ehˇ nehˬ taˬ-euˬ jeˬ-ahˇ maˬ za kʼoeˇ keuˆ ni, Yeˬluˇsaˬlehˬ meuˬ-ahˇ neh maˬ doˆ-iˇ ni dawˬ tawˬ-awˬ.

Gʼaˬkʼehˇ 13:26

“Aˬbyaˬhaˬ-euˬ zaˬ deuˬ uˆ deuˬ pyeuꞈ-eu ngaˬ-euˬ aˬ yuiꞈ aˬ nyiˇ Iˇsaˬleˬlaˆ tsawˇ haˬ deuˬ hawˇ-eu, Miˬyehˇ-ahˇ uˬ duˬ kʼaˇ tahˬ-eu aˬ cawˬ tsawˇ jeuˬ deuˬ-oˇ, ka kʼoꞈ-eu gaˇ kawˆ guiˬ lahˬ dawˬ heu-aˬ, aˬ dui-euˬ gʼaˇ duˬ meh.

Gʼaˬkʼehˇ 2:33

Aˬ yawꞈ-euˬ Aˬda pyeuꞈ-eu Miˬyehˇ-euˬ aˇ maˇ paw aˬ yawꞈ-ahˇ ciˬ huiˬ ciˬ mahˇ keuˆ nehˬ-awˇ, Miˬyehˇ neh saˇ jaˇ dzaˬ taˬ-euˬ jaˆ-eu loꞈ-ehˇ, Yaw sahˇ Miˬyehˇ za-euˬ meh. Nymˬ-mˇ naw maꞈ ya gaˬ ya mawˇ luꞈ-eu heu-aˬ, a yawꞈ neh Yaw sahˇ Miˬyehˇ shehˆ daˆ nehˬ laꞈ-euˬ jeˬ pyeuꞈ-eu meh.

Lormav 1:16

Laˬ kʼaˬ cehˇ-eu Guiˬ lahˬ dawˬ-ahˇ ngaˇ nui ma huiˬ dui dui luꞈ ma. Laˬ kʼaˬ cehˇ-eu Guiˬ lahˬ dawˬ-aˬ, jah-eu tsawˇ haˬ dawˬ tawˆ luꞈ-ahˇ ka kʼoꞈ nehˬ-eu Miˬyehˇ-euˬ baoˬ pyeuꞈ-eu meh. Yuˇdaˆ tsawˇ haˬ-ahˇ neh dahˬ beh-awˇ, Yuˇdaˆ tsawˇ haˬ maˬ ngeuˇ-eu deuˬ-ahˇ keuˆ ni ka kʼoꞈ-eu meh.

Lormav 4:11

Aˇ nah ba hawˇ-eu aˬ yawꞈ baˆ kʼoˆ mehˬ dzaˬ yehˬ-euˬ meh. Aˬ yawꞈ baˆ kʼoˆ mehˬ dzaˬ maˬ yehˬ mi naˆ-ehˇ Miˬyehˇ neh aˬ yawꞈ-ahˇ yaw tsaˬ yaw dawˇ tsawˇ haˬ lehˇ ha geuꞈ nehˬ laꞈ gʼaˬ-euˬ gaˇ kawˆ bi siˬ bi mawˇ-eu gʼaˇ duˬ, baˆ kʼoˆ mehˬ dzaˬ yehˬ-eu zahˇ jahˇ-euˬ jeˬ pyeuꞈ-eu meh. Kʼoeˇ miˇ neh, baˆ kʼoˆ mehˬ dzaˬ maˬ yehˬ-euˬ kʼawꞈ, Miˬyehˇ-ahˇ jah-awˇ Miˬyehˇ neh yaw tsaˬ yaw dawˇ tsawˇ haˬ meh lehˇ kʼaˇ sawˇ taˬ-euˬ tsawˇ haˬ dawˬ tawˆ luꞈ-euˬ guiˬ lahˬ saꞈ laˇ paw aˬ da yaw dzahˇ gʼaˬ-aˬ, Aˬbyaˬhaˬ meh.

Lormav 6:17

Ehˇ kʼawꞈ, Miˬyehˇ-euˬ guiˬ lahˬ yaw dzahˇ-ahˇ ja ceuˬ-eu tsaˬ meh. Aˬ jeˬ miˇ neh ehˇ naˇ, dzeuˇ laˇ ngeh naw maꞈ iˬ baˇ-euˬ zaˬ kʼaˆ pyeuꞈ-euˬ kʼawꞈ, naw maꞈ-ahˇ mehˬ nehˬ tsoˆ nehˬ-euˬ laꞈ kʼoeˇ ya mawˇ taˬ-euˬ yaw tsaˬ yaw dawˇ jeˬ-ahˇ nui ma laꞈ kʼoeˇ keuˆ ni naw maꞈ naˇ haˬ geuꞈ-euˬ meh.

2 Gawˇliˬtu 1:22

Aˬ dui-ahˇ aˬ yawꞈ-euˬ tsawˇ haˬ bi pyeuꞈ-eu gʼaˇ duˬ jmˬ diˬ nehˬ laꞈ-awˇ, aˬ duiˬ-euˬ nui ma laꞈ kʼoeˇ Muiˬ-eu Shawˇ-eu Yaw sahˇ Miˬyehˇ bi jawˇ le-eu laꞈ kʼoeˇ, aˬ yawꞈ-euˬ tsawˇ haˬ ma lehˇ kamˬ tsehˆ taˬ-euˬ meh.

2 Gawˇliˬtu 6:7

maˇ jawˆ ni gʼeh-eu gʼoeˇ-eu gaˬ-eu jeˬ-ahˇ gʼoe-eu laꞈ kʼoeˇ maˬ ehˇ, Miˬyehˇ-euˬ baoˬ-ahˇ gʼoe-eu laꞈ kʼoeˇ maˬ ehˇ, kʼoeˇ loꞈ-ehˇ bi mawˇ leˇ-euˬ ma. Nga maꞈ-euˬ guiˇ deuˆ-eu keu ka pyeuꞈ-eu yaw tsaˬ yaw dawˇ jeˬ-ahˇ, aˇ caˇ aˇ maˇ nyiˬ laꞈ luꞈ tuˆ tehˬ taˬ-euˬ ma.

Gaˬlaˬtiˆ 3:14

Miˬyehˇ neh Aˬbyaˬhaˬ-ahˇ saˇ jaˇ dzaˬ taˬ-euˬ guiˬ lahˬ yaw dzahˇ kʼoeˇ, Yeˬsuˇ Ka li-ahˇ gʼoe-awˇ Yuˇdaˆ tsawˇ haˬ maˬ ngeuˇ-eu deuˬ-ahˇ biꞈ nehˬ nya ni, Ka li kʼoeˇ loꞈ-ehˇ kamˇ shiˇ-euˬ meh. Kʼoeˇ-aˬ, Miˬyehˇ neh aˬ dui-ahˇ biꞈ ma lehˇ saˇ jaˇ dzaˬ taˬ-euˬ Yaw sahˇ Miˬyehˇ-ahˇ, jah-eu jeˬ ba da neh aˬ dui za nya ni mˇ-euˬ jeˬ pyeuꞈ-eu meh.

Eˇpeˇsu 4:21

Naw maꞈ aˬ yawꞈ gaˇ Kawˆ ya gaˬ duˬ gʼaˬ-awˇ, aˬ yawꞈ-euˬ mehˬ nah caw teh-eu tsawˇ haˬ pyeuꞈ-eu loꞈ-ehˇ, Yeˬsuˇ laꞈ kʼoeˇ ahˇ-eu yaw tsaˬ yaw dawˇ jeˬ gaˇ kawˆ aˬ cawˬ naw maꞈ-ahˇ mehˬ gʼaˬ-euˬ meh.

Eˇpeˇsu 4:30

Miˬyehˇ-euˬ Muiˬ-eu Shawˇ-eu Yaw sahˇ-ahˇ bi noeˬ shaˬ-eu jeˬ taˬ mˇ. Aˬ jeˬ miˇ neh ehˇ naˇ, ka kʼoꞈ-eu aˇ nah keuˆ le ngeh naw maꞈ Miˬyehˇ-euˬ tsawˇ haˬ pyeuꞈ-eu duˬ laˇ ni, Yaw sahˇ Miˬyehˇ laꞈ kʼoeˇ naw maꞈ-ahˇ juˬ diˬ taˬ-euˬ meh.

1 Teˇsaˬloˇni 2:13

Miˬyehˇ-euˬ guiˬ lahˬ-ahˇ nga maꞈ maˬ tsehˆ leˇ ni ja ceuˬ luꞈ-eu gaˇ kawˆ yawˬ hmˬ yawˬ-aˬ, heu loꞈ-ehˇ ma. Naw maꞈ jawˇ gaˇ nga maꞈ Miˬyehˇ dawˬ kawˬ hehˇ leꞈ ngeh, tsawˇ haˬ-euˬ dawˬ loꞈ-ehˇ sawˇ-awˇ naw ma ha geuꞈ-euˬ maˬ ngeuˇ-a. Maˇ maˇ ni Miˬyehˇ-euˬ dawˬ pyeuꞈ-eu miˇ neh, Miˬyehˇ-euˬ dawˬ loꞈ-ehˇ sawˇ-awˇ ha geuꞈ-euˬ meh. Aˬ jeˬ miˇ neh ehˇ naˇ, jah-eu tsawˇ haˬ pyeuꞈ-eu naw maꞈ-euˬ laꞈ kʼoeˇ Miˬyehˇ gaˇ mˇ luꞈ-eu meh.

2 Tiˆmoˇseˬ 2:15

Yawˬ ha-euˬ gaˇ mˇ-eu gʼaˇ duˬ maˬ shaꞈ dawˇ-eu gaˇ mˇ zaˬ loꞈ-ehˇ maˬ ehˇ, Miˬyehˇ-euˬ yaw tsaˬ yaw dawˇ jeˬ gaˇ kawˆ dawˇ coe ni mehˬ-eu tsawˇ haˬ loꞈ-ehˇ maˬ ehˇ, Miˬyehˇ nui kʼahˇ shiˇ dui dui-eu tsawˇ haˬ tiˬ gʼaˬ pyeuꞈ laˇ ni leh jeh dui dui-awˬ.

2 Tiˆmoˇseˬ 2:19

Ehˇ kʼawꞈ, Miˬyehˇ neh dawˬ pehˬ ziꞈ dah ni gawˬ taˬ-euˬ jeˬ-ahˇ aˬ yawꞈ maꞈ maˬ laˆ luˆ nya-a. Dawˬ pehˬ kʼoeˇ-euˬ kʼoeˇ taˆ, “Yawˬ ha-euˬ tsawˇ haˬ deuˬ-ahˇ Sahˬpaˬ Miˬyehˇ siˬ nya meh” lehˇ boꞈ taˬ-awˇ, “Sahˬpaˬ Miˬyehˇ-euˬ tsawˇ haˬ ma lehˇ kʼaˇ ehˇ-eu deuˬ maˬ tsaˬ maˬ dawˇ-eu jeˬ maˬ mˇ ni ya byehˇ dzeh meh” lehˇ boꞈ taˬ-euˬ meh.

2 Tiˆmoˇseˬ 3:15

Nawˇ nyiˇ ngeh neh Muiˬ-eu shawˇ-eu Jaˇliꞈ-ahˇ siˬ nya-euˬ gaˇ taˬ ngehˇ. Jaˇliꞈ kʼoeˇ-aˬ, Yeˬsuˇ Ka li-ahˇ jah-eu laꞈ kʼoeˇ ka kʼoꞈ-eu jeˬ za ni sheuˬ gʼeh-eu zaˬ siˬ tsawˇ gahˇ nawˬ-ahˇ biꞈ nehˬ laꞈ-euˬ meh.

Tiˇtuˆ 2:11

Aˬ jeˬ miˇ neh ehˇ naˇ, tsawˇ haˬ zaˬ dawˬ tawˆ luꞈ-ahˇ ka kʼoꞈ-eu gʼaˇ duˬ, Miˬyehˇ aˬ yawꞈ-euˬ guiˬ lahˬ yaw dzahˇ pah mehˬ laꞈ-euˬ meh.

HeˬByehˇ 2:3

Toˆ-ehˇ ngeuˇ naˇ, heu naˆ naˆ-ehˇ huiˬ-eu ka kʼoꞈ-eu jeˬ heu-ahˇ aˬ dui myaˆ haw maˬ cawˬ naˇ, kʼehˬ-eu kʼaˆ-eu jeˬ-ahˇ aˬ joˆ-ehˇ dzeuˇ-iˇ nya nmˇ. Ka kʼoꞈ-eu gaˇ kawˆ heu, Sahˬpaˬ Yeˬsuˇ neh jeˬ huˬ ehˇ naˬ laꞈ-awˇ, kʼaˇ ya gaˬ-euˬ tsawˇ haˬ deuˬ tsaˬ meh lehˇ saˇ kiˇ kamˬ-eu meh.

Yaˬkoˆ 1:18

Kʼaˇ beh dehꞈ taˬ-euˬ jeˬ dawˬ tawˆ luꞈ laꞈ kʼoeˇ aˬ dui aˬ cawˬ jeˬ hu hu saˬ ya jawˇ ni, aˬ yawꞈ nui ma kʼaˇ tsaˬ-eu loꞈ-ehˇ yaw tsaˬ yaw dawˇ dawˬ-ahˇ gʼoe-awˇ aˬ dui-ahˇ beh dehꞈ taˬ-euˬ meh.

Yaˬkoˆ 1:21

Kʼoeˇ miˇ neh, yaw jawꞈ jeˬ dawˬ tawˆ luꞈ hawˇ-eu maˬ muiˬ maˬ jaˬ-eu jeˬ dawˬ tawˆ luꞈ byehˇ dzeh jiˇ-awˇ, Miˬyehˇ-euˬ nui noeˬ geuꞈ-eu laꞈ kʼoeˇ, aˬ yawꞈ neh naw maꞈ-euˬ nui ma laꞈ kʼoeˇ ka taˬ-euˬ naw maꞈ-ahˇ ka kʼoꞈ nya-eu dawˬ-ahˇ naˇ haˬ geuꞈ-awˬ.

1 Beˬtuˆluˆ 2:10

Yaw beh-aˬ, naw maꞈ Miˬyehˇ-euˬ tsawˇ haˬ maˬ ngeuˇ-a. Ehˇ kʼawꞈ, nymˬ-mˇ aˬ yawꞈ-euˬ tsawˇ haˬ pyeuꞈ laˇ-euˬ meh. Yaw beh Miˬyehˇ gʼawˬ shaˬ gaˬ-eu jeˬ-ahˇ naw maꞈ maˬ siˬ nya-aˬ. Ehˇ kʼawꞈ, nymˬ-mˇ aˬ yawꞈ-euˬ gʼawˬ shaˬ gaˬ-eu jeˬ-ahˇ naw maꞈ za-euˬ meh.

Panmaeq 7:2

Kʼoeˇ naˇ, mˬ taˆ gʼaˬ kʼehˇ yawˬ gʼaˬ yawˬ dehꞈ luꞈ-eu Miˬyehˇ-euˬ jmˬ yuˇ-awˇ nahˇ ma doˆ kʼehˬ paw neh laˇ luꞈ gaˇ ngaˇ ya mawˇ-euˬ ma. Miˇ tsaˬ hawˇ-eu iˬ ma laˆ shaˆ-ahˇ laˆ luˬ laˆ seˇ-eu gʼaˇ duˬ Miˬyehˇ neh baoˬ biꞈ taˬ-euˬ mˬ taˆ gʼaˬ kʼehˇ kʼoeˇ oeˬ gʼaˬ-ahˇ aˬ yawꞈ teˇ saˇ yaw kʼaˆ-ehˇ guˇ gaˬ-euˬ meh.