Doˆ-iˇ 9:9 - Akha

⁹ Kʼaˬ lehˇ kʼoeˇ, lehˇ meuꞈ loꞈ-ehˇ Iˇjiˇtuˆ miˇ kʼahˬ kʼahˬ lah ni byah-iˇ-awˇ, yawˬ gaˇ na luꞈ, tsawˇ haˬ zaˬ hawˇ-eu jeˬ zaˬ deuˬ-ahˇ shaˬ ciˬ bi ciˬ doˆ laˇ-awˇ, maˇ naˇ bi naˇ tehꞈ-a.”

Doˆ-iˇ 9:9 ပူးပေါင်းရင်းမြစ်များ

Yawˇbaˆ 2:7

Kʼoeˇ naˇ, Saˬdaˬ gʼaˬ, Sahˬpaˬ Miˬyehˇ jawˇ gaˇ neh doˆ-iˇ-awˇ, Yawˇbaˆ-euˬ gʼawˇ mawˇ mawˇ lah-ehˇ, aˬ kuiˇ pehˬ zaˬ-ahˇ neh uˬ duˬ-ahˇ doˆ ni maˇ naˇ naˇ byah jiˇ ni jahˇ-euˬ meh.

Doˆ-iˇ 9:10

Aˬ yawꞈ nyaꞈ kʼaˬ lehˇ ui cuiˆ tsuˆ-awˇ sahˬ paˬ-euˬ mehˬ shi yawꞈ-awˇ, kʼaˬ lehˇ kʼoeˇ-ahˇ jaˬ lehˇ laꞈ kʼoeˇ Moˇseˬ byaˆ gʼeh-euˬ meh. Kʼaˬ lehˇ kʼoeˇ tsawˇ haˬ zaˬ hawˇ-eu jeˬ zaˬ deuˬ-ahˇ shaˬ ciˬ bi ciˬ laˇ-awˇ, maˇ naˇ bi naˇ doˆ laˇ-euˬ meh.

Doˆ-iˇ 9:8

Kʼoeˇ naˇ, Moˇseˬ hawˇ-eu Aˬloˬ-ahˇ Sahˬpaˬ Miˬyehˇ ehˇ nehˬ-eu, “Miˬ dzaˬ tsawˬ bu-ahˇ kʼaˬ lehˇ ui cuiˆ tsuˆ laˬ-iˇ-awˬ. Sahˬ paˬ kʼoeˇ gʼaˬ-euˬ mehˬ shi kʼaˬ lehˇ kʼoeˇ Moˇseˬ yuˇ-awˇ, jaˬ lehˇ laꞈ kʼoeˇ byaˆ gʼeh-awˬ.

Dawˬmehˬ 28:27

Iˇjiˇtuˆ tsawˇ haˬ deuˬ-ahˇ jahˇ nehˬ-euˬ loꞈ-ehˇ, naw maꞈ-ahˇ Sahˬpaˬ Miˬyehˇ shaˬ ciˬ bi ciˬ laˇ tehꞈ-a. Naw maꞈ-euˬ gʼawˇ mawˇ mawˇ lah-ehˇ maˇ naˇ naˇ byah jiˇ ni Sahˬpaˬ Miˬyehˇ jahˇ tehꞈ-a. Maˇ byahˇ byahˇ-eu miˇ neh gawˇ gawˇ-ehˇ shaˬ kʼawꞈ, taˬ leˇ-eu maˬ baw ni ya jawˇ tehꞈ-a.

Dawˬmehˬ 28:35

Gawˇ dui dui-eu maˬ laˆ taˬ nya-eu naˇ gawˇ deuˬ, nawˬ-euˬ aˬ kuiˇ-ahˇ Sahˬpaˬ Miˬyehˇ bi naˇ byah tehꞈ-a. Nawˬ-euˬ aˬ kuiˇ pehˬ zaˬ-ahˇ neh uˬ duˬ-ahˇ keuˆ ni, shaˬ ciˬ ciˬ byah jiˇ tehꞈ-a.

Panmaeq 16:2

Kʼoeˇ naˇ, mˬ taˆ gʼaˬ kʼehˇ yaw beh gʼaˬ iˇ-awˇ, aˬ yawꞈ-euˬ naˬ bo miˇ tsaˬ kʼoeˇ taˆ shehˆ daˆ-euˬ meh. Kʼoeˇ ngeh, jeˬ zaˬ yaw haiˬ kʼoeˇ mawˇ neh tsaˬ tsoˆ taˬ-euˬ tsawˇ haˬ deuˬ hawˇ-eu, aˬ yawꞈ-euˬ tahˬ pahˬ aˬ ma mawˇ kawˇ-ahˇ uˬ duˬ tahˬ-eu tsawˇ haˬ deuˬ kʼoeˇ taˆ, gawˇ dui dui-eu maˇ naˇ naˇ-eu jeˬ keuˆ le-euˬ meh.