Doˆ-iˇ 9:4 - Akha

⁴ Iˇjiˇtuˆ tsawˇ haˬ-euˬ jeˬ zaˬ deuˬ-ahˇ tehꞈ-ehˇ ngaˇ tseˇ paˆ-awˇ, Iˇsaˬleˬlaˆ tsawˇ haˬ-euˬ jeˬ zaˬ tiˬ mawˇ-iˬ maˬ ya shiˇ ni ngaˇ jahˇ ma.

Doˆ-iˇ 9:4 ပူးပေါင်းရင်းမြစ်များ

Doˆ-iˇ 10:23

Iˇjiˇtuˆ tsawˇ haˬ deuˬ tiˬ gʼaˬ tiˇ gʼaˬ maˬ haw mawˇ nya-ehˇ, aˇ yamˬ kʼoeˇ yamˬ laꞈ kʼoeˇ, tsawˇ haˬ tiˬ gʼaˬ-iˬ tsawˬ dahˬ laꞈ nyiˇ maˬ doˆ-iˇ ni jawˇ-euˬ meh. Ehˇ kʼawꞈ, Iˇsaˬleˬlaˆ tsawˇ haˬ kʼaˇ jawˇ gaˇ yaw shehꞈ jaˆ-euˬ meh.

Doˆ-iˇ 12:13

Laˇ gʼoˆ-ahˇ lehꞈ taˬ-euˬ shiˬ kʼoeˇ-aˬ, naw maꞈ jawˇ-eu nymˇ deuˬ-ahˇ tseˇ paˆ-awˇ haw siˬ nya-eu gʼaˇ duˬ, bi siˬ bi mawˇ-eu jeˬ pyeuꞈ-eu ma. Iˇjiˇtuˆ tsawˇ haˬ-ahˇ ngaˇ kʼehˬ nehˬ kʼaˆ nehˬ luꞈ ngeh, shiˬ kʼoeˇ-ahˇ ngaˇ ya mawˇ naˇ, naw maꞈ-ahˇ maˬ laˆ tahˬ maˬ laˆ naˇ ni, bi buˬ bi law-iˇ ma.

Doˆ-iˇ 8:19

Kʼoeˇ ngeh, “Heu-aˬ, Miˬyehˇ neh mˇ-euˬ jeˬ pyeuꞈ-eu ngaˇ” lehˇ, mah loˬ nya-eu tsawˇ haˬ kʼoeˇ deuˬ sahˬ paˬ-ahˇ ehˇ neh-euˬ meh. Ehˇ kʼawꞈ, Sahˬpaˬ Miˬyehˇ neh ehˇ taˬ-euˬ loꞈ-ehˇ, sahˬ paˬ kʼoeˇ gʼaˬ nui ma gʼahˇ-awˇ, Moˇseˬ hawˇ-eu Aˬ loˬ-euˬ ehˇ dawˬ maˬ naˇ haˬ ni jawˇ-euˬ meh.

Doˆ-iˇ 8:22

Ehˇ kʼawꞈ, ngaˬ-eu tsawˇ haˬ deuˬ jawˇ-eu Goˬsheˬ miˇ tsaˬ-ahˇ puˬ saˆ maˬ doˆ laˇ ni ngaˇ jahˇ ma. Sahˬpaˬ Miˬyehˇ pyeuꞈ-eu ngaˬ-euˬ mawˇ do miˇ kʼahˬ heu kʼahˬ laꞈ kʼoeˇ gaˇ mˇ luꞈ-eu nawˇ ya siˬ ni, ngaˇ heu loꞈ-ehˇ jahˇ-eu lehˇ gʼeh-eu ma.

Doˆ-iˇ 9:26

Uˬ yehˇ aˇ siˬ maˬ ga le-euˬ pehˇ tsahˇ-aˬ, Iˇsaˬleˬlaˆ tsawˇ haˬ deuˬ jawˇ-eu Goˬsheˬ miˇ tsaˬ tiˬ tsahˇ jaˆ-eu tehꞈ meh.

Doˆ-iˇ 9:5

Sahˬpaˬ Miˬyehˇ pyeuꞈ-eu ngaˇ, ni shawˬ nah kʼoeˇ loꞈ-ehˇ mˇ ma’ lehˇ, sahˬ paˬ kʼoeˇ gʼaˬ-ahˇ ehˇ nehˬ-awˬ.”

Doˆ-iˇ 9:6

Yawˬ nah yawˬ keuˆ laˇ ngeh, aˬ yawꞈ neh ehˇ taˬ-euˬ loꞈ-ehˇ Sahˬpaˬ Miˬyehˇ mˇ-awˇ, Iˇjiˇtuˆ tsawˇ haˬ-euˬ jeˬ zaˬ deuˬ shiˇ jiˇ-awˇ, Iˇsaˬleˬlaˆ tsawˇ haˬ-euˬ jeˬ zaˬ deuˬ tiˬ mawˇ-iˬ maˬ shiˇ ni dzeuˇ-iˇ-euˬ meh.

Aˬmoˆ 4:7

Naw maꞈ dzaˬ la gʼo cehˇ ka taˬ-euˬ iˇ cuꞈ loˬ dui dui ngeh ngaˇ mˬ gʼmˇ bi gʼmˇ-euˬ ma. Meuˬ tiˬ meuˬ-ahˇ uˬ yehˇ bi yehˇ le-awˇ, yawˬ meuˬ yawˬ-ahˇ maˬ bi yehˇ le ni ngaˇ jahˇ-euˬ ma. Deh yaˇ tiˬ kawˬ-ahˇ uˬ yehˇ yehˇ shehˬ kʼawꞈ, yawˬ kawˬ yawˬ gui coˇ ni jaˆ-eu meh.

Maˬlaˬkiˇ 3:18

Yaw tsaˬ yaw dawˇ tsawˇ haˬ hawˇ-eu maˬ tsaˬ maˬ dawˇ-eu tsawˇ haˬ aˬ joˆ-ehˇ beu gaˇ-eu gaˇ kawˆ hawˇ-eu, ngaˬ-euˬ ehˇ dawˬ naˇ haˬ-eu tsawˇ haˬ hawˇ-eu maˬ naˇ haˬ-eu tsawˇ haˬ aˬ joˆ-ehˇ paˆ gaˇ-eu gaˇ kawˆ, ngaˬ-euˬ tsawˇ haˬ deuˬ tiˬ poˆ paˇ ya mawˇ duˬ tehꞈ-a.”