Doˆ-iˇ 9:23 - Akha

²³ Kʼoeˇ naˇ, Moˇseˬ aˬ yawꞈ-euˬ gawˬ yoeˬ-ahˇ mˬ paw cawˬ diˇ ngeh, Sahˬpaˬ Miˬyehˇ mˬ jeˬ tsawˬ tehˆ hawˇ-eu uˬ yehˇ aˇ siˬ pyehˬ gʼeh leꞈ-awˇ, miˇ tsaˬ kʼoeˇ taˆ mˬ jeˬ tsawˬ tehˆ tehˆ-awˇ, mˬ myawꞈ myawꞈ-euˬ meh. Kʼoeˇ ngeh, Iˇjiˇtuˆ miˇ kʼahˬ kʼoeˇ taˆ, Sahˬpaˬ Miˬyehˇ uˬ yehˇ aˇ siˬ bi ga le-euˬ meh.

Doˆ-iˇ 9:23 ပူးပေါင်းရင်းမြစ်များ

Aˇ dahˬ 19:24

Tiˬ poˆ tehꞈ-ehˇ, miˬ dzaˬ doꞈ luꞈ-eu miˬ dzaˇ dzaˇ shuiˇ deuˬ, uˬ yehˇ yehˇ-eu loꞈ-ehˇ, Sawˇdoˬ meuˬ hawˇ-eu Gawˇmawˇlaˆ meuˬ kʼoeˇ taˆ Sahˬpaˬ Miˬyehˇ bi ga le-euˬ meh.

Yawˇbaˆ 37:13

Tsawˇ haˬ zaˬ-ahˇ kʼehˬ-eu gʼaˇ duˬ maˬ ehˇ, aˬ yawꞈ maꞈ-ahˇ bi muiˬ leˇ-eu gʼaˇ duˬ maˬ ehˇ, miˇ tsaˬ kʼoeˇ taˆ aˬ yawꞈ uˬ yehˇ pyehˬ leꞈ nya-eu meh.

Jaceuq 147:17

Kʼaˬ lo lo zaˬ byaˆ ka leꞈ-eu loꞈ-ehˇ uˬ yehˇ aˇ siˬ aˬ yawꞈ pyehˬ gʼeh leꞈ nya-awˇ, aˬ yawꞈ neh pyehˬ gʼeh leꞈ-euˬ yaw tsehꞈ-ahˇ tiˬ gʼaˬ-iˬ maˬ kamˬ coeˇ-a.

Jaceuq 148:8

mˬ jeˬ tsawˬ tehˆ hawˇ-eu uˬ yehˇ aˇ siˬ maˬ ehˇ, ngehˇ hawˇ-eu mˬ dmˇ deuˬ maˬ ehˇ, aˬ yawꞈ-euˬ dawˬ naˇ haˬ-eu mˬ jeˬ jaˬ lehˇ maˬ ehˇ, aˬ yawꞈ-ahˇ ja ceuˬ-awˬ.

Jaceuq 18:13

SahˬpaˬMiˬyehˇmˬjeˬjeˬ-awˇ, Huiˬdui mahˇdui dui-eu gʼaˬ-euˬ, teˇsaˇbi gaˬkeuˆle-euˬ meh.

Jaceuq 29:3

Iˬma laˆshaˆiˇcuꞈkʼoeˇtaˆ, SahˬpaˬMiˬyehˇdawˬngehˬ-eu meh. Yaw shehꞈkʼahˬ sehˇhuiˬ-eu Miˬyehˇ, mˬjeˬjeˬ-awˇmahˇ-eu teˇsaˇ, laˆshaˆyui yui-ehˇjaˆ-eu meh.

Jaceuq 77:18

Nawˬ-euˬ mˬ jeˬ mahˇ doˆ laˇ-awˇ, mˬ myawꞈ myawꞈ-awˇ miˇ tsaˬ-ahˇ bi bya laˇ ngeh, miˇ tsaˬ tahˬ kʼawˇ yaw dzuˬ dzuˬ-awˇ luˆ luˆ-ehˇ jaˆ-eu meh.

Doˆ-iˇ 19:16

Smˬ nah tiˬ nah uˬ shawˬ paw keuˆ le ngeh, mˬ jeˬ jeˬ-awˇ, mˬ myawꞈ myawꞈ-euˬ meh. Zahˇ tsui ni gʼeh-eu mˬ dmˇ gawˬ jawˬ kʼoeˇ jawˬ kʼoeˇ taˆ jaˆ le-awˇ, kʼaˆ dui dui-eu daˇ heh baw-eu teˇ saˇ mahˇ doˆ laˇ-euˬ meh. Kʼoeˇ ngeh, sehˬ gʼawˆ laꞈ kʼoeˇ jawˇ luꞈ-eu Iˇsaˬleˬlaˆ tsawˇ haˬ dawˬ tawˆ luꞈ guˆ dui dui-awˇ, yaw dzuˬ dzuˬ-euˬ meh.

Doˆ-iˇ 20:18

Mˬ jeˬ jeˬ-eu teˇ saˇ hawˇ-eu daˇ heh teˇ saˇ-ahˇ ya gaˬ-awˇ, mˬ myawꞈ myawꞈ-awˇ, gawˬ jawˬ-ahˇ uˬ kʼoeˬ du doˆ laˇ gaˇ ya mawˇ ngeh, Iˇsaˬleˬlaˆ tsawˇ haˬ deuˬ guˆ-awˇ, yaw dzuˬ dzuˬ-eu laꞈ kʼoeˇ, gaˇ mahˇ kaˬ gaˇ yawꞈ luꞈ-eu meh.

Doˆ-iˇ 9:18

Heu poˆ-aˬ, iˬ nah keuˆ ni Iˇjiˇtuˆ miˇ kʼahˬ laꞈ kʼoeˇ tiˬ jawˇ-iˬ maˬ ya gaˬ maˬ ya mawˇ haw-euˬ, guˆ laˇ paˬ-ehˇ gʼeh-eu uˬ yehˇ aˇ siˬ ga le-eu jeˬ, ni shawˬ nah ngaˇ bi keuˆ le ma.

Doˆ-iˇ 9:24

Kʼoeˇ dzeˇ heu dzeˇ mˬ jeˬ tsawˬ tehˆ lawꞈ lawꞈ-ehˇ jaˆ-awˇ, kʼaˆ dui dui-eu uˬ yehˇ aˇ siˬ ga le-euˬ meh. Kʼoeˇ-aˬ, Iˇjiˇtuˆ miˇ kʼahˬ laꞈ kʼoeˇ tiˬ jawˇ-iˬ maˬ ya gaˬ maˬ ya mawˇ haw-euˬ mˬ jeˬ jaˬ lehˇ lehˇ ma tiˬ bahˬ pyeuꞈ-eu meh.

Iˇsaˬyaˇ 30:30

Sahˬpaˬ Miˬyehˇ-aˬ, baoˬ huiˬ-eu aˬ yawꞈ-euˬ dawˬ tsawˇ haˬ yawˬ gʼaˬ na luꞈ-ahˇ bi gaˬ-awˇ, aˬ yawꞈ nui ma pehˇ-eu jeˬ aˇ naˆ ni guˆ laˇ paˬ-ehˇ gʼeh-eu gaˇ kawˆ, tsawˇ haˬ yawˬ gʼaˬ na luꞈ-ahˇ bi siˬ bi mawˇ tehꞈ-a. Miˬ dzaˬ miˬ lmˇ doˆ le-awˇ miˬ dzaˬ doꞈ luꞈ-eu mˬ dmˇ ya mawˇ-eu uˬ taꞈ, uˬ yehˇ aˇ siˬ ga le-awˇ, mˬ jeˬ jaˬ lehˇ oe tehꞈ-a.

Yeˬsaˬgeˬlaˇ 38:22

Naˇ gawˇ hawˇ-eu shiˬ doˆ le ni laˆ tahˬ laˆ zaw-eu jeˬ aˬ yawꞈ kʼoeˇ taˆ bi keuˆ le ma. Uˬ yehˇ yehˇ ma hawˇ-eu uˬ yehˇ aˇ siˬ nehˬ-ehˇ, miˬ dzaˬ hawˇ-eu miˬ dzaˇ dzaˇ shuiˇ bi yehˇ keuˬ le-awˇ, aˬ yawꞈ hawˇ-eu aˬ yawꞈ-euˬ guiˇ maꞈ kʼoeˇ taˆ maˬ ehˇ, aˬ yawꞈ jawˇ paw kʼaˇ pyawˬ-eu miˇ kʼahˬ deuˬ kʼoeˇ taˆ maˬ ehˇ, bi yehˇ shehˬ ma.

Yawˇshuˆ 10:11

Iˇsaˬleˬlaˆ tsawˇ haˬ deuˬ-euˬ mehˬ shi Aˬmawˇliˆ tsawˇ haˬ deuˬ gʼaˬ lahˇ caw caw-ehˇ cehˆ ka gʼeh ngeh, Aˬzeˬkaˬ meuˬ-ahˇ keuˆ ni, huiˬ dui dui-eu uˬ yehˇ aˇ siˬ aˬ yawꞈ maꞈ kʼoeˇ taˆ bi ga deh-euˬ meh. Iˇsaˬleˬlaˆ tsawˇ haˬ deuˬ neh sehꞈ-euˬ naˆ maˬ tseˇ, uˬ yehˇ aˇ siˬ bi ga deh-awˇ shiˇ-euˬ myaˬ dzehˬ-eu meh.

Panmaeq 16:18

Mˬ myawꞈ myawꞈ-awˇ, teˇ saˇ gʼawˬ mya jeˬ mahˇ laˇ-awˇ, mˬ jeˬ jeˬ-eu uˬ taꞈ, miˇ luˆ luˆ dui dui-eu meh. Tsawˇ haˬ zaˬ-ahˇ beh ngeh neh iˬ nah keuˆ ni, kʼoeˇ naˆ naˆ-ehˇ miˇ luˆ luˆ-eu tiˬ jawˇ-iˬ maˬ jaˆ haw-aˬ. Kʼoeˇ-aˬ, miˇ luˆ luˆ-eu aˇ dzehˬ dzeuˇ-eu poˆ pyeuꞈ-eu meh.

Panmaeq 16:21

Smˬ tseˇ jawꞈ-i dzehˬ ni byah-eu uˬ yehˇ aˇ siˬ deuˬ mˬ-ahˇ neh ga le-awˇ, tsawˇ haˬ zaˬ-ahˇ ga deh le-euˬ meh. Uˬ yehˇ aˇ siˬ bi ga le-awˇ kʼehˬ-eu kʼaˆ-eu kʼoeˇ poˆ, kʼoeˇ naˆ naˆ-ehˇ guˆ laˇ paˬ-ehˇ gʼeh-eu miˇ neh, a yawꞈ maꞈ Miˬyehˇ-ahˇ yaˬ kʼehˇ toˇ-eu meh.

Panmaeq 8:7

Mˬ taˆ gʼaˬ kʼehˇ yaw beh gʼaˬ daˇ heh baw ngeh, shiˬ keuˬ-eu uˬ yehˇ aˇ siˬ miˇ tsaˬ kʼoeˇ taˆ ga le-awˇ, miˇ tsaˬ tahˬ kʼawˇ smˬ bymˇ tiˬ bymˇ, aˇ bawˇ smˬ bymˇ tiˬ bymˇ hawˇ-eu, buˬ nyoeˇ dawˬ tawˆ luꞈ puiˆ dzaˬ jiˇ-euˬ meh.