Doˆ-iˇ 8:28 - Akha

²⁸ Sahˬ paˬ ehˇ-eu, “Gaˇ mahˇ kaˬ dui dui-eu jawˇ duˬ-ahˇ naw maꞈ maˬ iˇ byoˆ gʼeh naˇ, bawˇ tsahˬ bawˇ dahˇ-ahˇ iˇ-awˇ, naw maꞈ-euˬ Sahˬpaˬ Miˬyehˇ-ahˇ lawˇ nehˬ shehˇ nehˬ-iˇ-eu gʼaˇ duˬ, ngaˇ naw maꞈ-ahˇ pyehˬ nehˬ ma. Ngaˬ-euˬ gʼaˇ duˬ guiˬ lahˬ shaˇ nehˬ laꞈ-awˬ.”

Doˆ-iˇ 8:28 ပူးပေါင်းရင်းမြစ်များ

1 Sahˬpaˬ 13:6

Kʼoeˇ ngeh, “Ngaˬ-euˬ aˬ laꞈ taˬ leˇ ni, nawˬ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ nawˇ guiˬ lahˬ shaˇ nehˬ laꞈ-awˬ” lehˇ, Miˬyehˇ gʼaˇ duˬ ngehˬ dah-eu tsawˇ haˬ kʼoeˇ gʼaˬ-ahˇ sahˬ paˬ Yeˬyawˇbamˬ ehˇ nehˬ-euˬ meh. Miˬyehˇ gʼaˇ duˬ ngehˬ dah-eu kʼoeˇ gʼaˬ Sahˬpaˬ Miˬyehˇ-ahˇ guiˬ lahˬ shaˇ ngeh, sahˬ paˬ-euˬ aˬ laꞈ taˬ leˇ-euˬ meh.

Eˇzaˬlaˬ 6:10

Mˬ taˆ Miˬyehˇ nui ma tsaˬ-eu lawˇ-eu shehˇ-eu jeˬ aˬ yawꞈ maꞈ mˇ-awˇ, ngaˇ hawˇ-eu ngaˬ li deuˬ kʼoeˇ taˆ guiˬ lahˬ biꞈ nehˬ laꞈ ni aˬ yawꞈ maꞈ guiˬ lahˬ bi shaˇ-eu gʼaˇ duˬ, aˬ yawꞈ maꞈ-ahˇ kʼoeˇ loꞈ-ehˇ caw ba nehˬ-awˬ.

Doˆ-iˇ 10:17

Teu miˇ neh, nymˬ-mˇ poˆ ngaˬ-ahˇ iˬ baˇ pyehˬ nehˬ laꞈ-awˬ, shiˇ gaˇ keuˆ-eu kʼehˬ-eu kʼaˆ-eu jeˬ yuˇ dzeh nehˬ laꞈ-eu gʼaˇ duˬ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ guiˬ lahˬ shaˇ nehꞈ laꞈ-awˬ lehˇ, naw nyaꞈ-ahˇ ngaˇ shaˇ-eu ma.”

Doˆ-iˇ 3:19

Maˬ bi iˇ-ehˇ maˬ gʼeh nya ni maˬ pyeuꞈ laˇ kʼoeˇ keuˆ ni, Iˇjiˇtuˆ sahˬ paˬ naw maꞈ-ahˇ maˬ bi iˇ nehꞈ laꞈ ni piˬ lahˇ tehꞈ-a lehˇ ngaˇ siˬ nya ma.

Doˆ-iˇ 7:13

Ehˇ kʼawꞈ, Sahˬpaˬ Miˬyehˇ neh ehˇ taˬ-euˬ loꞈ-ehˇ, sahˬ paˬ kʼoeˇ gʼaˬ nui ma gʼahˇ-awˇ, Moˇseˬ hawˇ-eu Aˬloˬ-euˬ ehˇ dawˬ-ahˇ maˬ naˇ haˬ ni jawˇ-euˬ meh.

Doˆ-iˇ 8:15

Kʼaˬ paˬ kʼoeˇ deuˬ shiˇ jiˇ-euˬ gaˇ sahˬ paˬ kʼoeˇ gʼaˬ ya mawˇ ngeh, Sahˬpaˬ Miˬyehˇ neh ehˇ taˬ-euˬ loꞈ-ehˇ, aˬ yawꞈ-euˬ nui ma paˇ gʼahˇ laˇ-awˇ, Moˇseˬ hawˇ-eu Aˬloˬ-euˬ ehˇ dawˬ maˬ naˇ haˬ ni pyeuꞈ-iˇ-euˬ meh.

Doˆ-iˇ 8:29

Moˇseˬ ehˇ-eu, “Nawˇ jawˇ gaˇ maˬ ehˇ, nawˬ-euˬ gaˇ mˇ-eu yaw huiˬ yaw mahˇ deuˬ jawˇ gaˇ maˬ ehˇ, nawˬ-euˬ miˇ kʼahˬ zaˬ deuˬ jawˇ gaˇ maˬ ehˇ, ni shawˬ nah puˬ saˆ byoˆ-iˇ jiˇ ni, heu gaˇ neh doˆ-iˇ-eu nehˬ-ehˇ, Sahˬpaˬ Miˬyehˇ-ahˇ ngaˇ guiˬ lahˬ shaˇ ma. Ehˇ kʼawꞈ, nga maꞈ-ahˇ nawˇ jaˬ myawꞈ paˇ myawꞈ-awˇ, Sahˬpaˬ Miˬyehˇ-ahˇ lawˇ-eu shehˇ-eu gʼaˇ duˬ, Iˇsaˬleˬlaˆ tsawˇ haˬ deuˬ-ahˇ maˬ bi iˇ ni maˬ ya laˆ tsoeˬ-a.”

Doˆ-iˇ 8:8

Kʼoeˇ naˇ, sahˬ paˬ kʼoeˇ gʼaˬ Moˇseˬ hawˇ-eu Aˬloˬ-ahˇ kuˇ-awˇ ehˇ-eu, “Kʼaˬ paˬ heu deuˬ byoˆ-iˇ jiˇ ni, Sahˬpaˬ Miˬyehˇ-ahˇ guiˬ lahˬ shaˇ-awˬ. Sahˬpaˬ Miˬyehˇ-ahˇ lawˇ nehˬ shehˇ nehˬ-iˇ nya ni, naw maꞈ-euˬ tsawˇ haˬ deuˬ-ahˇ ngaˇ pyehˬ nehˬ ma.”

Doˆ-iˇ 9:28

Sahˬpaˬ Miˬyehˇ-ahˇ guiˬ lahˬ shaˇ-awˬ. Mˬ jeˬ tsawˬ tehˆ hawˇ-eu uˬ yehˇ aˇ siˬ heu deuˬ-ahˇ nga maꞈ maˬ paˇ daˬ coeˇ miˇ-a. Naw maꞈ-ahˇ pyehˬ nehˬ ma lehˇ ngaˇ saˇ jaˇ dzaˬ-eu ma. Naw maꞈ heu gaˇ maˬ paˇ ya jawˇ-aˇ.”

Dawˬ tsoˆ 6:10

Kʼaˇ pyeuꞈ laˇ-eu jeˬ dawˬ tawˆ luꞈ, aˇ hu ba neh ehˇ taˬ-awˇ jaˆ-eu gaˇ kawˆ tehꞈ meh. Yawˬ ha naˆ maˬ tseˇ gʼaˬ kʼaˆ-eu tsawˇ haˬ nehˬ-ehˇ tsawˇ pyehˇ maˬ pyehˇ nya-a lehˇ, tsawˇ haˬ yawˬ gʼaˬ na luꞈ siˬ nya meh.

Yeˬlaˬmiˇ 42:2

ngaˇ jawˇ gaˇ oe-awˇ heu loꞈ-ehˇ ehˇ le-euˬ meh. “Nga maꞈ nawˬ-ahˇ shaˇ-eu loꞈ-ehˇ jahˇ nehˬ laꞈ-awˬ. Nga maꞈ gʼaˇ duˬ nga maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ guiˬ lahˬ shaˇ nehˬ laꞈ-awˬ. Buˬ-iˇ law-iˇ-euˬ tsawˇ haˬ deuˬ pyeuꞈ-eu nga maꞈ dawˬ tawˆ luꞈ gʼaˇ duˬ guiˬ lahˬ shaˇ nehˬ laꞈ-awˬ. Dzeuˇ laˇ ngeh aˬ dui tsawˇ haˬ myaˬ dui dui-euˬ kʼawꞈ, nymˬ-mˇ nawˇ mawˇ luꞈ-eu loꞈ-ehˇ ui cuiˆ dzeˇ-eu tehꞈ meh.

Hawˇseˬ 10:2

Nui ma yaw gʼoꞈ ahˇ-eu aˇ poeˬ, nymˬ-mˇ paˇ ya daˬ poˆ tehꞈ-a. Aˬ yawꞈ maꞈ-euˬ lawˇ duˬ kʼoeˇ deuˬ, Miˬyehˇ laˆ kʼehˬ laˆ kʼoeˆ nehˬ-awˇ, muiˬ-eu shawˇ-eu kʼawˇ zeuˇ kʼoeˇ deuˬ, laˆ piˬ laˆ byoˆ jiˇ nehˬ tehꞈ-a.

Gʼaˬkʼehˇ 8:24

Beˬtuˆluˆ hawˇ-eu Yoˇhaˬ aˬ nyaꞈ-ahˇ Siˇmoˬ ehˇ nehˬ-eu, “Naw nyaꞈ neh kʼaˇ ehˇ-euˬ jeˬ, ngaˬ-euˬ kʼoeˇ taˆ tiˬ jeˬ-iˬ maˬ bi keuˆ le-eu gʼaˇ duˬ, Sahˬpaˬ Miˬyehˇ-ahˇ guiˬ lahˬ shaˇ nehˬ laꞈ-awˬ.”