Doˆ-iˇ 8:23 - Akha

²³ Nawˬ-euˬ tsawˇ haˬ hawˇ-eu ngaˬ-euˬ tsawˇ haˬ tseˇ paˆ-awˇ, ngaˇ kʼoeˇ loꞈ-ehˇ mˇ ma. Zahˬ leˇ paˬ-ehˇ gʼeh-eu gaˇ heu hmˬ, ni shawˬ bi pyeuꞈ laˇ ma’ lehˇ Sahˬpaˬ Miˬyehˇ ehˇ-eu meh lehˇ aˬ yawꞈ-ahˇ ehˇ nehˬ-awˬ.”

Doˆ-iˇ 8:23 ပူးပေါင်းရင်းမြစ်များ

2 Sahˬpaˬ 7:1

Eˇliˇshehˇ ehˇ-eu, “Sahˬpaˬ Miˬyehˇ-euˬ dawˬ-ahˇ naˇ haˬ sheˇ. Ni shawˬ nah heu yamˬ-ahˇ, Saˬmaˬliˆ meuˬ laꞈ kʼoeˇ muiˬ dui dui-eu cehˇ pyuˇ smˇ pehˬ-euˬ pyuˇ maˇ byaˆ tiˬ byaˆ-ahˇ keuˆ ni ga le-awˇ, lawˬ loeˇ koꞈ pehˬ-euˬ tiˬ byaˆ-ahˇ keuˆ ni ga le tehꞈ-a.”

Doˆ-iˇ 10:4

Ngaˬ-euˬ tsawˇ haˬ-ahˇ nawˇ maˬ pyehˬ nehˬ ni jawˇ naˇ, nawˬ-euˬ miˇ kʼahˬ laꞈ kʼoeˇ, ni shawˬ nah ngaˇ nyehˇ bahˇ bi doˆ laˇ ma.

Doˆ-iˇ 3:18

“Nawˬ neh kʼaˇ ehˇ-euˬ jeˬ-ahˇ, ngaˬ-euˬ tsawˇ haˬ deuˬ naˇ haˬ tehꞈ-a. Kʼoeˇ naˇ, Iˇsaˬleˬlaˆ tsawˇ haˬ aˬ yuiꞈ aˬ tsu deuˬ nehˬ-ehˇ, Iˇjiˇtuˆ sahˬ paˬ jawˇ gaˇ nawˇ iˇ-awˇ, heu loꞈ-ehˇ ehˇ nehˬ-iˇ-awˬ. ‘Heˬbyehˇ tsawˇ haˬ deuˬ-euˬ Sahˬpaˬ Miˬyehˇ nga maꞈ-ahˇ pah mehˬ le-euˬ meh. Bawˇ tsahˬ bawˇ dahˇ-ahˇ nga maꞈ iˇ-awˇ, nga maꞈ-euˬ Sahˬpaˬ Miˬyehˇ-ahˇ lawˇ-eu shehˇ-eu gʼaˇ duˬ, nga maꞈ-ahˇ aˇ yamˬ smˬ nah biꞈ nehˬ laꞈ’ lehˇ ehˇ nehˬ-awˬ.

Doˆ-iˇ 8:22

Ehˇ kʼawꞈ, ngaˬ-eu tsawˇ haˬ deuˬ jawˇ-eu Goˬsheˬ miˇ tsaˬ-ahˇ puˬ saˆ maˬ doˆ laˇ ni ngaˇ jahˇ ma. Sahˬpaˬ Miˬyehˇ pyeuꞈ-eu ngaˬ-euˬ mawˇ do miˇ kʼahˬ heu kʼahˬ laꞈ kʼoeˇ gaˇ mˇ luꞈ-eu nawˇ ya siˬ ni, ngaˇ heu loꞈ-ehˇ jahˇ-eu lehˇ gʼeh-eu ma.

Doˆ-iˇ 8:24

Sahˬ paˬ kʼoeˇ gʼaˬ-euˬ nymˇ hawˇ-eu yaw huiˬ yaw mahˇ deuˬ-euˬ nymˇ deuˬ-ahˇ, myaˬ dui dui-eu puˬ saˆ baˬ maꞈ Sahˬpaˬ Miˬyehˇ pyehˬ gʼeh-euˬ meh.

Doˆ-iˇ 9:5

Sahˬpaˬ Miˬyehˇ pyeuꞈ-eu ngaˇ, ni shawˬ nah kʼoeˇ loꞈ-ehˇ mˇ ma’ lehˇ, sahˬ paˬ kʼoeˇ gʼaˬ-ahˇ ehˇ nehˬ-awˬ.”