Doˆ-iˇ 7:6 - Akha

⁶ Sahˬpaˬ Miˬyehˇ aˬ yawꞈ nyaꞈ-ahˇ dawˬ biꞈ nehˬ-euˬ loꞈ-ehˇ, Moˇseˬ hawˇ-eu Aˬloˬ mˇ-euˬ meh.

Doˆ-iˇ 7:6 ပူးပေါင်းရင်းမြစ်များ

Aˇ dahˬ 22:18

Nawˇ ngaˬ-euˬ ehˇ dawˬ naˇ haˬ-eu miˇ neh, nawˬ-euˬ zaˬ nawˬ-euˬ uˆ deuˬ guiˬ lahˬ za-eu loꞈ-ehˇ, aˬ yawꞈ maꞈ-ahˇ kʼawꞈ guiˬ lahˬ biꞈ laꞈ lehˇ, tsawˇ jeuˬ dawˬ tawˆ luꞈ ngaˬ-ahˇ shaˇ tehꞈ-a.”

Aˇ dahˬ 6:22

Miˬyehˇ neh kʼaˇ ehˇ nehˬ-euˬ loꞈ-ehˇ Noˇaˬ jahˇ-euˬ meh.

Aˇ dahˬ 7:5

Kʼoeˇ ngeh, Sahˬpaˬ Miˬyehˇ neh kʼaˇ ehˇ nehˬ-euˬ loꞈ-ehˇ Noˇaˬ mˇ-euˬ meh.

Jaceuq 119:4

Sahˬpaˬ Miˬyehˇ-oˇ, nawˇ nga maꞈ-ahˇ nawˬ-euˬ zahˇ dawˬ kʼoꞈ dawˬ biꞈ laꞈ-awˇ, saˇ jaˇ ziꞈ-awˇ caw teh nya ni mehˬ nehˬ tsoˆ nehˬ laꞈ-euˬ meh.

Doˆ-iˇ 12:28

Kʼoeˇ naˇ, aˬ yawꞈ maꞈ iˇ-awˇ, Moˇseˬ hawˇ-eu Aˬloˬ-ahˇ Sahˬpaˬ Miˬyehˇ neh dawˬ biꞈ-euˬ loꞈ-ehˇ mˇ-euˬ meh.

Doˆ-iˇ 39:43

Yawˬ jeˬ na luꞈ-ahˇ Moˇseˬ pyehˆ tseˇ haw ngeh, Sahˬpaˬ Miˬyehˇ neh dawˬ kʼaˇ biꞈ taˬ-eu loꞈ-ehˇ aˬ yawꞈ maꞈ mˇ gʼaˬ taˬ jiˇ-euˬ gaˇ ya mawˇ-euˬ meh. Kʼoeˇ naˇ, aˬ yawꞈ maꞈ-ahˇ Moˇseˬ dawˬ ngehˬ gʼeh nehˬ-euˬ meh.

Doˆ-iˇ 40:16

Sahˬpaˬ Miˬyehˇ neh dawˬ kʼaˇ biꞈ taˬ-euˬ loꞈ-ehˇ, yawˬ jeˬ na luꞈ-ahˇ Moˇseˬ mˇ-euˬ meh.

Doˆ-iˇ 7:10

Kʼoeˇ naˇ, Moˇseˬ hawˇ-eu Aˬloˬ aˬ nyaꞈ sahˬ paˬ jawˇ gaˇ iˇ-awˇ, Sahˬpaˬ Miˬyehˇ neh dawˬ biꞈ-euˬ loꞈ-ehˇ mˇ-iˇ-euˬ meh. Sahˬ paˬ hawˇ-eu aˬ yawꞈ-euˬ gaˇ mˇ-eu yaw huiˬ yaw mahˇ deuˬ-euˬ mehˬ shi, Aˬloˬ gawˬ yoeˬ pyeh dzeh ngeh, gawˬ yoeˬ kʼoeˇ aˇ lawˇ pyeuꞈ-iˇ-euˬ meh.

Doˆ-iˇ 7:2

Ngaˬ neh nawˬ-ahˇ kʼaˇ ehˇ nehˬ-euˬ jeˬ dawˬ tawˆ luꞈ, Aˬ loˬ-ahˇ dzawˇ nehˬ-awˬ. Iˇsaˬleˬlaˆ tsawˇ haˬ-ahˇ aˬ yawꞈ-euˬ miˇ kʼahˬ laꞈ kʼoeˇ neh bi doˆ-iˇ-awˬ lehˇ, sahˬ paˬ kʼoeˇ gʼaˬ-ahˇ Aˬloˬ ehˇ nehˬ tehꞈ-a.

Doˆ-iˇ 7:20

Sahˬpaˬ Miˬyehˇ neh dawˬ biꞈ-euˬ loꞈ-ehˇ, Moˇseˬ hawˇ-eu Aˬloˬ mˇ-euˬ meh. Sahˬ paˬ hawˇ-eu aˬ yawꞈ-euˬ gaˇ mˇ-eu yaw huiˬ yaw mahˇ deuˬ-euˬ mehˬ shi, Aˬloˬ gawˬ yoeˬ baꞈ diˇ-awˇ, Niˬlaˇ lawˇ baˬ iˇ cuꞈ-ahˇ juiꞈ ngeh, lawˇ baˬ kʼoeˇ gawˆ-euˬ iˇ cuꞈ dawˬ tawˆ luꞈ shiˬ pyeuꞈ jiˇ-euˬ meh.

Yoˇhaˬ 15:10

Ngaˬ Da-euˬ dawˬ-ahˇ ngaˇ naˇ haˬ geuꞈ-awˇ, ngaˬ Da-euˬ gʼoeˇ-eu gaˬ-eu jeˬ laꞈ kʼoeˇ ngaˇ jawˇ-eu loꞈ-ehˇ, naw maꞈ ngaˬ-euˬ dawˬ-ahˇ naˇ haˬ geuꞈ naˇ, ngaˬ-euˬ gʼoeˇ-eu gaˬ-eu jeˬ laꞈ kʼoeˇ naw maꞈ jawˇ tehꞈ-a.

Yoˇhaˬ 15:14

Ngaˬ neh dawˬ biꞈ taˬ-euˬ loꞈ-ehˇ naw maꞈ mˇ naˇ, naw maꞈ ngaˬ-euˬ cawˬ ma.