Doˆ-iˇ 7:4 - Akha

⁴ Kʼoeˇ naˇ, kʼaˆ dui dui-eu kʼehˬ-eu kʼaˆ-eu jeˬ Iˇjiˇtuˆ miˇ kʼahˬ kʼoeˇ taˆ ngaˇ bi keuˆ le-awˇ, ngaˬ-euˬ tsawˇ jeuˬ tsawˇ ca deuˬ-ahˇ Iˇjiˇtuˆ miˇ kʼahˬ laꞈ kʼoeˇ neh, ngaˇ sheuˬ doˆ gʼeh ma.

Doˆ-iˇ 7:4 ပူးပေါင်းရင်းမြစ်များ

Doˆ-iˇ 10:1

Kʼoeˇ naˇ, Moˇseˬ-ahˇ Sahˬpaˬ Miˬyehˇ ehˇ nehˬ-eu, “Sahˬ paˬ kʼoeˇ gʼaˬ jawˇ gaˇ iˇ-awˬ. Zahˬ leˇ paˬ-ehˇ gʼeh-eu gaˇ heu deuˬ Iˇjiˇtuˆ tsawˇ haˬ deuˬ-ahˇ ngaˇ ya mˇ mehˬ nehˬ ni maˬ ehˇ,

Doˆ-iˇ 11:9

“Zahˬ leˇ paˬ-ehˇ gʼeh-eu jeˬ Iˇjiˇtuˆ miˇ kʼahˬ kʼoeˇ taˆ paˇ bi keuˆ le ni, sahˬ paˬ kʼoeˇ gʼaˬ nawˬ-euˬ ehˇ dawˬ maˬ naˇ haˬ-ehˇ jawˇ tehꞈ-a” lehˇ, Moˇseˬ-ahˇ Sahˬpaˬ Miˬyehˇ ehˇ nehˬ taˬ-euˬ meh.

Doˆ-iˇ 12:51

Kʼoeˇ ngeh nah laꞈ kʼoeˇ, Sahˬpaˬ Miˬyehˇ Iˇsaˬleˬlaˆ tsawˇ haˬ deuˬ-ahˇ Iˇjiˇtuˆ miˇ kʼahˬ laꞈ kʼoeˇ neh sheuˬ doˆ nehˬ-euˬ meh.

Doˆ-iˇ 13:3

Iˇsaˬleˬlaˆ tsawˇ haˬ deuˬ-ahˇ Moˇseˬ ehˇ nehˬ-eu, “Naw maꞈ aˬ cawˬ-euˬ zaˬ kʼaˆ ya geuꞈ luꞈ-eu Iˇjiˇtuˆ miˇ kʼahˬ laꞈ kʼoeˇ neh doˆ le-euˬ aˇ nah heu nah-ahˇ noeˬ keuˆ-awˬ. Aˇ nah heu nah laꞈ kʼoeˇ, Sahˬpaˬ Miˬyehˇ-aˬ, huiˬ-eu aˬ yawꞈ-euˬ baoˬ-ahˇ gʼoe-awˇ, naw maꞈ-ahˇ sheuˬ doˆ nehˬ-euˬ meh. Dehˬ tseˬ ahˇ-eu kaˬ muˇ naw maꞈ maˬ ya dzaˬ-a.

Doˆ-iˇ 13:9

Bawˬ-iˬ heu hmˬ-aˬ, naw maꞈ-euˬ laꞈ du-ahˇ maˬ ehˇ, naˇ kʼawˇ-ahˇ maˬ ehˇ, laꞈ tuiˆ paꞈ taˬ-euˬ loꞈ-ehˇ, tiˬ jawˇ-iˬ maˬ ngehˇ leˇ ni noeˬ mawˇ-eu jeˬ pyeuꞈ tehꞈ-a. Bawˬ-iˬ heu hmˬ-aˬ, Sahˬpaˬ Miˬyehˇ-euˬ Zahˇ dawˬ kʼoꞈ dawˬ-ahˇ maˬ tsehˆ leˇ ni gui poˆ-awˇ dzaw geuꞈ-eu gʼaˇ duˬ, naw maꞈ maˬ ya ngehˇ ni, bi noeˬ mawˇ-eu jeˬ pyeuꞈ tehꞈ-a. Aˬ jeˬ miˇ neh ehˇ naˇ, Sahˬpaˬ Miˬyehˇ-aˬ, aˬ yawꞈ-euˬ huiˬ-eu baoˬ-ahˇ gʼoe-awˇ, naw maꞈ-ahˇ Iˇjiˇtuˆ miˇ kʼahˬ laꞈ kʼoeˇ neh sheuˬ doˆ nehˬ-euˬ meh.

Doˆ-iˇ 18:8

Iˇsaˬleˬlaˆ tsawˇ haˬ-ahˇ ka kʼoꞈ-eu gʼaˇ duˬ, Iˇjiˇtuˆ sahˬ paˬ hawˇ-eu aˬ yawꞈ-euˬ tsawˇ haˬ deuˬ-ahˇ, Sahˬpaˬ Miˬyehˇ neh kʼaˇ mˇ nehˬ-euˬ jeˬ dawˬ tawˆ luꞈ, Yeˬdaˬyoˇ-ahˇ Moˇseˬ dzawˇ mehˬ nehˬ-euˬ meh. Iˇsaˬleˬlaˆ tsawˇ haˬ deuˬ gaˇ pehˇ-ahˇ ya tahˬ puˬ yaꞈ-euˬ shaˬ-eu zahˬ-eu jeˬ hawˇ-eu, Sahˬpaˬ Miˬyehˇ aˬ yawꞈ maꞈ-ahˇ aˬ joˆ-ehˇ ka kʼoꞈ nehˬ-euˬ gaˇ kawˆ deuˬ kʼawꞈ dzawˇ mehˬ nehˬ-euˬ meh.

Doˆ-iˇ 3:19

Maˬ bi iˇ-ehˇ maˬ gʼeh nya ni maˬ pyeuꞈ laˇ kʼoeˇ keuˆ ni, Iˇjiˇtuˆ sahˬ paˬ naw maꞈ-ahˇ maˬ bi iˇ nehꞈ laꞈ ni piˬ lahˇ tehꞈ-a lehˇ ngaˇ siˬ nya ma.

Doˆ-iˇ 3:20

Ehˇ kʼawꞈ, baoˬ zmˬ-awˇ, guˆ laˇ paˬ-ehˇ gʼeh-eu jeˬ mˇ-eu laꞈ kʼoeˇ, Iˇjiˇtuˆ miˇ kʼahˬ-ahˇ ngaˇ kʼehˬ nehˬ ma. Kʼoeˇ ngeh, aˬ yawꞈ naw maꞈ-ahˇ pyehˬ nehˬ laꞈ tehꞈ-a.

Doˆ-iˇ 6:1

Kʼoeˇ ngeh, Moˇseˬ-ahˇ Sahˬpaˬ Miˬyehˇ ehˇ nehˬ-eu, “Sahˬ paˬ kʼoeˇ gʼaˬ-ahˇ ngaˇ aˬ joˆ-ehˇ jahˇ nehˬ-eu lehˇ gʼeh-eu gaˇ kawˆ, nymˬ-mˇ nawˇ ya mawˇ tehꞈ-a. Ngaˬ-euˬ tsawˇ haˬ-ahˇ maˬ pyehˬ nehˬ-ehˇ maˬ jawˇ tehˬ coeˇ ngeh keuˆ ni aˬ yawꞈ-ahˇ ngaˇ jahˇ nehˬ ma. Aˬ diˇ aˬ maˇ, aˬ yawꞈ maꞈ-ahˇ miˇ kʼahˬ heu kʼahˬ laꞈ kʼoeˇ neh ya teh doˆ gaˇ keuˆ ni, aˬ yawꞈ-ahˇ ngaˇ jahˇ nehˬ ma.”

Doˆ-iˇ 6:26

“Iˇsaˬleˬlaˆ tsawˇ jeuˬ tsawˇ ca dawˬ tawˆ luꞈ-ahˇ, Iˇjiˇtuˆ miˇ kʼahˬ laꞈ kʼoeˇ neh sheuˬ doˆ gʼeh-awˬ” lehˇ, Miˬyehˇ neh kʼehˇ-euˬ tsawˇ haˬ-aˬ, Moˇseˬ hawˇ-euˬ Aˬloˬ aˬ nyaꞈ nmˇ meh.

Doˆ-iˇ 6:6

Kʼoeˇ miˇ neh, ngaˇ heu loꞈ-ehˇ ehˇ-eu meh lehˇ, Iˇsaˬleˬlaˆ tsawˇ haˬ deuˬ-ahˇ ehˇ nehˬ-awˬ. Ngaˇ-aˬ, Sahˬpaˬ Miˬyehˇ ma. Iˇjiˇtuˆ tsawˇ haˬ deuˬ-euˬ laꞈ oˆ zaˬ kʼaˆ ya geuꞈ-eu laꞈ kʼoeˇ ngaˇ naw maꞈ-ahˇ bi buˬ-iˇ ma. Baoˬ ahˇ-eu ngaˬ-euˬ aˬ laꞈ cawˬ doˆ-awˇ, aˬ yawꞈ maꞈ kʼoeˇ taˆ guˆ dui dui laˇ paˬ-ehˇ gʼeh-eu kʼehˬ-eu kʼaˆ-eu jeˬ bi keuˆ le-eu laꞈ kʼoeˇ, naw maꞈ-ahˇ ngaˇ ka kʼoꞈ ma.

Doˆ-iˇ 7:13

Ehˇ kʼawꞈ, Sahˬpaˬ Miˬyehˇ neh ehˇ taˬ-euˬ loꞈ-ehˇ, sahˬ paˬ kʼoeˇ gʼaˬ nui ma gʼahˇ-awˇ, Moˇseˬ hawˇ-eu Aˬloˬ-euˬ ehˇ dawˬ-ahˇ maˬ naˇ haˬ ni jawˇ-euˬ meh.

Doˆ-iˇ 7:16

Kʼoeˇ naˇ, sahˬ paˬ kʼoeˇ gʼaˬ-ahˇ heu loꞈ-ehˇ ehˇ nehˬ-awˬ. ‘Heˬbyehˇ tsawˇ haˬ-euˬ Miˬyehˇ pyeuꞈ-eu Sahˬpaˬ Miˬyehˇ ngaˬ-ahˇ kʼehˇ gʼeh leꞈ-awˇ, bawˇ tsahˬ bawˇ dahˇ-ahˇ aˬ yawꞈ-ahˇ uˬ duˬ bi tahˬ laˇ-eu gʼaˇ duˬ, aˬ yawꞈ-euˬ tsawˇ haˬ deuˬ-ahˇ pyehˬ nehˬ-awˬ lehˇ bi ehˇ le-euˬ meh. Ehˇ kʼawꞈ, iˬ nah keuˆ ni nawˇ maˬ naˇ haˬ ni jawˇ-eu meh.

Doˆ-iˇ 8:15

Kʼaˬ paˬ kʼoeˇ deuˬ shiˇ jiˇ-euˬ gaˇ sahˬ paˬ kʼoeˇ gʼaˬ ya mawˇ ngeh, Sahˬpaˬ Miˬyehˇ neh ehˇ taˬ-euˬ loꞈ-ehˇ, aˬ yawꞈ-euˬ nui ma paˇ gʼahˇ laˇ-awˇ, Moˇseˬ hawˇ-eu Aˬloˬ-euˬ ehˇ dawˬ maˬ naˇ haˬ ni pyeuꞈ-iˇ-euˬ meh.

Doˆ-iˇ 8:19

Kʼoeˇ ngeh, “Heu-aˬ, Miˬyehˇ neh mˇ-euˬ jeˬ pyeuꞈ-eu ngaˇ” lehˇ, mah loˬ nya-eu tsawˇ haˬ kʼoeˇ deuˬ sahˬ paˬ-ahˇ ehˇ neh-euˬ meh. Ehˇ kʼawꞈ, Sahˬpaˬ Miˬyehˇ neh ehˇ taˬ-euˬ loꞈ-ehˇ, sahˬ paˬ kʼoeˇ gʼaˬ nui ma gʼahˇ-awˇ, Moˇseˬ hawˇ-eu Aˬ loˬ-euˬ ehˇ dawˬ maˬ naˇ haˬ ni jawˇ-euˬ meh.

Doˆ-iˇ 9:12

Ehˇ kʼawꞈ, Sahˬpaˬ Miˬyehˇ neh ehˇ taˬ-euˬ loꞈ-ehˇ, sahˬ paˬ kʼoeˇ gʼaˬ-ahˇ Sahˬpaˬ Miˬyehˇ nui ma bi gʼahˇ-awˇ, Moˇseˬ hawˇ-eu Aˬloˬ-euˬ ehˇ dawˬ maˬ naˇ haˬ ni jawˇ-euˬ meh.

Doˆ-iˇ 9:3

nawˬ-euˬ jeˬ zaˬ deuˬ pyeuꞈ-eu mahˬ, mahˬ tahˬ laˆ, law taw, mawˇ neˇ, yawˇ hawˇ-eu ciꞈ myehꞈ deuˬ-ahˇ, kʼaˆ dui dui-eu naˇ gawˇ bi pyeuꞈ doˆ laˇ-eu laꞈ kʼoeˇ, nawˬ-ahˇ ngaˇ kʼehˬ nehˬ ma.

Dawqdaq 19:29

Aˬ jaꞈ mehˬ hu guiˇ oꞈ aˬ dzawˬ naˇ kʼah daˇ cuiˇ.

Iˇsaˬyaˇ 26:9

Uˬ ciꞈ miˇ lah-ehˇ nawˬ-ahˇ ngaˇ noeˬ-eu ma. Miˇ tsaˬ-ahˇ nawˇ yaˇ kʼaˬ daˇ ngeh, miˇ tsaˬ zaˬ deuˬ yaw tsaˬ yaw dawˇ jeˬ-ahˇ siˬ nya tehꞈ-a.

Ngoeˇ dawˬ 3:3

Aˬ yawꞈ aˬ laꞈ ngaˬ-ahˇ diˬ-eu, tiˬ nah nah ga maˬ naˬ leˇ-a.

Yeˬsaˬgeˬlaˇ 14:21

Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ heu loꞈ-ehˇ ehˇ-eu meh. “Doeˇ dui dui-eu kʼehˬ-eu kʼaˆ-eu oeˬ jeˬ pyeuꞈ-eu, guiˇ deuˆ-eu, mehꞈ-eu shuꞈ-eu, jeˬ zaˬ yaw haiˬ deuˬ hawˇ-eu, naˇ-eu gawˇ-eu heu oeˬ jeˬ Yeˬluˇsaˬlehˬ meuˬ kʼoeˇ taˆ ngaˇ bi keuˆ le-awˇ, tsawˇ haˬ hawˇ-eu jeˬ zaˬ deuˬ bi shiˇ ma.

Yeˬsaˬgeˬlaˇ 25:11

Mawˇbaˆ miˇ kʼahˬ-ahˇ ngaˇ kʼehˬ nehˬ kʼaˆ nehˬ-awˇ, ngaˇ Sahˬpaˬ Miˬyehˇ pyeuꞈ-eu gaˇ kawˆ, aˬ yawꞈ maꞈ-ahˇ bi siˬ duˬ ma.”

Yeˬsaˬgeˬlaˇ 30:14

Iˇjiˇtuˆ laꞈ oˆ dzaˬ byoˆ le-awˇ, laꞈ taˆ paw jaˆ-eu zoˇ naˆ meuˬ, miˬ dzaˬ neh keuˬ puiˆ dzeh nehˬ ma. Deˬbiˇ meuˬ-ahˇ ngaˇ kʼehˬ nehˬ ma.

Yeˬsaˬgeˬlaˇ 30:19

Iˇjiˇtuˆ-ahˇ kʼoeˇ naˆ kʼehˬ ngeh, ngaˇ Sahˬpaˬ Miˬyehˇ ngeuˇ ngaˇ lehˇ, aˬ yawꞈ maꞈ ya siˬ duˬ tehꞈ-a.”

Panmaeq 15:4

Sahˬpaˬ Miˬyehˇ-oˇ, nawˬ-euˬ mehˬ shi yawꞈ-awˇ, maˬ zahˬ leˇ-eu aˬ suˇ jawˇ ta. Nawˇ huiˬdui mahˇdui dui meh lehˇ, maˬ ja ceuˬ-eu aˬ suˇ jawˇ ta. Nawˇ tehꞈ-ehˇ muiˬ-eu shawˇ-eu meh. Nawˬ neh mˇ-euˬ yaw tsaˬ yaw dawˇ, tsawˇ haˬ zaˬ mawˇ jiˇ-euˬ miˇ neh, Miˇ kʼahˬ tsawˇ jeuˬ dawˬ tawˆ laˇ-awˇ, nawˬ-ahˇ uˬ duˬ tahˬ laˇ tehꞈ-a.”

Panmaeq 16:7

Kʼoeˇ naˇ, lawˇ duˬ jaˆ gaˇ neh heu loꞈ-ehˇ ehˇ doˆ laꞈ gaˇ ngaˇ ya gaˬ-euˬ ma. “Baoˬhuiˬ-eu Sahˬpaˬ Miˬyehˇ-oˇ, nawˬ neh yaˇ kʼaˬ daˇ-euˬ heu-aˬ, tsaˬ dui dawˇdui dui meh.”

Panmaeq 19:2

Aˬ yawꞈ neh yaˇ kʼaˬ daˇ-euˬ jeˬ, tsaˬ-eu dawˇ-eu jeˬ pyeuꞈ-eu meh. Kʼaˬ miˬ sheu-eu jeˬ-ahˇ gaˬ-awˇ, miˇ tsaˬ tahˬ kʼawˇ-ahˇ laˆ jawꞈ-euˬ, huiˬ-eu meh maˬ laˇ kʼoeˇ gʼaˬ-ahˇ, aˬ yawꞈ yaˇ kʼaˬ daˇ nehˬ-euˬ meh. Yawꞈ-euˬ zaˬ kʼaˆ deuˬ shiˇ-euˬ poeˬ, yawꞈ laꞈ poˆ poˆ-euˬ meh.”

Yaˇ kʼaˬ daˇ 2:15

Sahˬpaˬ Miˬyehˇ neh ehˇ taˬ-euˬ loꞈ-ehˇ, aˬ yawꞈ maꞈ guiˇ kʼaˇ deuˆ-iˇ ngeh, Sahˬpaˬ Miˬyehˇ aˬ yawꞈ maꞈ jawˇ paw maˬ pyawˬ-a. Kʼoeˇ ngeh, aˬ yawꞈ maꞈ nui ma cawˆ dui dui laˇ taˬ-euˬ meh.