Doˆ-iˇ 7:3 - Akha

³ Ehˇ kʼawꞈ, sahˬ paˬ kʼoeˇ gʼaˬ nui ma gʼahˇ ni ngaˇ jahˇ nehˬ-awˇ, Iˇjiˇtuˆ miˇ kʼahˬ kʼoeˇ taˆ guˆ dui dui laˇ paˬ-ehˇ gʼeh-eu gʼawˬ mya jeˬ ngaˇ bi keuˆ le kʼawꞈ, naw nyaꞈ-euˬ ehˇ dawˬ-ahˇ aˬ yawꞈ maˬ naˇ haˬ ni jawˇ tehꞈ-a.

Doˆ-iˇ 7:3 ပူးပေါင်းရင်းမြစ်များ

Neˬhaˬmiˇ 9:10

Iˇjiˇtuˆ sahˬ paˬ hawˇ-eu aˬ yawꞈ-euˬ gʼaˬ zaˬ yaw huiˬ yaw mahˇ deuˬ-ahˇ maˬ ehˇ, aˬ yawꞈ-euˬ miˇ kʼahˬ zaˬ deuˬ-ahˇ maˬ ehˇ, kʼaˆ jeˬ-ehˇ gʼeh-eu jeˬ nawˇ mˇ mehˬ nehˬ-euˬ meh. Nawˬ-euˬ tsawˇ jeuˬ-ahˇ aˬ yawꞈ maꞈ kʼehˬ-euˬ nawˇ siˬ nya-awˇ, aˬ yawꞈ maꞈ-ahˇ kʼoeˇ loꞈ-ehˇ kʼehˬ kʼoꞈ nehˬ-euˬ meh. Nawˬ neh mˇ-euˬ gaˇ kʼoeˇ deuˬ baˬ da neh, iˬ nah keuˆ ni nawˇ tsawˇ myahˇ huiˬ-eu meh.

Jaceuq 135:9

Iˇjiˇtuˆ sahˬ paˬ hawˇ-eu yaw huiˬ yaw mahˇ deuˬ-ahˇ kʼehˬ-eu gʼaˇ duˬ, kʼaˆ jeˬ-ehˇ gʼeh-eu jeˬ aˬ yawꞈ mˇ-euˬ meh.

Jaceuq 78:12

Iˇjiˇtuˆ miˇ kʼahˬ Zoˇnaˆ deh ga-ahˇ, aˬ yawꞈ maꞈ-euˬ aˬ poeˬ aˬ bawˇ deuˬ-euˬ mehˬ shi, zahˬ leˇ paˬ-ehˇ gʼeh-eu jeˬ Miˬyehˇ mˇ mehˬ nehˬ-euˬ meh.

Doˆ-iˇ 11:10

Zahˬ leˇ paˬ-ehˇ gʼeh-eu heu deuˬ dawˬ tawˆ luꞈ, sahˬ paˬ kʼoeˇ gʼaˬ-euˬ mehˬ shi Moˇseˬ hawˇ-eu Aˬloˬ mˇ mehˬ nehˬ-euˬ meh. Ehˇ kʼawꞈ, sahˬ paˬ kʼoeˇ gʼaˬ nui ma gʼahˇ ni, Sahˬpaˬ Miˬyehˇ neh jahˇ nehˬ-awˇ, Iˇsaˬleˬlaˆ tsawˇ haˬ deuˬ-ahˇ aˬ yawꞈ-euˬ miˇ kʼahˬ laꞈ kʼoeˇ neh, sahˬ paˬ kʼoeˇ gʼaˬ maˬ bi doˆ-iˇ-a.

Doˆ-iˇ 11:9

“Zahˬ leˇ paˬ-ehˇ gʼeh-eu jeˬ Iˇjiˇtuˆ miˇ kʼahˬ kʼoeˇ taˆ paˇ bi keuˆ le ni, sahˬ paˬ kʼoeˇ gʼaˬ nawˬ-euˬ ehˇ dawˬ maˬ naˇ haˬ-ehˇ jawˇ tehꞈ-a” lehˇ, Moˇseˬ-ahˇ Sahˬpaˬ Miˬyehˇ ehˇ nehˬ taˬ-euˬ meh.

Doˆ-iˇ 14:4

Aˬ yawꞈ-ahˇ ngaˇ nui ma bi gʼahˇ-awˇ, naw maꞈ-euˬ mehˬ nah bi caw teh ma. Sahˬ paˬ kʼoeˇ gʼaˬ hawˇ-eu aˬ yawꞈ-euˬ guiˇ maꞈ deuˬ-ahˇ ngaˇ guiˇ deuˆ gʼaˬ ngeh, aˬ cawˬ ngaˬ-ahˇ taˬ huiˬ taˬ mahˇ tehꞈ-a. Kʼoeˇ ngeh, ngaˇ Sahˬpaˬ Miˬyehˇ pyeuꞈ-eu gaˇ, Iˇjiˇtuˆ tsawˇ haˬ deuˬ ya siˬ tehꞈ-a.” Iˇsaˬleˬlaˆ tsawˇ haˬ deuˬ-aˬ, aˬ yawꞈ maꞈ-ahˇ kʼaˇ ehˇ nehˬ-euˬ loꞈ-ehˇ mˇ-euˬ meh.

Doˆ-iˇ 3:20

Ehˇ kʼawꞈ, baoˬ zmˬ-awˇ, guˆ laˇ paˬ-ehˇ gʼeh-eu jeˬ mˇ-eu laꞈ kʼoeˇ, Iˇjiˇtuˆ miˇ kʼahˬ-ahˇ ngaˇ kʼehˬ nehˬ ma. Kʼoeˇ ngeh, aˬ yawꞈ naw maꞈ-ahˇ pyehˬ nehˬ laꞈ tehꞈ-a.

Doˆ-iˇ 4:21

Moˇseˬ-ahˇ Sahˬpaˬ Miˬyehˇ ehˇ nehˬ-eu, “Iˇjiˇtuˆ miˇ kʼahˬ-ahˇ nawˇ gʼoꞈ keuˆ-iˇ ngeh, ngaˬ neh nawˬ-ahˇ baoˬ biꞈ nehˬ-awˇ bi mˇ-euˬ zahˬ leˇ paˬ-ehˇ gʼeh-eu jeˬ, sahˬ paˬ mehˬ shi maˬ ngehˇ ni mˇ mehˬ nehˬ-awˬ. Ehˇ kʼawꞈ, sahˬ paˬ kʼoeˇ gʼaˬ Iˇsaˬleˬlaˆ tsawˇ haˬ deuˬ-ahˇ maˬ pyehˬ nehˬ ni nui ma gʼahˇ laˇ-eu gʼaˇ duˬ ngaˇ jahˇ nehˬ ma.

Doˆ-iˇ 4:29

Kʼoeˇ naˇ, Moˇseˬ hawˇ-eu Aˬloˬ aˬ nyaꞈ iˇ-awˇ, Iˇsaˬleˬlaˆ tsawˇ haˬ aˬ yuiꞈ aˬ tsu deuˬ dawˬ tawˆ luꞈ-ahˇ, tiˬ gaˇ kuˇ uiˬ-euˬ meh.

Doˆ-iˇ 4:7

“Nawˬ-euˬ aˬ laꞈ pehˇ kʼahˬ laꞈ kʼoeˇ tiˬ poˆ paˇ cawˬ ahˇ-awˬ” lehˇ, Moˇseˬ-ahˇ Sahˬpaˬ Miˬyehˇ paˇ ehˇ nehˬ-euˬ meh. Moˇseˬ gʼeh, aˬ yawꞈ-euˬ aˬ laꞈ pehˇ kʼahˬ laꞈ kʼoeˇ tiˬ poˆ paˇ cawˬ ahˇ-awˇ cawˬ doˆ haw ngeh, aˬ yawꞈ yaw oeˇ loꞈ-ehˇ paˇ muiˬ laˇ-euˬ meh.

Doˆ-iˇ 7:13

Ehˇ kʼawꞈ, Sahˬpaˬ Miˬyehˇ neh ehˇ taˬ-euˬ loꞈ-ehˇ, sahˬ paˬ kʼoeˇ gʼaˬ nui ma gʼahˇ-awˇ, Moˇseˬ hawˇ-eu Aˬloˬ-euˬ ehˇ dawˬ-ahˇ maˬ naˇ haˬ ni jawˇ-euˬ meh.

Doˆ-iˇ 9:16

Ehˇ kʼawꞈ, miˇ tsaˬ heu mˬ dzeˇ miˇ dzeˇ keuˆ ni, ngaˇ tsawˇ myahˇ doˆ-eu gʼaˇ duˬ, ngaˬ-euˬ baoˬ-ahˇ nawˇ ya mawˇ ni, nawˬ-ahˇ ngaˇ yaw dehꞈ bi dehꞈ tawˬ-euˬ ma.

Dawqdaq 21:1

Sahˬ paˬ tiˬ gʼaˬ-euˬ nui ma-ahˇ Sahˬpaˬ Miˬyehˇ uˆ lahˇ-eu-aˬ, lawˇ baˬ iˇ cuꞈ yoeˇ kʼehˬ bi baw-euˬ loꞈ-ehˇ awˬ-eu meh.

Iˇsaˬyaˇ 51:9

Sahˬpaˬ Miˬyehˇ nawˇ noeˬ laˇ-awˇ nga maꞈ-ahˇ ka kʼoꞈ-awˬ. Nawˬ-euˬ baoˬ-ahˇ gʼoe-awˇ nga maꞈ-ahˇ ka kʼoꞈ nehˬ laꞈ-awˬ. Aˇ hu nawˬ-euˬ baoˬ bi mawˇ-euˬ loꞈ-ehˇ nymˬ-mˇ bi mawˇ laꞈ-awˬ. Laˆ shaˆ byaˆ yahˬ Laˬhaˇ-ahˇ byehˆ nmˆ nehˬ-euˬ gʼaˬ nawˇ meh.

Miˇkaˬ 7:15

Sahˬpaˬ Miˬyehˇ-oˇ, Iˇjiˇtuˆ miˇ kʼahˬ laꞈ kʼoeˇ neh nga maꞈ-ahˇ nawˇ sheuˬ doˆ laꞈ ngeh loꞈ-ehˇ, nga maꞈ gʼaˇ duˬ zahˬ leˇ paˬ-ehˇ gʼeh-eu jeˬ mˇ nehˬ laꞈ-awˬ.

Yoˇhaˬ 4:48

Yeˬsuˇ aˬ yawꞈ-ahˇ ehˇ nehˬ-eu, “Kʼaˆ jeˬ-ahˇ gʼeh-eu bi siˬ bi mawˇ-eu jeˬ hawˇ-eu zahˬ leˇ paˬ-ehˇ gʼeh-eu jeˬ maˬ ya mawˇ naˇ, naw maꞈ maˬ jah-a.”

Gʼaˬkʼehˇ 2:22

“Aˬ yuiꞈ aˬ nyiˇ Iˇsaˬleˬlaˆ tsawˇ haˬ deuˬ-oˇ, ngaˇ ehˇ gaˇ yaw muiˬ paˬ-ehˇ naˇ haˬ sheˇ. Naˬzaˬlehˇ tsawˇ haˬ Yeˬsuˇ-aˬ, maˇ maˇ ni Miˬyehˇ neh bi oe-euˬ gʼaˬ pyeuꞈ-eu gaˇ kawˆ, aˬ yawꞈ-ahˇ gʼoe-eu laꞈ kʼoeˇ Miˬyehˇ neh mˇ-euˬ zahˬ leˇ paˬ-ehˇ gʼeh-eu gaˇ kʼoeˇ deuˬ saˇ kiˇ kamˬ luꞈ meh. Gaˇ kawˆ kʼoeˇ deuˬ naw maꞈ-euˬ mehˬ shi pyeuꞈ dzeuˇ yaꞈ-euˬ miˇ neh, naw maꞈ yaw muiˬ paˬ-ehˇ siˬ duˬ meh.

Gʼaˬkʼehˇ 7:36

Iˇjiˇtuˆ miˇ kʼahˬ laꞈ kʼoeˇ maˬ ehˇ, Iˬ ma laˆ shaˆ Yaw neˇ gʼahˇ ceh maˬ ehˇ, bawˇ tsahˬ bawˇ dahˇ laꞈ kʼoeˇ oeˬ tseˇ kʼoꞈ oeˬ tseˇ myaˇ cah luꞈ ngeh maˬ ehˇ, zahˬ leˇ paˬ-ehˇ gʼeh-eu jeˬ hawˇ-eu kʼaˆ jeˬ-ehˇ gʼeh-eu gʼawˬ mya jeˬ mˇ mehˬ-eu laꞈ kʼoeˇ, Iˇsaˬleˬlaˆ tsawˇ haˬ deuˬ-ahˇ Iˇjiˇtuˆ miˇ kʼahˬ laꞈ kʼoeˇ neh sheuˬ doˆ gʼeh-euˬ meh.

Lormav 15:19

Zahˬ leˇ paˬ-ehˇ gʼeh-eu jeˬ hawˇ-eu kʼaˆ jeˬ-ehˇ gʼeh-eu jeˬ mˇ nya-eu baoˬ hawˇ-eu, Muiˬ-eu Shawˇ-eu Yaw sahˇ Miˬyehˇ-euˬ baoˬ-ahˇ gʼoe-awˇ mˇ-euˬ jeˬ pyeuꞈ-eu meh. Yeˬluˇsaˬlehˬ meuˬ-ahˇ neh Iˇluˇliˆ miˇ kʼahˬ-ahˇ keuˆ ni iˇ-euˬ gaˇ pehˇ kahˇ li, Ka li-euˬ gaˇ kawˆ Laˬ kʼaˬ cehˇ-eu Guiˬ lahˬ dawˬ mehˬ doe-euˬ ma.

Lormav 9:18

Kʼoeˇ miˇ neh, Miˬyehˇ-aˬ, aˬ yawꞈ gʼawˬ shaˬ gaˬ mawꞈ-eu tsawˇ haˬ-ahˇ gʼaw shaˬ gaˬ-awˇ, aˬ yawꞈ nui ma bi gʼahˇ mawꞈ-eu tsawˇ haˬ-ahˇ nui ma bi gʼahˇ-eu meh.

Dawˬmehˬ 4:34

Naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ neh Iˇjiˇtuˆ miˇ kʼahˬ laꞈ kʼoeˇ jahˇ-euˬ loꞈ-ehˇ, aˬ cawˬ tsawˇ jeuˬ-euˬ uˬ moˆ jawˇ-eu tsawˇ jeuˬ tiˬ jeuˬ-ahˇ aˬ yawꞈ-euˬ tsawˇ haˬ bi pyeuꞈ laˇ-eu lehˇ sheuˬ doˆ laˬ-iˇ peuˬ-eu miˬ yehˇ nui gʼaˬ jawˇ meh loˇ. Naw maꞈ-euˬ myaˆ kʼeh aˬ yawꞈ-euˬ huiˬ-eu baoˬ hawˇ-eu gʼaˬ-ahˇ zmˬ-awˇ, shaˬ zahˬ naˇ gawˇ maˬ ehˇ, guiˇ deuˆ-eu jeˬ maˬ ehˇ, zahˬ leˇ paˬ-ehˇ gʼeh-eu jeˬ hawˇ-eu kʼaˆ jeˬ-ehˇ gʼeh-eu jeˬ maˬ ehˇ, guˆ dui dui laˇ paˬ-ehˇ gʼeh-eu jeˬ maˬ ehˇ, aˬ yawꞈ bi keuˆ le-euˬ meh.

Dawˬmehˬ 7:19

Naw maꞈ-euˬ myaˆ-ahˇ ya mawˇ duˬ-euˬ guˆ dui dui laˇ paˬ-ehˇ gʼeh-eu jeˬ, zahˬ leˇ paˬ-ehˇ gʼeh-eu jeˬ hawˇ-eu kʼaˆ jeˬ-ehˇ gʼeh-eu jeˬ, huiˬ-eu baoˬ hawˇ-eu gʼaˬ, heu deuˬ-ahˇ gʼoe-awˇ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ naw maꞈ-ahˇ bi buˬ-iˇ laꞈ-euˬ gaˇ noeˬ keuˆ-awˬ. Iˇjiˇtuˆ tsawˇ haˬ deuˬ-ahˇ aˬ yawꞈ laˆ luˬ laˆ seˇ nehˬ-euˬ loꞈ-ehˇ, iˬ nah naw maꞈ guˆ luꞈ-eu tsawˇ haˬ dawˬ tawˆ luꞈ-ahˇ aˬ yawꞈ laˆ luˬ laˆ seˇ nehˬ tehꞈ-a.