Doˆ-iˇ 7:23 - Akha

²³ Aˬ yawꞈ-euˬ nymˇ nymˇ ma-ahˇ aˬ yawꞈ gʼoꞈ leˇ-awˇ, aˬ yawꞈ-ahˇ tiˬ jeˬ-iˬ maˬ deuˬ leˇ ni, tiˬ jeˬ-iˬ maˬ gʼeh-eu loꞈ-ehˇ jawˇ leˇ-euˬ meh.

Doˆ-iˇ 7:23 ပူးပေါင်းရင်းမြစ်များ

Yawˇbaˆ 7:17

“Aˬ jeˬ miˇ neh tsawˇ haˬ zaˬ nawˬ-euˬ mehˬ shi poeˬ ta. Aˬ yawꞈ mˇ-eu gaˇ-ahˇ nawˇ aˬ jeˬ miˇ neh caw teh haw luꞈ te.

Jaceuq 62:10

Nawˬ dzaˬ kʼaˆ dzaˬ gaˇ gʼaˬ taˬ huiˬ. Kʼoeˬ dzaˬ joe dzaˬ gaˇ taˬ noeˬ tmˬ. Nawˬ-euˬ pyuˇ shuiˇ myawˬ gahˬ myaˬ laˇ luꞈ kʼawꞈ, kʼoeˇ deuˬ-ahˇ nawˇ taˬ gʼoe.

Doˆ-iˇ 7:22

Kʼoeˇ ngeh, sahˬ paˬ kʼoeˇ gʼaˬ-euˬ mah loˬ nya-eu tsawˇ haˬ deuˬ kʼawꞈ, aˬ yawꞈ maꞈ-euˬ mah loˬ tsawˇ gahˇ-ahˇ gʼoe-awˇ, Aˬloˬ neh mˇ-euˬ jeˬ mˇ mehˬ nehˬ nya-eu miˇ neh, sahˬ paˬ kʼoeˇ gʼaˬ nui ma maˬ paˇ laˇ-ehˇ, dzeuˇ laˇ ngeh loꞈ-ehˇ nui ma gʼahˇ-eu meh. Sahˬpaˬ Miˬyehˇ neh ehˇ taˬ-euˬ loꞈ-ehˇ, Moˇseˬ hawˇ-eu Aˬ loˬ-euˬ ehˇ dawˬ-ahˇ, sahˬ paˬ kʼoeˇ gʼaˬ maˬ naˇ haˬ ni jawˇ-eu meh.

Doˆ-iˇ 7:24

Lawˇ baˬ kʼoeˇ gawˆ-euˬ iˇ cuꞈ maˬ dawˇ nya-eu miˇ neh, Iˇjiˇtuˆ tsawˇ haˬ dawˬ tawˆ luꞈ, lawˇ baˬ kʼoeˇ gawˆ lawˇ deh caw caw-ehˇ, iˇ cuꞈ kʼawꞈ dawˇ-eu gʼaˇ duˬ lah duˬ duˬ-euˬ meh.

Doˆ-iˇ 9:20

Sahˬ paˬ kʼoeˇ gʼaˬ-euˬ gaˇ mˇ-eu yaw huiˬ yaw mahˇ tiˬ paˆ na deuˬ Sahˬpaˬ Miˬyehˇ neh ehˇ taˬ-euˬ dawˬ-ahˇ guˆ-awˇ, aˬ yawꞈ maꞈ-euˬ zaˬ kʼaˆ deuˬ hawˇ-eu jeˬ zaˬ deuˬ-ahˇ, nymˇ laꞈ kʼoeˇ maˬ ehˇ, kuˆ laꞈ kʼoeˇ maˬ ehˇ, bi uˇ leˇ jiˇ-euˬ meh.

Doˆ-iˇ 9:21

Ehˇ kʼawꞈ, tiˬ paˆ na deuˬ-aˬ, Sahˬpaˬ Miˬyehˇ neh ehˇ taˬ-euˬ dawˬ aˬ yawꞈ maꞈ-ahˇ gaˬ leˇ gaˇ maˬ duˇ ni, aˬ yawꞈ maꞈ-euˬ zaˬ kʼaˆ deuˬ hawˇ-eu jeˬ zaˬ deuˬ-ahˇ, laꞈ nyiˇ paw bi jawˇ-euˬ meh.

Dawqdaq 22:17

Naˬ bawˇ ciˬ kʼmˇ-awˬ. Tsawˇ gahˇ byah-eu deuˬ neh ngehˬ taˬ yaꞈ-euˬ dawˬ nawˬ-ahˇ ngaˇ mehˬ nyaˇ. Aˬ yawꞈ maꞈ-euˬ dawˬ-ahˇ yaw muiˬ paˬ-ehˇ shaˇ noeˬ-awˇ dzaw geuꞈ-awˬ.

Dawqdaq 24:32

Kʼoeˇ gaˇ haw-awˇ shaˇ noeˬ ngeh, dzaw geuꞈ duˬ heu loꞈ-ehˇ mawˇ-euˬ ma.

Dawqdaq 28:14

Aˬ myah luꞈ Sahˬpaˬ Miˬyehˇ-euˬ ehˇ dawˬ naˇ haˬ-eu tsawˇ haˬ nui saˇ oꞈ-awˇ, nui ma gʼahˇ-eu tsawˇ haˬ kʼoeˇ taˆ guˆ-eu gaˆ-eu jeˬ keuˆ le tehꞈ-a.

Dawqdaq 29:1

Ngehˬ-ehˇ mehˬ naˇ ngehˬ-ehˇ nui ma huiˬ-eu tsawˇ haˬ, tiˬ nah ya shaˬ byoˆ leꞈ tehꞈ-a.

Iˇsaˬyaˇ 26:11

Nawˇ kʼehˬ-eu kʼaˆ-eu lehˇ gʼeh-eu gaˇ kawˆ-ahˇ, nawˬ-ahˇ muiˇ-eu kʼoeˇ deuˬ maˬ siˬ nya-a. Sahˬpaˬ Miˬyehˇ-oˇ, aˬ yawꞈ maꞈ-ahˇ bi shaꞈ dawˇ-awˇ, shaˬ zahˬ bi mˇ-awˬ. Nawˬ neh lehˬ hmˬ taˬ-euˬ kʼehˬ-eu kʼaˆ-eu jeˬ, aˬ yawꞈ maꞈ kʼoeˇ taˆ bi keuˆ le-awˇ, nawˬ-euˬ tsawˇ jeuˬ-ahˇ nawˇ aˇ naˆ ni gaˬ-eu gaˇ kawˆ, aˬ yawꞈ maꞈ bi siˬ bi mawˇ-awˬ.

Iˇsaˬyaˇ 47:7

Aˬ myah luꞈ sahˬ paˬ ma ya geuꞈ ma lehˇ nawˇ noeˬ tmˬ-awˇ, gaˇ kawˆ heu deuˬ-ahˇ nawˇ maˬ shaˇ sawˇ ni, mehˬ hu paw pyeuꞈ laˇ-eu gaˇ kawˆ maˬ shaˇ noeˬ-a.

Yeˬlaˬmiˇ 36:24

Sahˬ boꞈ paˇ yoˆ kʼoeˇ yoˆ gui mehˬ nehˬ gaˇ ya gaˬ-euˬ kʼawꞈ, sahˬ paˬ hawˇ-eu aˬ yawꞈ-euˬ yaw huiˬ yaw mahˇ kʼoeˇ deuˬ, tiˬ gʼaˬ-iˬ guˆ gaˇ maˬ duˇ-a.

Yeˬlaˬmiˇ 5:3

Saˇ jaˇ ziꞈ-eu jeˬ-ahˇ Sahˬpaˬ Miˬyehˇ aˬ diˇ poˆ-awˇ, naw maꞈ-ahˇ diˬ kʼawꞈ maˬ diˬ paˇ nya ehˇ, nawˬ pahˬ nehˬ kʼawꞈ naw maꞈ-ahˇ maˬ dzaw paˇ nya-a. Nawˬ-euˬ nui ma gʼahˇ-awˇ iˬ baˇ-ahˇ maˬ byehˇ-a.

Yeˬsaˬgeˬlaˇ 40:4

Aˬ yawꞈ ngaˬ-ahˇ ehˇ-eu, “Tsawˇ haˬ zaˬ-oˇ, haw taˬ-awˬ. Naˬ bawˇ yaw muiˬ paˬ-ehˇ ciˬ kʼmˇ-awˇ, ngaˇ nawˬ-ahˇ kʼaˇ mehˬ nehˬ laꞈ-eu jeˬ-ahˇ yaw muiˬ paˬ-ehˇ haw duˬ taˬ-awˬ. Aˬ jeˬ miˇ neh ehˇ naˇ, heu loꞈ-ehˇ bi haw taˬ-eu gʼaˇ duˬ nawˬ-ahˇ heu gaˇ sheuˬ laꞈ-euˬ meh. Nawˬ neh kʼaˇ ya mawˇ-euˬ yawˬ jeˬ na luꞈ Iˇsaˬleˬlaˆ tsawˇ haˬ deuˬ-ahˇ nawˇ ya dzawˇ nehˬ-iˇ meh.”

Haˬbaˬkuˆ 1:5

Sahˬpaˬ Miˬyehˇ aˬ yawꞈ-euˬ tsawˇ haˬ zaˬ-ahˇ ehˇ-eu, “Miˇ kʼahˬ tsawˇ jeuˬ-ahˇ haw taˬ yawˬ. Nawˇ zahˬ dui ya dui leˇ tehꞈ-a. Ehˇ mehˬ ngeh maˬ jah coeˇ-eu jeˬ, nawˇ dehꞈ luꞈ-eu aˇ yamˬ laꞈ kʼoeˇ, ngaˇ jahˇ nehˬ gaˇ ya mawˇ tehꞈ-a.

Maˬlaˬkiˇ 2:2

Naw maꞈ kʼaˇ mˇ kʼaˇ shaˇ-eu jeˬ laꞈ kʼoeˇ, ngaˬ-ahˇ yaw zeu ya baw meh. Naw maꞈ ngaˬ-euˬ ehˇ dawˬ maˬ naˇ haˬ naˇ, yaˬ kʼehˇ yaˬ gaˇ ya daˬ tehꞈ-a. Naw maꞈ neh gaˇ mˇ-euˬ aˇ poeˬ naw maꞈ-ahˇ biꞈ taˬ-euˬ jeˬ kʼoeˇ taˆ, ngaˇ yaˬ kʼehˇ yaˬ ma. Aˬ diˇ aˬ maˇ ehˇ naˇ, naw maꞈ ngaˬ-euˬ dawˬ-ahˇ yaw muiˬ paˬ-ehˇ maˬ naˇ haˬ geuꞈ-eu miˇ neh, kʼoeˇ deuˬ kʼoeˇ taˆ ngaˇ yaˬ kʼehˇ yaˬ dzeuˇ gʼaˬ-euˬ ma.

Dawˬmehˬ 32:46

aˬ yawꞈ ehˇ-eu, “Iˬ nah ngaˇ naw maꞈ-ahˇ biꞈ gʼaˬ-eu zahˇ dawˬ kʼoꞈ dawˬ heu deuˬ-ahˇ maˬ ngehˇ ni caw teh-awˬ. Naw maꞈ-euˬ zaˬ deuˬ kʼawꞈ, Sahˬpaˬ Miˬyehˇ neh mehˬ nehˬ tsoˆ nehˬ-eu dawˬ deuˬ-ahˇ saˇ jaˇ ziꞈ-awˇ naˇ haˬ geuꞈ nya ni mehˬ poˆ nehˬ-awˬ.

1 Saˬmeuˬlaˆ 4:20

Aˬ yawꞈ shiˇ leˇ luꞈ ngeh, aˬ yawꞈ aˬ nyiˇ ciˬ gaˇ caw ba le-euˬ zaˬ miˬ zaˬ kʼoeˇ gʼaˬ aˬ yawꞈ-ahˇ, “Nui ma kʼaˬ duˬ ni taˬ-awˬ. Nawˇ aˬ li tiˬ li ciˬ gʼaˬ-euˬ meh” lehˇ ehˇ nehˬ kʼawꞈ, aˬ yawꞈ-ahˇ gaˬ leˇ gaˇ maˬ duˇ ni, ciˬ cuˇ ni jawˇ-eu meh.