Doˆ-iˇ 7:14 - Akha

¹⁴ Kʼoeˇ naˇ, Moˇseˬ-ahˇ Sahˬpaˬ Miˬyehˇ ehˇ nehˬ-eu, “Sahˬ paˬ heu gʼaˬ nui ma gʼahˇ dui dui-awˇ, Iˇsaˬleˬlaˆ tsawˇ haˬ deuˬ-ahˇ maˬ bi doˆ-iˇ ni jawˇ-eu meh.

Doˆ-iˇ 7:14 ပူးပေါင်းရင်းမြစ်များ

Doˆ-iˇ 10:1

Kʼoeˇ naˇ, Moˇseˬ-ahˇ Sahˬpaˬ Miˬyehˇ ehˇ nehˬ-eu, “Sahˬ paˬ kʼoeˇ gʼaˬ jawˇ gaˇ iˇ-awˬ. Zahˬ leˇ paˬ-ehˇ gʼeh-eu gaˇ heu deuˬ Iˇjiˇtuˆ tsawˇ haˬ deuˬ-ahˇ ngaˇ ya mˇ mehˬ nehˬ ni maˬ ehˇ,

Doˆ-iˇ 10:20

Ehˇ kʼawꞈ, sahˬ paˬ kʼoeˇ gʼaˬ-ahˇ Sahˬpaˬ Miˬyehˇ neh nui ma bi gʼahˇ-awˇ, sahˬ paˬ kʼoeˇ gʼaˬ Iˇsaˬleˬlaˆ tsawˇ haˬ-ahˇ maˬ pyehˬ nehˬ ni jawˇ-euˬ meh.

Doˆ-iˇ 10:27

Sahˬ paˬ kʼoeˇ gʼaˬ-ahˇ Sahˬpaˬ Miˬyehˇ nui ma bi gʼahˇ-awˇ, sahˬ paˬ kʼoeˇ gʼaˬ Iˇsaˬleˬlaˆ tsawˇ haˬ deuˬ-ahˇ maˬ pyehˬ nehˬ ni jawˇ-euˬ meh.

Doˆ-iˇ 10:4

Ngaˬ-euˬ tsawˇ haˬ-ahˇ nawˇ maˬ pyehˬ nehˬ ni jawˇ naˇ, nawˬ-euˬ miˇ kʼahˬ laꞈ kʼoeˇ, ni shawˬ nah ngaˇ nyehˇ bahˇ bi doˆ laˇ ma.

Doˆ-iˇ 3:19

Maˬ bi iˇ-ehˇ maˬ gʼeh nya ni maˬ pyeuꞈ laˇ kʼoeˇ keuˆ ni, Iˇjiˇtuˆ sahˬ paˬ naw maꞈ-ahˇ maˬ bi iˇ nehꞈ laꞈ ni piˬ lahˇ tehꞈ-a lehˇ ngaˇ siˬ nya ma.

Doˆ-iˇ 4:23

Ngaˬ-ahˇ uˬ duˬ bi tahˬ laˇ-eu gʼaˇ duˬ, ngaˬ li-ahˇ pyehˬ nehˬ-awˬ lehˇ, ngaˇ nawˬ-ahˇ ehˇ-euˬ kʼawꞈ, nawˇ maˬ pyehˬ nehˬ-eu miˇ neh, nymˬ-mˇ ngaˇ nawˬ-euˬ aˬ li aˬ yuiꞈ yuiꞈ saˬ gʼaˬ-ahˇ sehꞈ-eu lehˇ gʼeh-eu ma’ lehˇ ehˇ nehˬ-awˬ.”

Doˆ-iˇ 7:13

Ehˇ kʼawꞈ, Sahˬpaˬ Miˬyehˇ neh ehˇ taˬ-euˬ loꞈ-ehˇ, sahˬ paˬ kʼoeˇ gʼaˬ nui ma gʼahˇ-awˇ, Moˇseˬ hawˇ-eu Aˬloˬ-euˬ ehˇ dawˬ-ahˇ maˬ naˇ haˬ ni jawˇ-euˬ meh.

Doˆ-iˇ 7:15

Kʼoeˇ miˇ neh, uˬ shawˬ paw Niˬlaˇ lawˇ baˬ-ahˇ aˬ yawꞈ oe ka ngeh, aˬ yawꞈ-ahˇ tahˬ puˬ-iˇ-awˬ. Aˇ lawˇ pyeuꞈ-eu gawˬ yoeˬ kʼoeˇ hmˬ yuˇ-awˇ, lawˇ baˬ lawˇ deh-ahˇ, aˬ yawꞈ-ahˇ loꞈ-iˇ-awˬ.

Doˆ-iˇ 8:11

Nawˬ-euˬ gʼawˇ mawˇ maˬ ehˇ, nawˬ-euˬ gaˇ mˇ-eu yaw huiˬ yaw mahˇ deuˬ maˬ ehˇ, nawˬ-euˬ miˇ kʼahˬ zaˬ deuˬ maˬ ehˇ, kʼaˬ paˬ bahˬ gʼa gaˇ ya buˬ-iˇ-awˇ, Niˬlaˇ lawˇ baˬ laꞈ kʼoeˇ maˬ ngeuˇ naˇ, kʼaˬ paˬ tiˬ gaˇ-iˬ maˬ paˇ jawˇ ni pyeuꞈ-iˇ tehꞈ-a” lehˇ, sahˬ paˬ kʼoeˇ gʼaˬ-ahˇ ehˇ nehˬ-euˬ meh.

Doˆ-iˇ 8:15

Kʼaˬ paˬ kʼoeˇ deuˬ shiˇ jiˇ-euˬ gaˇ sahˬ paˬ kʼoeˇ gʼaˬ ya mawˇ ngeh, Sahˬpaˬ Miˬyehˇ neh ehˇ taˬ-euˬ loꞈ-ehˇ, aˬ yawꞈ-euˬ nui ma paˇ gʼahˇ laˇ-awˇ, Moˇseˬ hawˇ-eu Aˬloˬ-euˬ ehˇ dawˬ maˬ naˇ haˬ ni pyeuꞈ-iˇ-euˬ meh.

Doˆ-iˇ 8:2

Aˬ yawꞈ maꞈ-ahˇ maˬ pyehˬ nehˬ naˇ, miˇ kʼahˬ kʼahˬ lah ni kʼaˬ paˬ bi byah laˇ-eu laꞈ kʼoeˇ, nawˬ-euˬ miˇ kʼahˬ-ahˇ ngaˇ kʼehˬ nehˬ ma.

Doˆ-iˇ 9:2

Aˬ yawꞈ maꞈ-ahˇ nawˇ maˬ pyehˬ nehˬ-ehˇ, laˆ tsoeˬ naˇ,

Doˆ-iˇ 9:34

Ehˇ kʼawꞈ, uˬ yehˇ yehˇ-eu maˬ ehˇ, uˬ yehˇ aˇ siˬ ga le-eu maˬ ehˇ, mˬ jeˬ tsawˬ tehˆ tehˆ-eu maˬ ehˇ, naˬ leˇ tsiˇ leˇ jiˇ-euˬ gaˇ ya mawˇ ngeh, sahˬ paˬ kʼoeˇ gʼaˬ iˬ baˇ tiˬ poˆ paˇ mˇ-awˇ, aˬ yawꞈ hawˇ-eu aˬ yawꞈ-euˬ gaˇ mˇ-eu yaw huiˬ yaw mahˇ deuˬ, dzeuˇ laˇ ngeh loꞈ-ehˇ, nui ma gʼahˇ-eu laꞈ kʼoeˇ jawˇ-euˬ meh.

Doˆ-iˇ 9:7

Aˬ joˆ-ehˇ pyeuꞈ laˇ-euˬ gaˇ kawˆ, sahˬ paˬ kʼoeˇ gʼaˬ bi pyehˆ tseˇ haw-iˇ ngeh, Iˇsaˬleˬlaˆ tsawˇ haˬ-euˬ jeˬ zaˬ tiˬ mawˇ-iˬ maˬ shiˇ-euˬ gaˇ kawˆ, aˬ yawꞈ ya siˬ-euˬ meh. Ehˇ kʼawꞈ, aˬ yawꞈ nui ma gʼahˇ-awˇ, Iˇsaˬleˬlaˆ tsawˇ haˬ deuˬ-ahˇ maˬ pyehˬ nehˬ ni jawˇ-euˬ meh.

Iˇsaˬyaˇ 1:20

Ehˇ kʼawꞈ, ehˇ dawˬ maˬ naˇ haˬ ni puiˬ naˇ, mi cehˇ neh bi dzaˬ byoˆ tehꞈ-a lehˇ, Sahˬpaˬ Miˬyehˇ-euˬ kʼaˬ meh dawˬ ngehˬ-eu ma.”

Yeˬlaˬmiˇ 8:5

Toˆ-ehˇ ngeuˇ naˇ aˬ jeˬ miˇ neh naw maꞈ mehˬ shiˬ ciˬ pyawˇ-awˇ doˆ-iˇ-euˬ, maˬ gʼoꞈ kʼoꞈ laˇ ni iˇ byoˆ te. Naw maꞈ tahˬ pahˬ aˬ ma mawˇ kawˇ maˬ byehˇ coeˇ-ehˇ, ngaˇ jawˇ gaˇ maˬ gʼoꞈ poˆ laˇ-a.

Yeˬlaˬmiˇ 9:6

Kʼehˬ-eu kʼoeˇ taˆ kʼaˆ-eu jeˬ baꞈ bymˇ-awˇ, jaˬ myawꞈ kʼoeˇ taˆ mehˇ shuiˇ geu daˆ-eu meh. “Aˬ yawꞈ maꞈ ngaˬ-ahˇ maˬ haw nahˇ-a” lehˇ, Sahˬpaˬ Miˬyehˇ ehˇ luꞈ-eu meh.

Zaˬkaˬliˇ 7:12

Aˬ yawꞈ maꞈ-euˬ nui ma kʼaˬ lo loꞈ-ehˇ gʼahˇ-awˇ, aˇ hu ba dehꞈ dzeuˇ yaꞈ-euˬ Miˬyehˇ gʼaˇ duˬ ngehˬ dah-euˬ deuˬ-ahˇ gʼoe-awˇ ngaˬ neh aˬ yawꞈ maꞈ-ahˇ mehˬ nehˬ tsoˆ nehˬ-euˬ dawˬ deuˬ-ahˇ aˬ yawꞈ maꞈ maˬ naˇ haˬ geuꞈ-euˬ miˇ neh, ngaˇ nui ma pehˇ-euˬ ma.

Dawˬmehˬ 2:30

“Ehˇ kʼawꞈ, sahˬ paˬ Siˇhoˬ-aˬ, aˬ yawꞈ-euˬ miˇ kʼahˬ laꞈ kʼoeˇ aˬ dui maꞈ-ahˇ maˬ bi cah tsehˆ laꞈ-aˬ. Aˬ yawꞈ-ahˇ aˬ dui guiˇ deuˆ-awˇ gʼaˬ leˇ-eu laꞈ kʼoeˇ, nymˬ-mˇ keuˆ ni aˬ dui-euˬ laꞈ-ahˇ jaˆ luꞈ-eu aˬ yawꞈ-euˬ miˇ kʼahˬ heu aˬ dui za ni, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ jahˇ-euˬ meh.

HeˬByehˇ 12:25

Naw maꞈ-ahˇ ngehˬ cawˬ luꞈ-eu gʼaˬ-euˬ dawˬ-ahˇ maˬ naˇ haˬ-ehˇ maˬ ya gʼeh ni yahˇ-awˬ. Miˇ tsaˬ heu kʼoeˇ taˆ Miˬyehˇ-euˬ dawˬ bi ngehˬ le-euˬ gʼaˬ-ahˇ maˬ naˇ haˬ geuꞈ-euˬ tsawˇ haˬ deuˬ kʼawꞈ maˬ dzeuˇ-iˇ nya-euˬ-aˬ, mˬ taˆ neh dawˬ ngehˬ leꞈ-euˬ gʼaˬ-euˬ dawˬ-ahˇ aˬ dui maˬ naˇ haˬ geuꞈ naˇ, aˬ joˆ-ehˇ paˇ dzeuˇ-iˇ nya nmˇ.

1 Saˬmeuˬlaˆ 6:6

Aˬ jeˬ miˇ neh Iˇjiˇtuˆ tsawˇ haˬ deuˬ loꞈ-ehˇ naw maꞈ-euˬ nui ma gʼahˇ te. Iˇsaˬleˬlaˆ tsawˇ haˬ deuˬ-ahˇ Iˇjiˇtuˆ miˇ kʼahˬ laꞈ kʼoeˇ neh maˬ bi doˆ-iˇ kʼoeˇ keuˆ ni, Iˇjiˇtuˆ tsawˇ haˬ deuˬ-ahˇ Miˬyehˇ neh yaw kʼaˆ-ehˇ kʼehˬ nehˬ-euˬ gaˇ naw maꞈ taˬ ngehˇ.