Doˆ-iˇ 7:10 - Akha

¹⁰ Kʼoeˇ naˇ, Moˇseˬ hawˇ-eu Aˬloˬ aˬ nyaꞈ sahˬ paˬ jawˇ gaˇ iˇ-awˇ, Sahˬpaˬ Miˬyehˇ neh dawˬ biꞈ-euˬ loꞈ-ehˇ mˇ-iˇ-euˬ meh. Sahˬ paˬ hawˇ-eu aˬ yawꞈ-euˬ gaˇ mˇ-eu yaw huiˬ yaw mahˇ deuˬ-euˬ mehˬ shi, Aˬloˬ gawˬ yoeˬ pyeh dzeh ngeh, gawˬ yoeˬ kʼoeˇ aˇ lawˇ pyeuꞈ-iˇ-euˬ meh.

Doˆ-iˇ 7:10 ပူးပေါင်းရင်းမြစ်များ

Jaceuq 135:9

Iˇjiˇtuˆ sahˬ paˬ hawˇ-eu yaw huiˬ yaw mahˇ deuˬ-ahˇ kʼehˬ-eu gʼaˇ duˬ, kʼaˆ jeˬ-ehˇ gʼeh-eu jeˬ aˬ yawꞈ mˇ-euˬ meh.

Doˆ-iˇ 12:28

Kʼoeˇ naˇ, aˬ yawꞈ maꞈ iˇ-awˇ, Moˇseˬ hawˇ-eu Aˬloˬ-ahˇ Sahˬpaˬ Miˬyehˇ neh dawˬ biꞈ-euˬ loꞈ-ehˇ mˇ-euˬ meh.

Doˆ-iˇ 4:3

Kʼoeˇ naˇ, “Gawˬ yoeˬ teu hmˬ miˇ tsa pyehˬ dzeh-awˬ” lehˇ, Moˇseˬ-ahˇ Sahˬpaˬ Miˬyehˇ ehˇ nehˬ-euˬ meh. Moˇseˬ gawˬ yoeˬ kʼoeˇ hmˬ miˇ tsa pyehˬ dzeh ngeh, gawˬ yoeˬ kʼoeˇ aˇ lawˇ pyeuꞈ-iˇ-awˇ, Moˇseˬ cehˆ-euˬ meh.

Doˆ-iˇ 7:15

Kʼoeˇ miˇ neh, uˬ shawˬ paw Niˬlaˇ lawˇ baˬ-ahˇ aˬ yawꞈ oe ka ngeh, aˬ yawꞈ-ahˇ tahˬ puˬ-iˇ-awˬ. Aˇ lawˇ pyeuꞈ-eu gawˬ yoeˬ kʼoeˇ hmˬ yuˇ-awˇ, lawˇ baˬ lawˇ deh-ahˇ, aˬ yawꞈ-ahˇ loꞈ-iˇ-awˬ.

Doˆ-iˇ 7:20

Sahˬpaˬ Miˬyehˇ neh dawˬ biꞈ-euˬ loꞈ-ehˇ, Moˇseˬ hawˇ-eu Aˬloˬ mˇ-euˬ meh. Sahˬ paˬ hawˇ-eu aˬ yawꞈ-euˬ gaˇ mˇ-eu yaw huiˬ yaw mahˇ deuˬ-euˬ mehˬ shi, Aˬloˬ gawˬ yoeˬ baꞈ diˇ-awˇ, Niˬlaˇ lawˇ baˬ iˇ cuꞈ-ahˇ juiꞈ ngeh, lawˇ baˬ kʼoeˇ gawˆ-euˬ iˇ cuꞈ dawˬ tawˆ luꞈ shiˬ pyeuꞈ jiˇ-euˬ meh.

Doˆ-iˇ 7:6

Sahˬpaˬ Miˬyehˇ aˬ yawꞈ nyaꞈ-ahˇ dawˬ biꞈ nehˬ-euˬ loꞈ-ehˇ, Moˇseˬ hawˇ-eu Aˬloˬ mˇ-euˬ meh.

Doˆ-iˇ 7:9

“Naw nyaꞈ-ahˇ Sahˬpaˬ Miˬyehˇ neh kʼehˇ gʼeh leꞈ-euˬ ngeuˇ naˇ, kʼaˆ jeˬ-ehˇ gʼeh-eu jeˬ mˇ mehˬ haw sheˇ lehˇ sahˬ paˬ kʼoeˇ gʼaˬ naw nyaꞈ-ahˇ kʼehˇ laˇ naˇ, ‘Sahˬ paˬ-euˬ mehˬ shi nawˬ-euˬ gawˬ yoeˬ pyehˬ dzeh-awˬ’ lehˇ Aˬloˬ-ahˇ ehˇ nehˬ-awˬ. Gawˬ yoeˬ kʼoeˇ aˇ lawˇ pyeuꞈ-iˇ tehꞈ-a.”

Aˬmoˆ 9:3

Gaˬlaˬmeˬlaˇ gawˬ jawˬ uˬ du aˬ yawꞈ maꞈ cehˆ zaꞈ leˇ kʼawꞈ, aˬ yawꞈ maꞈ-ahˇ ngaˇ poˆ mawˇ-awˇ nyehꞈ ma. Iˬ ma laˆ shaˆ dawˬ dah aˬ yawꞈ maꞈ cehˆ zaꞈ kʼawꞈ, iˬ ma laˆ shaˆ laꞈ kʼoeˇ uˇ-eu byaˆ yahˬ yahˬ ma kʼoeˇ mawˇ-ahˇ ngaˇ dawˬ biꞈ-awˇ, aˬ yawꞈ maꞈ-ahˇ bi kawꞈ ma.

Maˬkuˆ 16:18

Aˬ yawꞈ maꞈ aˇ lawˇ-ahˇ nyehꞈ-eu maˬ kaˬ, dzaˇ doꞈ dzaˬ-eu maˬ kaˬ, tiˬ jeˬ-iˬ maˬ gʼeh-aˇ. Aˬ yawꞈ maꞈ naˇ-eu tsawˇ haˬ deuˬ kʼoeˇ taˆ aˬ laꞈ baꞈ daˆ nehˬ ngeh, naˇ-eu taˬ leˇ tehꞈ-a.”

Luˇkaꞈ 10:19

Naˇ haˬ sheˇ. Doꞈ kʼaˆ-eu aˇ lawˇ hawˇ-eu boeˬ kaˬ laˬ ma-ahˇ nawˬ tehˬ nya-eu uˬ taꞈ, muiˇ-eu deuˬ-euˬ baoˬ-ahˇ gʼaˬ leˇ nya ni, ngaˇ naw maꞈ-ahˇ baoˬ biꞈ-eu ma. Naw maꞈ-ahˇ laˆ coeˬ laˆ ciˆ nya-eu tiˬ jeˬ-iˬ maˬ jaˆ-a.