Doˆ-iˇ 6:3 - Akha

³ Aˬ byaˬ haˬ, Iˇtsaˆ hawˇ-eu Yaˬkoˆ-ahˇ, Baoˬ huiˬ-eu Miˬyehˇ loꞈ-ehˇ ngaˬ-euˬ gʼawˇ mawˇ ngaˇ pah mehˬ nehˬ-euˬ ma. Ehˇ kʼawꞈ, Sahˬpaˬ Miˬyehˇ lehˇ kuˇ-eu muiˬ-eu shawˇ-eu ngaˬ-euˬ tsawˇ myahˇ aˬ yawꞈ maꞈ-ahˇ maˬ bi siˬ-aˬ.

Doˆ-iˇ 6:3 ပူးပေါင်းရင်းမြစ်များ

Aˇ dahˬ 13:18

Kʼoeˇ naˇ, Aˬbyaˬ luˆ-iˇ-awˇ, Heˬbyoˬ meuˬ dawˬ peh jaˆ-eu Mamˬliˬ aˇ bawˇ bawˇ yaˇ dawˬ peh sehˬ gʼawˆ gʼawˆ-awˇ jawˇ-euˬ meh. Sahˬpaˬ Miˬyehˇ-ahˇ lawˇ-eu shehˇ-eu gʼaˇ duˬ, lawˇ duˬ tiˬ tsahˇ kʼoeˇ gaˇ aˬ yawꞈ tsoˆ-euˬ meh.

Aˇ dahˬ 17:1

Aˬbyaˬ gʼoeˬ tseˇ gʼoeˬ kʼoꞈ kʼawˆ ngeh, aˬ yawꞈ-euˬ mehˬ shi Sahˬpaˬ Miˬyehˇ doˆ le-awˇ, heu loꞈ-ehˇ ehˇ-eu meh. “Ngaˇ-aˬ, yawˬ jeˬ na luꞈ mˇ nya-eu Baoˬ huiˬ-eu Miˬyehˇ ma. Ngaˬ-euˬ ehˇ dawˬ naˇ haˬ-awˇ yaw tsaˬ yaw dawˇ jeˬ mˇ-awˬ.

Aˇ dahˬ 22:14

Jawˇ duˬ kʼoeˇ tsahˇ-ahˇ, “Sahˬpaˬ Miˬyehˇ laˆ saˆ taˬ-euˬ” lehˇ Aˬbyaˬhaˬ myahˇ nehˬ-euˬ meh. “Sahˬpaˬ Miˬyehˇ-euˬ gawˬ jawˬ-ahˇ Sahˬpaˬ Miˬyehˇ laˆ saˆ taˬ-euˬ meh” lehˇ, iˬ nah keuˆ ni aˬ cawˬ dawˬ daˬ daˬ luꞈ-eu meh.

Aˇ dahˬ 28:3

Nawˇ tsawˇ jeuˬ gʼawˬ mya jeuˬ-euˬ aˬ da yaw dzahˇ pyeuꞈ laˇ ni, miˬ zaˬ sheuˬ-awˇ nymˇ dahˬ dahˬ dzaˬ gaˇ Baoˬ huiˬ-eu Miˬyehˇ guiˬ lahˬ biꞈ-awˇ, zaˬ myaˬ laˇ luꞈ-uˇ.

Aˇ dahˬ 35:11

Kʼoeˇ naˇ, Yaˬkoˆ-ahˇ Miˬyehˇ ehˇ nehˬ-eu, “Ngaˇ-aˬ, Baoˬ huiˬ-eu Miˬyehˇ pyeuꞈ-eu ma. Nawˬ-euˬ zaˬ deuˬ jeuˬ le o le luꞈ-uˇ. Nawˬ-euˬ o neh tsawˇ jeuˬ gʼawˬ mya jeuˬ doˆ laˇ-awˇ, nawˇ-aˬ, miˇ kʼahˬ-ahˇ uˆ lahˇ-eu sahˬ paˬ deuˬ-euˬ aˬ da yaw dzahˇ ya pyeuꞈ laˇ tehꞈ-a.

Aˇ dahˬ 48:3

Kʼoeˇ ngeh, Yoˇsehˆ-ahˇ Yaˬkoˆ ehˇ nehˬ-eu, “Kaˬnaˬ miˇ kʼahˬ laꞈ kʼoeˇ jaˆ-eu Luˇzaˆ meuˬ-ahˇ, Baoˬ huiˬ-eu Miˬyehˇ ngaˬ-euˬ mehˬ shi doˆ le-awˇ, ngaˬ-ahˇ guiˬ lahˬ biꞈ nehˬ laꞈ-euˬ meh.

Jaceuq 68:4

Miˬyehˇ-ahˇ caˇ-awˇ ja ceuˬ-awˬ. Aˬ yawꞈ-euˬ tsawˇ myahˇ-ahˇ caˇ-awˇ ja ceuˬ-awˬ. Mˬ dmˇ dziˬ-awˇ cah luꞈ-eu gʼaˬ-ahˇ, caˇ dawˬ caˇ-awˇ ciˬ huiˬ ciˬ mahˇ nehˬ-awˬ. Aˬ yawꞈ-euˬ tsawˇ myahˇ Sahˬpaˬ Miˬyehˇ meh. Aˬ yawꞈ mehˬ shi laˬ kʼaˬ cehˇ-awˬ.

Jaceuq 83:18

Nawˇ tiˬ gʼaˬ tehꞈ-ehˇ Sahˬpaˬ Miˬyehˇ pyeuꞈ-awˇ, miˇ tsaˬ dawˬ tawˆ luꞈ kʼoeˇ taˆ huiˬ dzehˬ-eu uˆ lahˇ-eu gʼaˬ pyeuꞈ-eu gaˇ kawˆ, aˬ yawꞈ maꞈ siˬ nya leˇ luꞈ-uˇ.

Doˆ-iˇ 15:3

Sahˬpaˬ Miˬyehˇ-aˬ, guiˇ deuˆ-eu yaw sahˇ pyeuꞈ-awˇ aˬ yawꞈ-euˬ tsawˇ myahˇ Sahˬpaˬ Miˬyehˇ meh.

Doˆ-iˇ 23:21

Aˬ yawꞈ-ahˇ haw tsoˆ taˬ-awˇ, aˬ yawꞈ-euˬ ehˇ dawˬ naˇ haˬ-awˬ. Aˬ yawꞈ-aˬ, ngaˬ neh kʼehˇ gʼeh leꞈ-euˬ gʼaˬ pyeuꞈ-eu miˇ neh, naw maꞈ aˬ yawꞈ-ahˇ puiˬ naˇ, aˬ yawꞈ naw maꞈ-ahˇ iˬ baˇ maˬ pyehꞈ-a.

Doˆ-iˇ 3:14

Miˬyehˇ ehˇ-eu, “Ngaˇ-aˬ, ngaˇ pyeuꞈ-eu ma. NGAˇPYEUꞈ-EU MA lehˇ myahˇ-euˬ kʼoeˇ gʼaˬ, ngaˬ-ahˇ naw maꞈ jawˇ gaˇ kʼehˇ gʼeh leꞈ-euˬ meh lehˇ, aˬ yawꞈ maꞈ-ahˇ ehˇ nehˬ-awˬ.

Iˇsaˬyaˇ 42:8

“Sahˬpaˬ Miˬyehˇ pyeuꞈ-eu ngaˇ tiˬ gʼaˬ tehꞈ-ehˇ, nawˬ-euˬ Miˬyehˇ pyeuꞈ-eu ma. Ngaˬ-euˬ yaw shehꞈ kʼahˬ sehˇ miˬ yehˇ nui deuˬ-ahˇ ngaˇ maˬ biꞈ. Ngaˬ-ahˇ ja ceuˬ-eu jeˬ tahˬ pahˬ aˬ ma mawˇ kawˇ deuˬ-ahˇ maˬ oꞈ.

Iˇsaˬyaˇ 44:6

Iˇsaˬleˬlaˆ-ahˇ ngehˬ gʼeh haw piˇ-eu Sahˬpaˬ Miˬyehˇ pyeuꞈ-eu, Baoˬ huiˬ-eu Sahˬpaˬ Miˬyehˇ heu loꞈ-ehˇ ehˇ-eu meh. “Aˇ dahˬ beh-euˬ gʼaˬ hawˇ-eu aˇ saˬ saˬ-eu gʼaˬ ngaˇ ma. Ngaˇ uˬ taꞈ miˬ yehˇ nui gʼaˬ maˬ jawˇ,

Yeˬlaˬmiˇ 16:21

Kʼoeˇ miˇ neh, Sahˬpaˬ Miˬyehˇ ehˇ-euˬ, “Mˬ maˬ maˬ byaˆ zaˇ ziˇ maˬ ngehˇ leˇ coeˇ ni, tsawˇ jeuˬ kʼoeˇ deuˬ-ahˇ ngaˬ-euˬ baoˬ ngaˇ bi mawˇ ma. Ngaˇ Sahˬpaˬ Miˬyehˇ pyeuꞈ-eu gaˇ kawˆ aˬ yawꞈ maꞈ ya siˬ du tehꞈ-a.”

Yeˬlaˬmiˇ 33:2

Miˇ tsaˬ tahˬ kʼawˇ-ahˇ beh-euˬ Sahˬpaˬ Miˬyehˇ, miˇ tsaˬ pyawˬ naˬ sawˆ di-eu Sahˬpaˬ Miˬyehˇ, ngaˬ-ahˇ dawˬ ngehˬ cawˬ le-euˬ meh. Sahˬpaˬ Miˬyehˇ lehˇ myahˇ-euˬ gʼaˬ ngaˬ-ahˇ ehˇ nehˬ laꞈ-euˬ-aˬ, heu loꞈ-ehˇ meh.

Yeˬsaˬgeˬlaˇ 20:5

Ngaˇ heu loꞈ-ehˇ ehˇ-eu gaˇ kawˆ aˬ yawꞈ maꞈ-ahˇ dzawˇ nehˬ-awˬ. Iˇsaˬleˬlaˆ-ahˇ ngaˇ tseˇ doˆ ngeh, heu loꞈ-ehˇ saˇ jaˇ dzaˬ taˬ-eu jaˆ ma. Iˇjiˇtuˆ miˇ kʼahˬ laꞈ kʼoeˇ ngaˬ-euˬ gʼawˇ mawˇ aˬ yawꞈ maꞈ-ahˇ pah mehˬ nehˬ-awˇ, ngaˇ-aˬ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ ma lehˇ ehˇ nehˬ-euˬ ma.

Yeˬsaˬgeˬlaˇ 37:13

Ngaˬ-euˬ tsawˇ jeuˬ-ahˇ duˬ pahˬ taˬ-euˬ lmˬ bymˇ ngaˇ ngawˬ pah-awˇ, aˬ yawꞈ maꞈ-ahˇ tsahˇ doˆ laꞈ ngeh, ngaˇ Sahˬpaˬ Miˬyehˇ pyeuꞈ-eu aˬ yawꞈ maꞈ ya siˬ duˬ tehꞈ-a.

Yeˬsaˬgeˬlaˇ 37:6

Naw maꞈ-ahˇ shaˬ guˬ shaˬ caˆ hawˇ-eu shaˬ jiˇ bi dawꞈ laˇ-awˇ, baˆ kʼoˆ bi tsoꞈ gʼoeˬ laˇ ma. Naw maꞈ-ahˇ ngaˇ saꞈ paˇ baw ahˇ nehˬ-awˇ bi dehꞈ laˇ ma. Kʼoeˇ ngeh jawˇ, ngaˇ Sahˬpaˬ Miˬyehˇ pyeuꞈ-eu naw maꞈ ya siˬ duˬ tehꞈ-a lehˇ ehˇ nehˬ-awˬ.”

Yoˇhaˬ 8:58

Yeˬsuˇ ehˇ-eu, “Ngaˇ naw maꞈ-ahˇ maˇ jawˆ ni ehˇ nehˬ nyaˇ. Aˬbyaˬhaˬ maˬ dehꞈ le mi naˆ-ehˇ ngaˇ jawˇ-euˬ ma.”

Panmaeq 1:4

Aˬshaˆ Kʼahˬzaˬ laꞈ kʼoeˇ jawˇ-eu Ka li zaˬ aˇ muˇ shiꞈ muˇ-ahˇ Yoˇhaˬ dawˬ cawˬ puˬ ahˇ laꞈ-eu ma. Nymˬ-mˇ maˬ ehˇ, aˇ hu maˬ ehˇ, aˬ kaˇ maˬ ehˇ, aˬ myah luꞈ dehꞈ luꞈ jawˇ luꞈ-eu Miˬyehˇ hawˇ-eu, aˬ yawꞈ-euˬ dzoeˬ dzaˬ nuiˇ mahˬ mehˬ shi jawˇ luꞈ-eu yaw sahˇ shiꞈ sahˇ jawˇ gaˇ neh doˆ le-euˬ guiˬ lahˬ yaw dzahˇ hawˇ-eu nui saˇ oꞈ-eu jeˬ, naw maꞈ kʼoeˇ taˆ jaˆ luꞈ-uˇ.

Luˇta 1:20

Kʼoeˇ ngeh, zaˬ miˬ zaˬ kʼoeˇ deuˬ-ahˇ Nawˇmi ehˇ nehˬ-eu, “Ngaˬ-ahˇ Nawˇmi‘Nawˇmi’ lehˇ ehˇ-eu Heˬbyehˇ dawˬ-euˬ dawˬ tsuiꞈ-aˬ, ‘laˬ kʼaˬ cehˇ-eu’ lehˇ ehˇ mawꞈ-eu meh.* lehˇ taˬ paˇ kuˇ. Maˬlahˬ‘Maˬlahˬ’, lehˇ ehˇ-eu Heˬbyehˇ dawˬ-euˬ dawˬ tsuiꞈ-aˬ, ‘shaˬ zahˬ’ naꞈ-eu lehˇ ehˇ mawꞈ-eu meh.* lehˇ kuˇ-awˬ. Aˬ jeˬ miˇ neh ehˇ naˇ, Baoˬ huiˬ-eu Miˬyehˇ ngaˬ-ahˇ shaˬ zahˬ bi keuˆ le-euˬ meh.