Doˆ-iˇ 6:20 - Akha

²⁰ Aˬmaˬlamˬ-aˬ, aˬ yawꞈ-euˬ aˬ da-euˬ dmˇ ma pyeuꞈ-eu Yawˇkeˬbehˇ-ahˇ sheuˬ-awˇ, Aˬloˬ hawˇ-eu Moˇseˬ jawˇ le-euˬ meh. Aˬmaˬlamˬ-aˬ, tiˬ yaˇ smˬ tseˇ shiꞈ kʼoꞈ dehꞈ-euˬ meh.

Doˆ-iˇ 6:20 ပူးပေါင်းရင်းမြစ်များ

1 Laˬsaˬbaˬ 23:13

Aˬ li aˬ yuiꞈ yuiꞈ saˬ gʼaˬ pyeuꞈ-eu Aˬmaˬlamˬ-aˬ, Aˬloˬ hawˇ-eu Moˇseˬ-euˬ aˬ da meh. (Aˬloˬ hawˇ-eu aˬ yawꞈ-euˬ zaˬ deuꞈ uˆ deuˬ-aˬ, mˬ maˬ maˬ byaˆ zaˇ ziˇ muiˬ-eu shawˇ-eu keu ka deuˬ-ahˇ haw-eu pyaˆ-eu gʼaˇ duˬ maˬ ehˇ, aˬ yawꞈ-euˬ tsawˇ myahˇ uˬ moˆ Iˇsaˬleˬlaˆ tsawˇ haˬ deuˬ-ahˇ dawˬ ngehˬ gʼeh nehˬ-eu gʼaˇ duˬ maˬ ehˇ, Sahˬpaˬ Miˬyehˇ-ahˇ uˬ duˬ tahˬ gaˇ yaw saw jeˬ doꞈ damˬ-eu gʼaˇ duˬ maˬ ehˇ, tseˇ doˆ taˬ-euˬ tsawˇ haˬ deuˬ pyeuꞈ-eu meh.

Doˆ-iˇ 6:16

Leˬbiˇ-aˬ, Gaˬshoˬ, Kawˇhaˆ hawˇ-eu Meˬlaˬliˇ lehˇ myahˇ-euˬ aˬ li smˇ gʼaˬ jawˇ-eu meh. Aˬ yawꞈ maꞈ-aˬ, aˬ yawꞈ maꞈ-euˬ tsawˇ myahˇ kʼaˇ pi luꞈ-eu tsawˇ jeuˬ deuˬ-euˬ aˬ da yaw dzahˇ deuˬ pyeuꞈ-eu meh. Leˬbiˇ-aˬ, tiˬ yaˇ smˬ tseˇ shiꞈ kʼoꞈ byah ni dehꞈ-euˬ meh.

Doˆ-iˇ 6:18

Kawˇhaˆ-aˬ, Aˬmaˬlamˬ, Iˇzaˬhaˬ, Heˬbyoˬ hawˇ-eu Awˇzeˬlaˇ lehˇ myahˇ-euˬ aˬ li oeˬ gʼaˬ jawˇ-eu meh. Kawˇhaˆ-aˬ, tiˬ yaˇ smˬ tseˇ smˇ kʼoꞈ keuˆ ni dehꞈ-euˬ meh.

Bawˇtsahˬ 26:58

Aˇ jeuˬ heu deuˬ-euˬ zaˬ deuˬ uˆ deuˬ laꞈ kʼoeˇ, Liˇbaˬniˇ, Heˬbyoˬ, Maˬhaˬliˬ, Muˇshiˬ hawˇ-eu Kawˇhaˆ aˇ jeuˬ heu deuˬ ahˇ-eu meh. Kawˇhaˆ-aˬ, Aˬmaˬlamˬ-euˬ aˬ da meh.

Bawˇtsahˬ 26:59

Aˬmaˬlamˬ-euˬ miˬ zaˬ-euˬ tsawˇ myahˇ-aˬ, Iˇjiˇtuˆ miˇ kʼahˬ-ahˇ dehꞈ le-euˬ Leˬbiˇ-euˬ aˬ buˇ Yawˇjeˬbehˇ pyeuꞈ-eu meh. Aˬ yawꞈ-aˬ, Aˬmaˬlamˬ gʼaˇ duˬ Aˬloˬ hawˇ-eu Moˇseˬ lehˇ myahˇ-euˬ aˬ li nyiˬ li ciˬ-awˇ, Miˇliˬyaˬ lehˇ myahˇ-euˬ aˬ buˇ tiˬ buˇ ciˬ-euˬ meh.

Bawˇtsahˬ 3:1

Heu-aˬ, Siˇnaˆ gawˬ jawˬ kʼoeˇ taˆ Moˇseˬ-ahˇ Sahˬpaˬ Miˬyehˇ dawˬ ngehˬ cawˬ ngeh yamˬ-ahˇ jawˇ luꞈ-eu Moˇseˬ hawˇ-eu Aˬloˬ-euˬ nymˇ kʼahˬ zaˬ deuˬ pyeuꞈ-eu meh.

Yawˇshuˆ 21:4

Leˬbiˇ tsawˇ jeuˬ Kawˇhaˆ aˇ jeuˬ-ahˇ, aˬ cawˬ jeˬ hu meuˬ biˇ nehˬ-euˬ meh. Piˇ ma Aˬloˬ-euˬ zaˬ deuˬ-ahˇ, Yuˇdaˆ miˇ kʼahˬ, Suˇmoˬ miˇ kʼahˬ hawˇ-eu, Beˬyaˬmiˬ miˇ kʼahˬ laꞈ kʼoeˇ jaˆ-eu meuˬ tseˇ smˇ meuˬ biˇ oꞈ nehˬ-euˬ meh.