Doˆ-iˇ 5:3 - Akha

³ Kʼoeˇ ngeh, Moˇseˬ hawˇ-eu Aˬloˬ sahˬ paˬ kʼoeˇ gʼaˬ-ahˇ ehˇ nehˬ-eu, “Heˬbyehˇ tsawˇ haˬ-euˬ Miˬyehˇ nga maꞈ-ahˇ pah mehˬ le-euˬ meh. Bawˇ tsahˬ bawˇ dahˇ-ahˇ iˇ-awˇ, nga maꞈ-euˬ Sahˬpaˬ Miˬyehˇ-ahˇ lawˇ-eu shehˇ-eu gʼaˇ duˬ, nga maꞈ-ahˇ aˇ yamˬ smˬ nah biꞈ nehˬ laꞈ-awˬ. Nga maꞈ kʼoeˇ loꞈ-ehˇ maˬ mˇ naˇ, naˇ-eu gawˇ-eu jeˬ baˬ da neh maˬ ngeuˇ naˇ, miˬ siˬ miˬ kaˆ baˬ da neh nga maꞈ ya shiˇ jiˇ ni aˬ yawꞈ jahˇ tehꞈ-a.”

Doˆ-iˇ 5:3 ပူးပေါင်းရင်းမြစ်များ

2 Sahˬpaˬ 17:25

Aˬ yawꞈ maꞈ kʼoeˇ gaˇ jawˇ beh beh le ngeh Sahˬpaˬ Miˬyehˇ-ahˇ uˬ duˬ maˬ tahˬ-eu miˇ neh, Sahˬpaˬ Miˬyehˇ neh aˇ laˬ jaˬ shiˇ pyehˬ gʼeh leꞈ-awˇ, aˬ yawꞈ maꞈ tiˬ paˆ na deuˬ-ahˇ bi kawꞈ sehꞈ-euˬ meh.

2 Laˬsaˬbaˬ 30:8

Aˬ yawꞈ maꞈ loꞈ-ehˇ nui ma maˬ gʼahˇ ni, Sahˬpaˬ Miˬyehˇ-euˬ ehˇ dawˬ naˇ haˬ-awˬ. Naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ neh mˬ maˬ maˬ byaˆ zaˇ ziˇ bi muiˬ bi shawˇ laˇ gʼaˬ-euˬ Yeˬluˇsaˬlehˬ meu-ahˇ jaˆ-eu Uˬ duˬ tahˬ nymˇ nymˇ ma-ahˇ laˇ-awˇ, aˬ yawꞈ naw maꞈ-ahˇ nui ma pehˇ-eu jeˬ byoˆ-iˇ ni, aˬ yawꞈ-ahˇ uˬ duˬ tahˬ laˇ-awˬ.

Eˇzaˬlaˬ 7:23

Ngaˬ-ahˇ maˬ ehˇ, ngaˬ-euˬ jeˬ nah sahˬ paˬ kʼaˇ geuꞈ-eu deuˬ-ahˇ maˬ ehˇ, mˬ taˆ Miˬyehˇ nui ma maˬ ya pehˇ ni, aˬ yawꞈ-euˬ Uˬ duˬ tahˬ nymˇ nymˇ ma gʼaˇ duˬ kʼaˇ loˬ-eu yawˬ jeˬ na luꞈ-ahˇ naw maꞈ yaw muiˬ paˬ-ehˇ ya biꞈ nehˬ meh.

Doˆ-iˇ 3:18

“Nawˬ neh kʼaˇ ehˇ-euˬ jeˬ-ahˇ, ngaˬ-euˬ tsawˇ haˬ deuˬ naˇ haˬ tehꞈ-a. Kʼoeˇ naˇ, Iˇsaˬleˬlaˆ tsawˇ haˬ aˬ yuiꞈ aˬ tsu deuˬ nehˬ-ehˇ, Iˇjiˇtuˆ sahˬ paˬ jawˇ gaˇ nawˇ iˇ-awˇ, heu loꞈ-ehˇ ehˇ nehˬ-iˇ-awˬ. ‘Heˬbyehˇ tsawˇ haˬ deuˬ-euˬ Sahˬpaˬ Miˬyehˇ nga maꞈ-ahˇ pah mehˬ le-euˬ meh. Bawˇ tsahˬ bawˇ dahˇ-ahˇ nga maꞈ iˇ-awˇ, nga maꞈ-euˬ Sahˬpaˬ Miˬyehˇ-ahˇ lawˇ-eu shehˇ-eu gʼaˇ duˬ, nga maꞈ-ahˇ aˇ yamˬ smˬ nah biꞈ nehˬ laꞈ’ lehˇ ehˇ nehˬ-awˬ.

Doˆ-iˇ 7:16

Kʼoeˇ naˇ, sahˬ paˬ kʼoeˇ gʼaˬ-ahˇ heu loꞈ-ehˇ ehˇ nehˬ-awˬ. ‘Heˬbyehˇ tsawˇ haˬ-euˬ Miˬyehˇ pyeuꞈ-eu Sahˬpaˬ Miˬyehˇ ngaˬ-ahˇ kʼehˇ gʼeh leꞈ-awˇ, bawˇ tsahˬ bawˇ dahˇ-ahˇ aˬ yawꞈ-ahˇ uˬ duˬ bi tahˬ laˇ-eu gʼaˇ duˬ, aˬ yawꞈ-euˬ tsawˇ haˬ deuˬ-ahˇ pyehˬ nehˬ-awˬ lehˇ bi ehˇ le-euˬ meh. Ehˇ kʼawꞈ, iˬ nah keuˆ ni nawˇ maˬ naˇ haˬ ni jawˇ-eu meh.

Doˆ-iˇ 8:1

Kʼoeˇ naˇ, Moˇseˬ-ahˇ Sahˬpaˬ Miˬyehˇ ehˇ nehˬ-eu, “Sahˬ paˬ jawˇ gaˇ iˇ-awˇ, Sahˬpaˬ Miˬyehˇ heu loꞈ-ehˇ ehˇ-eu meh lehˇ ehˇ nehˬ-iˇ-awˬ. ‘Ngaˬ-euˬ tsawˇ haˬ deuˬ ngaˬ-ahˇ uˬ duˬ tahˬ laˇ nya ni pyehˬ nehˬ-awˬ.

Doˆ-iˇ 8:20

Kʼoeˇ naˇ, Moˇseˬ-ahˇ Sahˬpaˬ Miˬyehˇ heu loꞈ-ehˇ ehˇ nehˬ-euˬ meh. “Ni shawˬ uˬ shawˬ yaw naꞈ-ehˇ, sahˬ paˬ kʼoeˇ gʼaˬ lawˇ baˬ-ahˇ oe ngeh, aˬ yawꞈ-ahˇ tahˬ puˬ-iˇ-awˬ. Sahˬpaˬ Miˬyehˇ heu loꞈ-ehˇ ehˇ-eu meh lehˇ ehˇ nehˬ-iˇ-awˬ. ‘Ngaˬ-euˬ tsawˇ haˬ deuˬ ngaˬ-ahˇ uˬ duˬ ya tahˬ ni, aˬ yawꞈ maꞈ-ahˇ pyehˬ nehˬ-awˬ.

Doˆ-iˇ 8:27

Nga maꞈ-euˬ Miˬyehˇ pyeuꞈ-eu Sahˬpaˬ Miˬyehˇ neh nga maꞈ-ahˇ ehˇ taˬ-euˬ loꞈ-ehˇ, smˬ nah gaˇ ma kaˬ-eu bawˇ tsahˬ bawˇ dahˇ laꞈ kʼoeˇ nga maꞈ iˇ-awˇ, aˬ yawꞈ-ahˇ ya lawˇ ya shehˇ meh.”

Yeˬsaˬgeˬlaˇ 6:11

Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ heu loꞈ-ehˇ ehˇ-eu meh. “Nawˬ-euˬ aˬ laꞈ yeuꞈ pyawˆ-awˇ, nawˬ-euˬ aˬ kuiˇ-ahˇ tsawˬ nawˬ nawˬ-awˬ. Iˇsaˬleˬlaˆ tsawˇ haˬ deuˬ neh kʼaˇ mˇ-euˬ nui daˆ daˆ laˇ paˬ-ehˇ gʼeh-eu yaw haiˬ jeˬ gʼaˇ duˬ noeˬ shaˬ-awˇ ngoeˇ-awˬ. Guiˇ deuˆ-eu jeˬ, mehꞈ-eu shuꞈ-eu jeˬ hawˇ-eu, naˇ-eu gawˇ-eu jeˬ laꞈ kʼoeˇ aˬ yawꞈ maꞈ ya shiˇ meh.

Uˬ duˬ 26:25

Ngaˬ nehˬ-ehˇ dzaˬ taˬ-euˬ saˇ jaˇ-ahˇ naw maꞈ puiˬ-eu miˇ neh, naw maꞈ kʼoeˇ taˆ guiˇ deuˆ-eu jeˬ bi keuˆ le-awˇ, naw maꞈ-ahˇ ngaˇ kʼehˬ ma. Naw maꞈ-euˬ meuˬ deuˬ laꞈ kʼoeˇ naw maꞈ uiˬ leˇ-awˇ jawˇ ngeh, maˬ laˆ taˬ nya-eu naˇ gawˇ deuˬ naw maꞈ kʼoeˇ taˆ bi keuˆ le-awˇ, naw maꞈ-ahˇ muiˇ-eu deuˬ-euˬ laꞈ-ahˇ, naw maꞈ ya ahˇ leˇ tehꞈ-a.

Dawˬmehˬ 28:21

Nawˇ jawˇ leˇ-eu lehˇ gʼeh-eu miˇ kʼahˬ laꞈ kʼoeˇ, naw maꞈ tiˬ gʼaˬ-iˬ maˬ dzeˇ-ehˇ pyeuꞈ-iˇ ngeh keuˆ ni, naˇ gawˇ tiˬ jeˬ saˇ-iˬ tiˬ jeˬ aˬ yawꞈ bi keuˆ le tehꞈ-a.