Doˆ-iˇ 5:2 - Akha

² Ehˇ kʼawꞈ, sahˬ paˬ kʼoeˇ gʼaˬ ehˇ-eu, “Aˬ yawꞈ-euˬ ehˇ dawˬ-ahˇ ngaˇ naˇ haˬ-awˇ, Iˇsaˬleˬlaˆ tsawˇ haˬ-ahˇ pyehˬ nehˬ paˬ-ehˇ, Sahˬpaˬ Miˬyehˇ ehˇ-eu aˬ suˇ gʼaˬ-a. Sahˬpaˬ Miˬyehˇ-ahˇ ngaˇ maˬ siˬ. Iˇsaˬleˬlaˆ tsawˇ haˬ-ahˇ kʼawꞈ ngaˇ maˬ pyehˬ nehˬ.”

Doˆ-iˇ 5:2 ပူးပေါင်းရင်းမြစ်များ

2 Sahˬpaˬ 18:35

Miˬ yehˇ kʼoeˇ deuˬ aˬ yawꞈ maꞈ-euˬ miˇ kʼahˬ deuˬ-ahˇ nga maꞈ-euˬ sahˬ paˬ-euˬ laꞈ-ahˇ neh aˬ geu ngeh ka kʼoꞈ nehˬ haw-euˬ jaˆ ta. Toˆ-ehˇ ngeuˇ naˇ, Yeˬluˇsaˬlehˬ meuˬ-ahˇ Sahˬpaˬ Miˬyehˇ ka kʼoꞈ nehˬ laꞈ tehꞈ-a lehˇ, naw maꞈ aˬ joˆ-ehˇ noeˬ kʼmˬ-eu nya.”

2 Laˬsaˬbaˬ 32:14

Miˇ kʼahˬ kʼoeˇ deuˬ-euˬ miˬ yehˇ deuˬ nga maꞈ-euˬ laꞈ-ahˇ neh aˬ yawꞈ maꞈ-euˬ miˇ kʼahˬ-ahˇ ka kʼoꞈ doˆ nehˬ-euˬ aˬ myah gaˬ haw teˬ. Toˆ-ehˇ ngeuˇ naˇ, naw maꞈ-euˬ miˬ yehˇ naw maꞈ-ahˇ ka kʼoꞈ nehˬ laꞈ tehꞈ-a lehˇ aˬ jeˬ miˇ neh noeˬ te.

2 Laˬsaˬbaˬ 32:15

Heˬsaˬgiˇ naw maꞈ-ahˇ jaˬ myawꞈ myawꞈ-awˇ mehˇ shuiˇ shuiˇ gaˇ taˬ naˇ haˬ. Aˬ yawꞈ ehˇ gaˇ taˬ jah. Miˇ kʼahˬ aˬ geu kʼahˬ-euˬ miˬ yehˇ maˬ kaˬ, yawˬ ha-euˬ tsawˇ jeuˬ-ahˇ Aˬshuˇliˆ sahˬ paˬ-euˬ laꞈ-ahˇ neh maˬ ka kʼoꞈ nehˬ nya-a. Kʼoeˇ miˇ neh naw maꞈ-euˬ miˬyehˇ teu gʼaˬ kʼawꞈ, naw maꞈ-ahˇ maˬ ka kʼoꞈ nehˬ nya-eu yaw duˬ baw meh.”

2 Laˬsaˬbaˬ 32:19

Tsawˇ haˬ zaˬ-euˬ aˬ laꞈ neh tehˆ taˬ-euˬ tahˬ pahˬ aˬ ma mawˇ kawˇ pyeuꞈ-eu tsawˇ jeuˬ nui deuˬ-euˬ miˬ yehˇ deuˬ gaˇ kawˆ aˬ yawꞈ maꞈ ja gaˇ duˇ ni, Yeˬluˇsaˬlehˬ-euˬ Miˬyehˇ gaˇ kawˆ aˬ yawꞈ maꞈ ja-eu meh.

Neˬhaˬmiˇ 9:10

Iˇjiˇtuˆ sahˬ paˬ hawˇ-eu aˬ yawꞈ-euˬ gʼaˬ zaˬ yaw huiˬ yaw mahˇ deuˬ-ahˇ maˬ ehˇ, aˬ yawꞈ-euˬ miˇ kʼahˬ zaˬ deuˬ-ahˇ maˬ ehˇ, kʼaˆ jeˬ-ehˇ gʼeh-eu jeˬ nawˇ mˇ mehˬ nehˬ-euˬ meh. Nawˬ-euˬ tsawˇ jeuˬ-ahˇ aˬ yawꞈ maꞈ kʼehˬ-euˬ nawˇ siˬ nya-awˇ, aˬ yawꞈ maꞈ-ahˇ kʼoeˇ loꞈ-ehˇ kʼehˬ kʼoꞈ nehˬ-euˬ meh. Nawˬ neh mˇ-euˬ gaˇ kʼoeˇ deuˬ baˬ da neh, iˬ nah keuˆ ni nawˇ tsawˇ myahˇ huiˬ-eu meh.

Yawˇbaˆ 15:25

Baoˬ huiˬ-eu Miˬyehˇ-ahˇ laꞈ du cawˬ doˆ nehˬ-awˇ, yehˬ bawˬ sehˇ lu-ehˇ ehˇ nehˬ-eu gʼaˬ kʼoeˇ taˆ, kʼoeˇ loꞈ-ehˇ gʼeh-eu jeˬ keuˆ le tehꞈ-a.

Yawˇbaˆ 15:26

Tsawˇ haˬ kʼoeˇ gʼaˬ nui ma gʼahˇ dui dui-eu laꞈ kʼoeˇ, tuˇ dui dui-eu dehˬ daˬ duˬ baꞈ-awˇ, Miˬyehˇ-ahˇ ceh leˇ mawꞈ-eu meh.

Yawˇbaˆ 21:15

Miˬyehˇ-euˬ nui kʼahˇ mˇ-eu maˬ loˬ-ehˇ, aˬ yawꞈ-ahˇ guiˬ lahˬ shaˇ-eu gaˇ dahˇ maˬ tsoeˬ-a lehˇ aˬ yawꞈ maꞈ noeˬ luꞈ meh.

Jaceuq 10:4

Yaw haiˬdeuˬSahˬpaˬMiˬyehˇ-ahˇ, maˬhaw cawˬni jahˇgʼeh haw-awˇ, Miˬyehˇgaˇdahˇmaˬtsoeˬ-a lehˇ, nui ma laꞈkʼoeˇnoeˬluꞈ-eu meh.

Jaceuq 12:4

“Kʼaˇmawꞈ-eu jeˬja geuꞈnya ma. Kʼaˇngehˬmawꞈ-eu jeˬngehˬ-eu ma. aˬsuˇgʼaˬlaˆtsoeˬnya ta” lehˇ, aˬyawꞈmaꞈnui ma huiˬ-eu meh.

Jaceuq 12:5

Ehˇ kʼawꞈSahˬpaˬMiˬyehˇ ehˇ-eu, “Iˇshaˬzaˬ bi kʼehˬbi kʼaˆ-awˇ, tsawˇteˬzaˬmahˇluꞈ-eu miˇneh, aˬyawꞈmaꞈnoeˬtmˬdui dui-eu, nui saˇoꞈ-eu jeˬ biꞈ-eu lehˇ, nymˬ-mˇ ngaˇzaꞈka le-eu ma.”

Jaceuq 14:1

Aˬdzawˬaˇgah nui ma laꞈkʼoeˇ, “Miˬyehˇmaˬjawˇ” lehˇehˇ-eu meh. Aˬyawꞈmaꞈneh dehꞈcawˆjiˇ-awˇ, guˆlaˇpaˬ-ehˇ mˇluꞈ-eu meh. Yaw muiˬtiˬgʼaˬ-iˬ maˬmˇ-a.

Doˆ-iˇ 3:19

Maˬ bi iˇ-ehˇ maˬ gʼeh nya ni maˬ pyeuꞈ laˇ kʼoeˇ keuˆ ni, Iˇjiˇtuˆ sahˬ paˬ naw maꞈ-ahˇ maˬ bi iˇ nehꞈ laꞈ ni piˬ lahˇ tehꞈ-a lehˇ ngaˇ siˬ nya ma.

Doˆ-iˇ 7:17

Sahˬ paˬ-oˇ, nymˬ-mˇ poˆ jawˇ-aˬ, aˬ yawꞈ mˇ-eu lehˇ lehˬ hmˬ taˬ-euˬ jeˬ baˬ da neh, aˬ yawꞈ aˬ suˇ gʼaˬ pyeuꞈ-eu nawˇ ya siˬ tehꞈ-a lehˇ Sahˬpaˬ Miˬyehˇ ehˇ-eu meh. Haw yawˬ. Ngaˇ tuˆ tehˬ luꞈ-eu gawˬ yoeˬ heu hmˬ neh Niˬlaˇ lawˇ baˬ iˇ cuꞈ-ahˇ ngaˇ juiꞈ ngeh, iˇ cuꞈ kʼoeˇ shiˬ pyeuꞈ jiˇ tehꞈ-a’ lehˇ ehˇ nehˬ-awˬ.

Dawqdaq 30:9

Ngaˇ aˇ dzehˬ jaˆ laˇ naˇ, nawˬ-ahˇ maˬ loˬ lehˇ ngaˇ ehˇ tehꞈ-a. Ehˇ kʼawꞈ, ngaˇ iˇ shaˬ shaˬ naˇ, smˇ kʼoeˬ kʼoeˬ-awˇ ngaˬ-euˬ Miˬ yehˇ nui ma maˬ saˇ-eu jeˬ mˇ gaˇ guˆ nya.

Yeˬlaˬmiˇ 42:13

“Ehˇ kʼawꞈ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-euˬ ehˇ dawˬ-ahˇ naw maꞈ maˬ naˇ haˬ ni, ‘Miˇ kʼahˬ heu kʼahˬ laꞈ kʼoeˇ maˬ paˇ jawˇ ma’ lehˇ naw maꞈ ehˇ -awˇ,

Yeˬlaˬmiˇ 48:26

Sahˬpaˬ Miˬyehˇ heu loꞈ-ehˇ ehˇ-eu meh. “Mawˇbaˆ miˇ kʼahˬ ngaˬ-ahˇ puiˬ-euˬ miˇ neh, aˬ gaꞈ dzaˇ uiˇ bi dawˇ yehꞈ-awˬ. Mawˇbaˆ-aˬ, yawˬ ha uˬ pehꞈ pehꞈ taˬ-euˬ gaˇ yawˬ ha mahˬ poˆ poˆ lehꞈ-awˇ, aˬ cawˬ bi uiˇ tehꞈ-a.

Daˬyeˬlaˇ 3:15

Nymˬ-mˇ poˆ jawˇ, daˇ heh baw, bawˬ law baw, deuˇ-mˬ diˬ-eu teˇ saˇ hawˇ-eu, caˇ dawˬ caˇ gaˇ zmˬ-eu keu ka nui deuˬ-euˬ teˇ saˇ mahˇ doˆ laˇ gaˇ naw maꞈ ya gaˬ-eu nehˬ-ehˇ, shuiˇ mawˇ kawˇ kʼoeˇ kawˇ mehˬ shi awˆ byaˆ-awˇ uˬ duˬ tahˬ-awˬ. Naw maꞈ uˬ duˬ maˬ tahˬ de leˇ ngeuˇ naˇ, tiˬ poˆ tehꞈ-ehˇ miˬ dzaˬ doꞈ luꞈ-eu tsawˬ bu-ahˇ biˬ ahˇ ma. Naw maꞈ-ahˇ ka kʼoꞈ nya-eu miˬ yehˇ jawˇ tehꞈ-a lehˇ naw maꞈ noeˬ te loˇ.”

Yoˇhaˬ 16:3

Aˬda-ahˇ maˬ ehˇ, ngaˬ-ahˇ maˬ ehˇ, aˬ yawꞈ maꞈ maˬ siˬ nya-eu miˇ neh, naw maꞈ-ahˇ kʼoeˇ loꞈ-ehˇ kʼehˬ nehˬ laꞈ tehꞈ-a.

Lormav 1:28

Miˬyehˇ gaˇ kawˆ dawˇ coe ni siˬ nya taˬ paˬ-ehˇ gʼeh-eu jeˬ-ahˇ aˬ yawꞈ maꞈ maˬ shaˇ noeˬ-eu baˬ da neh, aˬ yawꞈ maꞈ maˬ mˇ kʼmˬ-eu jeˬ mˇ ni, bahˬ dui jawꞈ dui dui-eu jeˬ mˇ-eu nui ma jaˆ gaˇ, Miˬyehˇ neh aˬ yawꞈ maꞈ-ahˇ a dzeh nehˬ-euˬ meh.

2 Teˇsaˬloˇni 1:8

Miˬyehˇ-ahˇ Miˬyehˇ meh lehˇ maˬ sawˇ-ehˇ, aˬ dui-euˬ Sahˬpaˬ Yeˬsuˇ Ka li-euˬ Laˬ kʼaˬ cehˇ-eu Guiˬ lahˬ dawˬ-ahˇ maˬ naˇ haˬ geuꞈ-eu tsawˇ haˬ deuˬ-ahˇ kʼehˬ-eu gʼaˇ duˬ Sahˬpaˬ Yeˬsuˇ oe ngeh, miˬ dzaˬ miˬ lmˇ hehˇ leꞈ tehꞈ-a.

Yaˇ kʼaˬ daˇ 2:10

Kʼoeˇ ngeh ziˇ-ahˇ dehꞈ-euˬ tsawˇ haˬ dawˬ tawˆ luꞈ shiˇ jiˇ-awˇ, yawˬ ziˇ yawˬ-ahˇ dehꞈ-eu tsawˇ haˬ deuˬ-aˬ, Sahˬpaˬ Miˬyehˇ-ahˇ maˬ ehˇ, Iˇsaˬleˬlaˆ tsawˇ jeuˬ gʼaˇ duˬ aˬ yawꞈ neh mˇ-euˬ jeˬ-ahˇ maˬ ehˇ, ngehˇ-euˬ meh.

1 Saˬmeuˬlaˆ 2:12

Eˇliˆ-euˬ aˬ li deuˬ gaˇ dahˇ maˬ tsoeˬ-a. Aˬ yawꞈ maꞈ Sahˬpaˬ Miˬyehˇ-ahˇ yaw zeu maˬ baw-a.

1 Saˬmeuˬlaˆ 25:10

Naˬbaˬlaˇ ehˇ-eu, “Daˬbiˇ neh teu loꞈ-ehˇ bi tsaꞈ le taˬ lehˇ la. Daˬbiˇ ehˇ-eu aˬ suˇ gʼaˬ-aˬ. Ngaˇ tiˬ poˆ-iˬ maˬ gaˬ haw-aˬ. Miˇ kʼahˬ heu kʼahˬ laꞈ kʼoeˇ nymˬ-mˇ kaˬ-ahˇ cehˆ byoˆ taˬ-euˬ zaˬ kʼaˆ gʼawˬ mya gʼaˬ jawˇ meh.