Doˆ-iˇ 40:9 - Akha

⁹ “Sehˬ gʼawˆ hawˇ-eu kʼoeˇ gaˇ kʼaˇ taꞈ leˇ-eu keu ka deuˬ bi muiˬ bi shawˇ laˇ-eu gʼaˇ duˬ, muiˬ-eu shawˇ-eu tsiˇ lehꞈ-awˇ, Sahˬpaˬ Miˬyehˇ-ahˇ a nehˬ-awˬ.

Doˆ-iˇ 40:9 ပူးပေါင်းရင်းမြစ်များ

Jaceuq 45:7

yaw tsaˬ yaw dawˇ jeˬ-ahˇ gaˬ-awˇ, maˬ tsaˬ maˬ dawˇ-eu jeˬ-ahˇ nawˇ bye-eu meh. Kʼoeˇ miˇ neh, nawˬ-euˬ Miˬyehˇ pyeuꞈ-eu Miˬyehˇ, nawˬ-ahˇ tseˇ doˆ-eu laꞈ kʼoeˇ, sahˬ paˬ nui deuˬ-ahˇ naˆ maˬ tseˇ, laˬ kʼaˬ cehˇ nui saˇ za-eu guiˬ lahˬ nawˬ-euˬ kʼoeˇ taˆ shehˆ daˆ-euˬ meh.

Doˆ-iˇ 37:29

Tsiˇ yaw saw jeˬ jahˇ ngeh, gʼawˬ mya jeˬ keuˬ-awˇ jahˇ-euˬ loꞈ-ehˇ, tseˇ doˆ-euˬ deuˬ-ahˇ lehꞈ-eu gʼaˇ duˬ, muiˬ-eu shawˇ-eu tsiˇ hawˇ-eu saw dui dui-eu doꞈ-awˇ damˬ-eu jeˬ kʼawꞈ aˬ yawꞈ jahˇ-euˬ meh.

Doˆ-iˇ 39:39

guiˬ shuiˇ neh jahˇ taˬ-euˬ lawˇ duˬ hawˇ-eu kʼoeˇ-euˬ guiˬ shuiˇ shmˇ kaˇ, lawˇ duˬ baꞈ kawˬ, lawˇ duˬ kʼoeˇ hmˬ-ahˇ taꞈ leˇ-eu keu ka deuˬ, aˬ kuiˇ aˬ laꞈ dzuiꞈ shawˇ-eu sehˇ byehˇ hawˇ-eu sehˇ byehˇ-euˬ aˬ kuiˇ,

Doˆ-iˇ 40:8

Sehˬ gʼawˆ jawˬ jawˬ-ehˇ yaˇ kmˇ mˇ lahˇ-awˇ, yaˇ kmˇ gʼoˆ kʼehˬ-ahˇ saˬ paˇ taw-awˬ.

Iˇsaˬyaˇ 11:2

Sahˬpaˬ Miˬyehˇ-euˬ Yaw sahˇ pyeuꞈ-eu, zaˬ siˬ nui gahˇ hawˇ-eu noeˬ siˬ noeˬ mawˇ nya-eu jeˬ biꞈ-eu yaw sahˇ, nui noeˬ nui duˇ hawˇ-eu baoˬ biꞈ-eu yaw sahˇ, tsawˇ gahˇ hawˇ-eu Sahˬpaˬ Miˬyehˇ-ahˇ guˆ-eu nui ma biꞈ-eu yaw sahˇ, aˬ yawꞈ kʼoeˇ taˆ keuˆ le tehꞈ-a.

Iˇsaˬyaˇ 61:1

Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ-euˬ yaw sahˇ, ngaˬ-euˬ kʼoeˇ taˆ keuˆ le-euˬ meh. Yaw shaˬ zaˬ-ahˇ laˬ kʼaˬ cehˇ-eu guiˬ lahˬ dawˬ tsaꞈ gaˬ-eu gʼaˇ duˬ, nui ma tsawˬ paˆ-euˬ deuˬ-ahˇ laˆ saˆ-eu gʼaˇ duˬ, aˬ cawˬ miˇ kʼahˬ-ahˇ bi nyehꞈ gʼeh-euˬ deuˬ hawˇ-eu, paꞈ kuˆ laꞈ kʼoeˇ ka lahˇ taˬ-euˬ tsawˇ haˬ deuˬ-ahˇ, ya buˬ ya law-iˇ meh lehˇ tsaꞈ gaˬ-eu gʼaˇ duˬ, aˬ yawꞈ ngaˬ-ahˇ tseˇ doˆ-awˇ pyehˬ gʼeh leꞈ-euˬ meh.

Yeˬsaˬgeˬlaˇ 28:14

Jeˬluˇbeˬ nawˬ-ahˇ loꞈ piˇ-awˇ, Miˬyehˇ-euˬ shawˇ-eu gawˬ jawˬ-ahˇ, nawˬ-ahˇ bi jawˇ-euˬ meh. Yaw shehꞈ bya-eu sehˇ deuˬ gʼahˇ ceh, nawˇ cah cah-ehˇ ya jawˇ-euˬ meh.

Uˬ duˬ 8:10

Kʼoeˇ naˇ, Sahˬpaˬ Miˬyehˇ jawˇ-eu Sehˬ gʼawˆ kʼoeˇ taˆ maˬ ehˇ, Sehˬ gʼawˆ laꞈ kʼoeˇ jaˆ-eu keu ka deuˬ-ahˇ maˬ ehˇ, tseˇ doˆ-euˬ deuˬ-ahˇ lehꞈ-eu tsiˇ kʼoeˇ neh Moˇseˬ lehꞈ-awˇ, Sahˬpaˬ Miˬyehˇ-ahˇ a nehˬ-euˬ meh.

Bawˇtsahˬ 7:1

Sahˬpaˬ Miˬyehˇ jawˇ-eu Sehˬ gʼawˆ Moˇseˬ gʼoˆ tsoꞈ-awˇ tsoˆ gʼaˬ ngeh nah, Sehˬ gʼawˆ hawˇ-eu kʼoeˇ-euˬ keu ka deuˬ-ahˇ maˬ ehˇ, lawˇ duˬ hawˇ-eu kʼoeˇ-euˬ keu ka deuˬ-ahˇ maˬ ehˇ, aˬ yawꞈ tsiˇ lehꞈ nehˬ-euˬ meh.

Maꞈtehˬ 3:16

Yeˬsuˇ iˇ cuꞈ shawˇ gʼaˬ-awˇ, iˇ cuꞈ laꞈ kʼoeˇ neh doˆ laˇ ngeh, mˬ pah le-awˇ, Miˬyehˇ-euˬ Yaw sahˇ kʼaˬ kʼoeˬ loꞈ-ehˇ zaꞈ le-awˇ, aˬ yawꞈ kʼoeˇ taˆ ga dawꞈ le gaˇ ya mawˇ-euˬ meh.

Yoˇhaˬ 3:34

Miˬyehˇ neh kʼehˇ gʼeh leꞈ-euˬ gʼaˬ-aˬ, Miˬyehˇ-euˬ dawˬ ngehˬ-eu meh. Aˬ jeˬ miˇ neh ehˇ naˇ, aˬ yawꞈ-ahˇ Miˬyehˇ-euˬ Yaw sahˇ tiˬ byah ni biꞈ taˬ-euˬ meh.

2 Gawˇliˬtu 1:22

Aˬ dui-ahˇ aˬ yawꞈ-euˬ tsawˇ haˬ bi pyeuꞈ-eu gʼaˇ duˬ jmˬ diˬ nehˬ laꞈ-awˇ, aˬ duiˬ-euˬ nui ma laꞈ kʼoeˇ Muiˬ-eu Shawˇ-eu Yaw sahˇ Miˬyehˇ bi jawˇ le-eu laꞈ kʼoeˇ, aˬ yawꞈ-euˬ tsawˇ haˬ ma lehˇ kamˬ tsehˆ taˬ-euˬ meh.

2 Gawˇliˬtu 1:4

Aˬ yawꞈ neh biꞈ leꞈ-euˬ ngehˬ gʼeh dah teˬ-eu jeˬ-ahˇ aˬ dui gʼoe-awˇ, shaˬ-eu zahˬ-eu yawˬ jeˬ na luꞈ-ahˇ ya tahˬ puˬ-eu tsawˇ haˬ deuˬ-ahˇ aˬ dui ngehˬ gʼeh dah teˬ nehˬ nya ni, aˬ dui ya tahˬ puˬ-eu shaˬ zahˬ dawˬ tawˆ luꞈ laꞈ kʼoeˇ Miˬyehˇ aˬ dui-ahˇ ngehˬ gʼeh dah teˬ nehˬ laꞈ-euˬ meh.

HeˬByehˇ 9:21

Kʼoeˇ loꞈ-ehˇ duˇ ni, Dawˬ ma saˇ jaˇ Sehˬ gʼawˆ-ahˇ maˬ ehˇ, uˬ duˬ tahˬ gaˇ zmˬ-eu mˇ myawˬ keu ka deuˬ kʼoeˇ taˆ maˬ ehˇ, shiˬ kʼoeˇ neh Moˇseˬ byaˆ shehˬ-euˬ meh.

1 Yoˇhaˬ 2:20

Ehˇ kʼawꞈ, Ka li neh naw maꞈ kʼoeˇ taˆ Muiˬ-eu shawˇ-eu Yaw sahˇ Miˬyehˇ shehˆ daˆ nehˬ gʼaˬ-euˬ miˇ neh, naw maꞈ dawˬ tawˆ luꞈ yaw tsaˬ yaw dawˇ jeˬ-ahˇ siˬ nya meh.