Doˆ-iˇ 40:6 - Akha

⁶ Miˬ dzaˬ dzah puiˆ-awˇ lawˇ-eu jeˬ lawˇ-eu lawˇ duˬ kʼoeˇ hmˬ, sehˬ gʼawˆ mehˬ shi baꞈ taˬ-awˬ.

Doˆ-iˇ 40:6 ပူးပေါင်းရင်းမြစ်များ

2 Sahˬpaˬ 16:14

Sahˬpaˬ Miˬyehˇ-ahˇ a nehˬ taˬ-euˬ guiˬ shuiˇ neh jahˇ-euˬ lawˇ duˬ kʼoeˇ hmˬ-aˬ, lawˇ duˬ yaw shuiꞈ kʼoeˇ hmˬ hawˇ-eu Uˬ duˬ tahˬ nymˇ nymˇ ma yaw kaˬ-ahˇ jaˆ-eu meh.

Doˆ-iˇ 40:29

Kʼoeˇ naˇ, miˬ dzaˬ dzah puiˆ-awˇ lawˇ-eu jeˬ lawˇ-eu lawˇ duˬ kʼoeˇ, sehˬ gʼawˆ gʼoˆ kʼehˬ-ahˇ taw taˬ-euˬ saˬ paˇ-euˬ mehˬ shi bi jaˆ-euˬ meh. Sahˬpaˬ Miˬyehˇ neh dawˬ biꞈ taˬ-euˬ loꞈ-ehˇ, miˬ dzaˬ dzah puiˆ-awˇ lawˇ-eu jeˬ hawˇ-eu, dzaˬ la gʼo cehˇ lawˇ-eu jeˬ, lawˇ duˬ kʼoeˇ hmˬ kʼoeˇ taˆ lawˇ-euˬ meh.

Doˆ-iˇ 40:5

Shuiˇ neh jahˇ taˬ-euˬ yaw saw jeˬ doꞈ damˬ-eu lawˇ duˬ kʼoeˇ, dawˬ ma saˇ jaˇ bahˬ keuˆ mehˬ shi baꞈ taˬ-awˇ, sehˬ gʼawˆ gʼoˆ kʼehˬ-ahˇ saˬ paˇ taw-awˬ.

Doˆ-iˇ 40:7

Aˬ kuiˇ aˬ laꞈ dzuiꞈ shawˇ-eu sehˇ byehˇ-ahˇ, Sehˬ gʼawˆ hawˇ-eu lawˇ duˬ yaw kaˬ-ahˇ bi jaˆ-awˇ, iˇ cuꞈ kʼawꞈ ahˇ taˬ-awˬ.

Uˬ duˬ 1:5

Aˬ yawꞈ-euˬ mawˇ neˇ kʼoeˇ mawˇ-ahˇ, kʼoeˇ gaˇ aˬ yawꞈ ya sehꞈ meh. Kʼoeˇ naˇ, Aˬloˬ-euˬ aˬ li piˇ ma deuˬ, Sahˬpaˬ Miˬyehˇ jawˇ gaˇ mawˇ neˇ kʼoeˇ mawˇ-euˬ shiˬ yuˇ gʼeh-awˇ, sehˬ gʼawˆ gʼoˆ kʼehˬ-ahˇ jaˆ-eu lawˇ duˬ kʼoeˇ hmˬ-euˬ oeˬ paw pyawˬ luꞈ-ahˇ ya byaˆ shehˬ meh.

HeˬByehˇ 13:10

Yuˇdaˆ tsawˇ haˬ uˬ duˬ tahˬ-eu jawˇ duˬ-ahˇ gaˇ mˇ-eu piˇ ma deuˬ-aˬ, aˬ dui-euˬ lawˇ duˬ kʼoeˇ taˆ lawˇ-euˬ lawˇ dzaˇ maˬ dzaˬ kʼmˬ-a.

1 Yoˇhaˬ 2:2

Aˬ dui-ahˇ iˬ baˇ pyehˬ nehˬ laꞈ-euˬ kʼoeˇ-aˬ, Ka li baˬ da neh meh. Aˬ dui-euˬ iˬ baˇ tehꞈ-ehˇ maˬ ngeuˇ-ehˇ, tsawˇ haˬ yawˬ gʼaˬ na luꞈ-euˬ i baˇ pyehˬ nehˬ laꞈ-euˬ meh.