Doˆ-iˇ 40:36 - Akha

³⁶ Mˬ dmˇ kʼoeˇ Sehˬ gʼawˆ-ahˇ gʼawˬ-iˇ ngeh hawˇ-eu, Iˇsaˬleˬlaˆ tsawˇ haˬ deuˬ mehˬ hu paw gaˇ ma doˆ-iˇ-euˬ meh.

Doˆ-iˇ 40:36 ပူးပေါင်းရင်းမြစ်များ

Neˬhaˬmiˇ 9:19

Ehˇ kʼawꞈ nawˇ gʼawˬ shaˬ gaˬ-eu jeˬ myaˬ-eu miˇ neh, bawˇ tsahˬ bawˇ dahˇ kʼaˇ shuiꞈ deh-ahˇ, aˬ yawꞈ maꞈ-ahˇ nawˇ maˬ byehˇ dzeh-aˬ. Uˬ ciꞈ hawˇ-eu nah gʼahˇ aˬ yawꞈ maꞈ-ahˇ gaˇ ma mehˬ luꞈ-eu, miˬ dzaˬ hawˇ-eu mˬ dmˇ nawˇ maˬ yuˇ dzeh nehˬ-aˬ.

Jaceuq 105:39

Aˬ yawꞈ-euˬ tsawˇ haˬ deuˬ-ahˇ mˬ dmˇ joe shmˇ nehˬ-awˇ, uˬ ciꞈ paw miˬ dzaˬ yaw shehꞈ bya nehˬ-euˬ meh.

Jaceuq 78:14

Nah gʼahˇ paw mˬ dmˇ neh bi sheuˬ gʼeh-euˬ meh.

Bawˇtsahˬ 9:17

Mˬ dmˇ kʼoeˇ yaw goˇ-ahˇ kʼaˇ le daˆ ngeh, Iˇsaˬleˬlaˆ tsawˇ haˬ deuˬ luˆ-iˇ-awˇ, mˬ dmˇ kʼoeˇ kʼaˇ zaꞈ ka le-eu jawˇ duˬ-ahˇ aˬ yawꞈ maꞈ jawˇ naˬ-euˬ meh.

Bawˇtsahˬ 9:22

Nyiˬ nah myahˇ-eu maˬ ehˇ, ba la tiˬ siˬ myahˇ-eu maˬ ehˇ, tiˬ kʼoꞈ myahˇ-eu maˬ ehˇ, kʼoeˇ myah maˬ tseˇ myahˇ-eu maˬ ehˇ, mˬ dmˇ kʼoeˇ Sehˬ gʼawˆ kʼoeˇ taˆ kʼaˇ naˬ luꞈ kʼoeˇ keuˆ ni, aˬ yawꞈ maꞈ maˬ luˆ-iˇ ni jawˇ-euˬ meh. Ehˇ kʼawꞈ, mˬ dmˇ kʼoeˇ kʼaˇ daˆ leˇ ngeh aˬ yawꞈ maꞈ luˆ-iˇ-euˬ meh.

1 Gawˇliˬtu 10:1

Aˬ yuiꞈ aˬ nyiˇ Ka li zaˬ deuˬ-oˇ, Moˇseˬ-euˬ mehˬ nah caw teh-euˬ aˬ dui-euˬ aˬ poeˬ aˬ bawˇ deuˬ aˬ joˆ-ehˇ pyeuꞈ yaꞈ-euˬ gaˇ kawˆ naw maꞈ bi noeˬ mawˇ mawꞈ miˇ-a. Aˬ yawꞈ maꞈ dawˬ tawˆ luꞈ-ahˇ mˬ dmˇ dehˬ kaˬ nehˬ-awˇ, Iˬ ma laˆ shaˆ Yaw neˇ-ahˇ bi tsehˆ doˆ-euˬ meh.