Doˆ-iˇ 40:29 - Akha

²⁹ Kʼoeˇ naˇ, miˬ dzaˬ dzah puiˆ-awˇ lawˇ-eu jeˬ lawˇ-eu lawˇ duˬ kʼoeˇ, sehˬ gʼawˆ gʼoˆ kʼehˬ-ahˇ taw taˬ-euˬ saˬ paˇ-euˬ mehˬ shi bi jaˆ-euˬ meh. Sahˬpaˬ Miˬyehˇ neh dawˬ biꞈ taˬ-euˬ loꞈ-ehˇ, miˬ dzaˬ dzah puiˆ-awˇ lawˇ-eu jeˬ hawˇ-eu, dzaˬ la gʼo cehˇ lawˇ-eu jeˬ, lawˇ duˬ kʼoeˇ hmˬ kʼoeˇ taˆ lawˇ-euˬ meh.

Doˆ-iˇ 40:29 ပူးပေါင်းရင်းမြစ်များ

2 Sahˬpaˬ 16:14

Sahˬpaˬ Miˬyehˇ-ahˇ a nehˬ taˬ-euˬ guiˬ shuiˇ neh jahˇ-euˬ lawˇ duˬ kʼoeˇ hmˬ-aˬ, lawˇ duˬ yaw shuiꞈ kʼoeˇ hmˬ hawˇ-eu Uˬ duˬ tahˬ nymˇ nymˇ ma yaw kaˬ-ahˇ jaˆ-eu meh.

Doˆ-iˇ 40:28

Sehˬ gʼawˆ gʼoˆ kʼehˬ-ahˇ, saˬ paˇ sheu taw-euˬ meh.

Doˆ-iˇ 40:30

Sehˬ gʼawˆ hawˇ-eu lawˇ duˬ kʼoeˇ hmˬ-euˬ yaw kaˬ-ahˇ, aˬ kuiˇ aˬ laꞈ dzuiꞈ shawˇ-eu sehˇ byehˇ bi jaˆ-euˬ meh.

Doˆ-iˇ 40:6

Miˬ dzaˬ dzah puiˆ-awˇ lawˇ-eu jeˬ lawˇ-eu lawˇ duˬ kʼoeˇ hmˬ, sehˬ gʼawˆ mehˬ shi baꞈ taˬ-awˬ.

Yeˬsaˬgeˬlaˇ 40:47

Laꞈ kʼoeˇ pu kaˬ-ahˇ tsawˇ haˬ kʼoeˇ gʼaˬ daˇ dza dehˬ haw ngeh, nyiˬ tseˇ ngaˬ lmˇ oeˬ bawˬ byah-eu meh. Uˬ duˬ tahˬ nymˇ nymˇ ma aˬ yawꞈ hmˬ-aˬ, nahˇ ma ga kʼehˬ paw-ehˇ jaˆ-awˇ, mehˬ shi paw lawˇ duˬ tiˬ tsahˇ jaˆ-eu meh.

Yeˬsaˬgeˬlaˇ 43:18

Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ ngaˬ-ahˇ heu loꞈ-ehˇ ehˇ-eu meh. “Tsawˇ haˬ zaˬ-oˇ, ngaˇ ehˇ gaˇ naˇ haˬ-awˬ. Lawˇ duˬ tsoˆ gʼaˬ ngeh, miˬ dzaˬ dzah puiˆ-awˇ lawˇ-eu jeˬ kʼoeˇ-euˬ kʼoeˇ taˆ lawˇ-awˇ, lawˇ-eu jeˬ zaˬ-euˬ shiˬ kʼoeˇ gaˇ byaˆ shehˬ-eu laꞈ kʼoeˇ, lawˇ duˬ kʼoeˇ ngaˬ-ahˇ a nehˬ-eu zahˇ nawˇ ya jahˇ meh.

Uˬ duˬ 1:1

Sahˬpaˬ Miˬyehˇ jawˇ-eu Sehˬ gʼawˆ-ahˇ neh, Moˇseˬ-ahˇ Sahˬpaˬ Miˬyehˇ kuˇ-awˇ, zahˇ sahˇ kʼoꞈ heu deuˬ biꞈ nehˬ-euˬ meh.

Maꞈtehˬ 23:19

Naw maꞈ aˇ naˆ naˆ-ehˇ myaˆ behꞈ behꞈ te. Aˬ geu jeˬ huiˬ dzehˬ ta. Lawˇ-euˬ jeˬ huiˬ dzehˬ ta loˇ. Lawˇ-euˬ jeˬ-ahˇ Miˬyehˇ gʼaˇ duˬ bi muiˬ bi shawˇ laˇ-eu lawˇ duˬ kʼoeˇ hmˬ huiˬ dzehˬ ta loˇ.

HeˬByehˇ 13:10

Yuˇdaˆ tsawˇ haˬ uˬ duˬ tahˬ-eu jawˇ duˬ-ahˇ gaˇ mˇ-eu piˇ ma deuˬ-aˬ, aˬ dui-euˬ lawˇ duˬ kʼoeˇ taˆ lawˇ-euˬ lawˇ dzaˇ maˬ dzaˬ kʼmˬ-a.

HeˬByehˇ 9:12

Sehˬ gʼawˆ kʼoeˇ-ahˇ Yeˬsuˇ le uˇ-awˇ, Muiˬ dui shawˇ dui dui-eu Jawˇ duˬ-ahˇ mˬ maˬ maˬ byaˆ zaˇ ziˇ gʼaˇ duˬ tiˬ poˆ uˇ leˇ ngeh, ciꞈ myehꞈ hawˇ-eu mawˇ neˇ-euˬ shiˬ yuˇ ahˇ gʼeh-awˇ lawˇ leˇ-euˬ maˬ ngeuˇ-a. Aˬ yawꞈ-euˬ shiˬ yuˇ ahˇ gʼeh-awˇ, mˬ maˬ maˬ byaˆ zaˇ ziˇ ka kʼoꞈ-eu jeˬ-ahˇ aˬ dui za ni lawˇ leˇ-euˬ jeˬ pyeuꞈ-eu meh.