Doˆ-iˇ 40:2 - Akha

² “Ba la yaw beh siˬ yaw beh nah-ahˇ, Sahˬpaˬ Miˬyehˇ jawˇ-eu Sehˬ gʼawˆ tsoˆ-awˬ.

Doˆ-iˇ 40:2 ပူးပေါင်းရင်းမြစ်များ

1 Laˬsaˬbaˬ 17:5

Iˇsaˬleˬlaˆ tsawˇ jeuˬ-ahˇ, Iˇjiˇtuˆ miˇ kʼahˬ laꞈ kʼoeˇ neh ngaˇ ka kʼoꞈ doˆ nehˬ laꞈ ngeh nah neh iˬ nah keuˆ ni, uˬ duˬ tahˬ nymˇ laꞈ kʼoeˇ ngaˇ maˬ ya jawˇ haw-aˬ siˬ. Sehˬ gʼawˆ laꞈ kʼoeˇ tehꞈ-ehˇ jawˇ jawˇ-ehˇ cah luꞈ-eu ma.

2 Laˬsaˬbaˬ 29:3

Heˬsaˬgiˇ-aˬ, aˬ yawꞈ sahˬ paˬ pyeuꞈ laˇ ngeh kʼoꞈ ba la yaw beh siˬ-ahˇ, Uˬ duˬ tahˬ nymˇ nymˇ ma-euˬ lahˇ kʼehˬ deuˬ paˇ pah-awˇ, laˆ saˆ muiˬ-euˬ meh.

Doˆ-iˇ 13:4

Ba la yaw beh siˬ pyeuꞈ-eu Aˬ biˇ baˬ ba la, aˇ nah heu nah-ahˇ, Iˇjiˇtuˆ miˇ kʼahˬ laꞈ kʼoeˇ neh naw maꞈ ya doˆ le-euˬ meh.

Doˆ-iˇ 19:1

Iˇsaˬleˬlaˆ tsawˇ haˬ deuˬ-aˬ, Leˬpiˇdeˬ lehˇ kuˇ-eu jawˇ duˬ-ahˇ neh doˆ-iˇ-awˇ, Iˇjiˇtuˆ miˇ kʼahˬ-ahˇ neh aˬ yawꞈ maꞈ doˆ le-euˬ ba la smˇ siˬ tiˬ siˬ laꞈ kʼoeˇ uˇ leˇ-euˬ aˇ nah yaw beh nah-ahˇ, Siˇnaˆ bawˇ tsahˬ bawˇ dahˇ laꞈ kʼoeˇ oe keuˆ-euˬ meh. Aˬ yawꞈ maꞈ-aˬ, Siˇnaˆ gawˬ jawˬ dawˬ dahˬ-ahˇ sehˬ gʼawˆ gʼawˆ-awˇ naˬ-euˬ meh.

Doˆ-iˇ 26:1

“Nyoeˇ leuˬ leuˬ-eu, neˇ naˆ naˆ-eu hawˇ-eu neˇ tseuˆ ni gʼeh-eu saˬ kahˇ deuˬ neh zaꞈ taˬ-awˇ, Jeˬluˇbeˬ aˇ baˇ aˇ boꞈ boꞈ taˬ-euˬ shawˇ jehˆ ni gʼeh-eu saˬ paˇ tseˇ dzeh yuˇ-awˇ, Ngaˇ jawˇ-eu gʼaˇ duˬ, muiˬ-eu shawˇ-eu sehˬ gʼawˆ tsoˆ-awˬ.

Doˆ-iˇ 26:30

Gawˬ jawˬ kʼoeˇ taˆ, ngaˬ neh nawˬ-ahˇ mehˬ nehˬ-euˬ loꞈ-ehˇ, sehˬ gʼawˆ tsoˆ-awˬ.

Doˆ-iˇ 26:7

“Sehˬ gʼawˆ-ahˇ joe kaˬ-eu gʼaˇ duˬ, ciꞈ myehꞈ caꞈ hm neh saˬ paˇ tseˇ tiꞈ dzeh zaꞈ-awˬ.

Doˆ-iˇ 27:21

Ngaˇ jawˇ-eu sehˬ gʼawˆ laꞈ kʼoeˇ, dawˬ ma saˇ jaˇ bahˬ keuˆ mehˬ shi gʼeu taw taˬ-euˬ saˬ paˇ paˇ ma-euˬ laꞈ nyiˇ paw, Aˬloˬ hawˇ-eu aˬ yawꞈ-euˬ aˬ li deuˬ tsiˇ kʼmˬ kʼoeˇ ya doꞈ taˬ meh. Ngaˬ-euˬ mehˬ shi, jawˇ duˬ kʼoeˇ tsahˇ-ahˇ, tsiˇ kʼmˬ kʼoeˇ uˬ ciꞈ uˬ bya bya ni ya bi doꞈ meh. Dawˬ heu dawˬ-aˬ, Iˇsaˬleˬlaˆ tsawˇ haˬ deuˬ hawˇ-eu, aˬ kaˇ aˬ yawꞈ maꞈ-euˬ zaˬ deuˬ uˆ deuˬ dawˬ tawˆ luꞈ, mˬ maˬ maˬ byaˆ zaˇ ziˇ ya naˇ haˬ geuꞈ-eu dawˬ pyeuꞈ-eu meh.

Doˆ-iˇ 30:36

Kʼoeˇ loꞈ-ehˇ jahˇ gʼaˬ ngeh, ui cuiˆ yuˇ doˆ-awˇ, kʼaˬ lehˇ loꞈ-ehˇ tahˬ loeˇ-awˬ. Tahˬ loeˇ gʼaˬ-euˬ kʼoeˇ ngaˇ jawˇ-eu sehˬ gʼawˆ laꞈ kʼoeˇ yuˇ laꞈ-awˇ, dawˬ ma saˇ jaˇ bahˬ keuˆ dawˬ peh byaˆ shehˬ-awˬ. Doꞈ damˬ-eu yaw saw jeˬ heu-ahˇ, maˇ maˇ ni muiˬ-eu shawˇ-eu jeˬ loꞈ-ehˇ taˬ huiˬ taˬ mahˇ-awˬ.

Doˆ-iˇ 35:11

Sehˬ gʼawˆ maˬ ehˇ, sehˬ gʼawˆ-ahˇ joe kaˬ-eu jeˬ hawˇ-eu kʼoeˇ taˆ taˆ saˬ tiˆ-ahˇ joe kaˬ-eu jeˬ maˬ ehˇ, kuˆ seuˬ hawˇ-eu teˇ byaꞈ deuˬ maˬ ehˇ, laꞈ law hawˇ-eu kʼawˇ zeuˇ deuˬ maˬ ehˇ,

Doˆ-iˇ 36:18

Saˬ paˇ kʼoeˇ nyiˬ kahˇ tiˬ gaˇ gʼeu tawꞈ-eu gʼaˇ duˬ, guiˬ shuiˇ kuˆ seuˬ ngaˬ tseˇ hmˬ aˬ yawꞈ maꞈ jahˇ-euˬ meh.

Doˆ-iˇ 40:1

Moˇseˬ-ahˇ Sahˬpaˬ Miˬyehˇ heu loꞈ-ehˇ ehˇ nehˬ-euˬ meh.

Doˆ-iˇ 40:6

Miˬ dzaˬ dzah puiˆ-awˇ lawˇ-eu jeˬ lawˇ-eu lawˇ duˬ kʼoeˇ hmˬ, sehˬ gʼawˆ mehˬ shi baꞈ taˬ-awˬ.

Yeˬsaˬgeˬlaˇ 40:1

Yeˬluˇsaˬlehˬ meuˬ bi deuˆ gʼaˬ-euˬ tseˇ oeˬ kʼoꞈ kʼawˆ laˇ-awˇ, nga maꞈ-ahˇ aˬ cawˬ miˇ kʼahˬ-ahˇ bi nyehꞈ gʼeh-awˇ jawˇ luꞈ-eu nyiˬ tseˇ ngaˬ kʼoꞈ tiˬ kʼoꞈ, kʼoꞈ shuiꞈ tseˇ nah-ahˇ, Sahˬpaˬ Miˬyehˇ-euˬ baoˬ ngaˬ-euˬ kʼoeˇ taˆ keuˆ le-awˇ ngaˬ-ahˇ ciˬ gʼeh-euˬ meh.

Yeˬsaˬgeˬlaˇ 45:18

Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ heu loꞈ-ehˇ ehˇ-eu meh. “Ba la yaw beh siˬ aˇ nah yaw beh nah-ahˇ, maˇ byawꞈ maˬ baw-eu mawˇ neˇ mawˇ gaw tiˬ mawˇ lawˇ-awˇ, Uˬ duˬ tahˬ nymˇ nymˇ ma ya shawˇ meh.

Bawˇtsahˬ 1:1

Iˇsaˬleˬlaˆ tsawˇ haˬ deuˬ Iˇjiˇtuˆ miˇ kʼahˬ laꞈ kʼoeˇ neh doˆ le gʼaˬ-awˇ, nyiˬ kʼoꞈ tiˬ kʼoꞈ ba la nyiˬ siˬ tiˬ siˬ aˇ nah yaw beh nah-ahˇ, Siˇnaˆ bawˇ tsahˬ bawˇ dahˇ-ahˇ jaˆ-eu Sahˬpaˬ Miˬyehˇ jawˇ-eu Sehˬ gʼawˆ laꞈ kʼoeˇ, Moˇseˬ-ahˇ Sahˬpaˬ Miˬyehˇ dawˬ ngehˬ cawˬ-euˬ meh. Aˬ yawꞈ ehˇ-eu,

Bawˇtsahˬ 7:1

Sahˬpaˬ Miˬyehˇ jawˇ-eu Sehˬ gʼawˆ Moˇseˬ gʼoˆ tsoꞈ-awˇ tsoˆ gʼaˬ ngeh nah, Sehˬ gʼawˆ hawˇ-eu kʼoeˇ-euˬ keu ka deuˬ-ahˇ maˬ ehˇ, lawˇ duˬ hawˇ-eu kʼoeˇ-euˬ keu ka deuˬ-ahˇ maˬ ehˇ, aˬ yawꞈ tsiˇ lehꞈ nehˬ-euˬ meh.

Bawˇtsahˬ 9:1

Iˇsaˬleˬlaˆ tsawˇ haˬ deuˬ Iˇjiˇtuˆ miˇ kʼahˬ laꞈ kʼoeˇ neh doˆ le-awˇ, nyiˬ kʼoꞈ tiˬ kʼoꞈ ba la yaw beh siˬ-ahˇ, Siˇnaˆ bawˇ tsahˬ bawˇ dahˇ laꞈ kʼoeˇ Moˇseˬ-ahˇ Sahˬpaˬ Miˬyehˇ heu loꞈ-ehˇ ehˇ nehˬ-euˬ meh.

Bawˇtsahˬ 9:15

Sahˬpaˬ Miˬyehˇ jawˇ-eu Sehˬ gʼawˆ gʼoˆ tsoꞈ gʼaˬ ngeh nah, mˬ dmˇ zaꞈ le-awˇ, kʼoeˇ gaˇ dehˬ kaˬ le-euˬ meh. Uˬ ciꞈ ciꞈ le ngeh neh aˇ dahˬ beh -awˇ, uˬ bya bya laˇ ngeh yamˬ-ahˇ keuˆ ni, mˬ dmˇ kʼoeˇ miˬ dzaˬ-ahˇ duˇ-eu meh.