Doˆ-iˇ 40:16 - Akha

¹⁶ Sahˬpaˬ Miˬyehˇ neh dawˬ kʼaˇ biꞈ taˬ-euˬ loꞈ-ehˇ, yawˬ jeˬ na luꞈ-ahˇ Moˇseˬ mˇ-euˬ meh.

Doˆ-iˇ 40:16 ပူးပေါင်းရင်းမြစ်များ

Aˇ dahˬ 6:22

Miˬyehˇ neh kʼaˇ ehˇ nehˬ-euˬ loꞈ-ehˇ Noˇaˬ jahˇ-euˬ meh.

Doˆ-iˇ 40:15

Aˬ yawꞈ maꞈ-euˬ aˬ da-ahˇ tsiˇ lehꞈ nehˬ-euˬ loꞈ-ehˇ, aˬ yawꞈ maꞈ mehˇ nmˇ-ahˇ kʼawꞈ, ngaˬ-euˬ gaˇ mˇ-eu piˇ ma bi geuꞈ-eu gʼaˇ duˬ, tsiˇ lehꞈ nehˬ-awˬ. Aˬ yawꞈ maꞈ-ahˇ kʼoeˇ loꞈ-ehˇ tsiˇ lehꞈ nehˬ-euˬ baˬ da neh, mˬ maˬ maˬ byaˆ zaˇ ziˇ aˬ yawꞈ maꞈ piˇ ma ya geuꞈ tehꞈ-a.”

Doˆ-iˇ 7:6

Sahˬpaˬ Miˬyehˇ aˬ yawꞈ nyaꞈ-ahˇ dawˬ biꞈ nehˬ-euˬ loꞈ-ehˇ, Moˇseˬ hawˇ-eu Aˬloˬ mˇ-euˬ meh.

Iˇsaˬyaˇ 8:20

Aˬ yawꞈ maꞈ-ahˇ naw maꞈ heu loꞈ-ehˇ ehˇ kʼoꞈ nehˬ-awˬ. “Sahˬpaˬ Miˬyehˇ mehˬ nehˬ tsoˆ nehˬ laꞈ-eu jeˬ-ahˇ naˇ haˬ geuꞈ-awˬ. Nyiˇ paˬ shaˆ ma deuˬ ehˇ gaˇ taˬ naˇ haˬ. Aˬ yawꞈ maꞈ neh ehˇ-euˬ jeˬ naw maꞈ gʼaˇ duˬ tiˬ jeˬ-iˬ gaˇ dahˇ maˬ tsoeˬ-a.”

Yeˬlaˬmiˇ 13:5

Kʼoeˇ ngeh, joꞈ paꞈ kʼoeˇ ngaˇ yuˇ gʼeh-awˇ, Uˇpaˬlaˇ lawˇ baˬ dawˬ peh yuˇ zaꞈ taˬ-iˇ-euˬ ma.

Uˬ duˬ 8:13

Kʼoeˇ naˇ, Aˬloˬ-euˬ aˬ li deuˬ-ahˇ, mehˬ shi paw Moˇseˬ kuˇ doˆ-awˇ, pehˇ kʼahˬ bi dm-euˬ meh. Sahˬpaˬ Miˬyehˇ neh dawˬ biꞈ taˬ-euˬ loꞈ-ehˇ joꞈ paꞈ bi paꞈ-awˇ uˬ kʼoˆ bi kʼoˆ-euˬ meh.

Uˬ duˬ 8:21

Kʼoeˇ naˇ, tsahˬ nahˬ uˇ nahˬ baw uˇ baw ma dawˬ tawˆ luꞈ hawˇ-eu, aˬ kuiˇ aˬ laꞈ dawˬ tawˆ luꞈ-ahˇ tsiˬ shawˇ gʼaˬ ngeh, Sahˬpaˬ Miˬyehˇ neh dawˬ biꞈ taˬ-euˬ loꞈ-ehˇ, lawˇ duˬ kʼoeˇ taˆ Moˇseˬ dzah puiˆ-awˇ, miˬ dzaˬ dzah puiˆ-awˇ lawˇ-eu jeˬ Sahˬpaˬ Miˬyehˇ-ahˇ lawˇ nehˬ-euˬ meh. Miˬ dzaˬ dzah puiˆ-awˇ lawˇ-eu kʼoeˇ-aˬ, dzaˬ dzaˬ dawˇ dawˇ lawˇ-eu jeˬ pyeuꞈ-awˇ, kʼoeˇ-euˬ yaw saꞈ-ahˇ Sahˬpaˬ Miˬyehˇ nui ma tsaˬ-eu meh.

Uˬ duˬ 8:9

Aˬ yawꞈ-euˬ uˬ duˬ-ahˇ uˬ dzahˬ bi dzahˬ-awˇ, Sahˬpaˬ Miˬyehˇ neh dawˬ biꞈ taˬ-eu loꞈ-ehˇ, a nehˬ-eu gaˇ taꞈ leˇ-eu muiˬ-eu shawˇ-eu saˇ kiˇ pyeuꞈ-eu muiˬ-eu shawˇ-eu shuiˇ pehˇ gʼawˆ yuˇ-awˇ, uˬ dzahˬ-euˬ mehˬ shi paꞈ tawꞈ nehˬ-euˬ meh.

Bawˇtsahˬ 9:22

Nyiˬ nah myahˇ-eu maˬ ehˇ, ba la tiˬ siˬ myahˇ-eu maˬ ehˇ, tiˬ kʼoꞈ myahˇ-eu maˬ ehˇ, kʼoeˇ myah maˬ tseˇ myahˇ-eu maˬ ehˇ, mˬ dmˇ kʼoeˇ Sehˬ gʼawˆ kʼoeˇ taˆ kʼaˇ naˬ luꞈ kʼoeˇ keuˆ ni, aˬ yawꞈ maꞈ maˬ luˆ-iˇ ni jawˇ-euˬ meh. Ehˇ kʼawꞈ, mˬ dmˇ kʼoeˇ kʼaˇ daˆ leˇ ngeh aˬ yawꞈ maꞈ luˆ-iˇ-euˬ meh.

Maꞈtehˬ 28:20

Ngaˬ neh naw maꞈ-ahˇ dawˬ kʼaˇ biꞈ taˬ-euˬ yawˬ jeˬ na luꞈ, aˬ yawꞈ maꞈ naˇ haˬ-awˇ caw teh ni mehˬ nehˬ tsoˆ nehˬ-awˬ. Miˇ tsaˬ heu aˇ saˬ saˬ ngeh keuˆ ni, naw maꞈ nehˬ-ehˇ aˬ myah luꞈ ngaˇ jawˇ ma.”

1 Gawˇliˬtu 4:2

Zaˬ kʼaˆ tiˬ gʼaˬ-aˬ, yawˬ ha-euˬ baw leˬ-ahˇ saˇ jaˇ maˬ ziꞈ-ehˇ maˬ gʼeh nya-a.

Dawˬmehˬ 12:32

“Ngaˬ neh dawˬ kʼaˇ biꞈ taˬ-euˬ yawˬ jeˬ na luꞈ-ahˇ naw maꞈ mˇ-awˬ. Dawˬ tiˬ dawˬ tehꞈ-ehˇ kʼawꞈ, dawˆ lahˬ-eu maˬ ehˇ, yuˇ teˬ-eu maˬ ehˇ, maˬ ya jahˇ-a.

Dawˬmehˬ 4:1

Iˇsaˬleˬlaˆ tsawˇ haˬ deuˬ-ahˇ Moˇseˬ ehˇ nehˬ-eu, “Naw maꞈ-euˬ aˬ poeˬ aˬ bawˇ deuˬ-euˬ Miˬyehˇ pyeuꞈ-eu Sahˬpaˬ Miˬyehˇ naw maꞈ-ahˇ biꞈ-eu lehˇ lehˬ hmˬ taˬ-euˬ miˇ kʼahˬ-ahˇ naw maꞈ ya jawˇ leˇ ni, ngaˇ naw maꞈ-ahˇ mehˬ nehˬ tsoˆ nehˬ-euˬ zahˇ dawˬ kʼoꞈ dawˬ dawˬ tawˆ luꞈ-ahˇ naw maꞈ naˇ haˬ geuꞈ-awˬ.

HeˬByehˇ 3:2

Moˇseˬ Miˬyehˇ-euˬ nymˇ jiˇ laꞈ kʼoeˇ gaˇ mˇ-euˬ saˇ jaˇ ziꞈ-eu loꞈ-ehˇ, Miˬyehˇ-euˬ gaˇ mˇ-eu gʼaˇ duˬ aˬ yawꞈ-ahˇ tseˇ doˆ-eu gʼaˬ pyeuꞈ-eu Miˬyehˇ-ahˇ aˬ yawꞈ saˇ jaˇ ziꞈ-euˬ meh.

HeˬByehˇ 3:5

Moˇseˬ-aˬ, Miˬyehˇ-euˬ nymˇ jiˇ laꞈ kʼoeˇ zaˬ kʼaˆ geuˬ-euˬ saˇ jaˇ ziꞈ-eu tsawˇ haˬ tiˬ gʼaˬ pyeuꞈ-awˇ, aˬ kaˇ mehˬ hu paw-euˬ gʼaˇ duˬ Miˬyehˇ aˬ geu jeˬ ehˇ-eu lehˇ gʼeh-eu gaˇ kawˆ, tsawˇ haˬ zaˬ-ahˇ aˬ yawꞈ toeˬ mehˬ-euˬ meh.