Doˆ-iˇ 40:14 - Akha

¹⁴ Aˬ yawꞈ-euˬ aˬ li deuˬ sheuˬ laꞈ-awˇ, pehˇ kʼahˬ bi dm-awˬ.

Doˆ-iˇ 40:14 ပူးပေါင်းရင်းမြစ်များ

Doˆ-iˇ 29:8

“Aˬ yawꞈ-euˬ aˬ li deuˬ sheuˬ laꞈ-awˇ, pehˇ kʼahˬ bi dm-awˬ.

Doˆ-iˇ 40:13

Aˬloˬ-ahˇ piˇ ma-euˬ dm gʼaˬ dm lmˇ bi dm-awˇ, tsiˇ lehꞈ nehˬ-awˬ. Ngaˬ-euˬ gaˇ mˇ-eu piˇ ma geuꞈ-eu gʼaˇ duˬ, kʼoeˇ loꞈ-ehˇ jahˇ-awˇ, aˬ yawꞈ-euˬ gʼawˇ mawˇ ngaˬ-ahˇ a nehˬ laꞈ-awˬ.

Doˆ-iˇ 40:15

Aˬ yawꞈ maꞈ-euˬ aˬ da-ahˇ tsiˇ lehꞈ nehˬ-euˬ loꞈ-ehˇ, aˬ yawꞈ maꞈ mehˇ nmˇ-ahˇ kʼawꞈ, ngaˬ-euˬ gaˇ mˇ-eu piˇ ma bi geuꞈ-eu gʼaˇ duˬ, tsiˇ lehꞈ nehˬ-awˬ. Aˬ yawꞈ maꞈ-ahˇ kʼoeˇ loꞈ-ehˇ tsiˇ lehꞈ nehˬ-euˬ baˬ da neh, mˬ maˬ maˬ byaˆ zaˇ ziˇ aˬ yawꞈ maꞈ piˇ ma ya geuꞈ tehꞈ-a.”

Iˇsaˬyaˇ 61:10

Sahˬpaˬ Miˬyehˇ mˇ-euˬ gaˇ-ahˇ, Yeˬluˇsaˬlehˬ meuˬ laˬ kʼaˬ cehˇ-eu meh. Yeˬluˇsaˬlehˬ meuˬ-euˬ muiˬ-eu aˇ gʼehˇ, oeˇ mˇ baˇ-eu mehˬ tsoeˬ dm-euˬ zaˬ miˬ-ahˇ duˇ-eu meh. Ka kʼoꞈ-eu jeˬ hawˇ-eu gʼaˬ leˇ-eu jeˬ, Miˬyehˇ aˬ yawꞈ-ahˇ bi dm taˬ-euˬ meh.

Uˬ duˬ 8:13

Kʼoeˇ naˇ, Aˬloˬ-euˬ aˬ li deuˬ-ahˇ, mehˬ shi paw Moˇseˬ kuˇ doˆ-awˇ, pehˇ kʼahˬ bi dm-euˬ meh. Sahˬpaˬ Miˬyehˇ neh dawˬ biꞈ taˬ-euˬ loꞈ-ehˇ joꞈ paꞈ bi paꞈ-awˇ uˬ kʼoˆ bi kʼoˆ-euˬ meh.

Yoˇhaˬ 1:16

Aˬ yawꞈ laꞈ kʼoeˇ gʼawˬ shaˬ gaˬ-eu jeˬ tiˬ byah ni ahˇ-awˇ, aˬ dui-ahˇ guiˬ lahˬ tiˬ jeˬ saˇ-iˬ tiˬ jeˬ biꞈ laꞈ luꞈ-eu meh.

Lormav 13:14

Aˬ dui-euˬ guiˇ deuˆ-eu keu ka pyeuꞈ-eu Yeˬsuˇ Ka li-ahˇ dm-awˇ, shiˬ shaˬ jiˇ-euˬ nui loˆ maˬ paˇ poˆ ni, shiˬ shaˬ jiˇ nui kʼahˇ jaˆ-eu jeˬ-ahˇ byehˇ dzeh yaꞈ jiˇ kaˇ-euˇ.

Lormav 8:30

Aˬ yawꞈ neh sheuˬ ceuˆ doˆ taˬ-euˬ tsawˇ haˬ deuˬ-ahˇ aˬ yawꞈ kuˇ-euˬ meh. Aˬ yawꞈ neh kuˇ-euˬ tsawˇ haˬ deuˬ aˬ yawꞈ-ahˇ tsaˬ leˇ tsahˇ leˇ nya ni aˬ yawꞈ jahˇ-euˬ meh. Aˬ yawꞈ-ahˇ tsaˬ leˇ tsahˇ leˇ gʼaˬ-euˬ tsawˇ haˬ deuˬ-ahˇ aˬ yawꞈ-euˬ yaw shehꞈ kʼahˬ sehˇ biꞈ nehˬ-euˬ meh.

1 Gawˇliˬtu 1:30

Ehˇ kʼawꞈ, naw maꞈ-ahˇ-aˬ, Yeˬsuˇ Ka li-ahˇ bi tsoꞈ taꞈ-eu gʼaˇ duˬ Miˬyehˇ mˇ-awˇ, Ka li-aˬ aˬ dui-euˬ zaˬ siˬ tsawˇ gahˇ pyeuꞈ ni Miˬyehˇ jahˇ-euˬ meh. Ka li baˬ da neh Miˬyehˇ-ahˇ aˬ dui tsaˬ leˇ tsahˇ leˇ-awˇ, Miˬyehˇ-euˬ muiˬ-eu shawˇ-eu tsawˇ haˬ pyeuꞈ laˇ-awˇ, iˬ baˇ-ahˇ buˬ-iˇ law-iˇ gʼaˬ-euˬ ma.

1 Gawˇliˬtu 1:9

Aˬ dui-euˬ Sahˬpaˬ pyeuꞈ-eu aˬ yawꞈ-euˬ Zaˬmaˇ Yeˬsuˇ Ka li-ahˇ taꞈ leˇ nya ni naw maꞈ-ahˇ kuˇ doˆ-euˬ Miˬyehˇ-aˬ, saˇ jaˇ ziꞈ-eu Miˬyehˇ pyeuꞈ-eu meh.