Doˆ-iˇ 4:23 - Akha23 Ngaˬ-ahˇ uˬ duˬ bi tahˬ laˇ-eu gʼaˇ duˬ, ngaˬ li-ahˇ pyehˬ nehˬ-awˬ lehˇ, ngaˇ nawˬ-ahˇ ehˇ-euˬ kʼawꞈ, nawˇ maˬ pyehˬ nehˬ-eu miˇ neh, nymˬ-mˇ ngaˇ nawˬ-euˬ aˬ li aˬ yuiꞈ yuiꞈ saˬ gʼaˬ-ahˇ sehꞈ-eu lehˇ gʼeh-eu ma’ lehˇ ehˇ nehˬ-awˬ.” အခန်းကိုကြည့်ပါ။ |
Doˆ-iˇ 4:23
22 ပူးပေါင်းရင်းမြစ်များ
Kʼoeˇ naˇ, Moˇseˬ hawˇ-eu Aˬloˬ aˬ nyaꞈ sahˬ paˬ kʼoeˇ gʼaˬ jawˇ gaˇ iˇ-awˇ, heu loꞈ-ehˇ ehˇ nehˬ-euˬ meh. “Heˬbyehˇ tsawˇ haˬ-euˬ Miˬyehˇ pyeuꞈ-eu Sahˬpaˬ Miˬyehˇ ehˇ-eu, ‘Aˇ myah keuˆ ni nawˇ ngaˬ-euˬ laꞈ oꞈ maˬ awꞈ-ehˇ, nui ma gʼahˇ-eu gʼeh te. Ngaˬ-ahˇ uˬ duˬ bi tahˬ laˇ-eu gʼaˇ duˬ, ngaˬ-euˬ tsawˇ haˬ deuˬ-ahˇ pyehˬ nehˬ-awˬ.
Kʼoeˇ ngeh, Iˇjiˇtuˆ miˇ kʼahˬ laꞈ kʼoeˇ kʼaˇ jawˇ-eu dehꞈ beh beh le-euˬ aˬ li aˬ yuiꞈ deuˬ shiˇ jiˇ tehꞈ-a. Sahˬ paˬ geuꞈ-eu gʼaˇ duˬ, sahˬ paˬ-euˬ jeˬ biˇ ya gʼaˬ-euˬ sahˬ paˬ-euˬ aˬ li-ahˇ neh, cehˇ tahˬ tahˬ-eu zaˬ miˬ zaˬ zaˬ kʼaˆ-euˬ aˬ li-ahˇ keuˆ ni, ya shiˇ tehꞈ-a. Jeˬ zaˬ deuˬ laꞈ kʼoeˇ kʼawꞈ, dehꞈ beh beh le-euˬ deuˬ ya shiˇ tehꞈ-a.
Uˬ ciꞈ sehˇ gʼahˇ ceh laˇ ngeh, sahˬ paˬ geuꞈ-eu gʼaˇ duˬ jeˬ biˇ oꞈ-eu sahˬ paˬ-euˬ aˬ li-ahˇ neh, paꞈ kuˆ-ahˇ uˇ luꞈ-eu tsawˇ haˬ-euˬ aˬ li-ahˇ keuˆ ni, Iˇjiˇtuˆ miˇ kʼahˬ laꞈ kʼoeˇ kʼaˇ jawˇ-eu dehꞈ beh beh le-euˬ aˬ li aˬ yuiꞈ deuˬ shiˇ jiˇ-euˬ meh. Jeˬ zaˬ deuˬ laꞈ kʼoeˇ dehꞈ beh beh le-euˬ deuˬ kʼawꞈ, shiˇ jiˇ-euˬ meh.
Iˇjiˇtuˆ sahˬ paˬ nui ma gʼahˇ-awˇ, nga maꞈ-ahˇ maˬ pyehˬ nehˬ laꞈ ni jawˇ ngeh, Iˇjiˇtuˆ miˇ kʼahˬ laꞈ kʼoeˇ, dehꞈ beh beh le-euˬ aˬ li aˬ yuiꞈ deuˬ-ahˇ, Sahˬpaˬ Miˬyehˇ sehꞈ-euˬ meh. Jeˬ zaˬ deuˬ laꞈ kʼoeˇ dehꞈ beh beh le-euˬ aˬ buˬ deuˬ-ahˇ kʼawꞈ, aˬ yawꞈ sehꞈ-euˬ meh. Kʼoeˇ miˇ neh, dehꞈ beh beh le-euˬ jeˬ zaˬ aˬ buˬ deuˬ Sahˬpaˬ Miˬyehˇ-ahˇ aˬ dui ya lawˇ nehˬ-awˇ, dehꞈ beh beh le-euˬ aˬ li aˬ yuiꞈ deuˬ-ahˇ aˬ dui ya zeuˇ kʼoꞈ geuꞈ-eu meh.
Iˇsaˬleˬlaˆ tsawˇ haˬ-ahˇ ka kʼoꞈ-eu gʼaˇ duˬ, Iˇjiˇtuˆ sahˬ paˬ hawˇ-eu aˬ yawꞈ-euˬ tsawˇ haˬ deuˬ-ahˇ, Sahˬpaˬ Miˬyehˇ neh kʼaˇ mˇ nehˬ-euˬ jeˬ dawˬ tawˆ luꞈ, Yeˬdaˬyoˇ-ahˇ Moˇseˬ dzawˇ mehˬ nehˬ-euˬ meh. Iˇsaˬleˬlaˆ tsawˇ haˬ deuˬ gaˇ pehˇ-ahˇ ya tahˬ puˬ yaꞈ-euˬ shaˬ-eu zahˬ-eu jeˬ hawˇ-eu, Sahˬpaˬ Miˬyehˇ aˬ yawꞈ maꞈ-ahˇ aˬ joˆ-ehˇ ka kʼoꞈ nehˬ-euˬ gaˇ kawˆ deuˬ kʼawꞈ dzawˇ mehˬ nehˬ-euˬ meh.
“Nawˬ neh kʼaˇ ehˇ-euˬ jeˬ-ahˇ, ngaˬ-euˬ tsawˇ haˬ deuˬ naˇ haˬ tehꞈ-a. Kʼoeˇ naˇ, Iˇsaˬleˬlaˆ tsawˇ haˬ aˬ yuiꞈ aˬ tsu deuˬ nehˬ-ehˇ, Iˇjiˇtuˆ sahˬ paˬ jawˇ gaˇ nawˇ iˇ-awˇ, heu loꞈ-ehˇ ehˇ nehˬ-iˇ-awˬ. ‘Heˬbyehˇ tsawˇ haˬ deuˬ-euˬ Sahˬpaˬ Miˬyehˇ nga maꞈ-ahˇ pah mehˬ le-euˬ meh. Bawˇ tsahˬ bawˇ dahˇ-ahˇ nga maꞈ iˇ-awˇ, nga maꞈ-euˬ Sahˬpaˬ Miˬyehˇ-ahˇ lawˇ-eu shehˇ-eu gʼaˇ duˬ, nga maꞈ-ahˇ aˇ yamˬ smˬ nah biꞈ nehˬ laꞈ’ lehˇ ehˇ nehˬ-awˬ.
Kʼoeˇ naˇ, Moˇseˬ hawˇ-eu Aˬloˬ aˬ nyaꞈ Iˇjiˇtuˆ sahˬ paˬ jawˇ gaˇ iˇ-awˇ, heu loꞈ-ehˇ ehˇ nehˬ-euˬ meh. “ ‘Bawˇ tsahˬ bawˇ dahˇ laꞈ kʼoeˇ iˇ-awˇ, ngaˬ-ahˇ taˬ huiˬ taˬ mahˇ-eu bawˬ-iˬ jahˇ-eu gʼaˇ duˬ, ngaˬ-euˬ tsawˇ haˬ deuˬ-ahˇ pyehˬ nehˬ-awˬ’ lehˇ, Iˇsaˬleˬlaˆ tsawˇ haˬ-euˬ Sahˬpaˬ Miˬyehˇ nawˬ-ahˇ ehˇ-eu meh.”
Kʼoeˇ naˇ, sahˬ paˬ kʼoeˇ gʼaˬ-ahˇ heu loꞈ-ehˇ ehˇ nehˬ-awˬ. ‘Heˬbyehˇ tsawˇ haˬ-euˬ Miˬyehˇ pyeuꞈ-eu Sahˬpaˬ Miˬyehˇ ngaˬ-ahˇ kʼehˇ gʼeh leꞈ-awˇ, bawˇ tsahˬ bawˇ dahˇ-ahˇ aˬ yawꞈ-ahˇ uˬ duˬ bi tahˬ laˇ-eu gʼaˇ duˬ, aˬ yawꞈ-euˬ tsawˇ haˬ deuˬ-ahˇ pyehˬ nehˬ-awˬ lehˇ bi ehˇ le-euˬ meh. Ehˇ kʼawꞈ, iˬ nah keuˆ ni nawˇ maˬ naˇ haˬ ni jawˇ-eu meh.
Kʼoeˇ naˇ, Moˇseˬ-ahˇ Sahˬpaˬ Miˬyehˇ heu loꞈ-ehˇ ehˇ nehˬ-euˬ meh. “Ni shawˬ uˬ shawˬ yaw naꞈ-ehˇ, sahˬ paˬ kʼoeˇ gʼaˬ lawˇ baˬ-ahˇ oe ngeh, aˬ yawꞈ-ahˇ tahˬ puˬ-iˇ-awˬ. Sahˬpaˬ Miˬyehˇ heu loꞈ-ehˇ ehˇ-eu meh lehˇ ehˇ nehˬ-iˇ-awˬ. ‘Ngaˬ-euˬ tsawˇ haˬ deuˬ ngaˬ-ahˇ uˬ duˬ ya tahˬ ni, aˬ yawꞈ maꞈ-ahˇ pyehˬ nehˬ-awˬ.
ကြော်ငြာတွေ