Doˆ-iˇ 4:21 - Akha

²¹ Moˇseˬ-ahˇ Sahˬpaˬ Miˬyehˇ ehˇ nehˬ-eu, “Iˇjiˇtuˆ miˇ kʼahˬ-ahˇ nawˇ gʼoꞈ keuˆ-iˇ ngeh, ngaˬ neh nawˬ-ahˇ baoˬ biꞈ nehˬ-awˇ bi mˇ-euˬ zahˬ leˇ paˬ-ehˇ gʼeh-eu jeˬ, sahˬ paˬ mehˬ shi maˬ ngehˇ ni mˇ mehˬ nehˬ-awˬ. Ehˇ kʼawꞈ, sahˬ paˬ kʼoeˇ gʼaˬ Iˇsaˬleˬlaˆ tsawˇ haˬ deuˬ-ahˇ maˬ pyehˬ nehˬ ni nui ma gʼahˇ laˇ-eu gʼaˇ duˬ ngaˇ jahˇ nehˬ ma.

Doˆ-iˇ 4:21 ပူးပေါင်းရင်းမြစ်များ

Aˇ dahˬ 6:3

Kʼoeˇ ngeh, Sahˬpaˬ Miˬyehˇ heu loꞈ-ehˇ ehˇ-eu meh. “Tsawˇ haˬ zaˬ-ahˇ aˇ kʼoꞈ gʼawˬ myahˇ ni maˬ paˇ bi dehꞈ ma. Aˬ yawꞈ maꞈ-aˬ, gʼawˬ myahˇ ni maˬ gmˬ-eu shiˬ shaˬ jiˇ gʼawˇ mawˇ pyeuꞈ-eu meh. Aˬ kaˇ naˇ, aˬ yawꞈ maꞈ-ahˇ tiˬ yaˇ nyiˬ tseˇ kʼoꞈ taꞈ-ehˇ maˬ paˇ bi dehꞈ dzehˬ ma.”

1 Sahˬpaˬ 22:22

Nawˇ aˬ joˆ-ehˇ mehˇ shuiˇ shuiˇ-eu gʼeh te lehˇ Sahˬpaˬ Miˬyehˇ naˇ haˬ ngeh, ‘Ngaˇ iˇ-awˇ, Aˬhaˆ-ahˇ Miˬyehˇ gʼaˇ duˬ kʼaˇ ngehˬ dah nehˬ-eu deuˬ jaˬ myawꞈ myawꞈ ni jahˇ-iˇ ma’ lehˇ, yaw sahˇ kʼoeˇ sahˇ ehˇ kʼoꞈ nehˬ-euˬ meh. Sahˬpaˬ Miˬyehˇ gʼeh, ‘Iˇ-awˇ mehˇ shuiˇ shuiˇ haw-iˇ-awˬ. Shuiˇ tawˆ nya-eu baw le’ lehˇ ehˇ-eu meh.

Jaceuq 105:25

Iˇjiˇtuˆ tsawˇ haˬ deuˬ aˬ yawꞈ-euˬ tsawˇ haˬ deuˬ-ahˇ bye ni aˬ yawꞈ jahˇ-awˇ, aˬ yawꞈ-euˬ zaˬ kʼaˆ deuˬ kʼoeˇ taˆ smˇ kʼaˆ bi kʼaˆ-euˬ meh.

Jaceuq 78:43

Iˇjiˇtuˆ miˇ kʼahˬ Zoˇnaˆ deh ga-ahˇ, aˬ yawꞈ neh mˇ mehˬ-euˬ zahˬ leˇ paˬ-ehˇ gʼeh-eu huiˬ-eu gaˇ-ahˇ kʼawꞈ, aˬ yawꞈ maꞈ ngehˇ byoˆ jiˇ-euˬ meh.

Doˆ-iˇ 10:1

Kʼoeˇ naˇ, Moˇseˬ-ahˇ Sahˬpaˬ Miˬyehˇ ehˇ nehˬ-eu, “Sahˬ paˬ kʼoeˇ gʼaˬ jawˇ gaˇ iˇ-awˬ. Zahˬ leˇ paˬ-ehˇ gʼeh-eu gaˇ heu deuˬ Iˇjiˇtuˆ tsawˇ haˬ deuˬ-ahˇ ngaˇ ya mˇ mehˬ nehˬ ni maˬ ehˇ,

Doˆ-iˇ 10:20

Ehˇ kʼawꞈ, sahˬ paˬ kʼoeˇ gʼaˬ-ahˇ Sahˬpaˬ Miˬyehˇ neh nui ma bi gʼahˇ-awˇ, sahˬ paˬ kʼoeˇ gʼaˬ Iˇsaˬleˬlaˆ tsawˇ haˬ-ahˇ maˬ pyehˬ nehˬ ni jawˇ-euˬ meh.

Doˆ-iˇ 10:27

Sahˬ paˬ kʼoeˇ gʼaˬ-ahˇ Sahˬpaˬ Miˬyehˇ nui ma bi gʼahˇ-awˇ, sahˬ paˬ kʼoeˇ gʼaˬ Iˇsaˬleˬlaˆ tsawˇ haˬ deuˬ-ahˇ maˬ pyehˬ nehˬ ni jawˇ-euˬ meh.

Doˆ-iˇ 11:10

Zahˬ leˇ paˬ-ehˇ gʼeh-eu heu deuˬ dawˬ tawˆ luꞈ, sahˬ paˬ kʼoeˇ gʼaˬ-euˬ mehˬ shi Moˇseˬ hawˇ-eu Aˬloˬ mˇ mehˬ nehˬ-euˬ meh. Ehˇ kʼawꞈ, sahˬ paˬ kʼoeˇ gʼaˬ nui ma gʼahˇ ni, Sahˬpaˬ Miˬyehˇ neh jahˇ nehˬ-awˇ, Iˇsaˬleˬlaˆ tsawˇ haˬ deuˬ-ahˇ aˬ yawꞈ-euˬ miˇ kʼahˬ laꞈ kʼoeˇ neh, sahˬ paˬ kʼoeˇ gʼaˬ maˬ bi doˆ-iˇ-a.

Doˆ-iˇ 11:9

“Zahˬ leˇ paˬ-ehˇ gʼeh-eu jeˬ Iˇjiˇtuˆ miˇ kʼahˬ kʼoeˇ taˆ paˇ bi keuˆ le ni, sahˬ paˬ kʼoeˇ gʼaˬ nawˬ-euˬ ehˇ dawˬ maˬ naˇ haˬ-ehˇ jawˇ tehꞈ-a” lehˇ, Moˇseˬ-ahˇ Sahˬpaˬ Miˬyehˇ ehˇ nehˬ taˬ-euˬ meh.

Doˆ-iˇ 14:17

Iˇjiˇtuˆ tsawˇ haˬ deuˬ-ahˇ ngaˇ nui ma bi gʼahˇ dui dui laˇ-awˇ, aˬ yawꞈ maꞈ kʼawꞈ, Iˇsaˬleˬlaˆ tsawˇ haˬ deuˬ mehˬ nah caw teh uˇ gʼeh leꞈ tehꞈ-a. Kʼoeˇ ngeh, sahˬ paˬ kʼoeˇ gʼaˬ kʼoeˇ taˆ maˬ ehˇ, aˬ yawꞈ-euˬ guiˇ maꞈ kʼoeˇ taˆ maˬ ehˇ, aˬ yawꞈ-euˬ mahˬ laˆ lawˬ deuˬ kʼoeˇ taˆ maˬ ehˇ, mahˬ laˆ lawˬ teh-eu tsawˇ haˬ deuˬ kʼoeˇ taˆ maˬ ehˇ, ngaˇ guiˇ deuˆ gʼaˬ-awˇ, aˬ cawˬ ngaˬ-ahˇ taˬ huiˬ taˬ mahˇ tehꞈ-a.

Doˆ-iˇ 14:4

Aˬ yawꞈ-ahˇ ngaˇ nui ma bi gʼahˇ-awˇ, naw maꞈ-euˬ mehˬ nah bi caw teh ma. Sahˬ paˬ kʼoeˇ gʼaˬ hawˇ-eu aˬ yawꞈ-euˬ guiˇ maꞈ deuˬ-ahˇ ngaˇ guiˇ deuˆ gʼaˬ ngeh, aˬ cawˬ ngaˬ-ahˇ taˬ huiˬ taˬ mahˇ tehꞈ-a. Kʼoeˇ ngeh, ngaˇ Sahˬpaˬ Miˬyehˇ pyeuꞈ-eu gaˇ, Iˇjiˇtuˆ tsawˇ haˬ deuˬ ya siˬ tehꞈ-a.” Iˇsaˬleˬlaˆ tsawˇ haˬ deuˬ-aˬ, aˬ yawꞈ maꞈ-ahˇ kʼaˇ ehˇ nehˬ-euˬ loꞈ-ehˇ mˇ-euˬ meh.

Doˆ-iˇ 14:8

Sahˬ paˬ kʼoeˇ gʼaˬ-ahˇ Sahˬpaˬ Miˬyehˇ nui ma bi gʼahˇ-awˇ, tiˬ jeˬ-ahˇ-iˬ kʼahˬ maˬ lahˇ ni doˆ-iˇ luꞈ-eu Iˇsaˬleˬlaˆ tsawˇ haˬ deuˬ-euˬ mehˬ nah aˬ yawꞈ caw teh-euˬ meh.

Doˆ-iˇ 3:19

Maˬ bi iˇ-ehˇ maˬ gʼeh nya ni maˬ pyeuꞈ laˇ kʼoeˇ keuˆ ni, Iˇjiˇtuˆ sahˬ paˬ naw maꞈ-ahˇ maˬ bi iˇ nehꞈ laꞈ ni piˬ lahˇ tehꞈ-a lehˇ ngaˇ siˬ nya ma.

Doˆ-iˇ 3:20

Ehˇ kʼawꞈ, baoˬ zmˬ-awˇ, guˆ laˇ paˬ-ehˇ gʼeh-eu jeˬ mˇ-eu laꞈ kʼoeˇ, Iˇjiˇtuˆ miˇ kʼahˬ-ahˇ ngaˇ kʼehˬ nehˬ ma. Kʼoeˇ ngeh, aˬ yawꞈ naw maꞈ-ahˇ pyehˬ nehˬ laꞈ tehꞈ-a.

Doˆ-iˇ 7:13

Ehˇ kʼawꞈ, Sahˬpaˬ Miˬyehˇ neh ehˇ taˬ-euˬ loꞈ-ehˇ, sahˬ paˬ kʼoeˇ gʼaˬ nui ma gʼahˇ-awˇ, Moˇseˬ hawˇ-eu Aˬloˬ-euˬ ehˇ dawˬ-ahˇ maˬ naˇ haˬ ni jawˇ-euˬ meh.

Doˆ-iˇ 7:3

Ehˇ kʼawꞈ, sahˬ paˬ kʼoeˇ gʼaˬ nui ma gʼahˇ ni ngaˇ jahˇ nehˬ-awˇ, Iˇjiˇtuˆ miˇ kʼahˬ kʼoeˇ taˆ guˆ dui dui laˇ paˬ-ehˇ gʼeh-eu gʼawˬ mya jeˬ ngaˇ bi keuˆ le kʼawꞈ, naw nyaꞈ-euˬ ehˇ dawˬ-ahˇ aˬ yawꞈ maˬ naˇ haˬ ni jawˇ tehꞈ-a.

Doˆ-iˇ 8:11

Nawˬ-euˬ gʼawˇ mawˇ maˬ ehˇ, nawˬ-euˬ gaˇ mˇ-eu yaw huiˬ yaw mahˇ deuˬ maˬ ehˇ, nawˬ-euˬ miˇ kʼahˬ zaˬ deuˬ maˬ ehˇ, kʼaˬ paˬ bahˬ gʼa gaˇ ya buˬ-iˇ-awˇ, Niˬlaˇ lawˇ baˬ laꞈ kʼoeˇ maˬ ngeuˇ naˇ, kʼaˬ paˬ tiˬ gaˇ-iˬ maˬ paˇ jawˇ ni pyeuꞈ-iˇ tehꞈ-a” lehˇ, sahˬ paˬ kʼoeˇ gʼaˬ-ahˇ ehˇ nehˬ-euˬ meh.

Doˆ-iˇ 8:15

Kʼaˬ paˬ kʼoeˇ deuˬ shiˇ jiˇ-euˬ gaˇ sahˬ paˬ kʼoeˇ gʼaˬ ya mawˇ ngeh, Sahˬpaˬ Miˬyehˇ neh ehˇ taˬ-euˬ loꞈ-ehˇ, aˬ yawꞈ-euˬ nui ma paˇ gʼahˇ laˇ-awˇ, Moˇseˬ hawˇ-eu Aˬloˬ-euˬ ehˇ dawˬ maˬ naˇ haˬ ni pyeuꞈ-iˇ-euˬ meh.

Doˆ-iˇ 8:32

Kʼoeˇ ngeh poˆ jawˇ kʼawꞈ, sahˬ paˬ kʼoeˇ gʼaˬ nui ma paˇ gʼahˇ laˇ-awˇ, Iˇsaˬleˬlaˆ tsawˇ haˬ-ahˇ maˬ pyehˬ nehˬ ni jawˇ-euˬ meh.

Doˆ-iˇ 9:12

Ehˇ kʼawꞈ, Sahˬpaˬ Miˬyehˇ neh ehˇ taˬ-euˬ loꞈ-ehˇ, sahˬ paˬ kʼoeˇ gʼaˬ-ahˇ Sahˬpaˬ Miˬyehˇ nui ma bi gʼahˇ-awˇ, Moˇseˬ hawˇ-eu Aˬloˬ-euˬ ehˇ dawˬ maˬ naˇ haˬ ni jawˇ-euˬ meh.

Doˆ-iˇ 9:35

Moˇseˬ-ahˇ gʼoe-awˇ Sahˬpaˬ Miˬyehˇ neh ehˇ taˬ-euˬ loꞈ-ehˇ, sahˬ paˬ kʼoeˇ gʼaˬ Iˇsaˬleˬlaˆ tsawˇ haˬ-ahˇ maˬ pyehˬ nehˬ ni, kʼoeˇ loꞈ-ehˇ jawˇ-euˬ meh.

Iˇsaˬyaˇ 6:10

Tsawˇ haˬ heu deuˬ nui ma bi gʼahˇ-awˇ, naˬ bawˇ bi tuˇ-eu uˬ taꞈ, myaˆ nuiˆ laˆ behꞈ nehˬ-awˬ. Toˆ-ehˇ maˬ ngeuˇ naˇ, aˬ yawꞈ maꞈ myaˆ nuiˆ haw mawˇ nya-awˇ, naˬ bawˇ gaˬ leˇ-eu uˬ taꞈ, aˬ yawꞈ maꞈ-euˬ nui ma gʼoˆ shaw geuꞈ nya-eu miˇ neh, ngaˇ jawˇ gaˇ gʼoꞈ kʼoꞈ laˇ-awˇ, naˇ gawˇ taˬ leˇ tehꞈ-a.”

Iˇsaˬyaˇ 63:17

Aˬ jeˬ miˇ neh nawˇ nga maꞈ-ahˇ, nawˬ-euˬ gaˇ ma-ahˇ bi cah gʼawˬ laꞈ te. Aˬ jeˬ miˇ neh nga maꞈ nawˬ-ahˇ byehˇ ni, nga maꞈ-ahˇ nui ma bi gʼahˇ te. Nawˬ-euˬ gaˇ mˇ-eu deuˬ-euˬ myaˆ pyawˬ-ahˇ haw-awˇ, nawˬ-euˬ tsawˇ jeuˬ pyeuꞈ-eu tsawˇ haˬ deuˬ-ahˇ haw-awˇ, nga maꞈ jawˇ gaˇ gʼoꞈ kʼoꞈ le-awˬ.

Yoˇhaˬ 12:40

“Tsawˇ haˬ heu deuˬ nui ma gʼahˇ-awˇ, naˬ bawˇ yaw tuˇ bi tuˇ laˇ-awˇ, myaˆ nuiˆ myaˆ behꞈ laˆ behꞈ nehˬ-awˬ. Kʼoeˇ loꞈ-ehˇ maˬ jahˇ nehˬ taˬ naˇ, yawꞈ maꞈ myaˆ nuiˆ haw mawˇ nya-awˇ, naˬ bawˇ gaˬ nya laˇ-eu uˬ taꞈ, nui ma gʼoˆ shaw nya-eu miˇ neh, ngaˇ jawˇ paw paˇ gʼoꞈ kʼoꞈ laˇ-awˇ, naˇ gawˇ bi yaˇ taˬ laˇ tehꞈ-a.”

Lormav 1:28

Miˬyehˇ gaˇ kawˆ dawˇ coe ni siˬ nya taˬ paˬ-ehˇ gʼeh-eu jeˬ-ahˇ aˬ yawꞈ maꞈ maˬ shaˇ noeˬ-eu baˬ da neh, aˬ yawꞈ maꞈ maˬ mˇ kʼmˬ-eu jeˬ mˇ ni, bahˬ dui jawꞈ dui dui-eu jeˬ mˇ-eu nui ma jaˆ gaˇ, Miˬyehˇ neh aˬ yawꞈ maꞈ-ahˇ a dzeh nehˬ-euˬ meh.

Lormav 9:18

Kʼoeˇ miˇ neh, Miˬyehˇ-aˬ, aˬ yawꞈ gʼawˬ shaˬ gaˬ mawꞈ-eu tsawˇ haˬ-ahˇ gʼaw shaˬ gaˬ-awˇ, aˬ yawꞈ nui ma bi gʼahˇ mawꞈ-eu tsawˇ haˬ-ahˇ nui ma bi gʼahˇ-eu meh.

2 Gawˇliˬtu 2:16

Piˬ-iˇ byoˆ-iˇ luꞈ-eu deuˬ gʼaˇ duˬ-aˬ, bi shiˇ-eu yaw buꞈ behꞈ laꞈ gaˇ duˇ-awˇ, ka kʼoꞈ-eu jeˬ za gʼaˬ-euˬ deuˬ gʼaˇ duˬ-aˬ, bi dehꞈ laˇ-eu yaw saw jeˬ-ahˇ duˇ-eu meh. Heu loꞈ-ehˇ gʼeh-eu gaˇ mˇ nya-eu aˬ suˇ gʼaˬ jawˇ ta.

Dawˬmehˬ 2:36

Aˬnoˬ lawˇ baˬ gawˆ mehˇ paw, deh kʼawꞈ mehˬ dzaˬ-ahˇ jaˆ-eu Aˬyawˬ meuˬ-ahˇ neh, deh kʼawꞈ gʼahˇ ceh jaˆ-eu meuˬ hawˇ-eu Giˇlaˆ meuˬ-ahˇ doˆ ni, aˬ dui-euˬ Miˬyehˇ pyeuꞈ-eu Sahˬpaˬ Miˬyehˇ aˬ dui-ahˇ bi deuˆ gʼaˬ laꞈ-euˬ meh. Aˬ dui maꞈ maˬ deuˆ uˇ gʼeh nya-eu meuˬ meuˬ lahˇ tiˬ lahˇ-iˬ maˬ jaˆ-aˬ.

Yawˇshuˆ 11:20

Moˇseˬ-ahˇ Sahˬpaˬ Miˬyehˇ dawˬ biꞈ taˬ-euˬ loꞈ-ehˇ, tsawˇ jeuˬ kʼoeˇ deuˬ-ahˇ geuꞈ-eu jeˬ maˬ ahˇ ni bi laˆ luˬ bi laˆ seˇ jiˇ-awˇ, gʼawˬ shaˬ maˬ gaˬ nehˬ ni bi sehꞈ jiˇ-eu gʼaˇ duˬ, Iˇsaˬleˬlaˆ tsawˇ haˬ deuˬ-ahˇ aˬ yawꞈ maꞈ maˬ guˆ-ehˇ guiˇ deuˆ peuˬ ni, aˬ yawꞈ maꞈ-euˬ nui ma gʼahˇ laˇ ni Sahˬpaˬ Miˬyehˇ jahˇ-euˬ meh.

1 Beˬtuˆluˆ 2:8

Jaˇliꞈ laꞈ kʼoeˇ heu loꞈ-ehˇ paˇ ehˇ taˬ-euˬ jaˆ-eu meh. “Tsawˇ haˬ zaˬ sahˬ tiꞈ bi tiꞈ-awˇ, bi coˬ dzeh-iˇ-eu kʼaˬ lo meh.” Miˬyehˇ dawˬ kawˬ-ahˇ aˬ yawꞈ maꞈ maˬ jah-eu baˬ da neh, aˬ yawꞈ maꞈ sahˬ tiˬ tiꞈ-eu meh. A yawꞈ maꞈ sahˬ tiˬ tiꞈ-eu kʼoeˇ-aˬ, Miˬyehˇ aˇ hu ba neh lehˬ hmˬ taˬ-euˬ jeˬ pyeuꞈ-eu meh.