Doˆ-iˇ 4:2 - Akha

² “Nawˇ aˬ jeˬ tuˆ tehˬ luꞈ te” lehˇ, Moˇseˬ-ahˇ Sahˬpaˬ Miˬyehˇ naˇ haˬ ngeh, “Gawˬ yoeˬ tiˬ hmˬ tuˆ tehˬ luꞈ-eu ma” lehˇ, Moˇseˬ ehˇ kʼoꞈ nehˬ-euˬ meh.

Doˆ-iˇ 4:2 ပူးပေါင်းရင်းမြစ်များ

Aˇ dahˬ 30:37

Yaˬkoˆ-aˬ, pawˇpaˬlaˬ, aˬlaˬmoˬ, paˬlaˬneˬ lehˇ kuˇ-eu aˇ bawˇ smˇ jeˬ-euˬ uˬ laꞈ yaw jmˬ deuˆ-awˇ, aˇ kawˆ yaw pyuˇ baw baw-ehˇ yaw byaꞈ byaꞈ-ehˇ pyeuꞈ laˇ ni, baˆ kʼoˆ leuꞈ-euˬ meh.

2 Sahˬpaˬ 4:2

Eˇliˇshehˇ ehˇ-eu, “Ngaˇ nawˬ-ahˇ aˬ jeˬ ya caw ba nehˬ nmˇ. Nawˬ-euˬ nymˇ laꞈ kʼoeˇ aˬ jeˬ jaˆ te lehˇ ngaˬ-ahˇ ehˇ sheˇ.” Miˬ coeˬ miˬ ma kʼoeˇ gʼaˬ ehˇ-eu, “Saˬ loˬ tsiˇ dawˆ ahˇ taˬ-euˬ ciˬ cuˇ cuˇ zaˬ tiˬ siˬ maˬ ngeuˇ naˇ, nui jeˬ tiˬ jeˬ-iˬ maˬ jaˆ.”

Jaceuq 110:2

Nawˇ dzoeˬ dzaˬ-eu baoˬ-ahˇ Ziˇoˬ meuˬ-ahˇ neh, Sahˬpaˬ Miˬyehˇ pyehˬ doˆ gʼeh-awˇ, “Nawˬ-ahˇ muiˇ-eu deuˬ kʼoeˇ taˆ uˆ lahˇ-awˬ” lehˇ aˬ yawꞈ nawˬ-ahˇ ehˇ tehꞈ-a.

Doˆ-iˇ 4:17

Zahˬ leˇ paˬ-ehˇ gʼeh-eu jeˬ mˇ mehˬ-eu gʼaˇ duˬ, gawˬ yoeˬ heu hmˬ nawˇ yuˇ gʼeh-awˬ.”

Doˆ-iˇ 4:20

Kʼoeˇ ngeh, aˬ yawꞈ-euˬ nymˇ dahˬ hawˇ-eu aˬ yawꞈ-euˬ aˬ li deuˬ-ahˇ mahˬ tahˬ laˆ kʼoeˇ taˆ bi dziˬ-awˇ, Iˇjiˇtuˆ miˇ kʼahˬ-ahˇ gʼoꞈ-iˇ-eu lehˇ, Moˇseˬ doˆ-iˇ-euˬ meh. Miˬyehˇ neh aˬ yawꞈ-ahˇ yuˇ gʼeh-awˬ lehˇ ehˇ nehˬ-euˬ gawˬ yoeˬ kʼoeˇ hmˬ, Iˇjiˇtuˆ miˇ kʼahˬ-ahˇ Moˇseˬ yuˇ gʼeh-euˬ meh.

Doˆ-iˇ 7:15

Kʼoeˇ miˇ neh, uˬ shawˬ paw Niˬlaˇ lawˇ baˬ-ahˇ aˬ yawꞈ oe ka ngeh, aˬ yawꞈ-ahˇ tahˬ puˬ-iˇ-awˬ. Aˇ lawˇ pyeuꞈ-eu gawˬ yoeˬ kʼoeˇ hmˬ yuˇ-awˇ, lawˇ baˬ lawˇ deh-ahˇ, aˬ yawꞈ-ahˇ loꞈ-iˇ-awˬ.

Doˆ-iˇ 7:9

“Naw nyaꞈ-ahˇ Sahˬpaˬ Miˬyehˇ neh kʼehˇ gʼeh leꞈ-euˬ ngeuˇ naˇ, kʼaˆ jeˬ-ehˇ gʼeh-eu jeˬ mˇ mehˬ haw sheˇ lehˇ sahˬ paˬ kʼoeˇ gʼaˬ naw nyaꞈ-ahˇ kʼehˇ laˇ naˇ, ‘Sahˬ paˬ-euˬ mehˬ shi nawˬ-euˬ gawˬ yoeˬ pyehˬ dzeh-awˬ’ lehˇ Aˬloˬ-ahˇ ehˇ nehˬ-awˬ. Gawˬ yoeˬ kʼoeˇ aˇ lawˇ pyeuꞈ-iˇ tehꞈ-a.”

Iˇsaˬyaˇ 11:4

Iˇ shaˬ zaˬ-ahˇ yaw tsaˬ yaw dawˇ jeˬ bi mawˇ-awˇ, zaˬ coeˬ zaˬ-ahˇ di dehˬ ni haw tehꞈ-a. Aˬ yawꞈ kʼaˬ meh dawˬ ngehˬ dawˬ tmˇ, miˇ tsaˬ zaˬ-ahˇ daˇ cuiˇ sheu juiꞈ nya-awˇ, aˬ yawꞈ mehˬ luˬ-ahˇ gʼawˇ-eu saꞈ, yaw haiˬ deuˬ-ahˇ sehꞈ dzeh tehꞈ-a.

Uˬ duˬ 27:32

Cu taˬ-euˬ jeˬ zaˬ tseˇ mawˇ tiˬ mawˇ Sahˬpaˬ Miˬyehˇ-euˬ pyeuꞈ-eu meh. Jeˬ zaˬ gui ngeh, tseˇ mawˇ gui byah-euˬ mawˇ, Sahˬpaˬ Miˬyehˇ-euˬ pyeuꞈ-eu meh.

Miˇkaˬ 7:14

Sahˬpaˬ Miˬyehˇ-oˇ, yawˇ bo-eu yaw sahˇ yawˇ zaˬ deuˬ-ahˇ haw piˇ-eu loꞈ-ehˇ, nawˬ neh tseˇ doˆ-euˬ nawˬ-euˬ tsawˇ jeuˬ-ahˇ haw piˇ-awˬ. Aˬ yawꞈ maꞈ bawˇ tsahˬ-ahˇ jawˇ ceuˆ taˬ-euˬ kʼawꞈ, aˬ yawꞈ maꞈ-euˬ jawˬ jawˬ-ehˇ miˇ muiˬ muiˬ-eu miˇ tsaˬ jaˆ-eu meh. Aˇ hu ba aˬ yawꞈ maꞈ neh mˇ dzaˬ kʼawꞈ dawˇ yaꞈ-euˬ miˇ tsaˬ miˇ muiˬ muiˬ dui dui-eu Baˬshaˬ hawˇ-eu Giˇlaˆ gahˬ kaˬ-ahˇ, aˬ yawꞈ maꞈ-ahˇ bi mˇ dzaˬ bi kʼawꞈ dawˇ poˆ-iˇ-awˬ.