Doˆ-iˇ 39:43 - Akha

⁴³ Yawˬ jeˬ na luꞈ-ahˇ Moˇseˬ pyehˆ tseˇ haw ngeh, Sahˬpaˬ Miˬyehˇ neh dawˬ kʼaˇ biꞈ taˬ-eu loꞈ-ehˇ aˬ yawꞈ maꞈ mˇ gʼaˬ taˬ jiˇ-euˬ gaˇ ya mawˇ-euˬ meh. Kʼoeˇ naˇ, aˬ yawꞈ maꞈ-ahˇ Moˇseˬ dawˬ ngehˬ gʼeh nehˬ-euˬ meh.

Doˆ-iˇ 39:43 ပူးပေါင်းရင်းမြစ်များ

Aˇ dahˬ 1:31

Miˬyehˇ-aˬ, yawˬ ha neh mˇ gʼaˬ taˬ-euˬ gaˇ deuˬ-ahˇ haw-awˇ, nui kʼahˇ shiˇ dui dui-euˬ meh. Uˬ ciꞈ kʼoeˇ miˇ buˬ-iˇ-awˇ uˬ shawˬ keuˆ le ngeh, koꞈ nah tiˬ nah dzeuˇ-iˇ-euˬ meh.

Aˇ dahˬ 14:19

Aˬbyaˬ-ahˇ aˬ yawꞈ heu loꞈ-ehˇ dawˬ ngehˬ gʼeh nehˬ-euˬ meh. “Mˬ hawˇ-eu miˇ-ahˇ beh-euˬ yaw sahˇ pyeuꞈ-eu Huiˬ dui mahˇ dui dui-eu Miˬyehˇ, Aˬbyaˬ-ahˇ guiˬ lahˬ biꞈ luꞈ-uˇ.

2 Saˬmeuˬlaˆ 6:18

Aˬ yawꞈ lawˇ gʼaˬ shehˇ gʼaˬ ngeh, Sahˬpaˬ Miˬyehˇ-euˬ tsawˇ myahˇ uˬ moˆ, tsawˇ haˬ aˇ maꞈ-ahˇ dawˬ ngehˬ gʼeh nehˬ-euˬ meh.

1 Sahˬpaˬ 6:38

Sawˇlaˬmoˬ uˆ lahˇ-euˬ tseˇ tiꞈ kʼoꞈ byah ngeh kʼoꞈ, ba la yehꞈ siˬ tiˬ siˬ pyeuꞈ-eu Buˇlaˆ ba la-ahˇ, yaw beh neh kʼaˇ noeˬ taˬ-euˬ loꞈ-ehˇ, Uˬ duˬ tahˬ nymˇ nymˇ ma tsoˆ gʼaˬ-euˬ meh. Sawˇlaˬmoˬ neh Uˬ duˬ tahˬ nymˇ nymˇ ma tsoˆ-euˬ aˇ yamˬ shiꞈ kʼoꞈ ga-iˇ-euˬ meh.

1 Sahˬpaˬ 8:14

Kʼoeˇ gaˇ yawꞈ luꞈ-eu Iˇsaˬleˬlaˆ tsawˇ haˬ deuˬ jawˇ paw sahˬ paˬ Sawˇlaˬmoˬ ciˬ pyawˇ-awˇ, Miˬyehˇ guiˬ lahˬ aˬ yawꞈ maꞈ kʼoeˇ taˆ bi keuˆ le-eu gʼaˇ duˬ, aˬ yawꞈ maꞈ-ahˇ dawˬ ngehˬ gʼeh nehˬ-euˬ meh.

1 Sahˬpaˬ 8:55

Aˬ yawꞈ yaw kʼaˆ-ehˇ guˇ-awˇ, kʼoeˇ gaˇ kʼaˇ uiˬ laˇ-euˬ tsawˇ haˬ deuˬ-ahˇ Miˬyehˇ guiˬ lahˬ biꞈ-eu gʼaˇ duˬ, dawˬ ngehˬ gʼeh nehˬ gʼaˬ-awˇ heu loꞈ-ehˇ ehˇ-eu meh.

1 Laˬsaˬbaˬ 16:2

Daˬbiˇ lawˇ gʼaˬ shehˇ gʼaˬ ngeh, Sahˬpaˬ Miˬyehˇ-euˬ tsawˇ myahˇ uˬ moˆ, tsawˇ haˬ aˇ maꞈ-ahˇ aˬ yawꞈ dawˬ ngehˬ gʼeh nehˬ-euˬ meh.

2 Laˬsaˬbaˬ 30:27

Tsawˇ haˬ kʼoeˇ deuˬ-ahˇ Sahˬpaˬ Miˬyehˇ guiˬ lahˬ biꞈ-eu gʼaˇ duˬ, piˇ ma deuˬ hawˇ-eu Leˬbiˇ tsawˇ haˬ deuˬ guiˬ lahˬ shaˇ-euˬ meh. Mˬ kʼoeˇ taˆ aˬ yawꞈ-euˬ nymˇ-ahˇ jawˇ luꞈ-eu Miˬyehˇ aˬ yawꞈ maꞈ-euˬ shaˇ dawˬ-ahˇ gaˬ-awˇ, ha geuꞈ nehˬ-euˬ meh.

2 Laˬsaˬbaˬ 6:3

Iˇsaˬleˬlaˆ tsawˇ haˬ dawˬ tawˆ luꞈ kʼoeˇ gaˇ yawꞈ luꞈ-eu meh. Sahˬ paˬ Sawˇlaˬmoˬ aˬ yawꞈ maꞈ jawˇ paw ciˬ pyawˇ-awˇ, aˬ yawꞈ maꞈ-ahˇ dawˬ ngehˬ gʼeh nehˬ-euˬ meh.

Neˬhaˬmiˇ 11:2

Yeˬluˇsaˬlehˬ meuˬ-ahˇ jawˇ leˇ-eu gʼaˇ duˬ yawˬ haˇ yawˬ ha nui ma keuˆ-awˇ noeˬ tsehˆ-eu tsawˇ haˬ deuˬ-ahˇ, miˇ kʼahˬ zaˬ deuˬ ja ceuˬ-euˬ meh.

Jaceuq 104:31

Sahˬpaˬ Miˬyehˇ-euˬ yaw shehꞈ kʼahˬ sehˇ, mˬ maˬ maˬ byaˆ zaˇ ziˇ gmˬ luꞈ-uˇ. Aˬ yawꞈ neh mˇ taˬ-euˬ gaˇ deuˬ-ahˇ, aˬ yawꞈ laˬ kʼaˬ cehˇ nui kʼahˇ shiˇ luꞈ-uˇ.

Jaceuq 19:11

Dawˬkʼoeˇbaˬda nawˬ-euˬ zaˬkʼaˆ, siˬnya mawˇnya yahˇnya laˇ-awˇ, guiˬlahˬbaw dzehˬlaˇ-euˬmiˇ-a.

Doˆ-iˇ 12:28

Kʼoeˇ naˇ, aˬ yawꞈ maꞈ iˇ-awˇ, Moˇseˬ hawˇ-eu Aˬloˬ-ahˇ Sahˬpaˬ Miˬyehˇ neh dawˬ biꞈ-euˬ loꞈ-ehˇ mˇ-euˬ meh.

Doˆ-iˇ 25:9

Sehˬ gʼawˆ hawˇ-eu, sehˬ gʼawˆ laꞈ kʼoeˇ bi jaˆ-eu keu ka deuˬ-ahˇ, ngaˇ nawˬ-ahˇ mehˬ nehˬ-eu loꞈ-ehˇ tsoˆ-awˬ.

Doˆ-iˇ 39:42

Sahˬpaˬ Miˬyehˇ neh Moˇseˬ-ahˇ dawˬ biꞈ taˬ-euˬ loꞈ-ehˇ, Iˇsaˬleˬlaˆ tsawˇ haˬ deuˬ yawˬ jeˬ na luꞈ mˇ gʼaˬ-euˬ meh.

Doˆ-iˇ 40:1

Moˇseˬ-ahˇ Sahˬpaˬ Miˬyehˇ heu loꞈ-ehˇ ehˇ nehˬ-euˬ meh.

Doˆ-iˇ 40:25

Kʼoeˇ naˇ, Sahˬpaˬ Miˬyehˇ neh dawˬ biꞈ taˬ-euˬ loꞈ-ehˇ, Sahˬpaˬ Miˬyehˇ-euˬ mehˬ shi, aˬ yawꞈ tsiˇ kʼmˬ doꞈ-euˬ meh.

Doˆ-iˇ 7:6

Sahˬpaˬ Miˬyehˇ aˬ yawꞈ nyaꞈ-ahˇ dawˬ biꞈ nehˬ-euˬ loꞈ-ehˇ, Moˇseˬ hawˇ-eu Aˬloˬ mˇ-euˬ meh.

Yeˬlaˬmiˇ 13:5

Kʼoeˇ ngeh, joꞈ paꞈ kʼoeˇ ngaˇ yuˇ gʼeh-awˇ, Uˇpaˬlaˇ lawˇ baˬ dawˬ peh yuˇ zaꞈ taˬ-iˇ-euˬ ma.

Uˬ duˬ 16:34

Mehˬ hu paw dehꞈ daˆ leꞈ-eu aˇ yamˬ laꞈ kʼoeˇ, zahˇ sahˇ kʼoꞈ heu deuˬ-ahˇ, aˬ myah luꞈ maˬ byehˇ ni ya caw teh meh. Iˇsaˬleˬlaˆ tsawˇ haˬ deuˬ iˬ baˇ buˬ-iˇ law-iˇ-awˇ, bi muiˬ bi shawˇ laˇ-eu zahˇ heu hmˬ tiˬ kʼoꞈ tiˬ poˆ ya jahˇ meh. Kʼoeˇ loꞈ-ehˇ, Sahˬpaˬ Miˬyehˇ neh dawˬ kʼaˇ biꞈ taˬ-euˬ loꞈ-ehˇ Moˇseˬ mˇ-euˬ meh.

Yawˇshuˆ 22:6

Kʼoeˇ naˇ, aˬ yawꞈ maꞈ-ahˇ Yawˇshuˆ dawˬ ngehˬ gʼeh nehˬ-awˇ, heu loꞈ-ehˇ dawˬ tsaꞈ tsaꞈ nehˬ-awˇ bi gʼoꞈ-iˇ-euˬ meh. “Naw maꞈ-aˬ, smˇ muiˬ muiˬ dui dui-eu laꞈ kʼoeˇ ya gʼoꞈ-iˇ-eu ngaˇ. Jeˬ zaˬ maˬ ehˇ, pyuˇ maˬ ehˇ, shuiˇ maˬ ehˇ, guiˬ shuiˇ maˬ ehˇ, shmˇ maˬ ehˇ, dm gʼaˬ dm lmˇ maˬ ehˇ, gʼawˬ mya ni ya yuˇ kʼoˆ gʼeh-eu ngaˇ. Naw maꞈ-ahˇ muiˇ-eu deuˬ-ahˇ naw maꞈ neh deuˆ za-euˬ heu deuˬ, naw maꞈ-euˬ aˇ jeuˬ aˇ ca aˬ yuiꞈ aˬ nyiˇ deuˬ-ahˇ kʼawꞈ biˇ nehˬ-awˬ.” Kʼoeˇ ngeh, aˬ yawꞈ maꞈ gʼoꞈ-iˇ-euˬ meh. Maˬnaˇseˬ tsawˇ haˬ tiˬ paˆ-ahˇ, Yawˇdaˬ lawˇ baˬ nahˇ ma doˆ kʼehˬ paw Moˇseˬ miˇ kʼahˬ biˇ nehˬ-euˬ meh. Ehˇ kʼawꞈ, Maˬnaˇseˬ tsawˇ haˬ yawˬ deuˬ yawˬ-ahˇ, Iˇsaˬleˬlaˆ tsawˇ jeuˬ nui deuˬ nehˬ-ehˇ tiˬ kawˆ loꞈ-ehˇ, Yawˇdaˬ lawˇ baˬ nahˇ ma ga kʼehˬ paw Yawˇshuˆ miˇ kʼahˬ biˇ nehˬ-euˬ meh.