Doˆ-iˇ 39:32 - Akha

³² Aˇ saˬ saˬ laˇ ngeh, Sahˬpaˬ Miˬyehˇ jawˇ-eu sehˬ gʼawˆ-ahˇ taꞈ leˇ-eu gaˇ dawˬ tawˆ luꞈ mˇ gʼaˬ jiˇ-euˬ meh. Sahˬpaˬ Miˬyehˇ neh Moˇseˬ-ahˇ dawˬ biꞈ taˬ-euˬ loꞈ-ehˇ, Iˇsaˬleˬlaˆ tsawˇ haˬ deuˬ mˇ-euˬ meh.

Doˆ-iˇ 39:32 ပူးပေါင်းရင်းမြစ်များ

1 Sahˬpaˬ 6:38

Sawˇlaˬmoˬ uˆ lahˇ-euˬ tseˇ tiꞈ kʼoꞈ byah ngeh kʼoꞈ, ba la yehꞈ siˬ tiˬ siˬ pyeuꞈ-eu Buˇlaˆ ba la-ahˇ, yaw beh neh kʼaˇ noeˬ taˬ-euˬ loꞈ-ehˇ, Uˬ duˬ tahˬ nymˇ nymˇ ma tsoˆ gʼaˬ-euˬ meh. Sawˇlaˬmoˬ neh Uˬ duˬ tahˬ nymˇ nymˇ ma tsoˆ-euˬ aˇ yamˬ shiꞈ kʼoꞈ ga-iˇ-euˬ meh.

1 Sahˬpaˬ 7:40

Huˇlamˬ-aˬ, mui deuˇ oeˬ lahˬ deuˬ, ni ceuˆ deuˬ hawˇ-eu, naˬ bo deuˬ kʼawꞈ jahˇ-euˬ meh. Kʼoeˇ ngeh jawˇ, Sahˬpaˬ Miˬyehˇ-euˬ Uˬ duˬ tahˬ nymˇ nymˇ ma laꞈ kʼoeˇ, sahˬ paˬ Sawˇlaˬmoˬ-ahˇ kʼaˇ mˇ nehˬ paˬ-ehˇ gʼeh-eu jeˬ aˬ yawꞈ mˇ gʼaˬ shaˇ gʼaˬ-euˬ meh.

1 Laˬsaˬbaˬ 28:19

“Heu deuˬ dawˬ tawˆ luꞈ aˬ joˆ-ehˇ ya mˇ-eu gaˇ kawˆ, Sahˬpaˬ Miˬyehˇ neh ngaˬ-ahˇ mehˬ nehˬ laꞈ-euˬ loꞈ-ehˇ aˇ kawˆ kawˆ-awˇ boꞈ doˆ taˬ-euˬ laꞈ kʼoeˇ ahˇ jiˇ meh” lehˇ, sahˬ paˬ Daˬbiˇ ehˇ-eu meh.

Doˆ-iˇ 12:28

Kʼoeˇ naˇ, aˬ yawꞈ maꞈ iˇ-awˇ, Moˇseˬ hawˇ-eu Aˬloˬ-ahˇ Sahˬpaˬ Miˬyehˇ neh dawˬ biꞈ-euˬ loꞈ-ehˇ mˇ-euˬ meh.

Doˆ-iˇ 25:40

Heu deuˬ dawˬ tawˆ luꞈ-ahˇ, ngaˬ neh nawˬ-ahˇ gawˬ jawˬ kʼoeˇ taˆ kʼaˇ mehˬ nehˬ-euˬ loꞈ-ehˇ, maˬ bi beu-iˇ ni jahˇ-awˬ.

Doˆ-iˇ 31:7

Ngaˇ jawˇ-eu Sehˬ gʼawˆ maˬ ehˇ, Dawˬ ma saˇ jaˇ Bahˬ keuˆ hawˇ-eu kʼoeˇ-euˬ kʼmˬ pymˬ maˬ ehˇ, Sehˬ gʼawˆ laꞈ kʼoeˇ jaˆ-eu keu ka deuˬ maˬ ehˇ,

Doˆ-iˇ 39:31

Moˇseˬ-ahˇ Sahˬpaˬ Miˬyehˇ neh dawˬ biꞈ taˬ-euˬ loꞈ-ehˇ, nyoeˇ leuˬ leuˬ-eu aˇ caˆ neh, uˬ dzahˬ-euˬ mehˬ shi pehˇ gʼawˆ kʼoeˇ hmˬ paˬ tawꞈ taˬ-euˬ meh.

Doˆ-iˇ 39:33

Sehˬ gʼawˆ hawˇ-eu kʼoeˇ gaˇ taꞈ leˇ-eu keu ka dawˬ tawˆ luꞈ, Moˇseˬ jawˇ gaˇ aˬ yawꞈ maꞈ yuˇ laꞈ-euˬ meh. Kuˆ seuˬ, teˇ byaꞈ, laꞈ law, kʼawˇ zeuˇ, zeuˇ dahˇ,

Doˆ-iˇ 40:1

Moˇseˬ-ahˇ Sahˬpaˬ Miˬyehˇ heu loꞈ-ehˇ ehˇ nehˬ-euˬ meh.

Doˆ-iˇ 40:3

Zahˇ dawˬ kʼoꞈ dawˬ tseˇ dawˬ dawˆ ahˇ taˬ-euˬ Dawˬ ma saˇ jaˇ Bahˬ keuˆ kʼoeˇ, kʼoeˇ gaˇ bi jaˆ-awˇ, saˬ paˇ lawˆ kaˬ taw-awˬ.

Doˆ-iˇ 40:32

Sahˬpaˬ Miˬyehˇ neh dawˬ biꞈ taˬ-euˬ loꞈ-ehˇ, Sehˬ gʼawˆ laꞈ kʼoeˇ aˬ yawꞈ maꞈ kʼaˇ uˇ leˇ ngeh, aˬ kuiˇ aˬ laꞈ dzuiꞈ shawˇ-euˬ meh.

Bawˇtsahˬ 3:31

Aˬ yawꞈ maꞈ-euˬ gaˇ-aˬ, Dawˬ ma saˇ jaˇ Bahˬ keuˆ, hawˬ jeh, tsiˇ kʼmˬ doꞈ taˬ duˬ, lawˇ duˬ deuˬ, muiˬ-euˬ shawˇ-eu jawˇ duˬ laꞈ kʼoeˇ piˇ ma deuˬ zmˬ-eu keu ka deuˬ, muiˬ dui shawˇ dui dui-eu jawˇ duˬ-ahˇ uˇ leˇ-eu gʼoˆ kʼehˬ-ahˇ taw taˬ-euˬ saˬ paˇ, heu deuˬ-ahˇ ya haw ya pyaˆ-eu gaˇ meh. Heu deuˬ-ahˇ taꞈ leˇ-eu gaˇ dawˬ tawˆ luꞈ-ahˇ aˬ yawꞈ maꞈ ya mˇ meh.

Maꞈtehˬ 28:20

Ngaˬ neh naw maꞈ-ahˇ dawˬ kʼaˇ biꞈ taˬ-euˬ yawˬ jeˬ na luꞈ, aˬ yawꞈ maꞈ naˇ haˬ-awˇ caw teh ni mehˬ nehˬ tsoˆ nehˬ-awˬ. Miˇ tsaˬ heu aˇ saˬ saˬ ngeh keuˆ ni, naw maꞈ nehˬ-ehˇ aˬ myah luꞈ ngaˇ jawˇ ma.”

Dawˬmehˬ 12:32

“Ngaˬ neh dawˬ kʼaˇ biꞈ taˬ-euˬ yawˬ jeˬ na luꞈ-ahˇ naw maꞈ mˇ-awˬ. Dawˬ tiˬ dawˬ tehꞈ-ehˇ kʼawꞈ, dawˆ lahˬ-eu maˬ ehˇ, yuˇ teˬ-eu maˬ ehˇ, maˬ ya jahˇ-a.

HeˬByehˇ 3:2

Moˇseˬ Miˬyehˇ-euˬ nymˇ jiˇ laꞈ kʼoeˇ gaˇ mˇ-euˬ saˇ jaˇ ziꞈ-eu loꞈ-ehˇ, Miˬyehˇ-euˬ gaˇ mˇ-eu gʼaˇ duˬ aˬ yawꞈ-ahˇ tseˇ doˆ-eu gʼaˬ pyeuꞈ-eu Miˬyehˇ-ahˇ aˬ yawꞈ saˇ jaˇ ziꞈ-euˬ meh.

HeˬByehˇ 8:5

Aˬ yawꞈ maꞈ piˇ ma geuꞈ-awˇ mˇ luꞈ-eu kʼoeˇ-aˬ, mˬ kʼoeˇ taˆ mˇ luꞈ-eu jeˬ-euˬ naˇ shmˇ aˇ baˇ loˆ ni tehꞈ meh. Aˬ yawꞈ maꞈ-aˬ, Moˇseˬ neh kʼaˇ mˇ-euˬ loꞈ-ehˇ mˇ luꞈ-eu tehꞈ meh. Moˇseˬ aˬ yawꞈ Dawˬ ma saˇ jaˇ Sehˬ gʼawˆ tsoˆ-eu lehˇ gʼeh ngeh, “Yawˬ jeˬ na luꞈ gawˬ jawˬ kʼoeˇ taˆ nawˬ-ahˇ mehˬ nehˬ-euˬ Sehˬ gʼawˆ-ahˇ duˇ leˇ ni yaw duˬ duˬ-ehˇ tsoˆ-awˬ” lehˇ, aˬ yawꞈ-ahˇ Miˬyehˇ ehˇ nehˬ-euˬ meh.

1 Saˬmeuˬlaˆ 15:22

Saˬmeuˬlaˆ ehˇ-eu, “Sahˬpaˬ Miˬyehˇ aˬ geu jeˬ-ahˇ geuꞈ mawꞈ dzehˬ ta. Aˬ yawꞈ-euˬ ehˇ dawˬ naˇ haˬ geuꞈ-eu jeˬ-ahˇ geuꞈ mawꞈ dzehˬ ta loˇ. Maˬ ngeuˇ naˇ, aˬ yawꞈ-ahˇ damˬ nehˬ-eu jeˬ hawˇ-eu lawˇ nehˬ shehˇ nehˬ-eu jeˬ-ahˇ geuꞈ mawꞈ dzehˬ ta loˇ. Aˬ yawꞈ-euˬ dawˬ-ahˇ naˇ haˬ geuꞈ-eu jeˬ-aˬ, muiˬ dui dui-eu yawˇ lawˇ nehˬ-eu naˆ maˬ tseˇ muiˬ dzehˬ-eu meh.