Doˆ-iˇ 39:15 - Akha

¹⁵ Kʼahˬ-ahˇ dehˬ daˬ duˬ-ahˇ tsoꞈ-eu gʼaˇ duˬ, aˇ caˆ caˆ yeuꞈ-ahˇ duˇ-eu shuiˇ caˆ caˆ yeuꞈ aˬ yawꞈ maꞈ jahˇ-euˬ meh.

Doˆ-iˇ 39:15 ပူးပေါင်းရင်းမြစ်များ

2 Laˬsaˬbaˬ 3:5

Aˇ lawˆ lawˆ ma lawˆ aˬ yawꞈ-ahˇ-aˬ, kaˇ pyawˇ-ahˇ shuˬ liˇ teˇ byaꞈ neh tiˬ tiˆ paˇ tawˆ kaˬ-awˇ, maˇ jawˆ ni gʼeh-eu shuiˇ yaw-awˇ, daoˇ aˇ bawˬ aˇ baˇ hawˇ-eu aˇ caˆ caˆ pyehꞈ aˇ baˇ toeˬ boꞈ taˬ-euˬ meh.

Doˆ-iˇ 28:14

Kʼoeˇ naˇ, maˇ jawˆ ni gʼeh-eu shuiˇ neh, shuiˇ shuiˇ caˆ nyiˬ caˆ yeuꞈ-awˇ, iˇ puˬ-ahˇ tsoꞈ-awˬ.

Doˆ-iˇ 39:14

Iˇsaˬleˬlaˆ tsawˇ jeuˬ tseˇ nyiꞈ jeuˬ-euˬ dahˬ zaˇ bi pyeuꞈ-eu gʼaˇ duˬ, kʼaˬ lo sehˇ aˬ yawꞈ siˬ yawꞈ kʼoeˇ taˆ, Yaˬkoˆ-euˬ aˬ li tiˬ gʼaˬ-euˬ tsawˇ myahˇ toeˬ boꞈ taˬ-euˬ meh.

Doˆ-iˇ 39:16

Shuiˇ iˇ puˬ nyiˬ siˬ hawˇ-eu, shuiˇ laꞈ behˬ nyiˬ behˬ yuˇ-awˇ, kʼahˬ-ahˇ dehˬ daˬ duˬ-euˬ laꞈ taˆ paw laꞈ coeˇ nyiˬ pyawˬ-ahˇ guꞈ tsoꞈ-euˬ meh.

Dawˬ caˇ 1:10

Nawˬ-euˬ baˬ ba kʼoeˇ taˆ jaˆ-eu uˬ duˬ tsehˇ kahˇ muiˬ dui dui-awˇ, shuiˇ caˆ sehˇ caˆ loꞈ-ehˇ kawˬ lahˇ kʼoeˇ taˆ ga gʼeu-eu meh.

Yoˇhaˬ 10:28

Aˬ yawꞈ maꞈ-ahˇ mˬ maˬ maˬ byaˆ zaˇ ziˇ dehꞈ-eu jeˬ ngaˇ biꞈ-awˇ, aˬ yawꞈ maꞈ ti jawˇ-iˬ maˬ paˇ shiˇ meh. Tsawˇ haˬ tiˬ gʼaˬ-iˬ aˬ yawꞈ maꞈ-ahˇ ngaˬ-euˬ aˬ laꞈ laꞈ kʼoeˇ neh maˬ ceh doˆ geuꞈ nya-a.

Yoˇhaˬ 17:12

Ngaˇ aˬ yawꞈ maꞈ nehˬ-ehˇ jawˇ luꞈ ngeh, nawˬ neh ngaˬ-ahˇ biꞈ laꞈ-euˬ tsawˇ myahˇ kʼoeˇ myahˇ-euˬ baoˬ neh aˬ yawꞈ maꞈ-ahˇ haw lahˇ-euˬ ma. Jaˇliꞈ laꞈ kʼoeˇ ehˇ taˬ-euˬ loꞈ-ehˇ byah laˇ ni byoˆ-iˇ-euˬ kʼoeˇ tiˬ gʼaˬ maˬ ngeuˇ naˇ, aˬ yawꞈ maꞈ tiˬ gʼaˬ-iˬ maˬ bi byoˆ-iˇ ni ngaˇ haw lahˇ-euˬ ma.

1 Beˬtuˆluˆ 1:5

Laꞈ sawˬ kʼoeˇ-aˬ, naw maꞈ-euˬ gʼaˇ duˬ pyeuꞈ-eu meh. Aˬ jeˬ miˇ neh ehˇ naˇ, naw maꞈ Ka li-ahˇ jah-eu tsawˇ haˬ pyeuꞈ-eu miˇ neh, aˇ saˬ saˬ-eu aˇ nah aˇ yamˬ-ahˇ pah mehˬ-eu lehˇ lehˬ hmˬ taˬ-euˬ ka kʼoꞈ-eu jeˬ-ahˇ za nya ni, Miˬyehˇ-euˬ baoˬ neh haw lahˇ taˬ-euˬ tsawˇ haˬ pyeuꞈ-eu meh.

Yuˇdaˆ 1:1

Yeˬsuˇ Ka li-euˬ zaˬ kʼaˆ hawˇ-eu Yaˬkoˆ-euˬ mehˇ nmˇ pyeuꞈ-eu ngaˇ Yuˇdaˆ, Aˬda Miˬyehˇ-euˬ gʼoeˇ-eu gaˬ-eu jeˬ hawˇ-eu Yeˬsuˇ Ka li-euˬ bo saˆ haw piˇ-eu jeˬ laꞈ kʼoeˇ jawˇ luꞈ-eu, Miˬyehˇ neh kuˇ doˆ taˬ-euˬ tsawˇ haˬ deuˬ jawˇ gaˇ sahˬ boꞈ boꞈ ahˇ laꞈ-eu ma.