Doˆ-iˇ 38:8 - Akha

⁸ Sahˬpaˬ Miˬyehˇ jawˇ-eu Sehˬ gʼawˆ-euˬ gʼoˆ kʼehˬ-ahˇ gaˇ mˇ-eu zaˬ miˬ zaˬ deuˬ-euˬ kʼaw teuꞈ ba la deuˬ yuˇ uiˬ-awˇ, guiˬ shuiˇ sehˇ byehˇ hawˇ-eu kʼoeˇ-euˬ aˬ kuiˇ jahˇ-euˬ meh.

Doˆ-iˇ 38:8 ပူးပေါင်းရင်းမြစ်များ

1 Sahˬpaˬ 7:38

Huˇlamˬ-aˬ, laˆ lawˬ kʼoeˇ tseˇ laˇ gʼaˇ duˬ, sehˇ byehˇ tseˇ byehˇ jahˇ-euˬ meh. Sehˇ byehˇ kʼoeˇ aˬ yawꞈ byehˇ yawꞈ, tsawˇ haˬ oeˬ tseˇ gʼaˬ dzuiꞈ loꞈ-eu iˇ cuꞈ deˇ leˇ-eu meh.

2 Laˬsaˬbaˬ 4:2

Yaw naꞈ paw ngaˬ caˆ, mehˬ kʼehˬ yaw jeˇ paw nyiˬ lmˇ nui paˆ hawˇ-eu, huˇ paˆ shiꞈ lmˇ nui paˆ byah-eu, yaw zah zah lehˇ gʼeh-eu guiˬ shuiˇ lah tiˬ lah aˬ yawꞈ jahˇ-euˬ meh.

Jaceuq 26:6

Sahˬpaˬ Miˬyehˇ-oˇ, Ngaˇiˬbaˇmaˬahˇ-eu gaˇkawˆ, aˬlaꞈdzuiꞈshawˇdzeh mehˬ-euˬma. Nawˬ-euˬlawˇduˬtiˬjawˬcah-awˇ, nawˬ-ahˇuˬduˬtahˬlaˇ-euˬma.

Doˆ-iˇ 30:17

Moˇseˬ-ahˇ Sahˬpaˬ Miˬyehˇ heu loꞈ-ehˇ ehˇ nehˬ-euˬ meh.

Doˆ-iˇ 31:9

miˬ dzaˬ dzah puiˆ-awˇ lawˇ-eu jeˬ lawˇ-eu lawˇ duˬ maˬ ehˇ, kʼoeˇ gaˇ taꞈ leˇ-eu keu ka deuˬ maˬ ehˇ, aˬ kuiˇ aˬ laꞈ dzuiꞈ shawˇ-eu sehˇ byehˇ hawˇ-eu kʼoeˇ-euˬ aˬ kuiˇ maˬ ehˇ,

Doˆ-iˇ 38:7

Kʼoeˇ naˇ, kʼaˆ baꞈ kawˬ kʼoeˇ yuˇ-awˇ, lawˇ duˬ-euˬ kʼoeˇ paˆ maˇ paˆ tsoꞈ-eu laꞈ naˬ-ahˇ cawˬ ahˇ-euˬ meh. Lawˇ duˬ kʼoeˇ hmˬ-ahˇ teˇ byaꞈ neh taꞈ-awˇ, coˇ hoˇ ni bi dahˇ-euˬ meh.

Doˆ-iˇ 40:7

Aˬ kuiˇ aˬ laꞈ dzuiꞈ shawˇ-eu sehˇ byehˇ-ahˇ, Sehˬ gʼawˆ hawˇ-eu lawˇ duˬ yaw kaˬ-ahˇ bi jaˆ-awˇ, iˇ cuꞈ kʼawꞈ ahˇ taˬ-awˬ.

Dawqdaq 8:34

Ngaˬ-euˬ ehˇ dawˬ naˇ haˬ geuꞈ-eu tsawˇ haˬ laˬ kʼaˬ ya cehˇ tehꞈ-a. Yawˬ nah na luꞈ ngaˬ-euˬ nymˇ laˇ gʼoˆ-ahˇ jawˇ-awˇ, ngaˬ-euˬ nymˇ gʼoˆ kʼehˬ-ahˇ loꞈ-eu tsawˇ haˬ laˬ kʼaˬ ya cehˇ tehꞈ-a.

Iˇsaˬyaˇ 3:23

shaˬ jiˇ mawˇ laˇ-eu pehˇ kʼahˬ maˬ ehˇ, paˇ jeh maˬ ehˇ, uˬ boeˬ maˬ ehˇ, myaˆ pyawˬ-ahˇ tsahˇ kaˬ-eu paˇ dzeh dzeh mahˇ maˬ ehˇ, bi yuˇ dzeh jiˇ tehꞈ-a.

Zaˬkaˬliˇ 13:1

Baoˬ huiˬ-eu Sahˬpaˬ Miˬyehˇ ehˇ-eu, “Aˇ nah aˇ yamˬ kʼoeˇ keuˆ laˇ ngeh, Daˬbiˇ-euˬ zaˬ deuˬ uˆ deuˬ hawˇ-eu Yeˬluˇsaˬlehˬ meuˬ-ahˇ jawˇ-eu tsawˇ haˬ deuˬ-euˬ iˬ baˇ yaw jawꞈ yaw laꞈ tsiˬ shawˇ-eu gʼaˇ duˬ, iˇ cuꞈ lawˇ kʼawꞈ tiˬ gawˆ pah tehꞈ-a.

Maꞈtehˬ 26:69

Nymˇ tiˬ jawˬ lahˇ gawˬ taˬ-euˬ laꞈ kʼoeˇ, gaˇ dzeˇ paw Beˬtuˆluˆ nuiˇ luꞈ ngeh, zaˬ miˬ zaˬ zaˬ kʼaˆ tiˬ gʼaˬ aˬ yawꞈ jawˇ gaˇ oe-awˇ ehˇ-eu, “Nawˇ jiˇ, Gaˬliˬlehˇ tsawˇ haˬ Yeˬsuˇ nehˬ-ehˇ jawˇ-euˬ tsawˇ haˬ meh.”

Luˇkaꞈ 2:37

Kʼoeˇ ngeh neh naˇ, yehꞈ tseˇ kʼoꞈ byah laˇ ngeh keuˆ ni miˬ coeˬ miˬ ma geuꞈ-awˇ jawˇ-eu meh. Aˬ yawꞈ Uˬ duˬ tahˬ nymˇ nymˇ ma-ahˇ tiˬ jawˇ-iˬ maˬ gʼawˬ-iˇ ni, uˬ ciꞈ nah gʼahˇ maˬ ehˇ, maˬ dzaˬ-eu zahˇ jahˇ-awˇ guiˬ lahˬ shaˇ-euˬ meh.

Yoˇhaˬ 13:10

Yeˬsuˇ ehˇ-eu, “Iˇ cuꞈ dzuiꞈ gʼaˬ-euˬ tsawˇ haˬ-aˬ, yaw shawˇ miˇ neh, aˬ kuiˇ maˬ ngeuˇ naˇ dzuiꞈ-eu maˬ paˇ loˬ meh. Naw maꞈ laꞈ kʼoeˇ tiˬ gʼaˬ maˬ ngeuˇ naˇ dawˬ tawˆ luꞈ yaw shawˇ meh.”

Yoˇhaˬ 18:16

Beˬtuˆluˆ-aˬ, laꞈ nyiˇ paw lahˇ kʼehˬ dawˬ peh jawˇ yaꞈ-euˬ meh. Zaˬ lahˇ kʼoeˇ gʼaˬ paˇ gʼoꞈ poˆ-iˇ-awˇ, lahˇ kʼehˬ-ahˇ loꞈ-eu zaˬ miˬ zaˬ-ahˇ ehˇ nehˬ-awˇ, Beˬtuˆluˆ-ahˇ sheuˬ uˇ gʼeh-euˬ meh.

1 Tiˆmoˇseˬ 5:5

Ngehˬ gʼeh caw ba nehˬ-eu gʼaˬ maˬ baw ni yawˬ ha tiˬ gʼaˬ tehꞈ-ehˇ jawˇ-eu miˬ coeˬ miˬ ma-aˬ, Miˬyehˇ tiˬ gʼaˬ-ahˇ tehꞈ-ehˇ noeˬ tmˬ kʼaˇ za-awˇ, uˬ ciꞈ nah gʼahˇ maˬ ehˇ caw ba nehˬ laꞈ lehˇ guiˬ lahˬ shaˇ-eu meh.

HeˬByehˇ 9:10

Aˬ jeˬ miˇ neh ehˇ naˇ, heu deuˬ-aˬ, dzaˬ-eu dawˇ-eu jeˬ hawˇ-eu muiˬ laˇ shawˇ laˇ ni mˇ-eu zahˇ sahˇ kʼoꞈ deuˬ-ahˇ tehꞈ-ehˇ taꞈ-eu meh. Heu deuˬ-aˬ, Miˬyehˇ zahˇ yaw shuiꞈ maˬ laˆ paˇ kʼoeˇ keuˆ ni tehꞈ-ehˇ geuꞈ nya-eu, laꞈ nyiˇ paw tehꞈ-ehˇ taꞈ leˇ-eu zahˇ sahˇ kʼoꞈ pyeuꞈ-eu meh.

1 Yoˇhaˬ 3:7

Ngaˇ gaˬ dui dui-eu zaˬ deuˬ-oˇ, tsawˇ haˬ tiˬ gʼaˬ neh-iˬ naw maꞈ-ahˇ mehˇ shuiˇ taˬ bi shuiˇ tawˆ. Yaw tsaˬ yaw dawˇ jeˬ-ahˇ kʼaˇ mˇ-eu tsawˇ haˬ-aˬ, Ka li tsaˬ-eu dawˇ-eu loꞈ-ehˇ yawˬ ha kʼawꞈ tsaˬ-eu dawˇ-eu meh.

Panmaeq 1:5

Saˇ jaˇ ziꞈ-eu tsawˇ haˬ pyeuꞈ-awˇ, shiˇ-euˬ laꞈ kʼoeˇ Miˬyehˇ neh bi gʼoꞈ dehꞈ beh beh laˇ-awˇ, miˇ kʼahˬ sahˬ paˬ sahˬ ma dawˬ tawˆ luꞈ koeˇ taˆ uˆ lahˇ-eu gʼaˬ pyeuꞈ-eu Yeˬsuˇ Ka li jawˇ gaˇ neh doˆ le-euˬ guiˬ lahˬ yaw dzahˇ hawˇ-eu nui saˇ oꞈ-eu jeˬ, naw maꞈ kʼoeˇ taˆ jaˆ luꞈ-uˇ. Aˬ yawꞈ aˬ dui-ahˇ gaˬ-awˇ gʼawˇ mawˇ shiˇ dah-eu laꞈ kʼoeˇ, iˬ baˇ laꞈ kʼoeˇ bi buˬ-iˇ laꞈ-euˬ meh.

1 Saˬmeuˬlaˆ 2:22

Nymˬ-mˇ poˆ jawˇ, Eˇliˆ tsawˇ mawˬ mawˬ dui dui laˇ taˬ-euˬ meh. Aˬ yawꞈ-euˬ aˬ li deuˬ Iˇsaˬleˬlaˆ tsawˇ haˬ deuˬ-ahˇ aˬ joˆ-ehˇ jahˇ nehˬ luꞈ-eu gaˇ kawˆ hawˇ-eu, Sahˬpaˬ Miˬyehˇ jawˇ-eu Sehˬ gʼawˆ gʼoˆ kʼehˬ-ahˇ gaˇ mˇ luꞈ-eu zaˬ miˬ zaˬ deuˬ nehˬ-ehˇ yuꞈ taꞈ gaˇ keuˆ ni aˬ yawꞈ maꞈ dehꞈ cawˆ taˬ-euˬ gaˇ kawˆ-ahˇ, Eˇliˆ maˬ tsehˆ leˇ ni ya gaˬ luꞈ-eu meh.