Doˆ-iˇ 38:24 - Akha

²⁴ Muiˬ-eu shawˇ-eu Sehˬ gʼawˆ gʼaˇ duˬ, Sahˬpaˬ Miˬyehˇ-ahˇ damˬ nehˬ-eu shuiˇ dawˬ tawˆ luꞈ, kaˇ daˬ-ahˇ tsaˬ ni saˆ haw ngeh, koꞈ yaˇ jawꞈ-i byah-eu meh.

Doˆ-iˇ 38:24 ပူးပေါင်းရင်းမြစ်များ

Doˆ-iˇ 25:2

“Ngaˬ-ahˇ tiˬ jeˬ paˬ ya damˬ nehˬ laꞈ meh lehˇ, Iˇsaˬleˬlaˆ tsawˇ haˬ deuˬ-ahˇ ehˇ nehˬ-awˬ. Tsawˇ haˬ aˬ geu gʼaˬ maˬ kaˬ, nui ma keuˆ-eu laꞈ kʼoeˇ, tiˬ jeˬ paˬ damˬ laˇ naˇ, ha geuꞈ nehˬ-awˬ.

Doˆ-iˇ 29:24

Dzaˬ dzaˬ dawˇ dawˇ heu deuˬ dawˬ tawˆ luꞈ, Aˬloˬ hawˇ-eu aˬ yawꞈ-euˬ aˬ li deuˬ bi yuˇ-awˇ, muiˬ dui dui-eu laꞈ sawˬ damˬ-eu loꞈ-ehˇ ngaˬ-ahˇ damˬ-awˬ lehˇ, aˬ yawꞈ maꞈ-ahˇ ehˇ nehˬ-awˬ.

Doˆ-iˇ 30:24

cawˬ kʼaˬ cawˬ piˇ yawˬ jeˬ yawˬ smˇ jawꞈ-i koꞈ kaˇ, heu deuˬ-ahˇ, kaˇ daˬ-ahˇ tsaˬ ni saˆ byah-awˇ, saˬ loˬ tsiˇ maˇ tsaꞈ oeˬ tsaꞈ lehˬ hmˬ taˬ-awˬ.

Doˆ-iˇ 35:22

Kʼaˬ dzeˇ zaˬ maˬ ehˇ, zaˬ miˬ zaˬ maˬ ehˇ, nui ma keuˆ-eu tsawˇ haˬ yawˬ gʼaˬ na luꞈ, aˇ boꞈ boꞈ taˬ-euˬ taꞈ cmˬ deuˬ, shuiˇ naˬ bawˇ naˬ yoˆ deuˬ, shuiˇ laꞈ behˬ deuˬ, lahˇ dah deuˬ hawˇ-eu, kʼaˇ jaˆ-eu shuiˇ myawˬ guˇ deuˬ yuˇ laꞈ-awˇ, Sahˬpaˬ Miˬyehˇ-ahˇ damˬ nehˬ-euˬ meh.

Uˬ duˬ 27:25

Aˇ poeˬ kʼaˇ daˇ tsehˆ-euˬ dawˬ tawˆ luꞈ, kaˇ daˬ-ahˇ ya bi tsaˬ meh.

Uˬ duˬ 27:3

Nyiˬ tseˇ kʼoꞈ-ahˇ neh koꞈ tseˇ kʼoꞈ yaw kaˬ-ahˇ jawˇ luꞈ-eu kʼaˬ dzeˇ zaˬ-euˬ aˇ poeˬ-aˬ, uˬ duˬ tahˬ nymˇ-ahˇ zmˬ-eu pyuˇ maˇ byaˆ ngaˬ tseˇ byaˆ meh.

Uˬ duˬ 5:15

Tsawˇ haˬ tiˬ gʼaˬ na, Sahˬpaˬ Miˬyehˇ-ahˇ biꞈ paˬ-ehˇ gʼeh-eu muiˬ-eu shawˇ-eu jeˬ maˬ biꞈ ni, maˬ noeˬ maˬ duˇ-ehˇ jawˇ-euˬ iˬ baˇ ahˇ naˇ, maˇ byawꞈ maˬ baw-eu yawˇ aˬ buˬ maˬ ngeuˇ naˇ, maˇ byawꞈ maˬ baw-eu ciꞈ myehꞈ ciꞈ buˬ tiˬ mawˇ tsahˇ laꞈ-awˇ, dziˇ dzoˆ tsoeˬ-eu lawˇ-eu jeˬ, Sahˬpaˬ Miˬyehˇ-ahˇ ya lawˇ nehˬ meh. Jeˬ zaˬ kʼoeˇ mawˇ-euˬ aˇ poeˬ, kʼaˇ poeˬ kʼaˇ lawˬ-eu loꞈ-ehˇ, ya pyehˆ tsehˆ meh.

Haˬgaiˇ 2:8

Miˇ tsaˬ kʼoeˇ taˆ kʼaˇ jaˆ-eu pyuˇ shuiˇ dawˬ tawˆ luꞈ ngaˬ-euˬ ma.

Bawˇtsahˬ 18:16

Zaˬ dehꞈ le-euˬ ba la tiˬ siˬ byah laˇ naˇ, aˇ poeˬ daˇ tsehˆ taˬ-euˬ jaˆ-eu loꞈ-ehˇ, kaˇ-ahˇ tsaˬ-eu pyuˇ maˇ byaˆ ngaˬ byaˆ biꞈ-awˇ ya zeuˇ kʼoꞈ geuꞈ meh.

Bawˇtsahˬ 3:47

Aˬ yawꞈ gʼaˬ yawꞈ gʼaˇ duˬ, kaˇ-ahˇ tsaˬ-eu pyuˇ maˇ byaˆ ngaˬ yaˇ byaˆ ya biꞈ meh.