Doˆ-iˇ 38:21 - Akha

²¹ Heu-aˬ, zahˇ dawˬ kʼoꞈ dawˬ tseˇ dawˬ boꞈ taˬ-euˬ kʼaˬ lo teˇ byaꞈ nyiˬ byaꞈ dawˆ ahˇ taˬ-euˬ Sahˬpaˬ Miˬyehˇ jawˇ-eu Sehˬ gʼawˆ tsoˆ gaˇ geuꞈ-euˬ myawˬ deuˬ-euˬ jaˇ laˇ meh. Heu deuˬ-ahˇ zmˬ-eu gʼaˇ duˬ, Moˇseˬ dawˬ biꞈ-awˇ, piˇ ma Aˬloˬ-euˬ aˬ li Iˇdaˬmaˬ neh mehˬ nehˬ-euˬ loꞈ-ehˇ, Leˬbiˇ tsawˇ haˬ deuˬ neh jaˇ laˇ heu hmˬ boꞈ doˆ-euˬ meh.

Doˆ-iˇ 38:21 ပူးပေါင်းရင်းမြစ်များ

1 Laˬsaˬbaˬ 6:3

Aˬmaˬlamˬ-aˬ, Aˬloˬ hawˇ-eu Moˇseˬ lehˇ myahˇ-euˬ aˬ li nyiˬ li hawˇ-eu, Miˇliˬyaˬ lehˇ myahˇ-euˬ aˬ buˇ tiˬ buˇ jawˇ-eu meh. Aˬloˬ-aˬ, Naˬdehˇ, Aˬbiˇhu, Eˇlaˬzaˬ, Iˇdaˬmaˬ lehˇ myahˇ-euˬ aˬ li oeˬ li jawˇ-eu meh.

2 Laˬsaˬbaˬ 24:6

Kʼoeˇ miˇ neh, aˬ yawꞈ maꞈ kʼoeˇ taˆ aˬ yuiꞈ geuꞈ luꞈ-eu Yeˬhawˇyaˬdaˬ-ahˇ aˬ yawꞈ kuˇ-awˇ ehˇ nehˬ-eu, “Sahˬpaˬ Miˬyehˇ jawˇ-eu Sehˬ gʼawˆ gʼaˇ duˬ Moˇseˬ neh Iˇsaˬleˬlaˆ aˇ maꞈ aˇ muˇ deuˬ-ahˇ bi taꞈ uiˬ-euˬ pyuˇ kʼoeˇ, Leˬbiˇ tsawˇ haˬ deuˬ Yeˬluˇsaˬlehˬ meuˬ hawˇ-eu Yuˇdaˆ miˇ kʼahˬ doe ni iˇ-awˇ taꞈ uiˬ ni, aˬ jeˬ miˇ neh nawˇ maˬ haw maˬ pyaˆ-ehˇ jawˇ te.”

Yawˇbaˆ 11:4

Nawˬ neh ngehˬ-euˬ tsaˬ ma lehˇ nawˇ ehˇ-eu meh. Miˬyehˇ mehˬ shi nawˇ yaw muiˬ yaw shawˇ ma lehˇ ehˇ-eu meh.

Yawˇbaˆ 22:23

Miˬyehˇ jawˇ gaˇ nui ma nahˬ yu ni gʼoꞈ leˇ-awˇ, nawˬ-euˬ nymˇ jiˇ laꞈ kʼoeˇ kʼaˇ mˇ-euˬ yaw haiˬ jeˬ byehˇ dzeh jiˇ-awˬ.

Yawˇbaˆ 26:1

Kʼoeˇ naˇ, Yawˇbaˆ paˇ ehˇ-eu,

Jaceuq 15:1

Sahˬpaˬ Miˬyehˇ-oˇ, nawˬ-euˬ Uˬduˬtahˬnymˇlaꞈkʼoeˇ, Aˬsuˇgʼaˬ uˇleˇ-eu za ta. Ziˇoˬgawˬjawˬyaw shawˇkʼoeˇ taˆ, aˬsuˇgʼaˬ uˬduˬya tahˬta.

Doˆ-iˇ 25:16

Naw maꞈ-ahˇ ngaˇ biꞈ-eu lehˇ gʼeh-eu zahˇ dawˬ kʼoꞈ dawˬ boꞈ ahˇ taˬ-euˬ kʼaˬ lo teˇ byaꞈ kʼoeˇ nyiˬ byaꞈ-ahˇ, bahˬ keuˆ kʼoeˇ siˬ laꞈ kʼoeˇ dawˆ-ahˇ taˬ-awˬ.

Doˆ-iˇ 26:33

Saˬ paˇ paˇ ma kʼoeˇ hmˬ-ahˇ, sehˬ gʼawˆ nymˇ mˬ-ahˇ yaw cehˆ yaw cehˆ-ehˇ jaˆ-eu kuˆ seuˬ-ahˇ bi ceuˬ-awˇ, kʼaˬ lo teˇ byaꞈ nyiˬ byaꞈ ahˇ-eu dawˬ ma saˇ jaˇ bahˬ keuˆ kʼoeˇ siˬ-ahˇ, lawˆ kaˬ taw taˬ-euˬ saˬ paˇ paˇ ma-euˬ naˇ kʼah paw ya bi jaˆ meh. Saˬ paˇ paˇ ma kʼoeˇ hmˬ-aˬ, muiˬ-eu shawˇ-eu jawˇ duˬ hawˇ-eu Muiˬ dui Shawˇ dui dui-eu jawˇ duˬ yaw kaˬ-ahˇ, aˇ kaˬ taw paˆ taˬ-euˬ meh.

Doˆ-iˇ 38:20

Sehˬ gʼawˆ tsoˆ gaˇ hawˇ-eu Sehˬ gʼawˆ yaˇ kmˇ mˇ lahˇ gaˇ zmˬ-eu taꞈ cmˬ dawˬ tawˆ luꞈ, guiˬ shuiˇ neh tehꞈ-ehˇ jahˇ taˬ-euˬ meh.

Doˆ-iˇ 38:22

Yuˇdaˆ tsawˇ haˬ Huˇyaˆ-euˬ oeˬ paˬ pyeuꞈ-awˇ, Uˇliˆ-euˬ aˬ li pyeuꞈ-eu Baˬzeˬlaˇ-aˬ, Sahˬpaˬ Miˬyehˇ neh dawˬ kʼaˇ biꞈ taˬ-euˬ yawˬ jeˬ na luꞈ mˇ-euˬ meh.

Doˆ-iˇ 40:3

Zahˇ dawˬ kʼoꞈ dawˬ tseˇ dawˬ dawˆ ahˇ taˬ-euˬ Dawˬ ma saˇ jaˇ Bahˬ keuˆ kʼoeˇ, kʼoeˇ gaˇ bi jaˆ-awˇ, saˬ paˇ lawˆ kaˬ taw-awˬ.

Doˆ-iˇ 6:23

Aˬloˬ-aˬ, Aˇmiˇnaˬdehˇ-euˬ aˬ buˇ pyeuꞈ-eu Naˬshoˬ-euˬ dmˇ ma Eˇliˇsheˬba-ahˇ sheuˬ-awˇ, Naˬdehˇ, Aˬbiˇhuˬ, Eˇlaˬzaˬ hawˇ-eu Iˇdaˬmaˬ jawˇ le-euˬ meh.

Bawˇtsahˬ 1:50

Ehˇ kʼawꞈ, Leˬbiˇ tsawˇ haˬ deuˬ-ahˇ ngaˇ jawˇ-eu Sehˬ gʼawˆ hawˇ-eu kʼoeˇ gaˇ jaˆ-eu keu ka deuˬ-ahˇ haw-eu pyaˆ-eu tsawˇ haˬ bi geuꞈ-awˬ. Sehˬ gʼawˆ hawˇ-eu kʼoeˇ-euˬ keu ka deuˬ-ahˇ aˬ yawꞈ maꞈ ya baꞈ ya pi meh. Sehˬ gʼawˆ kʼoeˇ laꞈ kʼoeˇ aˬ yawꞈ maꞈ gaˇ ya mˇ-awˇ, kʼoeˇ jawˬ jawˬ-ehˇ aˬ yawꞈ maꞈ ya jawˇ meh.

Bawˇtsahˬ 1:53

Ehˇ kʼawꞈ, ngaˇ nui ma pehˇ-eu jeˬ Iˇsaˬleˬlaˆ tsawˇ haˬ aˇ maꞈ aˇ muˇ kʼoeˇ taˆ maˬ ya bi keuˆ le-eu gʼaˇ duˬ, ngaˇ jawˇ-eu Sehˬ gʼawˆ dawˬ peh tsawˇ haˬ tiˬ gʼaˬ-iˬ maˬ ya laˇ ni, Leˬbiˇ tsawˇ haˬ deuˬ Sehˬ gʼawˆ jawˬ jawˬ-ehˇ yawˬ ha-euˬ sehˬ gʼawˆ gʼawˆ-awˇ jawˇ-eu laꞈ kʼoeˇ ya loꞈ piˇ meh.”

Bawˇtsahˬ 10:11

Iˇsaˬleˬlaˆ tsawˇ haˬ deuˬ Iˇjiˇtuˆ miˇ kʼahˬ laꞈ kʼoeˇ neh doˆ laˇ-awˇ, nyiˬ kʼoꞈ tiˬ kʼoꞈ ba la nyiˬ siˬ tiˬ siˬ nyiˬ tseˇ nah-ahˇ, Sahˬpaˬ Miˬyehˇ jawˇ-eu Sehˬ gʼawˆ kʼoeˇ taˆ jaˆ-eu mˬ dmˇ kʼoeˇ, kʼoeˇ taˆ paw daˆ leˇ-euˬ meh.

Bawˇtsahˬ 18:2

Nawˇ hawˇ-eu nawˬ li deuˬ Sehˬ gʼawˆ laꞈ kʼoeˇ gaˇ mˇ ngeh, nawˬ-euˬ gaˇ-ahˇ bi caw ba-eu gʼaˇ duˬ, nawˬ-euˬ aˬ yuiꞈ aˬ nyiˇ Leˬbiˇ tsawˇ haˬ deuˬ-ahˇ kuˇ-awˬ.

Bawˇtsahˬ 24:5

Iˇsaˬleˬlaˆ tsawˇ haˬ-euˬ sehˬ gʼawˆ deuˬ muiˬ dui dui-awˇ,

Bawˇtsahˬ 9:15

Sahˬpaˬ Miˬyehˇ jawˇ-eu Sehˬ gʼawˆ gʼoˆ tsoꞈ gʼaˬ ngeh nah, mˬ dmˇ zaꞈ le-awˇ, kʼoeˇ gaˇ dehˬ kaˬ le-euˬ meh. Uˬ ciꞈ ciꞈ le ngeh neh aˇ dahˬ beh -awˇ, uˬ bya bya laˇ ngeh yamˬ-ahˇ keuˆ ni, mˬ dmˇ kʼoeˇ miˬ dzaˬ-ahˇ duˇ-eu meh.

Maꞈtehˬ 17:4

Kʼoeˇ ngeh, Beˬtuˆluˆ Yeˬsuˇ-ahˇ ehˇ nehˬ-eu, “Saˬlaˬ-oˇ, aˬ dui maꞈ heu gaˇ jawˇ-eu aˇ naˆ ni muiˬ-eu nga. Nawˇ nui maˬ tsaˬ naˇ, ngaˇ sehˬ gʼawˆ smˬ gʼawˆ gʼawˆ ma. Nawˬ-euˬ gʼaˇ duˬ tiˬ gʼawˆ, Moˇseˬ gʼaˇ duˬ tiˬ gʼawˆ, Eˇliˇyaˆ gʼaˇ duˬ tiˬ gʼawˆ gʼawˆ ma.”

Gʼaˬkʼehˇ 7:44

“Aˬ dui-euˬ aˬ poeˬ aˬ bawˇ deuˬ, bawˇ tsahˬ bawˇ dahˇ-ahˇ Dawˬ ma saˇ jaˇ Sehˬ gʼawˆ jaˆ-euˬ meh. Miˬyehˇ neh Moˇseˬ-ahˇ ehˇ nehˬ-awˇ bi tsoˆ-euˬ loꞈ-ehˇ, Moˇseˬ neh ya mawˇ-euˬ hmˬ-ahˇ duˇ leˇ ni tsoˆ-euˬ meh.

2 Gawˇliˬtu 5:1

Aˬ jeˬ miˇ neh ehˇ naˇ, miˇ tsaˬ heu kʼoeˇ taˆ aˬ dui jawˇ luꞈ-eu yaˇ cmˇ pyeuꞈ-eu aˬ dui-euˬ gʼawˇ mawˇ heu cawˆ-iˇ ngeh, aˬ dui bi jawˇ-eu gʼaˇ duˬ Miˬyehˇ neh mˬ kʼoeˇ taˆ tsoˆ taˬ-euˬ mˬ maˬ maˬ byaˆ zaˇ ziˇ ziꞈ-eu nymˇ jaˆ ma lehˇ aˬ dui siˬ nya ma.

HeˬByehˇ 8:2

Aˬ yawꞈ-aˬ, tsawˇ haˬ zaˬ neh tsoˆ-euˬ sehˬ gʼawˆ maˬ ngeuˇ-eu, Sahˬpaˬ Miˬyehˇ neh tsoˆ-euˬ maˇ maˇ ni gʼeh-eu sehˬ gʼawˆ laꞈ kʼoeˇ, Muiˬ dui shawˇ dui dui-eu Jawˇduˬ-ahˇ gaˇ mˇ-eu Piˇma Yaw huiˬ gʼaˬ pyeuꞈ-eu meh.

HeˬByehˇ 9:11

Ehˇ kʼawꞈ, Ka li-aˬ, nymˬ-mˇ heu gaˇ keuˆ le taˬ-euˬ yaw muiˬ jeˬ heu deuˬ-ahˇ biꞈ nehˬ laꞈ-eu Piˇma Yaw huiˬ gʼaˬ loꞈ-ehˇ oe keuˆ taˬ-euˬ meh. Aˬ yawꞈ gaˇ mˇ luꞈ-eu sehˬ gʼawˆ-aˬ, muiˬ dzehˬ byah dzehˬ-eu meh. Sehˬ gʼawˆ kʼoeˇ-aˬ, tsawˇ haˬ zaˬ neh gʼawˆ-euˬ sehˬ gʼawˆ maˬ ngeuˇ-eu uˬ taꞈ, beh taˬ-euˬ miˇ tsaˬ tahˬ kʼawˇ heu-ahˇ taꞈ-eu sehꞈ gʼawˆ maˬ ngeuˇ-a.

2 Beˬtuˆluˆ 1:13

Gaˇ kawˆ heu deuˬ naw maꞈ maˬ bi ngehˇ-eu gʼaˇ duˬ, ngaˇ kʼaˇ dehꞈ kʼoeˇ keuˆ ni naw maꞈ-ahˇ laˆ noeˬ-eu tsaˬ meh lehˇ ngaˇ noeˬ-eu ma.

Panmaeq 11:19

Mˬ taˆ jaˆ-eu Miˬyehˇ-euˬ uˬ duˬ tahˬ nymˇ nymˇ ma pah taˬ-awˇ, Dawˬ ma saˇ jaˇ Bahˬ keuˆ mawˇ laˇ-eu meh. Kʼoeˇ ngeh, mˬ myawꞈ myawꞈ-awˇ, teˇ saˇ gʼawˬ mya jeˬ hawˇ-eu mˬ jeˬ jeˬ-eu teˇ saˇ gaˬ le-eu uˬ taꞈ, miˇ luˆ yaw kʼaˆ-ehˇ luˆ-awˇ, uˬ yehˇ aˇ siˬ ga dui dui-eu meh.

Panmaeq 15:5

Kʼoeˇ naˇ, mˬ kʼoeˇ taˆ jaˆ-eu uˬ duˬ tahˬ nymˇ nymˇ ma pah taˬ-awˇ, laꞈ kʼoeˇ paw Miˬyehˇ jawˇ-eu Sehˬ gʼawˆ jaˆ gaˇ ngaˇ ya mawˇ-euˬ ma.

Panmaeq 21:3

Kʼaˆ dui dui-eu teˇ saˇ tiˬ saˇ dzoeˬ dzaˬ nuiˇ mahˬ-ahˇ neh heu loꞈ-ehˇ ehˇ doˆ leꞈ gaˇ ngaˇ ya gaˬ-euˬ ma. “Nymˬ-mˇ, Miˬyehˇ-euˬ nymˇ tsawˇ haˬ zaˬ jawˇ gaˇ jaˆ le-euˬ meh. Aˬ yawꞈ maꞈ nehˬ-ehˇ aˬ yawꞈ jawˇ-awˇ, aˬ yawꞈ maꞈ aˬ yawꞈ-euˬ tsawˇ haˬ pyeuꞈ laˇ tehꞈ-a. Aˬ yawꞈ-euˬ mawˇ do aˬ yawꞈ maꞈ nehˬ-ehˇ jawˇ tehꞈ-a.