Doˆ-iˇ 38:1 - Akha

¹ Miˬ dzaˬ dzah puiˆ-awˇ lawˇ-eu jeˬ lawˇ-eu gʼaˇ duˬ, aˬ kaˬ shaˇ daˇ kawˬ neh lawˇ duˬ tiˬ hmˬ aˬ yawꞈ jahˇ-euˬ meh. Lawˇ duˬ kʼoeˇ hmˬ ngaˬ caˆ oeˬ bawˬ byah-awˇ, smˬ caˆ goˇ-eu meh.

Doˆ-iˇ 38:1 ပူးပေါင်းရင်းမြစ်များ

2 Laˬsaˬbaˬ 1:5

Huˇyaˆ-euˬ aˬ li Uˇliˆ-euˬ aˬ li Baˬzeˬlaˇ neh guiˬ shuiˇ yuˇ-awˇ tehˆ-euˬ lawˇ duˬ kʼoeˇ hmˬ kʼawꞈ, Giˇbyoˬ meuˬ-ahˇ, Sahˬpaˬ Miˬyehˇ jawˇ-eu Sehˬ gʼawˆ mehˬ shi jaˆ luꞈ-eu meh. Sahˬ paˬ Sawˇlaˬmoˬ hawˇ-eu Iˇsaˬleˬlaˆ tsawˇ haˬ dawˬ tawˆ luꞈ, Sahˬpaˬ Miˬyehˇ-ahˇ kʼoeˇ gaˇ uˬ duˬ tahˬ-euˬ meh.

2 Laˬsaˬbaˬ 4:1

Sahˬ paˬ Sawˇlaˬmoˬ-aˬ, ngaˬ lmˇ oeˬ bawˬ byah-awˇ, nyiˬ lmˇ nui paˆ goˇ-eu lawˇ duˬ tiˬ hmˬ guiˬ shuiˇ neh jahˇ-euˬ meh.

Doˆ-iˇ 25:5

naˬ yawˬ neˇ taˬ-euˬ yawˇ aˬ buˬ-euˬ baˆ kʼoˆ, aˬkaˬshaˇ daˇ kawˬ,

Doˆ-iˇ 30:17

Moˇseˬ-ahˇ Sahˬpaˬ Miˬyehˇ heu loꞈ-ehˇ ehˇ nehˬ-euˬ meh.

Doˆ-iˇ 31:9

miˬ dzaˬ dzah puiˆ-awˇ lawˇ-eu jeˬ lawˇ-eu lawˇ duˬ maˬ ehˇ, kʼoeˇ gaˇ taꞈ leˇ-eu keu ka deuˬ maˬ ehˇ, aˬ kuiˇ aˬ laꞈ dzuiꞈ shawˇ-eu sehˇ byehˇ hawˇ-eu kʼoeˇ-euˬ aˬ kuiˇ maˬ ehˇ,

Doˆ-iˇ 38:2

Lawˇ duˬ-euˬ uˬ duˬ laꞈ coeˇ oeˬ pyawˬ-ahˇ, lawˇ duˬ-ahˇ tiˬ poˆ tehꞈ-ehˇ tsoꞈ tawꞈ-eu uˬ coeˇ oeˬ hmˬ jahˇ tsoꞈ-awˇ, guiˬ shuiˇ yaw-euˬ meh.

Doˆ-iˇ 40:29

Kʼoeˇ naˇ, miˬ dzaˬ dzah puiˆ-awˇ lawˇ-eu jeˬ lawˇ-eu lawˇ duˬ kʼoeˇ, sehˬ gʼawˆ gʼoˆ kʼehˬ-ahˇ taw taˬ-euˬ saˬ paˇ-euˬ mehˬ shi bi jaˆ-euˬ meh. Sahˬpaˬ Miˬyehˇ neh dawˬ biꞈ taˬ-euˬ loꞈ-ehˇ, miˬ dzaˬ dzah puiˆ-awˇ lawˇ-eu jeˬ hawˇ-eu, dzaˬ la gʼo cehˇ lawˇ-eu jeˬ, lawˇ duˬ kʼoeˇ hmˬ kʼoeˇ taˆ lawˇ-euˬ meh.

Doˆ-iˇ 40:6

Miˬ dzaˬ dzah puiˆ-awˇ lawˇ-eu jeˬ lawˇ-eu lawˇ duˬ kʼoeˇ hmˬ, sehˬ gʼawˆ mehˬ shi baꞈ taˬ-awˬ.

Yoˇhaˬ 6:37

Ngaˬ Da neh ngaˬ-ahˇ kʼaˇ biꞈ laꞈ-euˬ tsawˇ haˬ yawˬ gʼaˬ yawˬ na luꞈ ngaˇ jawˇ gaˇ laˇ tehꞈ-a. Ngaˇ jawˇ gaˇ laˇ-eu tsawˇ haˬ aˬ geu gʼaˬ-ahˇ maˬ kaˬ, ngaˇ maˬ ha geuꞈ nehˬ ni maˬ byehˇ.

Lormav 12:1

Kʼoeˇ miˇ neh aˬ yuiꞈ aˬ nyiˇ Ka li zaˬ deuˬ-oˇ, Miˬyehˇ-euˬ huiˬ dui myaˬ dui dui-eu gʼawˬ shaˬ gaˬ-eu jeˬ baˬ da neh naw maꞈ-ahˇ ngaˇ heu loꞈ-ehˇ shaˇ-eu ma. Dehꞈ luꞈ-eu lawˇ-eu jeˬ loꞈ-ehˇ, naw maꞈ-euˬ gʼawˇ mawˇ Miˬyehˇ-ahˇ damˬ nehˬ-awˬ. Aˬ yawꞈ-euˬ gaˇ mˇ-eu gʼaˇ duˬ a nehˬ-awˇ, aˬ yawꞈ nui ma tsaˬ ni dehꞈ-awˬ. Heu-aˬ, naw maꞈ mˇ paˬ-ehˇ gʼeh-eu maˇ maˇ ni gʼeh-eu uˬ duˬ tahˬ-eu jeˬ pyeuꞈ-eu meh.

HeˬByehˇ 13:10

Yuˇdaˆ tsawˇ haˬ uˬ duˬ tahˬ-eu jawˇ duˬ-ahˇ gaˇ mˇ-eu piˇ ma deuˬ-aˬ, aˬ dui-euˬ lawˇ duˬ kʼoeˇ taˆ lawˇ-euˬ lawˇ dzaˇ maˬ dzaˬ kʼmˬ-a.

HeˬByehˇ 13:8

Yeˬsuˇ Ka liˬ-aˬ, miˇ nah, iˬ nah hawˇ-eu, mˬ maˬ maˬ byaˆ zaˇ ziˇ tiˬ kawˆ meh.

HeˬByehˇ 3:1

Aˬ cawˬ loꞈ-ehˇ Miˬyehˇ neh kuˆ-euˬ tsawˇ haˬ pyeuꞈ-eu ngaˬ-euˬ aˬ yuiꞈ aˬ nyiˇ deuˬ-oˇ, aˬ dui jah-eu jeˬ-euˬ Piˆma Yaw huiˬ gʼaˬ bi geuꞈ-eu gʼaˇ duˬ, Miˬyehˇ neh kʼehˇ gʼeh leꞈ-euˬ gʼaˬ pyeuꞈ-eu Yeˬsuˇ-euˬ gaˇ kawˆ shaˇ noeˬ haw sheˇ.

HeˬByehˇ 9:14

Kʼoeˇ loꞈ-ehˇ jahˇ-eu baˬ da neh shawˇ laˇ nya naˇ, Ka li-euˬ shiˬ baˬ da neh aˇ naˆ ni paˇ shawˇ dzehˬ laˇ nmˇ. Mˬ maˬ maˬ byaˆ zaˇ ziˇ dehꞈ-eu Yaw sahˇ Miˬyehˇ-ahˇ gʼoe-eu laꞈ kʼoeˇ, byah dui dui-eu lawˇ-eu jeˬ loꞈ-ehˇ aˬ yawꞈ-euˬ gʼawˇ mawˇ Miˬyehˇ-ahˇ damˬ nehˬ-euˬ meh. Dehꞈ luꞈ-eu Miˬyehˇ-euˬ nui kʼahˇ aˬ dui mˇ nya ni, gaˇ dahˇ maˬ tsoeˬ-eu zahˇ sahˇ kʼoꞈ kʼoeˇ deuˬ neh maˬ shawˇ nehˬ laꞈ nya-euˬ aˬ dui-euˬ nui ma-ahˇ aˬ yawꞈ shawˇ nehˬ laꞈ tehꞈ-a.

1 Beˬtuˆluˆ 2:5

Naw maꞈ kʼawꞈ, dehꞈ luꞈ-eu kʼaˬ lo loꞈ-ehˇ laˇ-awˇ, saꞈ laˇ uˬ duˬ tahˬ nymˇ tsoˆ gaˇ bi zmˬ-awˬ. Uˬ duˬ tahˬ nymˇ kʼoeˇ-euˬ laꞈ kʼoeˇ naw maꞈ muiˬ-eu shawˇ-eu piˇ ma ya geuꞈ-awˇ, Yeˬsuˇ ka li-ahˇ gʼoe-eu laꞈ kʼoeˇ Miˬyehˇ ha geuꞈ nehˬ laꞈ nya-eu saꞈ laˇ paw taꞈ leˇ-eu lawˇ-eu jeˬ ya lawˇ tehꞈ-a.

Panmaeq 21:16

Meuˬ kʼoeˇ-aˬ, oeˬ coeˇ oeˬ bawˬ pyeuꞈ-awˇ, yaw jeˇ paw hawˇ-eu yaw mahˇ paw tiˬ kawˆ meh. Mˬ taˆ gʼaˬ kʼehˇ kʼoeˇ gʼaˬ aˬ yawꞈ-euˬ daˇ dza neh meuˬ kʼoeˇ meuˬ-ahˇ dza haw-euˬ meh. Yaw mahˇ paw tiˬ heˇ ngaˬ yaˇ laˇ byah-awˇ, yaw jeˇ paw hawˇ-eu yaw goˇ paw kʼawꞈ, kʼoeˇ naˆ ni byah-eu meh.