Doˆ-iˇ 37:25 - Akha

²⁵ Tiˬ caˆ oeˬ bawˬ byah-awˇ, nyiˬ caˆ goˇ-eu yaw saw jeˬ doꞈ-awˇ damˬ-eu lawˇ duˬ tiˬ hmˬ aˬkaˬshaˇ daˇ kawˬ neh aˬ yawꞈ jahˇ-euˬ meh. Laꞈ coeˇ oeˬ coeˇ-ahˇ tsoꞈ-eu uˬ coeˇ oeˬ kahˬ kʼawꞈ, tiˬ poˆ tehꞈ-ehˇ lawˇ duˬ aˬ yawꞈ-ahˇ jahˇ tsoꞈ-euˬ meh.

Doˆ-iˇ 37:25 ပူးပေါင်းရင်းမြစ်များ

2 Laˬsaˬbaˬ 26:16

Sahˬ paˬ Awˇziˇ baoˬ huiˬ laˇ ngeh jawˇ, aˬ yawꞈ nui ma huiˬ laˇ-euˬ miˇ neh, luˬ-iˇ seˇ-iˇ-eu jeˬ aˬ yawꞈ kʼoeˇ taˆ keuˆ le-euˬ meh. Uˬ duˬ tahˬ nymˇ nymˇ ma laꞈ kʼoeˇ aˬ yawꞈ uˇ leˇ-awˇ, yaw saw jeˬ lawˇ-eu lawˇ duˬ kʼoeˇ taˆ aˬ yawꞈ-euˬ gʼawˇ mawˇ yaw saw jeˬ doꞈ-awˇ lawˇ-eu laꞈ kʼoeˇ, aˬ yawꞈ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ aˬ yawꞈ mˇ bahˬ-euˬ meh.

Doˆ-iˇ 31:8

hawˬ jeh hawˇ-eu kʼmˬ maˬ oeˬ tsaꞈ deuˬ maˬ ehˇ, maˇ jawˆ ni gʼeh-eu shuiˇ neh jahˇ taˬ-euˬ tsiˇ kʼmˬ doꞈ taˬ duˬ hawˇ-eu kʼoeˇ gaˇ taꞈ leˇ-eu keu ka deuˬ maˬ ehˇ, yaw saw jeˬ doꞈ-awˇ damˬ-eu lawˇ duˬ maˬ ehˇ,

Doˆ-iˇ 35:15

yaw saw jeˬ doꞈ damˬ-eu lawˇ duˬ hawˇ-eu kʼoeˇ-euˬ baꞈ kawˬ maˬ ehˇ, tseˇ doˆ-euˬ deuˬ-ahˇ lehꞈ-eu tsiˇ hawˇ-eu doꞈ-awˇ damˬ-eu yaw saw jeˬ maˬ ehˇ, sehˬ gʼawˆ laˇ gʼoˆ-ahˇ taw-eu saˬ paˇ maˬ ehˇ,

Doˆ-iˇ 37:24

Tsiˇ kʼmˬ doꞈ taˬ duˬ hawˇ-eu, kʼoeˇ-euˬ keu ka jahˇ-eu gʼaˇ duˬ, maˇ jawˆ ni gʼeh-eu shuiˇ nyiˬ tseˇ tiꞈ jawꞈ-iˬ aˬ yawꞈ zmˬ-euˬ meh.

Doˆ-iˇ 37:26

Lawˇ duˬ-euˬ uˬ duˬ pyawˬ naˬ oeˬ pyawˬ luꞈ hawˇ-eu, uˬ coeˇ deuˬ-ahˇ, maˇ jawˆ ni gʼeh-eu shuiˇ yaw-awˇ, lawˇ duˬ jawˬ jawˬ-ehˇ shuiˇ daˇ bahˇ bahˇ-euˬ meh.

Doˆ-iˇ 40:5

Shuiˇ neh jahˇ taˬ-euˬ yaw saw jeˬ doꞈ damˬ-eu lawˇ duˬ kʼoeˇ, dawˬ ma saˇ jaˇ bahˬ keuˆ mehˬ shi baꞈ taˬ-awˇ, sehˬ gʼawˆ gʼoˆ kʼehˬ-ahˇ saˬ paˇ taw-awˬ.

Maꞈtehˬ 23:19

Naw maꞈ aˇ naˆ naˆ-ehˇ myaˆ behꞈ behꞈ te. Aˬ geu jeˬ huiˬ dzehˬ ta. Lawˇ-euˬ jeˬ huiˬ dzehˬ ta loˇ. Lawˇ-euˬ jeˬ-ahˇ Miˬyehˇ gʼaˇ duˬ bi muiˬ bi shawˇ laˇ-eu lawˇ duˬ kʼoeˇ hmˬ huiˬ dzehˬ ta loˇ.

HeˬByehˇ 13:10

Yuˇdaˆ tsawˇ haˬ uˬ duˬ tahˬ-eu jawˇ duˬ-ahˇ gaˇ mˇ-eu piˇ ma deuˬ-aˬ, aˬ dui-euˬ lawˇ duˬ kʼoeˇ taˆ lawˇ-euˬ lawˇ dzaˇ maˬ dzaˬ kʼmˬ-a.

HeˬByehˇ 7:25

Kʼoeˇ miˇ neh, nymˬ-mˇ maˬ ehˇ, aˬ kaˇ mehˬ hu paw aˬ geu yamˬ-ahˇ maˬ ehˇ, aˬ yawꞈ-ahˇ gʼoe-awˇ Miˬyehˇ jawˇ gaˇ kʼaˇ laˇ-eu tsawˇ haˬ-ahˇ aˬ yawꞈ ka kʼoꞈ nehˬ nya-eu meh. Aˬ jeˬ miˇ neh ehˇ naˇ, tsawˇ haˬ zaˬ-euˬ dah zaˇ Miˬyehˇ-ahˇ tahˬ shaˇ -eu gʼaˇ duˬ aˬ yawꞈ mˬ maˬ maˬ byaˆ zaˇ ziˇ dehꞈ-eu meh.

HeˬByehˇ 9:4

Kʼoeˇ-euˬ laꞈ kʼoeˇ, shuiˇ neh jahˇ taˬ-euˬ tsiˇ yaw saw jeˬ doꞈ damˬ-eu lawˇ duˬ maˬ ehˇ, maˬ naˆ kaˬ muˇ ahˇ-eu shuiˇ ciˬ cuˇ ciˬ ahˇ taˬ-euˬ shuiˇ yaw taˬ-euˬ Dawˬ ma saˇ jaˇ Bahˬ keuˆ maˬ ehˇ, baw nmˬ tsoꞈ-eu Aˬloˬ-euˬ gawˬ yoeˬ maˬ ehˇ, zahˇ dawˬ kʼoꞈ dawˬ tseˇ dawˬ boꞈ taˬ-euˬ kʼaˬ lo teˇ byaꞈ nyiˬ byaꞈ maˬ ehˇ, bi jaˆ-euˬ meh.

1 Beˬtuˆluˆ 2:5

Naw maꞈ kʼawꞈ, dehꞈ luꞈ-eu kʼaˬ lo loꞈ-ehˇ laˇ-awˇ, saꞈ laˇ uˬ duˬ tahˬ nymˇ tsoˆ gaˇ bi zmˬ-awˬ. Uˬ duˬ tahˬ nymˇ kʼoeˇ-euˬ laꞈ kʼoeˇ naw maꞈ muiˬ-eu shawˇ-eu piˇ ma ya geuꞈ-awˇ, Yeˬsuˇ ka li-ahˇ gʼoe-eu laꞈ kʼoeˇ Miˬyehˇ ha geuꞈ nehˬ laꞈ nya-eu saꞈ laˇ paw taꞈ leˇ-eu lawˇ-eu jeˬ ya lawˇ tehꞈ-a.