Doˆ-iˇ 37:17 - Akha

¹⁷ Maˇ jawˆ ni gʼeh-eu shuiˇ yuˇ-awˇ, tsiˇ kʼmˬ doꞈ taˬ duˬ aˬ yawꞈ jahˇ-euˬ meh. Dawˬ pehˬ hawˇ-eu gʼawˇ pah kʼawˇ zeuˇ-ahˇ shuiˇ neh tehˆ-awˇ, aˇ cuˬ aˇ yehˆ aˇ baˇ deuˬ kʼawꞈ, tiˬ poˆ tehꞈ-ehˇ kʼoeˇ gaˇ jahˇ tsoꞈ-euˬ meh.

Doˆ-iˇ 37:17 ပူးပေါင်းရင်းမြစ်များ

1 Laˬsaˬbaˬ 28:15

Tsiˇ kʼmˬ hawˇ-eu tsiˇ kʼmˬ doꞈ taˬ duˬ aˬ yawꞈ hmˬ yawꞈ jahˇ gaˇ maˬ ehˇ,

2 Laˬsaˬbaˬ 13:11

Yaw saw jeˬ doꞈ damˬ-eu hawˇ-eu, jeˬ zaˬ yuˇ-awˇ mawˇ lah-ehˇ miˬ dzaˬ-ahˇ dzah puiˆ-awˇ law-eu jeˬ, yawˬ shawˬ yawˬ miˇ na luꞈ aˬ yawꞈ maꞈ mˇ luꞈ meh. Zahˇ sahˇ kʼoꞈ-ahˇ taꞈ leˇ-awˇ shawˇ jehˆ ni gʼeh-eu hawˬ jeh kʼoeˇ taˆ, kaˬ muˇ lawˇ-eu jeˬ aˬ yawꞈ maꞈ lawˇ-awˇ, yawˬ miˇ na luꞈ, shuiˇ neh jahˇ taˬ-euˬ tsiˇ kʼmˬ doꞈ taˬ duˬ kʼoeˇ taˆ, aˬ yawꞈ maꞈ tsiˇ kʼmˬ doꞈ daˆ taˬ-euˬ meh. Sahˬpaˬ Miˬyehˇ neh dawˬ kʼaˇ biꞈ taˬ-euˬ loꞈ-ehˇ nga maꞈ mˇ luꞈ ma. Ehˇ kʼawꞈ, naw maꞈ aˬ yawꞈ-ahˇ byehˇ dzeh-euˬ meh.

Doˆ-iˇ 31:8

hawˬ jeh hawˇ-eu kʼmˬ maˬ oeˬ tsaꞈ deuˬ maˬ ehˇ, maˇ jawˆ ni gʼeh-eu shuiˇ neh jahˇ taˬ-euˬ tsiˇ kʼmˬ doꞈ taˬ duˬ hawˇ-eu kʼoeˇ gaˇ taꞈ leˇ-eu keu ka deuˬ maˬ ehˇ, yaw saw jeˬ doꞈ-awˇ damˬ-eu lawˇ duˬ maˬ ehˇ,

Doˆ-iˇ 37:16

Aˬ gaꞈ dzaˇ uiˇ lawˇ ngeh zmˬ-eu gʼaˇ duˬ, hawˬ gʼawˆ, kʼmˬ maˬ, ciˬ cuˇ hawˇ-eu naˬ bo deuˬ-ahˇ, maˇ jawˆ ni gʼeh-eu shuiˇ neh tehꞈ-ehˇ jahˇ-euˬ meh.

Doˆ-iˇ 37:18

Uˬ laꞈ koꞈ laꞈ jahˇ tsoꞈ-awˇ, tiˬ paw paˆ smˇ laꞈ bi tsoꞈ-euˬ meh.

Uˬ duˬ 24:4

Maˇ jawˆ ni gʼeh-eu shuiˇ neh jahˇ taˬ-euˬ tsiˇ kʼmˬ doꞈ taˬ duˬ kʼoeˇ taˆ jaˆ-eu tsiˇ kʼmˬ deuˬ-ahˇ, Aˬloˬ ya laˆ saˆ-awˇ, Sahˬpaˬ Miˬyehˇ-euˬ mehˬ shi tsiˇ kʼmˬ kʼoeˇ deuˬ aˬ myah luꞈ maˬ miˆ tsehˆ-iˇ ni doꞈ luꞈ nga loˇ lehˇ aˬ yawꞈ ya haw meh.

Zaˬkaˬliˇ 4:11

Kʼoeˇ naˇ, aˬ yawꞈ-ahˇ ngaˇ heu loꞈ-ehˇ naˇ haˬ-euˬ ma. “Tsiˇ kʼmˬ doꞈ taˬ duˬ-euˬ gaˇ dzeˇ, kʼoeˇ paˆ heu paˆ-ehˇ jaˆ-eu saˬ loˬ aˬ bawˇ kʼoeˇ nyiˬ bawˇ aˬ jeˬ-ahˇ ehˇ mawꞈ ta.

Zaˬkaˬliˇ 4:2

“Nawˇ aˬ jeˬ mawˇ teˬ” lehˇ aˬ yawꞈ ngaˬ-ahˇ naˇ haˬ laˇ ngeh, ngaˇ heu loꞈ-ehˇ ehˇ kʼoꞈ nehˬ-euˬ ma. “Shuiˇ neh jahˇ taˬ-euˬ tsiˇ kʼmˬ doꞈ taˬ duˬ mawˇ-euˬ ma. Tsiˇ kʼmˬ doꞈ taˬ duˬ kʼoeˇ hmˬ-euˬ uˬ du, tsiˇ shehˆ ahˇ duˬ naˬ bo jaˆ-awˇ, tsiˇ kʼmˬ shiꞈ kʼmˬ dahˇ-eu meh. Tsiˇ kʼmˬ aˬ yawꞈ kʼmˬ yawꞈ, tsiˇ diꞈ shiꞈ hmˬ tsoꞈ kʼaˇ za-eu meh.

Bawˇtsahˬ 8:4

Moˇseˬ-ahˇ Sahˬpaˬ Miˬyehˇ yaw duˬ duˬ-ehˇ mehˬ nehˬ-euˬ loꞈ-ehˇ, tsiˇ kʼmˬ doꞈ taˬ duˬ kʼoeˇ hmˬ-ahˇ, uˬ duˬ-ahˇ neh dawˬ pehˬ-ahˇ keuˆ ni shuiˇ neh tehˆ taˬ-euˬ meh.

Maꞈtehˬ 5:15

Tsawˇ haˬ tiˬ gʼaˬ-iˬ, tsiˇ kʼmˬ doꞈ-awˇ kʼaˆ puˬ neh maˬ moꞈ tsahˬ taˬ-a. Ehˇ kʼawꞈ, tsiˇ kʼmˬ doꞈ taˬ duˬ kʼoeˇ taˆ ciˬ daˆ-awˇ, pehˬ zaˬ ma zaˬ mawˇ nya ni yaw shehꞈ bi bya-eu meh.

Piˇliˇpiˆ 2:15

Kʼoeˇ loꞈ-ehˇ mˇ naˇ, iˬ baˇ mˇ-awˇ bahˬ-eu muˆ-eu tsawˇ haˬ deuˬ jawˇ-eu miˇ tsaˬ heu kʼoeˇ taˆ, naw maꞈ-aˬ, iˬ baˇ taˬ kʼaˇ maˬ za ni muiˬ dui dui-eu Miˬyehˇ-euˬ zaˬ deuˬ pyeuꞈ laˇ tehꞈ-a. Mˬ kʼoeˇ taˆ tsehˬ-eu aˬ guiˇ loꞈ-ehˇ aˬ yawꞈ maꞈ-ahˇ yaw shehꞈ bya nehˬ-awˬ.

HeˬByehˇ 9:2

Muiˬ-eu shawˇ-eu Jawˇ duˬ lehˇ kuˇ-eu Sehˬgʼawˆ laꞈ nyiˇ lawˆ, gʼawˆ taˬ-euˬ meh. Kʼoeˇ-euˬ laꞈ kʼoeˇ, tsiˇ kʼmˬ doꞈ daˆ duˬ hawˇ-eu Miˬyehˇ-ahˇ lawˇ nehˬ-euˬ ka muˇ ciˬ daˆ-eu hawˬ jeh tiˬ jeh jaˆ-eu meh.

Panmaeq 1:12

Ngaˬ-ahˇ dawˬ ngehˬ cawˬ-eu gʼaˬ-ahˇ haw-eu lehˇ ngaˇ zeuˆ pyawˇ ngeh, shuiˇ neh jahˇ taˬ-euˬ tsiˇ kʼmˬ doꞈ taˬ duˬ shiꞈ hmˬ jaˆ gaˇ ya mawˇ-euˬ ma.