Doˆ-iˇ 36:8 - Akha

⁸ Gaˇ mˇ-eu tsawˇ haˬ deuˬ laꞈ kʼoeˇ, aˬ cawˬ naˆ maˬ tseˇ laꞈ myawˬ laꞈ sawˆ nya dzehˬ-eu deuˬ, Sahˬpaˬ Miˬyehˇ jawˇ-eu sehˬ gʼawˆ tsoˆ-euˬ meh. Nyoeˇ leuˬ leuˬ-eu, neˇ naˆ naˆ-eu hawˇ-eu, neˇ tseuˆ ni gʼeh-eu saˬ kahˇ deuˬ neh zaꞈ taˬ-awˇ, Jeˬluˇbeˬ aˇ baˇ aˇ boꞈ boꞈ taˬ-euˬ saˬ paˇ tseˇ dzeh yuˇ-awˇ tsoˆ-euˬ meh.

Doˆ-iˇ 36:8 ပူးပေါင်းရင်းမြစ်များ

1 Sahˬpaˬ 6:23

Nyiˬ lmˇ nui paˆ goˇ-eu jeˬ luˇ beˬ mawˇ kawˇ nyiˬ kawˇ-ahˇ, saˬ loˬ daˇ kawˬ neh pyaꞈ-awˇ, Muiˬ dui shawˇ dui dui-eu jawˇ duˬ-ahˇ bi jaˆ-euˬ meh.

1 Laˬsaˬbaˬ 15:1

Daˬbiˇ-aˬ, aˬ yawꞈ jawˇ-eu gʼaˇ duˬ Daˬbiˇ-euˬ meuˬ lehˇ kuˇ-eu jawˇ duˬ-ahˇ, nymˇ gʼawˬ mya nymˇ tsoˆ-euˬ meh. Miˬyehˇ-euˬ Dawˬ ma saˇ jaˇ Bahˬ keuˆ bi jaˆ-eu gʼaˇ duˬ kʼawꞈ, jawˇ duˬ tiˬ tsahˇ aˬ yawꞈ laˆ saˆ-awˇ, sehˬ gʼawˆ tiˬ gʼawˆ gʼawˆ-euˬ meh.

2 Laˬsaˬbaˬ 3:10

Jeˬluˇbeˬ mawˇ kawˇ bi tehˆ-awˇ, shuiˇ yaw-awˇ, muiˬ dui shawˇ dui dui-eu lawˆ-ahˇ bi jaˆ-euˬ meh.

Doˆ-iˇ 25:18

Shuiˇ yuˇ-awˇ, Jeˬluˇbeˬ mawˇ kawˇ nyiˬ hmˬ jahˇ-awˬ.

Doˆ-iˇ 25:22

Nawˬ-ahˇ ngaˇ kʼoeˇ gaˇ tahˬ puˬ-awˇ, Iˇsaˬleˬlaˆ tsawˇ haˬ gʼaˇ duˬ zahˇ dawˬ kʼoꞈ dawˬ dawˬ tawˆ luꞈ, bahˬ keuˆ kʼawˬ pymˬ kʼoeˇ taˆ, Jeˬluˇbeˬ mawˇ kawˇ nyiˬ hmˬ yaw kaˬ-ahˇ, nawˬ-ahˇ ngaˇ biꞈ ma.

Doˆ-iˇ 31:6

Aˬ yawꞈ nehˬ-ehˇ gaˇ mˇ-eu gʼaˇ duˬ, Daˬ tsawˇ haˬ Aˬhiˇsaˬmaˇ-euˬ aˬli Awˬhawˇleˬbaˇ-ahˇ ngaˇ tseˇ doˆ taˬ-euˬ ma. Laꞈ myawˬ laꞈ muˆ kʼaˇ nya-eu tsawˇ haˬ dawˬ tawˆ luꞈ-ahˇ kʼawꞈ, ngaˇ kʼaˇ bi mˇ-euˬ jeˬ mˇ nya ni, muiˬ-eu tsawˇ gahˇ biꞈ taˬ-euˬ ma.

Doˆ-iˇ 31:7

Ngaˇ jawˇ-eu Sehˬ gʼawˆ maˬ ehˇ, Dawˬ ma saˇ jaˇ Bahˬ keuˆ hawˇ-eu kʼoeˇ-euˬ kʼmˬ pymˬ maˬ ehˇ, Sehˬ gʼawˆ laꞈ kʼoeˇ jaˆ-eu keu ka deuˬ maˬ ehˇ,

Doˆ-iˇ 35:10

“Naw maꞈ laꞈ kʼoeˇ, laꞈ myawˬ laꞈ muˆ kʼaˇ nya-eu deuˬ dawˬ tawˆ luꞈ laˇ-awˇ, Sahˬpaˬ Miˬyehˇ neh dawˬ biꞈ taˬ-euˬ loꞈ-ehˇ mˇ laˇ-awˬ.

Doˆ-iˇ 36:9

Saˬ paˇ kʼoeˇ tseˇ dzeh luꞈ tiˬ kawˆ hui ni ahˇ-awˇ, yaw mahˇ paw nyiˬ tseˇ nyiꞈ caˆ, yaw jeˇ paw oeˬ caˆ byah-eu meh.

Doˆ-iˇ 39:3

Shawˇ jehˆ ni gʼeh-eu saˬ paˇ, nyoeˇ leuˬ leuˬ-eu, neˇ naˆ naˆ-eu hawˇ-eu, neˇ tseuˆ ni gʼeh-eu saˬ paˇ deuˬ kʼoeˇ taˆ aˇ boꞈ boꞈ-eu gʼaˇ duˬ, baˬ lehˇ ni gʼeh-eu shuiˇ shuiˇ yaˆ tehˆ-awˇ, shuiˇ shuiˇ caˆ tehˬ doˆ-euˬ meh.